කතානායක කරු ජයසූරිය මිනිසුන් අතර දෙවියෙක්..- අස්ගිරි අනුනායක හිමි

August 9, 2019 at 8:40 am | lanka C news
කතානායක කරු ජයසූරිය මිනිසුන් අතර දෙවියෙක්..- අස්ගිරි අනුනායක හිමි

සුදු ඇදුම අදින පුද්ගලයන් සියළු දෙනා පිරිසිදු චරිත ඇති අය බවට විශ්වාස නැති බවත්, සිය චරිතය කිලිටි කර ගත් බොහෝ දෙනෙකු සැඟවෙන්නේ සුදු ඇදුම තුල බවත්, එවන් සමාජයක වත්මන් කථානායක කරු ජයසුරිය මැතිතුමා දුර්ලභ ගණයේ උතුම් චරිත ලක්ෂණ වලින් හෙබි සැබැ ලෙසම මනුෂ්‍යත්වය අර්ථවත් කල නායකයෙකු බවත්”, සියම් මහා නිකායේ අස්ගිරි පාර්ශව‍යේ අනුනායක වෙඬරුවේ උපාලි නා හිමිපාණන් වහන්සේ පැවසූහ.

කථානායක කරු ජයසුරිය මහතාට ත්‍රෛයිනිකායික මහා සංඝරත්නයෙන්ම ගෞරව සම්මාන ලැබීම සැබෑ සුදුස්සෙකුට ගෞරව සම්මාන ලබා දුන් අවස්ථාවක් බවත්, එවන් සුදුසු පුද්ගලයකු ඇගයීම තුලින් සම්මාන ලබන පුද්ගලයා පමනක් නොව එම ගෞරව සම්මානයන් සම්මානය ප්‍රධානය කරනු ලබන පාර්ශවයත් ජනතා ගෞරවයට පත්වන බවද උන්වහන්සේ සඳහන් කලහ.

බුදුන් දවස ‍ගෞතම බුද්ධ රාජ්‍ය ස්ථාපිත කිරිම පිණිස බුදුන් වහන්සේ බුදු සසුන තුල ගෞරව නාම ප්‍රධානය කලේ ඔවුන්ගේ අතීත, අනාගත , වර්තමාන සහ තුන්කල්ම බලා බවත්, කථානායක කරු ජයසුරිය මහතා ඒ සැම කල්හිම යහපත් මිනිසෙකු බවද අස්ගිරි අනු නා හිමි පැවසූහ.

අස්ගිරි අනු නා හිමියන් මේ බව සඳහන් කලේ බණ්ඩාරණායක සම්මන්ත්‍රණ ශාලාවේදී පැවැති ත්‍රෛයිනිකායික මහා සංඝරත්නයට ගෞරව උපහාර දැක්වීම පිනිස සංවිධානය කරන ලද යතීන්ද්‍රපුජා පූජෝපහාර උත්සවයේ අනුශාසනාවක් සිදු කරමිනි.

මෙහි දී උන්වහන්සේ පෙන්වා දුන්නේ “ දෙවියන් කොට්ටාශ 03 ක් ඇති බවත්, බුදුන්වහන්සේ සහ මහරහතුන් වැනි අය විශුද්ධි දේව යන කොටසට අයත් බවත්, විශ්ණු, කතරගම වැනි දෙවිවරු උප්පත්ති දේව යන කොටසට අයත් බවත්, තුන්වැනි කොටස මිනිසුන් අතර ජීවත්වන දුර්ලභ ඟනයේ දෙවියන් වැනි මිනිසුන් බවත්ය.

කරු ජයසුරිය මහතා මෙම මිනිසුන් අතර ජීවත් වන දෙවියන් වැනි උතුම් මිනිසුන්ගේ කො‍ටසට අයත් මහා පරමාදර්ශී මනුෂ්‍යයෙක් බවද අස්ගිරි නාහිමියෝ පැහැදිලි කළහ.

යතීන්ද්‍ර පුජා උළෙල සංවිධානය කර තිබුනේ පසුගියදා කථානායක කරු ජයසුරිය මහතා වෙත ත්‍රෛනිකායෙන්ම ගෞරව නාම සම්මුතින් හිමිවීම නිමිත්තෙන් භික්ෂුන් වහන්සේලාගේ එම නිවැරදි විනිශ්චය අගයමින් උන්වහන්සේලාට කෘතගුණ පුජා දැක්විමේ අරමුණෙනි.

