කතානායකට අම්මා මතක් වෙයි.. පාසල් පෙළ පොතට‍ කවි පන්තියක් දෙකක් ඇතුළත් කරලා වැඩක් නෑ..

January 28, 2020 at 8:40 am | lanka C news
කතානායකට අම්මා මතක් වෙයි.. පාසල් පෙළ පොතට‍ කවි පන්තියක් දෙකක් ඇතුළත් කරලා වැඩක් නෑ..

දවස පුරාම ටියුෂන් තරඟයෙන් පිඩාවට පත්වුණු ලැබෙන සුළු විවේකය පවා ජංගම දුරකථනය සමඟ ගත කරන අනාගත පරම්පරාව සංවේදී සාහිත්‍ය රසවින්දයක් සහිත පිරුණු මිනිසුන් බවට පත් කිරිම පාසල් පෙළ පොත්වලට කවි පන්තියක් දෙකක් ඇතුළත් කිරිමෙන් පමණක් කළ නොහැකි බවද ඒ පිළිබඳව අවධානය යොමු කිරිමට පාලකයන්ට ගුරු දෙගුරුන්ට කාලය එළඹ ඇති බවද කථානායක කරු ජයසුරිය මහතා පැවසීය.

දරුවන්ගේ මනසෙහි සාහිත්‍යයට ඇති ඉඩකඩ උදුරාගෙන ඇත්තේ නිමක් නොමැති තරඟයකට පැ‍ටලී සිටින වැඩිහිටියන් විසින් බවද හෙතෙම සඳහන් කළේය. කථානායකවරයා මේ බව සදහන් කළේ දෙහිවල ඇස්.ද.ඇස් ජයසිංහ ශ්‍රවණාගාරයේ පැවති අගනුවර තරුණ කවි සමාජයේ 85 වන සංවත්සර උත්සවයේ ප්‍රධාන ආරාධිතයා ලෙස සහභාගි වෙමිනි.

මෙහීදි කවි කිවිඳියන් වෙනුවෙන් කිවිපති, කාව්‍යශුරී,කාව්‍ය ශක්ති සම්මාන පිරිනැමුණු අතර නව පරපුරේ තරුණ කවි කිවිඳියන් සහ පාසල් කවි සමාජයන්හි ජයග්‍රාහක ජයග්‍රාහිකාවන්ද සම්මානයට පාත්‍ර වුහ.

කොහිලවත්තේ දැනියල් බොතේජු, සත් පියසේන, නන්දසේන පලිහක්කාර, ‍අජන්ත සෙනෙවිරත්න, හෙක්ටර් බෙත්මගේ, මහාචාර්ය මුදියන්සේ දිසානායක, මහාචාර්ය මංගල සේනානායක, කථිකාචාර්ය සමන් ලෙනින්, මාධ්‍යවේදී වසන්ති නානයක්කාර, ර‍මේෂ් උවයිස්, මාධ්‍යවේදී සුමුදු චතුරානි,මාධ්‍යවේදී වජිර ජයවර්ධන යන අය අ.ත.ක.ස.යේ විශේෂ සම්මානයට පාත්‍ර වූහ.

බස්නාහිර පළාත් සභාවේ හිටපු සභාපති හෙක්ටර් බෙත්මගේ, මහාචාර්ය මුදියන්සේ දිසානායක, මහාචාර්ය මංගල සේනානායක, යන මහත්වරු ඇතුළු දිවයිනේ සෑම ප්‍රදේශයක්ම නියෝජනය කරන කවි කිවිඳියන් සහ රසික රසිකාවියන් රැසක් ද සහභාගී වු මෙම උත්සවය අමතමින් කථානායකවරයා සඳහන් කළේ ජාතියේ කවි උරුමය ආරක්ෂා කිරිමට ජනමාධ්‍යයන්ටද සුවිශාල වගකීමක් ඇති බවයි.

අ.ත.ක.ස. 85 වන සමරු සංවත්සරය අමතමින් කථානායකවරයා මෙසේද පැවසීය.

