කබ්රාල්ගේ මහ බැංකු අධිපතිකම අත්හිටුවන්නැයි අධිකරණයට යයි… අත්අඩංගුවට ගන්නා නියෝගයක්ද ඉල්ලයි…

September 14, 2021 at 5:30 pm | lanka C news
කබ්රාල්ගේ මහ බැංකු අධිපතිකම අත්හිටුවන්නැයි අධිකරණයට යයි… අත්අඩංගුවට ගන්නා නියෝගයක්ද ඉල්ලයි…

හිටපු මුදල් රාජ්‍ය අමාත්‍ය අජිත් නිවාඩ් කබ්රාල් මහතා මහබැංකු අධිපති ධුරයට පත් කිරීම වළකාලන අතුරු නියෝගයක් නිකුත් කරන ලෙස ඉල්ලා දකුණ සහ මධ්‍යම පළාත් හිටපු ආණ්ඩුකාර රංජිත් කීර්ති තෙන්නකෝන් මහතා කොළඹ අභියාචනාධිකරණයේ අද (14) රිට් පෙත්සමක් ගොනු කළේය.

බැදුම්කර වංචා සිද්ධිය සම්බන්ධයෙන් සොයා ජනාධිපති විමර්ශන කොමිෂන් සභා අවසන් වාර්තාවේ නිර්දේශයක් මත සිදු කළ වෝහාරික විගණන වාර්තාවේ නිර්දේශ මත අජිත් නිවාඩ් කබ්රාල් මහතා අත්අඩංගුවට ගෙන රදවා ගෙන ප්‍රකාශ සටහන් කරන ගන්නා ලෙසටත් , ඔහුට විරුද්ධව නඩු පැවරීම් කටයුතු කරන ලෙසට නියෝග කරමින් නීතිපතිවරයා සහ පොලිස්පතිවරයාට රිට් ආඥාවක් නිකුත් කරන ලෙසද පෙත්සමින් ඉල්ලා ඇත.

මෙම පෙත්සමේ වගඋත්තරකරුවන් ලෙස නීතිපති , පොලිස්පති , අජිත් නිවාඩ් කබ්රාල් මහතා , ජනාධිපති ලේකම් ආචාර්ය පී.බී.ජයසුන්දර මහතා , මුදල් අමාත්‍ය බැසිල් රාජපක්ෂ මහතා , මහ බැංකු නියෝජ්‍ය අධිපති ටී.එම්.ජේ.වයි.පී .ප්‍රනාන්දු මහතා නම් කරනු ලැබ සිටිති.

දකුණ, මධ්‍ය හා ඌව පළාත් හි හිටපු ආණ්ඩුකාර රජිත් කීර්ති තෙන්නකෝන් මහතා ගොනු කළ පෙත්සමින් සදහන් වන්නේ 2006 ජූලි සිට 2015 ජනවාරි දක්වා කාල සීමාව තුල මහ බැංකු අධිපති ධූරය දැරූ අජිත් නිවාඩ් කබ්රාල් පොදුජන පෙරමුණ නියෝජනය කරමින් මුදල් රාජ්‍ය අමාත්‍යවරයා ලෙස 2021 සැප්තෑම්බර් 13 දින දක්වා කටයුතු කර ඇති බවය.

හිටපු ජනාධිපති මෛත්‍රීපාල සිරිසේන විසින් බැඳුම්කර වංචා සම්බන්ධයෙන් විමර්ශනය කිරීම සඳහා පත් කළ ජනාධිපති කොමිෂමක් පත් කල බව ද, එහි නිර්දේශයක් ලෙස සිදු කළ වෝහාරික විගණන වාර්තාව මගින් වගඋත්තරකාර අජිත් නිවාඩ් කබ්රාල් සම්බන්ධයෙන් කරුණු ගණනාවක් හෙළි කර ඇති බවද පෙත්සම්කරු කියා සිටී.