මෙම අවස්ථාවේ මල්වතු මහා විහාර පාර්ශවයේ අනුනායක අති පූජ්‍ය දිඹුල්කුඹුරේ විමලධම්ම අනු නා හිමි, ශ්‍රී ලංකා අමරපුර නාකයේ උත්තරීතර මහා නායක අග්ගමහා පණ්ඩිත කොටුගොඩ ධම්මාවාස මහා නා හිමි සහ ශ්‍රී ලංකා රාමඤ්ඤ මහා නිකායේ මහා නායක අග්ගමහා පණ්ඩිත නාපානේ පේමසිර අනු නා හිමියන්ද අනුශාසනා සිදු කලහ.

මෙහිදී මහා සංඝරත්නය වෙත උපහාර පලක ප්‍රධානය කිරිම අග්‍රාමාත්‍ය රනිල් වික්‍රමසිංහ, හිටපු ජනාධිපතිනි චන්ද්‍රකා බණ්ඩාරනායක කුමාරතුංග,බුද්ධශාසන අමාත්‍ය ගාමිණි ජයවික්‍රම පෙරේරා සහ ආචාර්ය ඒ.ටී.ආරියරත්න යන මහත්ම මහත්මින් අතින් සිදු කෙරිනි.

මෙහිදි කෘතවේදිත්වය පුද කරමින් සභාව ආමන්ත්‍රණය කළ කරු ජයසුරිය මහතා සඳහන් කළේ තමා වෙත විශ්වාසය තබමින් මහා සංඝරත්නය ප්‍රධානය කළ ගෞරවනාමයන්හි ගෞරවය හා වටිනාකම දිවිහිමියෙන් සුරකිමින් මාතෘභූමිය වෙනුවෙන් කැපවන බවයි. මෙහිදි වැඩිදුරටත් අදහස් දැක්වු කථානායකවරයා

“ත්‍රෛනිකායික ගෞරව නාම ලැබීම දුර්ලභ අවස්ථාවක් බවත් ඒවා ලබාදීමේදී ගෞරවනීය මහා නාහිමිපාණන් ප්‍රමුඛ කාරක සංඝ සභාවන් අනුගමනය කළ ප්‍රතිපත්තීන්හි ගැඹුරු බව මා හොඳින් වටහා ගෙන සිටිනවා.

කුඩා කළ සිටම දෙමාපියනට හා ගුරු දෙගුරුන්ට කීකරුව හා මහා සංඝ රත්නයේ නිරතුරු ඇසුර හා අවවාද අනුශාසනා තුළින් මාගේ ජීවන රටාව සැකසුණු ආකාරය ගැන මට ඇති වන්නේ මානසික තෘප්තියක්.

ඒ ලත් ආභාෂය තුළ මිනිසත්බව අගය කිරීමටත්, ජාති ආගම් භේදයෙන් බැහැර වීමටත්, ජීවත් වන සුලු කාලය තුළ ධාර්මික හා චාම් ජීවන රටාවක් ගත කිරීමට හැකි වීම ගැනත් අතිශයින් සතුටු වනවා.

මාගේ ජීවිතය සැකසුනේ මා ආදරණීය දෙමාපියන් ලබා දුන් අවවාද අනුශාසනා අනුවයි. ඔවුන් දැක්වූ අසීමිත ආදරය හා සෙනෙහස තුළින් යුතුකම් හා මිනිස්කම් ඉගෙන ගත්තා.

පවුල් ජීවිතයේදී මාගේ ආදරණීය බිරිඳ, දියණියන් දෙදෙනා හා බෑණනුවන් මට විශාල ශක්තියක් වුණා. එමෙන්ම සහෝදර සහෝදරියන් ඇතුළු මාගේ පවුලේ ඥාතීන් මා වෙත දැක්වූ සෙනෙහසත් මා සිහි කරනවා.

ගමේ පාසලෙන් හා පසුව ආනන්ද මහා විද්‍යාලයේ මූලික අධ්‍යාපනය තුළින් එල්. එච්. මෙත්තානන්ද, ඊ. ඩබ්ලිව්. අධිකාරම් වැනි දේශ හිතෛෂී අධ්‍යාපන විශාරදයන් ඇතුළු ගුරු පියාණන් හා මෑණියන් අපගේ ජීවන රටාව යහමගට යොමු කළා.

