කාංචන විජේසේකර එකාබද්ධයෙන් යන බව කීවේ සිස්ටම් කැඩීම නිසයි..

May 8, 2017 at 6:48 pm | lanka C news
කාංචන විජේසේකර එකාබද්ධයෙන් යන බව කීවේ සිස්ටම් කැඩීම නිසයි..

මුහුණු පොතේ හදවතේ කණ්ඩායමේ විසින් මාතර අපරැක්ක මර්සිනා හාමි දහනායක නැනති ඉතා අසරණ මවකට ඇගේ දුප්පත් කුඩා පැලපත වෙනුවට නිවසක් සදා එය ඇය වෙත භාරදිමේ අවස්ථාවකට හිටපු ජනාධිපති මහින්ද රාජපක්ෂ මහතාට ආරාධනා කොට තිබුණි.

මෙම අසරණ කාන්තාව ඉතා දැඩි ලෙස මහින්ද රාජපක්ෂ ජනාධිපතිවරයා වෙනුවෙන් පෙනි සිටින කාන්තාවක් වු අතර ප්‍රදේශයේ දේශපාලන බලවතුන් ගේ ඇස මෙම අසරණ මව කෙරෙහි යොමු වී නොතිබුණ අතර මේ සඳහා මුහුණු පොතේ හදවතේ කණ්ඩායමේ ඉදිරිපත් වී ඔහුනගේ පුද්ගලික දායකත්වයෙන් ඉහත නිවස ඉදිකරනු ලැබිය.

මෙම ඉදිකිරීමට මුල් වුයේ දෙවුන්දර ප්‍රදේශිය සභාවේ හිටපු සභාපතිවරයා විසින් මෙම අසරණ මව සම්බන්ධව එම සභාපතිවරයාගේ මුහුණ පොතේ පලකල ප්‍රකාශයකිනි. එය දුටු මුහුණු පොතේ හදවතේ කණ්ඩායම මේ සඳහා පූර්ණ අනුග්‍රහය දැක්වුහ.

ආසන සංවිධායක ලෙස පාර්ලිමේන්තු මන්ත්‍රී කාංචන විජේසේකර දැනුවත් කොට හිටපු ජනාධිපති මහින්ද රාජපක්ෂ මහතා නොපැමිණිම සම්බන්ධව ගැටලුවක් ඇති කරගත්හ. ඔහු ඒකාබද්ධයෙන් තාවකාලික ඉවත්වන බවට තර්ජනයක් කලේ හිටපු ජනාධිපතිවරයාගේ සහභාගි වීම වලක්වා එදිනට එම අසරණ මවට නිවස භාරදිම වැලැක්වීමට වුවත් කලින් යොදාගත් පරිදි එම අවස්ථාවට හිටපු ජනාධිපතිවරයා සහභාගි විය.

තම ස්වාමිපුරුෂයා මෙන්ම තාමගේ දුව සහ පුතා ද මියගොස් සිටි ඇයට ඉන්න නිවහනක් ලැබීම විශාල සැනසුමක් වූ අතර ඒ සඳහා දායකත්වය දුන් මුහුණු පොතේ හදවතේ කණ්ඩායමට මෙන්ම නව නිවස භාරදීමට පැමිණි මහින්ද රාජපක්ෂ ජනාධිපතිවරයාට ඇය විසින් පින් දෙමින් එම කටයුත්ත සාර්ථකව අවසන් විය.

එහෙත් මෙම ක්‍රියාවලිය සිදු විමේදි මාතර දිස්ත්‍රික් පොදු විපක්ෂයේ මන්ත්‍රී ඩලස් අලහප්පෙරුම මන්ත්‍රීවරයා කාංචන විජේසේකර මන්ත්‍රීවරයාගේ එම හැසිරීම සම්බන්ධව මාධ්‍යට ප්‍රකාශයක් කරමින් පැවසුවේ ඕනෑම ආයතනයක සිස්ටම් එකක් තියෙනවා එම සිස්ටම් කැඩීම හරහා යම් තෙරපුමක් මන්ත්‍රීවරයාට ඇති වු බවත්, ඒ සම්බන්ධව මන්ත්‍රීවරයා මෙන්ම ඒකාබද්ධ විපක්ෂය ද යම් ක්‍රමවේදයක් පැවතිය යුතු බව ඉතා ඉහළින් විශ්වාස කරන බවයි.

කෙසේ වෙතත් ඩලස් අලහප්පෙරුම මන්ත්‍රීවරයා පැවසු සිස්ටම් කැඩීම කවුරුන් විසින්, කොයි ආකාරයෙන්, මොන අවස්ථාවක කැඩුවේ ද යන්න පැහැදිලි කිරීමක් සිදු කලේ නැත.

270 views
Main News