“වෙළඳපළ විසින් හසුරුවන මිනිසුන් හැමෝම ඉතාම සංකීර්ණ හීන පිටිපස්සේ, එකිනෙකා පරාජය කිරිම සඳහා තරඟෙට දුවන නිදහසක්, විවේකයක් නැති සමාජයක කවි උරුමය ආරක්ෂා කිරිමේ අභියෝගය භාරගත් අ.ත.ක.ස.යේ ආරාධනාවෙන් මෙහි පැමිණීමට හැකි වීම විශාල යුතුකමක් කියලා මම හිතනවා.

මම අම්මාගේ නැළවිලි ගීතයේ ඉඳලාම කවිය රසවිඳපු පරම්පරාව නියෝජනය කරනවා කියලා මා හිතනවා. අපේ ගම්වල ඒ කාලේ ගොයම් කවි, අඬහැර මහ රාත්‍රීයේ පැට්ට්‍රල් මැක්ස් පත්තු කරගෙන ගොයම් පාගන කමත්වලින් ඇහෙන කමත් කවි අහන්න ලැබුණා. අලුත් අස්වැන්න නෙළාගත්තට පස්සේ කමත් භුමියේ නටපු ගම්මඩුවෙන් ඇහිච්ච කවිවල මොන තරම් ආශිර්වාදයක්, සතුටක් ශුංගාරයක් තිබුණද කියලා හිතාගන්නත් අමාරුයි. මඟුල් ගෙදරක උබයකුල ඥාතීන්ගේ විස්තර කිව්වේ, අළුත් යුවලට අවවාද අනුශාසනා දුන්නේ, කවියෙන්. හැම මළ ගෙදරකම වගේ ඒ කාලේ තාලෙට වෙස්සන්තර ජාතකය ගායනා කළා. ඒ වගේම මිය ගිය පුද්ගලයාගේ ගුණ කථනය ගායනා කළේත් කවියෙන්… ඒ කවියන්ට ගමේ කාගෙත් පිළිගැනීමක් තිබුණා. ඔවුන් බොහොම ඇසු පිරූතැන් තිබුණූ මිනිස්සු…

කිසිම මුදලකට විකිණුනේ නැති, කිසිම පොතක ලියැවුණේ නැති, ඔවුන්ගේ කවි මොනතරම් ප්‍රභල සමාජ මෙහෙවරක් සිදුකළාද කියලා ආපසු හැරිලා බලනකොට පේනවා. වෙහෙස, පාලුව කාන්සිය මකලා දැම්මා…මිනිසුන් එකිනෙකා අතර ගෞරවය, සහජීවනය ගොඩනැගුවා….බොහොම අහිංසක සතුටකින් මිනිසුන්ගේ ජීවිත නිවා දැමුවා. පන්සලෙන් ඇහිච්ච කවි බණ විශාල ධර්මාවබෝධයක්, ආගමික භක්තියක් ඇති කළා. සමාජය තිගැස්සෙන ඇතැම් සිදුවීම් කවි කොළ විදියට බස් එකේ කෝච්චියේ විකුණලා ඒවායිනුත් අයහපත් දේවල්වල ආදීනව ජනතාවට කියා දුන්නා. මට හිතෙනවා අද සමාජයේ සිද්ධ වෙන අදහා ගන්න බැරි අපරාධ ගැන කවි කොළ ගහලා විකුණූවොත් බස් එකේ ඉන්න මඟින්ට වැඩිය කවි කොළ විකුණන අය බස්වල ඉඳී කියලා.

අප මුහුණ දීලා තිබෙන සමාජ පරිහානිය මෙයින් පිළිබිඹු වෙනවා. ඒ කාලේ කවිය අයහපතට යොදාගත් අවස්ථා නොතිබුණා නොවේ.වස් කවි, ඉඳහිට ඇලවෙන කැළැ පත්තරයක් තිබුණා. හැබැයි අද කාලේ වගේ සංවිධානත්මක සාපරාධි චරිත ඝාතන නෙවෙයි. ඒ කාලේ කැළැ පත්තරවලට වඩා වර්තමානයේ ඇතැම් ප්‍රධාන පත්තරවලින් කරන චරිත ඝාතන සාහසිකයි කියලා මට හිතෙන්නේ.. කවියෙන් සමාජයට කරපු සේවය අපේ සංස්කෘතිය පෝෂණය කරපු තරම අධ්‍යාපනයට, ආගමට, ජාතික චින්තනයට කරපු සේවය සමාන කරන්න බැරි තරම්.