එතුමන්ලා විසින් තමා උපන් මවුබිම රැක දීමටත්, මිනිස්කම ඇගයීමටත්, යුතුකම් ඉටු කිරීමටත්, ජීවිතයේදී ප්‍රතිපත්තිගරුක වීමටත්, අවසානයේදී තමාගේ හෘද සාක්ෂිය නැමති කුඩා හඬට අවනත වීමටත්, අපව යොමුකළා.

අද මා බණ්ඩාරනායක සම්මන්ත්‍රණ ශාලාවෙන් පිටව යන්නේ සාරධර්ම පිරිහුණු සමාජයක්, යුතුකම් අයිතිවාසිකම් වටහා නොගත් සමාජයක්, විනය පිරිහුණු සමාජයක්, නීති ගරුක නොවුණු සමාජයක්, හා ජාති ආගම් බේද වැපි‍රෙමින් පවතින සමාජයක් හරි මගට ගෙන ඒමට ආගමික නායකත්වය දරන දැඩි උත්සාහයට අපද කැප වෙන බවට අදිටන් කරමින්

දැන් අප ඒ අතීතයට සමු දිය යුතුයි. මේ දේශයේ උපන් සහ ඉපදීමට සිටින අනාගත පරම්පරාවට අප මේ විඳි ගැහැට නැවත අත්දැකීමට නොලැබෙන දිනයක් උදා විය යුතුයි. එවන් දිනයක් උදා කරවීමේ වගකීම ඇත්තේ, වර්තමාන දේශපාලන සහ සමාජ නායකත්වයටයි. බෞද්ධ, හින්දු, ක්‍රිස්තියානි සහ ඉස්ලාම් ආගමික නායකකත්වය අපට ඒ සඳහා නිසි මග පෙන්වීම සිදු කළ යුතු වෙනවා.

සෑම විටම, කෙටි කාලීන ඉලක්ක වෙනුවට ස්ථිරසාර සහ දිගුකාලීන ඉලක්ක වෙත යොමු වීමේ වැදගත්කම පිළිබඳ අවබෝධයෙන් අප ඒ ගමන්මග පියමං කළ යුතුයි.

ශ්‍රී ලංකා මාතාව ඉතා මනරම්. ඇය සොබා සෞන්දර්යයෙන් අනූනයි. ඇය දරු සම්පතින් පොහොසත්. ඔවුන් ඉතා ත්‍යාගශීලීයි, ආගමට නැඹුරුයි. එහෙත්, ඇයගේ දරුවන් පෝෂණය කිරීමෙන් ම ඇය දැන් විඩාපත්ව සිටිනවා. ඈ ගැන නොබලන, ඈ ගැන නොතකන දරු පිරිසකුත් සිටිනවා. ඔවුන් ඇයගෙන් සූරා ගත හැකි දේ ගැන මිස ඇය යළි සුපෝෂණය කරනේනේ කෙසේ දැයි සිතන්නේ නෑ.

‍සුන්දර ශ්‍රී ලංකා මාතාවට දාව උපන් උපත ලැබීමට තරම් භාග්‍යවන්ත වූ අපි, නැවත ශ්‍රී ලංකා මාතාව පෝෂණය කළ යුතු බව මා නිතර සිහිපත් කරනවා. මා මේ සභාවේදී එය ප්‍රකාශ කරන්නේ, අනාගතය සඳහා අපගේ පරම්පරාව සතු වගකීම සිහිපත් කිරීමටයි.

මාගේ පුද්ගලික ජීවිතයේ යම් සාර්ථවකත්වයක් තිබේ නම්, එය අත් කර ගෙන ඇත්තේ, හෘද සාක්ෂියට එකඟව, කිසිවකුත් අගතියට ලක් නොකර, දැඩි පරිශ්‍රමයෙන් කටයුතු කිරීම නිසා. පෞද්ගලික අංශයේ කළමනාකරුවකු ලෙසත්, දේශපාලනයේත් ඉහළට නැගීමට මා ගෙන ආවේ මාගේ අධ්‍යාපනය, කුසලතාව, හැදියාව සහ ධනාත්මක ආකල්ප පමණයි. එබැවින්, අපගේ තරුණ පරපුර නව ලොව නිපුණතාවන්ගෙන් සන්නද්ධ කිරිම ද, ඔවුන්ගේ එම කුසලතාවන්ට නිසි තැනක් ලැබෙන සමාජ ක්‍රමයක් ගොඩ නැගීම ද අපගේ ජාතික අභියෝගයක්. එය ශ්‍රී ලංකා මාතාව කෙරෙහි අපගේ පරම යුතුකම සේ මා සලකනවා.

