කැබිනට් ඇමතිලා තවත් 18ක් වැඩි කරන්න සූදානම්..

February 15, 2019 at 1:20 pm | lanka C news
කැබිනට් ඇමතිලා තවත් 18ක් වැඩි කරන්න සූදානම්..

මෙම වසරේ මැයි මාසයට ප්‍රථම පළාත් සභා මැතිවරණයක් පැවැත්වීම සඳහා අවශ්‍ය කටයුතු සලසන ලෙසට ජනාධිපතිවරයාගෙන් ඉල්ලා සිටින බව එක්සත් ජනතා නිදහස් සන්ධාන පාර්ලිමේන්තු මන්ත්‍රී ඩලස් අලහප්පෙරුම මහතා පැවසීය.

හෙතෙම මේ බව සඳහන් කලේ කොටපොල ප්‍රාදේශීය සභාවේ බලය පිහිටුවා වසරක් සැපිරීම නිම්මිත්තෙන් දෙනියාය කොටපොල ප්‍රාදේශීය සභා ශ්‍රවනාගාරයේදී පැවති උත්සවයේ ප්‍රධාන ආරාධිත අමුත්තා ලෙස සහභාගිවී සභාව අමතමිනි.

වැඩිදුරටත් සභාව ඇමතු ඒ මහතා,

දැන් ආණ්ඩුවට තියෙන ප්‍රශ්නය කොහොමද ඇමති මණ්ඩලය වැඩි කරගන්නේ කියලා.ඒ හින්දා යෝජනාවක් ගෙනාව පසුගිය සතියේ යෝජනාව කල් තැබුවා,මේ මාසේ 22 දාට ගේනවා කියලා.තව ඇමති ධුර 18 කින් වැඩිකරගන්න.සාගල මහත්තයා වගේ තව 18 දෙනෙක් වැඩි කරගන්න.ආණ්ඩුවට තියෙන්නේ ඒ ප්‍රශ්නය.ආණ්ඩුව පොරකන්නේ ඒ ප්‍රශ්නෙත් එක්කලා.මුස්ලිම් කොන්ග්‍රසයේ එක මන්ත්‍රී වරයෙකුට මුවා වෙලා 18 කැබිනට් එක වැඩිකරගන්න.නියෝජ්‍ය ඇමති සංඛ්‍යාව වැඩිකරගන්න.

අපි ජනාධිපතිතුමාට කියන්නේ අද දවසේ එක්සත් ජාතික පක්ෂයේ අගමැතිතුමා, ඇමතිවරයා පළාත් සභා මැතිවරණය සමානුපාතික ක්‍රමය යටතේ තියන්න යෝජනාව ගෙනාවේ නැත්නම් අතිගරු ජනාධිපති තුමනි, ඔබතුමා ජනාධිපතිතුමා විදියට ඔබතුමා ඒ යෝජනාව කැබිනට් මණ්ඩලයට ඉදිරිපත් කරන්න.එතකොට අපිට පුළුවන් මයි මාසේ 31 කලින් මැතිවරණය තියලා රටේ හදගැස්ම පිලිබඳ පණිවිඩය ආණ්ඩුවේ පාලකයින්ට දෙන්න.

ව්‍යවස්ථාව යටතේ මොන මැතිවරණ කල් දැම්මත් ජනාධිපතිවරණය කල් දන්නා බැහැ.ජනාධිපතිවරණය තියන්න ඕන ජනාධිපතිතුමා තමන්ගේ ධුරයේ දිවුරුම් දුන් දිනයට මාසයකට අඩු නොවන මාස දෙකකට වැඩි නොවන දිනයකදී.ඒ කියන්නේ එතුමා දිවුරුම් දුන්නේ ජනවාරි 9 වෙනිදා.ව්‍යවස්ථාව යටතේ මැතිවරණය තියන්න ඕන කවදද?මැතිවරණය තියන්න ඕන දෙසැම්බර් 09 ඉස්සරවෙලා නොවැම්බර් 09 පස්සේ. ජනාධිපතිවරණ මැතිවරණ නීතියේ තියෙන්නේ සෙනසුරාදාවක මැතිවරණය තියන්න ඕන කියලා.එහෙනම් අන්තිම දවස මොකක්ද?දෙසැම්බර් 09 පෙර එන අන්තිම සෙනසුරාදා දෙසැම්බර් 07.දෙසැම්බර් 07 එහා පැත්තේ මොන හේතුවක් නිසාවත් ජනාධිපතිවරණය ගෙනියන්න බෑ.

– මොරවක ප්‍රියංකර ගමගේ

14,207 Viewers

4 Comments to “කැබිනට් ඇමතිලා තවත් 18ක් වැඩි කරන්න සූදානම්..”

  1. david milibanda says:

    For what? May ballo Mahajanayage salli thawath kanawa lajjawak nathuwa.
    To pluck Coconuts or Toil the Paddy Fields or to Sell the ‘KuDu” collected by the Government?

  2. Aurora says:

    පළාත් සභා චන්දෙ 2019 නොවැම්බර් 10 ට පෙර තිබ්බේ නැතිනම් තමුන් ඉල්ලා අස්වෙනවා කියන මැතිවරණ කොමසාරිස්ගේ ප්‍රකාශයේ බර නොසලකා හරින්න එපා. NGO සහ UNP බළල් අත් වලින් මෙහෙයවෙන මහින්ද දේශප්‍රිය මේ සුදානම් වන්නේ කුමකටද කියා බලන්න. නොවැම්බර් 9 ට පෙර ආණ්ඩුව පළාත්සභා චන්දෙ නොපැවැත්වීම හේතුවක් කරගෙන මහින්ද දේශප්‍රිය ඉල්ලලා අස්වෙලා ජනාධිපතිවරණය කඩාකප්පල් කරන්නයි මේ සුදානම. ආණ්ඩුවට එරෙහි ජනමතය පෙන්වන්න තියන නිසැක අවස්ථාව වන ජනාධිපතිවරණය කඩාකප්පල් කරන්න NGO සහ UNP බළල් අත් වලින් මෙහෙයවෙන මහින්ද දේශප්‍රිය මේ කල්තබා සුදානම් වෙන්නේ.

  3. ගන්ජ බන්ඩා says:

    බස්හ ස්ටෑන්ඩ් එකක සුද්දෙකුට යන්න කක්කුස්සියක් නැහැ. ඒනිසා කක්කුස්සි ඇමතියෙක් පත් කොලොත් නරකද අගමැතියො

  4. Saradiel says:

    අයවැය පරදවා මැතිවරණයක් ගේමු

Main News