ඔබේ අදීනත්වය පූජාසනයේ තබමු.. පාස්කු බෝම්බ කමිටුවට දණ නොනැමු රාජ්‍ය පරිපාලන ලේකම්ට ඉහලම හරසර..

June 14, 2019 at 1:20 pm | lanka C news
ඔබේ අදීනත්වය පූජාසනයේ තබමු.. පාස්කු බෝම්බ කමිටුවට දණ නොනැමු රාජ්‍ය පරිපාලන ලේකම්ට ඉහලම හරසර..

රාජ්‍ය පරිපාලන, ස්වදේශ කටයුතු සහ අධිකරණ අමාත්‍යාංශ ලේකම් ජේ.ජේ. රත්නසිරි මහතා පාස්කුදින ප්‍රහාරය සම්බන්ධ පාර්ලිමේන්තු විශේෂ කාරක සභාව සභාව හමුවේ ඊයේ දින සාක්ෂි ලබා දීමේදී දක්වන ලද ඍජු බව, නිර්භීතබව සහ අදීන බව අගය කරමින් ජාතික විශ්වවිද්‍යාල ආචාර්ය සංගමය විශේෂ ඇගැයීමේ ලිපියක් යොමු කර ඇත.

එම සම්පුර්ණ ලිපිය පහත දැක් වේ.

ජේ.ජේ. රත්නසිරි මහතා,
ගරු ලේකම්,
රාජ්‍ය පරිපාලන, ස්වදේශ කටයුතු සහ අධිකරණ අමාත්‍යාංශ,
නිදහස් චතුරශ්‍රය,
කොළඹ 7.

ගරු ලේකම්තුමනි,

පාස්කුදින ප්‍රහාරය සම්බන්ධ පාර්ලිමේන්තු විශේෂ කාරක සභාව සභාව හමුවේ පෙන්වූ අදීනත්වය ඇගයීම

අද උදෑසන දුරකථන මාර්ගයෙන් වාචිකව කරන ලද ඇගැයීමට අතිරේක වශයෙන් ඔබතුමන් වෙත ලිඛිත ඇගැයීමක් ලැබෙන්නට සලස්වන මෙන් අප සාමාජිකත්වය කරන ලද ඉල්ලීම සලකා බලා මෙම ලිපිය යොමු කරන්නට අදහස් කළෙමු.

පාස්කුදින ප්‍රහාරය සම්බන්ධ පාර්ලිමේන්තු විශේෂ කාරක සභාව සභාව හමුවේ ඊයේ දින සාක්ෂි ලබා දීමේදී ඔබතුමන් දක්වන ලද ඍජු බව, නිර්භීතබව සහ අදීන බව ශ්‍රී ලාංකිකයන් වශයෙනුත්, මෙරට ජාතික විශ්ව විද්‍යාල පද්ධතිය නියෝජනය කරන ආචාර්යවරු වශයෙනුත් අපගේ ගෞරව බහුමානයට ලක්වේ.

විශේෂ වශයෙන් යාපන දිස්ත්‍රික් පාර්ලිමේන්තු මන්ත්‍රී එම් ඒ සුමන්තිරන් මහතා මතුකළ අසංවර, අතාර්කික කරුණු හමුවේ ඔබ දැක්වූ සංයමය, පරිචය සහ අදීනත්වය සමස්ත රාජ්‍ය සේවයටම අභිමානයක් ලෙස අපි දකින්නෙමු.

ඉදිරි කාලයේ ද රටත් ජනතාවත් වෙනුවෙන් අපක්ෂපාතී රාජ්‍ය සේවයක නියැලීමට ඔබතුමන්ට ධෛර්යය, ශක්තිය ලැබේවායි සමස්ත සාමාජිකත්වය වෙනුවෙන් ප්‍රර්ථනා කරන්නෙමු.

තෙරුවන් සරණයි,

ජාතික විශ්ව විද්‍යාල ආචාර්ය සංගමය වෙනුවෙන්,

මහාචාර්ය චන්න ජයසුමන
මහ ලේකම්

94 views

45 Comments to “ඔබේ අදීනත්වය පූජාසනයේ තබමු.. පාස්කු බෝම්බ කමිටුවට දණ නොනැමු රාජ්‍ය පරිපාලන ලේකම්ට ඉහලම හරසර..”

  1. CHAMINDA -SADA STF says:

    ONE OF THE GREATEST GOVERNMENT OFFICER I EVEN SEEN IN MY LIFE.,
    THANK YOU VERY MUCH SIR,
    YOU ARE NOT LIABLE FOR THE MOTHERLAND. YOU DID YOUR JOB AT ITS GREAT…
    GOD BLESS YOU AND YOUR FAMILY…

  2. sherief says:

    මධයස්ථ මුස්ලිම්වරුන් හැටියට අපිත් මෙතුමාව අගය කරනවා, ඒ වගේම මෙම චක්රලේකනය දැඩිව කිරියාත්මක කරන ලෙස ඉල්ලනවා. මුස්ලිම් ජනතාව අන්තවාදයෙන් මෙන්ම අරාබි සංස්කුරුතික මනෝභාවයෙන් ගලවා ගත හැක්කේ එවිටය්

Main News