කොළඹ ආනන්ද විද්‍යාලයේ ඉගෙන ගන්න කා‍ලේ එස් මහින්ද හාමුරුවන්ගේ, කුමාරතුංග මුණිදාසන්ගේ, පි.බී.අල්විස් පෙරේරා කේ.ජයතිලකයන්ගේ , කවි වලින් විශාල ජාතික චින්තනයක් අපට ඇති කරන්න අපේ ගුරු දෙවිවරුන්ට හැකි වුණා.

ඊට පස්සේ කොළඹ යුගයේ සාගර පලන්සුරිය, මහගමසේකර, කපිල සෙනෙවිරත්න, මාකදුරේ ගුණවර්ධන, මීමන ප්‍රේමතිලක, උපනන්ද බටුගෙදර, චිත්‍රානන්ද අබේසේකර, නිහාල් අබේසුන්දර, දක්වාම කවි රසවින්ද මතකයක් මට තියෙනවා.

අ.ත.ක.ස.ය කරපු වටිනාම සේවය තමයි රටේ විවිධ තැන්වල හිටපු කවි සිතුවිලි පිරුණු සොදුරු මිනිසුන් එක තැනකට ගොනු කිරිම..

කවියෙන් ඈත් වෙච්ච සමාජයක පරිකල්නය ගොඩ නැගෙන්නේ කොහොමද?ඔවුන් යම් දෙයක් ගැන චිත්තරූප මවන්නේ කොහොමද?ඔවුන් ජීවිතය රස විදින්නේ කොහොමද?ඒ සමාජයේ සහජීවනය ගොඩනැගෙන්නේ කොහොමද යන ප්‍රශ්න රැසකට උත්තර දෙන්න පාසල් පෙළ පොතට කවි පන්තියක් දෙකක් ඇතුළත් කිරිමෙන් පමණක් පුළුවන් කියලා මම හිතන්නේ නැහැ.

ලාභය මත හඹා යන හරසුන් වැඩසටහන් රාශියක් ඉදිරිපත් කරන නුතන මාධ්‍යයෙන් ජාතියේ කවි සිත පෝෂණය කරන්න ඉටුවිය යුතු වගකීම ඉටුවෙලා නැහැ.. ඊට වඩා කුණු රස පිරැණූ හඬපට රස විදින්න සලස්වන එක ඔවුන්ගේ න්‍යාය පත්‍රවල ඉදිරියෙන් තියෙනවා කියලා මට හිතෙනවා.

එවැනි සමාජ ක්‍රමයක අ.ත.ක.ස.යේ උත්සාහය උඩුගම් බලා පිහිනිමක යැ’යි විටෙක තමන් කල්පනා කළද උත්සව සභාවේ අසුන් ගෙන සිටින වියතුන් මෙන්ම පාසල් සිසු කවි කිවිඳියන් දුටුවිට හෙළ කවියේ අනාගතය අදුරු නොමැති බවට සුභවාදී බලාපොරොත්තු ජනිත වන බවද කරු ජයසුරිය මහතා පැවසීය. අ.ත.ක.ස.ය කවිය වෙනුවෙන් කවර දුෂ්කර මාවතක ගමන් කළද තමා හදවතින්ම එයට ආශිර්වාද කරමින් නොසැලි රැදී සිටින බව මෙහිදි හෙතෙම සඳහන් කළේය.

