කදුළු ගෑස්, ජල ප‍්‍රහාර කෑ ආබාධිත රණවිරුවන් ආයෙත් රවටලා.. විශ‍්‍රාම ගෙවන්න මුදල් නෑ..

November 24, 2016 at 12:00 pm | lanka C news
කදුළු ගෑස්, ජල ප‍්‍රහාර කෑ ආබාධිත රණවිරුවන් ආයෙත් රවටලා.. විශ‍්‍රාම ගෙවන්න මුදල් නෑ..

ආබාධාත රණවිරුවන් සදහා විශ‍්‍රාම වැටුප් එන වසරේ පටන් ලබා දෙන්නේ යයි ආරක්ෂක ලේකම් කරුණාසේන හෙට්ටිආරච්චි මහතා ලිඛිතව පොරොන්දු වුවත් 2017 වසර සදහා ඉදිරිපත් කර ඇති අයවැය යෝජනාවේ ඊට මුදල් වෙන්කර නැතැයි මේජර් අජිත් ප්‍රසන්න මහතා පවසයි.

ආබාධිත සෙබළුන් රජය විසින් නැවත වතාවක් රවටා ඇතැයිද චෝදනා කරන ඔහු එන වසරේ පෙබරවාරියේ සිට විශ්‍රාම වැටුප ලබාදෙන්නේ යයි ආරක්‍ෂක ලේකම්වරයා ලිඛිතව පොරොන්දු වූ බවත් මාධ්‍ය ඉදිරියේදීද එය සනාථ කල බවත් පවසයි.

මේ තත්වය යටතේ පෙබරවාරියේ සිට ආබාධිත සෙබළුන්ට විශ්‍රාම වැටුප් ලබාදෙන්නේ කෙසේදැයි ආරක්ෂක ලේකම්වරයා පැහැදිලි කළයුතු බවද ඔහු පෙන්වා දෙයි.

14 views

3 Comments to “කදුළු ගෑස්, ජල ප‍්‍රහාර කෑ ආබාධිත රණවිරුවන් ආයෙත් රවටලා.. විශ‍්‍රාම ගෙවන්න මුදල් නෑ..”

  1. DIGA JANTHU says:

    “Yahapalanaya “yanu tanikarama minissu rawattana boruwa haaa wanchawa rata palanaya kirimai================

  2. Vimarshana says:

    ආභාදිත රණවිරුවනට විශ්‍රාම වැටුප් ගෙවීමට ප්‍රතිපාදන නොමැතිනම් කල යුත්තේ තීරු බදු සහිතව වාහනයක් ලබා දී ඇති සියලුම මන්ත්‍රී වරුන් හට, නැවතත් තීරු බදු රහිත අතිරේක වහනයක් ලබා දීම හෝ කුලී පදනම යටතේ මසකට රු. ලක්ෂ 7 බැගින් වැය කරමින් අතිරේක වහනයක් ලබා දීම නවතා, එම අරමුදලින් රට ජාතිය ආරක්ෂා කිරීම සඳහා තමන්ගේ ඇත පය හා ඇස් මස් දන්දී තම ජීවිතය අඳුරු කරගත් උදාර රණවිරුවන්හට විශ්‍රාම වැටුප් ගෙවීමයි. එක්‌ මන්ත්‍රී වරයෙකුට එකම මොහොතක වාහන දෙකක ගමන් කල නොහැකි බැවින් හා මුළු දවස පුරා මන්ත්‍රීවරයා වාහන වල ගමන් කල හොත් වෙනත් රාජකාරියක් කිරීමට වෙලාවක් නොමැති වන බැවින් බැවින්ද, මහජනයා උසුලා ගත නොහැකි බදු බරක් දරමින් දැඩි පීඩාවටපත්වී ඇති අවස්තාවක එක මන්ත්‍රී වරයෙකුට වාහන දෙකක් මහජන මුදලින් ලබා දීම යහපාලනය සඳහා චන්දය දුන් අහිංසක චන්දදායකයා හට කරන්නාවූ බලවත් අසාධාරනයක් හා අවමානයක් නොවන්නේද? රටේ වැඩි පිරිසක් මෝටර් බයිසිකලයක් නඩත්තු කිරීමට පවා නොහැකි තත්වයක සිටියදී, මැති ඇමතිවරුන් මහජනයාගේ මුදලින් මහත් තේජාන්විත ලෙස අධි සුකෝපභෝගී වාහන නැගී මරණ බියෙන් තොරව ඔබ මොබ යන්නේ ඔබෙන් කඳුළු ගස් හා ජල ප්‍රහාර වලට ලක් වූ ආභාධිත රණවිරුවන් නිසා බව අමුතුවෙන් පැහැදිලි කර යුතුද?

  3. Champa says:

    කාලකන්නි ආණ්ඩුව. ආරක්ෂක ලේකම් විතරක් නෙමෙයි ජනාධිපතිත් කියල හියෙනවා මම දැක්ක ලබන අවුරුද්දේ පෙබරවාරි ඉඳන් ඔය විශ්‍රාම වැටුප ගෙවනවා කියලා. ඒ විතරක් නෙමෙයි අසම්පූර්ණ සේවා කාලයක් ඇතුලත මිය ගිය රණවිරුවන්ගේ වැන්දඹු බිරින්දන්ටත් විශ්‍රාම වැටුපක් ගෙවන්න ඕනේ කියලා ජනාධිපති කියලා තියෙනවා දැක්ක.

    මේ අබාධිත රණවිරුවන්ට වෙනම සංවිධානයක් තියෙනවද? අජිත් මේ රණවිරුවන්ට ජනාධිපතිතුමා මුණ ගැහිලා මේ ප්‍රශ්නේ කතා කරන්න අවස්ථාවක් හදලා දුන්න නම් හොඳයි නේද?

    “War Veterans Department” කියලා එකක් ආරක්ෂක අමාත්‍යංශයේ පිහිටුවනවා කියලා රුවන් කියලා තිබුනා. ඒක දැනටම පිහිටුවලා නම් දේශපාලකයෝ හමුවෙන්න ඉස්සෙල්ල එතනට ගිහින් එතන ප්‍රධානියාව හමු වෙන්න. රට වෙනුවෙන් සටන් කරන්න ගිහින් ආබාධිත වෙච්ච රණවිරුවන්ට මෙහෙම එක එකා පස්සේ යන්න වෙච්ච එක ගැන හරිම කණගාටුයි.

Main News