යුද හමුදාව සතුව තිබූ කන්කසන්තුරේ ඉඩම් 30 වසරකට පසු මුදා හරී…

August 22, 2018 at 6:48 pm | lanka C news
යුද හමුදාව සතුව තිබූ කන්කසන්තුරේ ඉඩම් 30 වසරකට පසු මුදා හරී…

යාපනය තෙලිප්පලෙයි ප්‍රාදේශීය ලේකම් කොට්ඨාශයට අයත් කන්කසන්තුරෙයි ප්‍රදේශයේ වසර 30 ක් පුරාවට ආරක්ෂක අංශ සතුව පැවති ඉඩම් අක්කර 4 යි පර්චස් 20 ක ප්‍රමාණයක් ඊයේ (21) දින මුල් අයිතිකරුවන් වෙතට භාර දීම සිදු විය.

යාපනය ආරක්ෂක සේනා ආඥාපති මේජර් ජෙනරල් දර්ශන හෙට්ටිආරච්චි මහතාගේ ප්‍රධානත්වයේ ඉඩම් මුල් අයිතිකරුවන් වෙතට භාර දීම සිදු වූවේ යාපනය දිසාපති නාගලිංගම් වේදනායගම් මහතා වෙතට භාර දීම සිදු විය.

කන්කසන්තුරෙ ජේ.234 ග්‍රාමසේවා වසමට අයත් ඉඩම් ප්‍රමාණය මෙසේ මුල් අයිතිකරුවන් වෙතට භාර දීම සිදු විය.

යුද්දය හේතුවෙන් ආරක්ෂක පියවරක් වශයෙන් අදාල ඉඩම් කන්කසන්තුරෙයි අධිආරක්ෂිත කලාපයතක් වශයෙන් වසර 30 ක කාලයක් පැවති අතර යුද්දය නිමාවීමෙන් පසුව එම ප්‍රදේශයන්හි බිම්බෝම්බ ඉවත් කිරීමෙන් පසුව අදාල ඉඩම් මුල් අයිතිකරුවන් වෙතට භාරදීම එසේ සිදු විය.

ඉඩම් මුල් අයිතිකරුවන් වෙතට ලබා දීමේ අවස්ථාවට යාපනය  අතිරේක දිස්ත්‍රීක් ලේකම් එස් .මුරලිදරන්, එස්.ශ්‍රීවශ්‍රී ඇතුලු සාමාන්‍ය වැසියන් පිරිසක් හා යුද හමුදා නිලධාරීන් පිරිසක් සහභාගී වී සිටියහ.

– වන්නි රොමේෂ් මධුෂංඛ

29 views
Main News