– කතානායක මාධ්‍ය අංශය

176 views

10 Comments to “කතානායකට අම්මා මතක් වෙයි.. පාසල් පෙළ පොතට‍ කවි පන්තියක් දෙකක් ඇතුළත් කරලා වැඩක් නෑ..”

  1. dananjaya says:

    අධ්‍යාපන දෙපාර්ථමේනුත=වේ වැදගත් තනතුරැ කිහිපයක් දැරෑ අය ඔවුනගේ අනාගත ව්‍යාපාර බලාපොරොත්තුවෙන් විවිධ තිරණ ‌යෝජනා ගෙන ඔවුන් සේවයේ යෙදි සිටින කාලයේදි ක්‍රියාත්මක කර දැන් එම ව්‍යාපාරවල යෙදි සිටිනවා උදාහරණයක් ලෙස පාඩම් සදහා අවශ්‍ය ඡේද හෝ කවිපන්තියයක් ලමුන් අතර මුද්‍රණයකර බෙදාදෙන ලෙස යෝජනාවක් කර පසුව ඔවුනගේම ව්‍යාපාරයකින් අදාල ඡේදවල මුද්‍රිත පොත් ලෙවි කරනවා එසේ අලෙවි කරනු ලබන්නේ තමන් කල හෝ කල රැකියාවේ නමින් වන අතරම ඉන්නාවිට සොරාගත් දත්ත අනුව ඔවුනගේ කුලි ඒජන්ත වරු පාසල් වලට හා පන්තිභාර ගුරැවරැනගේ ගෙවල් වලට යොමුකරනවා හරිවිදිහටනම් පත්තරයක් වත් පාසල තුලින් විකිණිම හෝ මිලට ගැනිම තහනම් කර පුද්ගලික වෙලෙන්දන්ට කිසිදු හේතුවක් නිසා පාසලට ඇතුල් විමට අවසර නොදිය යුතුයි

  2. Alapaluwa says:

    මේ අනිත් ලෝන්තපොල් 80 පැනපු මුත්තාගේත් මුත්තා.බලන්න කෙලින් ඇවිදින්නවත් පුලුවනිද කියා යන්නේ බෝට්ටු පදිනවා වගේ මොනවටද තවත් මේ වගේ පණනැති ජරා ශරීරයක් තවත් අපි පාළනය කරන්න.සිතන්න පොඩ්ඩක් මෙවන් යට දෙනවා කියන්නේ අපි තවත් අවුරුදු දශකයකට පසු පසට යන එක නොවේද??

    • කිරිමෙල් says:

      හැබැයි කියපු දේවල් වලට මමත් 100%ක් එකඟයි.

    • Dilshan says:

      Very true. But these Kai sangamaya guys must be moda UNP karayas to invite a useless man like Karu Jaysooriya the most infamouse and bias speaker in history of sri lankan parliament

    • Araliya says:

      Wede kiyanne meyata adahas pahala wenne a vipakshe innakotane. “ape 7 potha” gena adahas a mokada danne nehe neda?

  3. රටවැසි says:

    ගමේ ඉන්න පොඩිසිංඤ්ඤෝ ල නේ පෙල පොත් සංස්කරණය කොරන්නේ . අනිච්චේ දුක්කේ . විජාතික ( ලාංකික නොවෙන )
    කතානායක තුමාට ජයවේවා !

  4. බන්ඩා says:

    සංකීර්න සමාජය පැත්තක තියමු. නිසි කල පාසල් යන්නත් නිසි කල විවාහ වෙන්නත් නිසි කල රැකිය හෝ ව්‍යාපාර කර මුදල් උපයන්නත් නිසි කල පැන්ෂන් ගොස් බන භාවනාවත් කරන්නත් හැමෝම වග බලා ගත යුතුය්.

  5. Kon Kanis says:

    Apita nan muge nama ahunama mathak wen ne muge ammawa

  6. Nihal says:

    Last 5 years contributed to serious erosion of culture and values of the country. No doubt now making comments to cheat Sinhala Buddhists to gain political mileage in next general election as a part of the new GUNP strategy…

  7. අක්බාර් ලොක්කා says:

    අපටත් පහුගිය කාලෙ ඒකගෙ අම්ම නිතරම මතක් උනා

Main News