ශ්‍රී ලංකාව අතීත ශ්‍රී විභූතියෙන් පිරි භූමියක්. ඒ ශ්‍රී විභූතිය අපි අත් කර ගත්තේ, දැඩි කැපවීමෙන් සහ පරිශ්‍රමයෙන් අපගේ ඉලක්ක ජය ගැනීම සඳහා කටයුතු කිරීමෙන්.

‍අපට නැවතත් එවන් යුගයක් නිර්මාණය කළ හැකි බව මා හට විශ්වාසයි. අපගේ තරුණයන් ලොව විවිධ අංශවලින් පෙර නොවූ විරූ ජයග්‍රහණයන් අත් කර ගන්නවා දුටු විට, ඒ නව තරුණ පරම්පරාවට ශ්‍රී ලංකා මාතාව යළි විභූතිමත් යුගයක් වෙත කැඳවාගෙන යා හැකි බව මා හට සක් සුදක් සේ පැහැදිළියි. ඒ සඳහා අවශ්‍ය පසුබිම සම්පාදනය කිරීමට කැප වෙමු යැයි මම මෙහි රැස්ව සිටින සියලු ප්‍රභූන් හට යෝජනා කරනවා.

කුඩා කළ පාසලේදී උගත් මේ පද පෙළ මාගේ හදවතේ පතුළේ රැඳී තිබෙනවා. එස් මහින්ද හිමි විසින් රචිත, මෙවන් පද පේළි ආනන්දයේ උගත් කාලයේදී මාගේ හදවතේ තැන්පත් වී, මාගේ ජීවිතයට මග කියනවා.

“නිදහස මහ මුහුදක් වේ,
එහි උල්පත අත නුඹ වේ,
ඒ බව සිහිකොට මෙළොවේ,
යුතුකම ඉටු කළ යුතු වේ”

– කතානායක මාධ්‍ය ඒකකය

19,005 Viewers

23 Comments to “කතානායක කරු ජයසූරිය මිනිසුන් අතර දෙවියෙක්..- අස්ගිරි අනුනායක හිමි”

  1. Pissu Pusa says:

    Ara Nayaka, Me Nayaka Katu Nayaka!!

    • Amda says:

      හඬ අනුව වෙන්ටෑ……………….

      අනේ චීවරධාරියෙකුට බැනල නිකන් අපට පව් පුරවන්නෙ නැතුව ඉන්නවනම් මොකද.

      දෙය්යොම බලාගන්න ඕනෙ මේ වගේ පින්ගුත්තරයන් දෙවියන්ට සමාන කිරීම ගැන

    • kawinda says:

      ane manda.. mahanaayaka anunaayaka haamuduruwo kiyana kathaa ahanakota karu jayasooriyata mal thiyala wandinna hithenawa asanka.

      • OLU says:

        සියම් මහා නිකායේ අස්ගිරි පාර්ශව‍යේ අනුනායක වෙඬරුවේ උපාලි නා හිමිපාණන් වහන්සේ වෙතට යි
        අවසර ගෞරවනීය හාමුදුරුවනේ ,
        මිනිසුන් අතර ජීවත් වන දෙවියන් වැනි උතුම් මිනිසුන්ගේ කො‍ටසට අයත් මහා පරමාදර්ශී මනුෂ්‍යයෙක් බවට කරු ජයසුරිය පත්වන්නේ කෙසේද ? ඔහු දේශද්‍රෝහී දේශපාලකයක් …මේ යහපාලන ආණ්ඩුවෙන් අපේ රට ජාතියට සිදුවූ විනාශය සුළු පටු නොවේ ….කරුණාකර කරුණු හරි හරි නොදැන මෙවැනි බලලෝභී දේශද්‍රෝහීන්ට කඩේ නොයන මෙන් ඉල්ලමි
        ඔබවහන්සේගේ එම ප්‍රකාශය ගැන බෞද්ධ අපි කනගාටුවෙමු

  2. Bandara says:

    හාමුදුරුවන්ගේ දැහැත් වට්ටියට බාබුල් දාල වාගේ

  3. පොරමෝලා says:

    දෙවියොත් ඉන්නව නේ එක එක ජාතියෙ. ඔය කඩු තෝමර ලේ වැගිරෙන මිනිස් ඔළු එල්ලගෙන් ඉන්න ඈයොත් ඔය දේවාල වල ඉන්නෙ

  4. David Milli-banda says:

    Time has come for Karu to RAHATH WENNA.
    Karu rahathan wanhanse need to take one final lesson from USAID Prasad Kariyawasm.

