ඒකාබද්දයේ ඉතිරි ශ‍්‍රීලනිප ආසන සංවිධායකවරු පස් දෙනාත් වහාම ඉවත් කෙරේ..

May 2, 2017 at 11:20 am | lanka C news
ඒකාබද්දයේ ඉතිරි ශ‍්‍රීලනිප ආසන සංවිධායකවරු පස් දෙනාත් වහාම ඉවත් කෙරේ..

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් මහනුවර ගැටබේ ක්‍රිඩා පිට්ටනියේදි පැවති ශ්‍රිලනිප මැයි දින රැලියට සහභාගි නොවී මහින්ද රාජපක්ෂ හිටපු ජනාධිපතිවරයාගේ ප්‍රධානත්වයෙන් ගෝල්ෆේස් පිටියේ පැවති මැයි දින රැලියට සහභාගි වු පොදු විපක්ෂයේ පාර්ලිමේන්තුව මන්ත්‍රීවරුන් ආසන සංවිධායක ධූරවලින් වහාම ඉවත් කිරීමට නියමිත බවට මාධ්‍ය වාර්තා පලවෙයි.

පොදු විපක්ෂයේ මන්ත්‍රීවරුන් අතරින් මන්ත්‍රීවරුන් 5 දෙනෙකු තවමත් ශ්‍රීලංකා නිදහස් පක්ෂයේ ආසන සංවිධායකවරුන් ලෙස සිටින බැවින් එම මන්ත්‍රීවරුන් 5 දෙනා වහාම ආසන සංවිධායක ධූරවලින් ඉවත්කොට එම ආසන 5 සඳහා නව ආසන සංවිධායකවරුන් පත්කිරීමට ශ්‍රිලනිප මහා ලේකම් දුමින්ද දිසානායක මහතා විසින් බොහෝ දුරට ඉදිරි සතියේදී සිදුකිරීමට නියමිත යයිද දැක්වෙයි.

ඒ අනුව කුමාර වෙල්ගම, චමල් රාජපක්ෂ, මහින්දානන්ද අලුත්ගමගේ, සිබි රත්නායක සහ රංජිත් සොයිසා, යන පාර්ලිමේන්තු මන්ත්‍රීවරුන් ශ්‍රීලංකා නිදහස් පක්ෂ ආසන සංවිධායක ධූරවලින් ඉවත් කිරීමට නියමිතය.

පසුගිය සතියේදී ශ්‍රීලංකා නිදහස් පක්ෂයේ ආසන සංවිධායකවරුන් ලෙස සිටි දඹුල්ල ආසනයේ ශ්‍රිලනිප සංවිධායක ජනක බණ්ඩාර තෙන්නකෝන් සහ පාතදුම්බර ශ්‍රිලනිප ආසන සංවිධායක ලෝහාන් රත්වත්ත යන පාර්ලිමේන්තු මන්ත්‍රීවරුන් තම පක්ෂයේ ආසන සංවිධායක ධූරවලින් ඉවත්කොට නව ආසන සංවිධායකවරුන් පත්කලහ.

67 views
Main News