වෝහාරික විගණන වාර්තාව මගින් හෙළි කර ඇති කරුණු සම්බන්ධයෙන් අපරාධමය චෝදනා එල්ල වී ඇති අජිත් නිවාඩ් කබ්රාල් සම්බන්ධයෙන් නීතිය ක්‍රියත්මක විය යුතු බවත්, ඔහු නැවත මහ බැංකු අධිපති ධූරයට පත් වන්නේ නම් මෙම සාක්ෂි විනාශ කිරීමට ඇති ඉඩ වලක්වාල ලෙස ද, පෙත්සමින් ඉල්ලා ඇත.

ජනාධිපති කොමිෂන් සභා නිර්දේශයක් මත සිදු කළ වෝහාරික විගණන වාර්තා ගණනාවකට සම්බන්ධ පාර්ශවයන් සම්බන්ධයෙන් අධිකරණ ක්‍රියාමාර්ග ගන්නා ලෙස ද මෙම පෙත්සම මගින් ඉල්ලා ඇත.

හිටපු මහබැංකු අධිපතිවරයෙකු වූ අජිත් නිවාඩ් කබ්රාල් මහ බැංකු අධිපති ධූරයට නැවත පත් කිරිම මගින්, අපරාධමය වරදකට සම්බන්ධ මහ බැංකුවේ සතු සාක්ෂි විනාශ කිරීමට, වෙනස් කිරීමට හා සාක්ෂිකරුවන්ට බලපෑම් කිරීමට අවස්ථාවක් හිමිවන බවත් , මහ බැංකුවේ සිදුව ඇති මහ පරිමාන දුෂණ හා වංචා සම්බන්ධයෙන් පරීක්ෂණ සිදු කර එයට සම්බන්ධ පාර්ශවයන්ට නඩු පැවරීම සිදු කරන ලෙස ද හිටපු ආණ්ඩුකාරවරයා සිය පෙත්සම මගින් ඉල්ලා ඇත.

වොහාරික විගණන වාර්තාවේ අති විශාල චෝදනා සංඛ්‍යාවක් එල්ල වී ඇති අජිත් නිවාඩ් කබ්රාල් අත්අඩංගුවට ගෙන රඳවා ප්‍රකාශයක් ලබා ගන්නා ලෙස ද, මුදල් පනතේ 12 වගන්තිය අනුව, ජනාධිපති ලේකම් හා මුදල් අමාත්‍යවරුන්ට අජිත් නිවාඩ් කබ්රාල් මහ බැංකුවේ කිසිදු තනතුරක් සඳහා පත් කිරීම වලක්වන ලෙස ද,අපරාධමය වරදක් පිළිබඳ සාක්ෂි වෙනස් කිරීම, විනාශ කිරීම හෝ වෙනස් කිරීම සිදු කළ හැකි බැවින් අජිත් නිවාඩ් කබ්රාල් නැවත මහ බැංකු අධිපති ධූරය සඳහා පත් කිරීම වලක්වන ලෙස ද, පෙත්සම මගින් ඉල්ලා ඇත.

ජනාධිපති විමර්ශන කොමිෂන් සභා නිර්දේශයක් මත සිදු කළ වෝහාරික විගණන වාර්තාවේ නිර්දේශ අනුව හිටපු මහ බැංකු අධිපති අජිත් නිවාඩ් කබ්රාල් ට විරුද්ධව නීති මගින් කටයුතු කරන ලෙස නියෝග කරමින් නීතිපතිවරයා සහ පොලිස්පතිවරයාට මැන්ඩමූස් ආඥාවක් නිකුත් කරන ලෙස ද, හිටපු ආණ්ඩුකාර රංජිත් කීර්ති තෙන්නකෝන් ඉදිරිපත් කළ පෙත්සම මගින් ඉල්ලා ඇත.

ජනාධිපති නීතිඥ මෛත්‍රී ගුණරත්න, ජ්‍යෙෂ්ඨ නීතිඥ ශිරාල් ලක්තිලක ඇතුළු පිරිසක් පෙත්සම වෙනුවෙන් අධිකරණයට කරුණු ඉදිරිපත් කිරීමට නියමිතය.