  5. sw says:

    කරු දෙයියෝ හාමුදුරුවෙක්ද පුසාරියෙක්ද ?

  6. Labor says:

    Ranil dewiyage gola dewiyek
    Yahapath deyak Danne nathi moda minihek

  7. lakpriya says:

    සායි බබත් බෞද්ද උපසකයෙක්ද හාමුදුරුවනේ

  8. මොන දෙය්යද බං පාර්ලිමේන්තුවේ පනින්නේ?? says:

    මොන දෙය්යද බං පාර්ලිමේන්තුවේ පනින්නේ? ෆෙය්යෙක් වෙන්න ඉක්මනින් චුත වුනානම් සජිත් ගෙන් ගුටි නොකා දෙය්යෝ…

  9. Dev says:

    wiwashawen gahapu gema dakkama
    lajja nathi katha nayaka dewiyek nam api kamatthen yakku wennam

  10. Sam Fernando says:

    White clad Jockey. Good to be promoted.
    Who gives the whitewash for Tabitha and Patali?
    Hehehe hoodoo..

  11. K Karuwata Jannaadipati kama labennney nha kawadaaawah, Karumeyta hari labunoth Palanaya korannney P Ranilma tamaaaae.

  12. amaris aiya says:

    ඔව්, වෙන්ඩ පුලුවං, හූනියම් යකාටත් කියන්නේ ‘හූනියං දෙය්යෝ කියල නොවැ…කොයි එකටත් අස්ගිරි ගොයියටත් ‘අයිස්’ පෙත්තක් අටපිරිකර අස්සේ දාලා දීලදෝ කියලත් හිතෙනවා…

  13. P.D Goonawardena says:

    අනේ බන් හාමුදුරුවනේ බයිලා කියන්නේ නැතුව ඉන්නවද ???අපිත් ලංකාවේ ….අපිත් ඔය හැම කෙනෙක් ගැනම පොඩ්ඩක් හරි දන්නවා….උඹ මචන් අපි දන්නා ටික වත් දන්නේ නැහැනේ…..මෙච්චර කල් කොහෙද හිටියේ….

  14. raju says:

    Mokada eka parama karu wa puda gena puda gena yanne, iwarayak ne gawrawa nama.,

    salli dila advertisment dagannawa kiyanne okata thmai, meya dewiyek wenna me rata ta monawada karala tiyenne? mehemath wihilu wala payai goda payai tiyan.

  15. ඩී.ජේ. ධර්මපාල - කෝට්ටේ says:

    වැස්සකටවත් පන්සලකට ගියෙ නැති තක්ඩියන් මැරුණාම පාංශිකූලයට වඩින සමහර හාමුදුරුවරු “මේ උපාසක මහත්තයා අපේ විහාරස්ථානයටත් සමාජයටත් විශාල සේවයක් කළා.” කියලා දේශනා කරනවා අපි අහලා තියනවා.

  16. UNP GAL IBBA says:

    දෙවිවරු එනකන් බලන් ඉන්නකො හාමුදුරුවනේ හැබැයි මතක තියාගන්න දෙමලයි මුස්ලිමයයි රටේ බලය අල්ලනොගත්තොත් මම කන කපනවා???

  17. siri says:

    oya deiya adahanne Saibaba bawa danne nadda apehamuduruwane,

  18. Pana Deiya says:

    ” Pana Deiyata ” hamuduruwo panala denawa wagei!

  19. PULATHISI says:

    අතිපූජ්‍ය අස්ගිරි අනුනාහිමියනි, මෙම ප්‍රකාශයෙන් ඔබවහන්සේ අපේ රට විනාශ කළ පරසුද්දන්ට එරෙහිව නැගී සිටිමින් මහනුවර දළදා මැදුර ඉදිරිපිටදී ඉංග්‍රීසි කොඩිය බිම හෙළා පාගා සිංහ ධජය ඉහළට නංවා ජාතියේ අභිමානය ලොවටම විදහා දැක්වූ එවකට අස්ගිරි අනුනායකව වැඩසිටි වාරියපොළ වීර සුමංගල අනුනායක හිමිපාණන් වහන්සේව අගෞරවයට ලක් කරන්නේද?

  20. Ajanatha Herath says:

    අපේ හාමුදුරුවනේ දානෙට අමුවත් කවිලාදෝ?

Leave a Comment

Main News