ඔත්තු සේවා වාර්තා ලැබේ.. ජනපති කෝපයෙන්.. ඇමති මණ්ඩල සංශෝධනයක්…

November 27, 2016 at 10:00 am | lanka C news
ඔත්තු සේවා වාර්තා ලැබේ.. ජනපති කෝපයෙන්.. ඇමති මණ්ඩල සංශෝධනයක්…

2017 වසරේ නිදහස් දිනයට පෙර ස්ථිර වශයෙන්ම කැබිනට් මණ්ඩලයේ සංශෝධනයක් කිරීමට නියමිත යයි ඉහල පෙලේ ආරංචි මාර්ග වාර්තා කරයි.

ඇමතිවරුන් හා අමාත්‍යාංශය පහක් හෝ ඊට වැඩි ප‍්‍රමාණයක් එසේ සංශෝධනය විය හැකි යයිද වාර්තා වෙයි.

මේ අතර අමාත්‍යාංශ, දෙපාර්තමේන්තු සහ සෙසු රජයේ ආයතනයන්හි රදවා ඇති ‘කණ්නාඩි කණ්ඩායම’ නමින් රහසේ හදුන්වන බුද්ධි දූතයින් විසින් ජනාධිපතිවරයා වෙත ජනවාරියේදී බාරදීමට හදිසි විශේෂ වාර්තා සකක් කරමින් සිටී.

එකී ආයතනයන්හි මුල්‍ය පරිපාලනය, මහජන සබදතා, ජනතා ප්‍රසාදය ආදිය ගැන මේ වන විටත් ජනාධිපතිවරයා වෙත එම කණ්ඩායම විසින් වාර්තා කර තිබේ.

ඊට අමතරව දේශපාලඥයින්ගේ උවමනාව මැද සිදුවන අයතා ගණුදෙනු, මහජන සේවය අතහැර සිදුවන වෙනත් ව්‍යාපාර, ව්‍යාපාර මූලික සිදුකරව දේශපාලන කටයුතු ආදී කාරණා කිහිපයක් නිසා ජනාධිපතිවරයා කෝපයට පත්ව සිටින්නේ යයිද සදහන්ය.

ඒ අනුව ආර්ථික, අධ්‍යාපන, ආගමික, කර්මාන්ත, කෘෂිකර්ම යන විෂයන් සම්බන්ධ තනතුරු ඇතුලත් තනතුරු කිහිපයක් ඉදිරියේදී වෙනස් වනු ඇතැයිද දැනගන්නට ඇත.

84 views