– lankadeepa

84,084 views

45 Comments to “කබ්රාල්ගේ මහ බැංකු අධිපතිකම අත්හිටුවන්නැයි අධිකරණයට යයි… අත්අඩංගුවට ගන්නා නියෝගයක්ද ඉල්ලයි…”

  1. NuwanJ says:

    මෙකෙ ⁣කමෙන්ට් කරන අය දන්නෙ නැතිව ඇති
    ගියවර කබරාල් අධිපති වෙනකොටත් එයා දේශපාලන යට සම්බන්දයි.
    ඊට කලින් යුඑන්පි ආණ්ඩුවක් යටතේ පාලතේ සභාවේ ඇමතිකමක් දරල තියනවා.

    ඉතිං ගියපාර හෙදෙනං මේ පාර හොද නැතිවෙන්නෙ කොහොමද

    අරැජන යහපාලන මහබැංකු අධිපතිට වගේ පිටරටක පුරවැසියෙක් නොවෙන නිසාද?

    • ගරසරප says:

      මෙයා අදටත් තද යූඑන්පී කාරයෙක් තමා. හොදම යූඑන්පී කාරයො ටිකට, අර ඉන්දියාවේ ඇරිය එක්කෙනා ඇතුලු පිරිසට තමා හොදටම සලකන්නෙ.

  2. Samaka says:

    හිරේ දැම්මත් කියන්න ඕන – මේ නඩුවේ තීන්දුව නම් ඉතින් ………..

    පොලිස් / CID කාරයෝ මාව ඉස්සුවත් කියන්න ඕන – දැන් නම් මේ පවුල් හැතිකරය කුමන හෝ ආකාරයකින්
    “ වාසිම්කරණය “ කර දැමිය යුතුමයි.

  3. පාස්කු ත්‍රස්තයන් පාහන්තුඩා වේ ගිහි says:

    ඇත්තෙන්ම කාටත් හොරා මහා බැංකුව කැඩුවේ මුගේ කාලේ තමයි. අර්ජුන් මහේන්ද්‍රන් ගේ ගැහිල්ල නිකං අග්ගලයක් වගේ මුගේ ගහපු ගැහිල්ලත් එක්ක. අදටත් සිරිසේන ගේ මහබැංකු බැඳුම්කර වංචා ගැන ජනාධිපති කොමිෂන් වාර්තාව හඟපු පිටු ටික එළියට දැම්මේ නැහැ. මේ ඩිල් නිසා තමයි අදටත් මහබැංකු හොරු එළියේ ඉන්නේ හැබැයි සිරිසේන පාර්ලිමේ්තුවේ ඉන්නේ.

  4. Jagath says:

    නඩුත් බඩුත් නිතියත් උන්ට ඕනේ විදිහට නේ. ඒ නිසා වැඩක් නෑ. නිදොස් කොට නිදහස්

  5. Udrich says:

    Mechahara horakam karapu ekek may vage loku thanathurakata daanda Nandasenya gaththa theeranayen hitha ganda puluvan mu mona tharam charter naayakayekda kiyala.

  6. SAMAN says:

    WE SALUTE FOR THE PETRIOTICS WHO HAS FILE A CASE AGAINST THIS FAKE CB GOVERNER
    WE STILL BELIVE THE CONSITUTIONAL COURT AND EXPECTING A FAIR JUDGEMENT !

    • sihala yaka says:

      මොන patriot ද බං. පන්දන් අල්ලලා ලොකු පුටුවේ ඉඳගෙන ගඳ ගස්සපු උන් දැන් එනවා සිල් රකින්න.

  7. ස්ට්‍රයික් ගුරා says:

    කිර්ති කියන එක්කෙනෙක් ලොක්කෙක් වෙලා ඉන්න කාලේ පාසල් වල ස්ථාන මාරු පුද්ගලික කරණය කරලා නටපු නීති විරෝධී පිස්සු වලටත් ඔය ගමන්ම නඩු දාන්න.

Leave a Comment

Main News