කැබිනට් රැස්වීම් යලි නෑ.. සියල්ල අවලංගුයි..- ජනාධිපති දන්වයි.. ඇමතිලා අනාථයි..

June 11, 2019 at 9:20 am | lanka C news
කැබිනට් රැස්වීම් යලි නෑ.. සියල්ල අවලංගුයි..- ජනාධිපති දන්වයි.. ඇමතිලා අනාථයි..

පාස්කූ ඉරිදා දිනයේ මෙරටට එල්ල කළද බෝම්බ ප‍්‍රහාර සම්බන්ධයෙන් විමර්ශනය කරන පාර්ලිමේන්තු විශේෂ තේරීම් කාරක සභාව අත්හිටුවන තුරු කැබිනට් රැස්වීම නොපැවතීමට ජනාධිපති මෛත්‍රීපාල සිරිසේන මහතා තීරණය කර ඇත.

ඒ අනුව අද අඟහරුවාදා දිනයේදී පැවැත්වෙන කැබිනට් මණ්ඩලය නොපැවැත්වෙන බව ඉහළ පෙළේ ආරංචි මාර්ග කියා සිටියේය.

අද කැබිනට් රැස්වීම පැවැත්වෙන්නේ නැති බව පසුගිය සිකුරාදා කැබිනට් ඇමතිවරුන්ටද දන්වා ඇති අතර ඒ බව ගිය සිකුරාදා පැවති කැබිනට් රැස්වීම් වාර්තාවේද සඳහන් කර තිබේ.

පාර්ලිමේන්තු තේරීම් කාරක සභාව සම්බන්ධයෙන් පසුගිය සිකුරාදා පැවැති කැබිනට් රැස්වීමේ දී ජනාධිපතිවරයා දැඩි විරෝධය පළ කර ඇති අතර තේරීම් කාරක සභාවේ කටයුතු කරන්නෙ මේ ආකාරයට නම් තමන් කැබිනට් රැස්වීම් නතර කරන බවද දන්වා ඇත.

මේ අනුව පාර්ලිමේන්තු තේරීම් කාරක සභාව නතර කිරීමට තීරණය ගන්නා කැබිනට් රැස්වීම පැවැත්වෙන්නේ නැති බවද එම ආරංචි මාර්ග සඳහන් කරයි.

26 views

21 Comments to “කැබිනට් රැස්වීම් යලි නෑ.. සියල්ල අවලංගුයි..- ජනාධිපති දන්වයි.. ඇමතිලා අනාථයි..”

  1. කැලණියෙ දමියා says:

    ඕක රැස්වුණා කියලා පසුගිය අවුරුදු 5 ට වෙච්චි දෙයක් නැනැ. එනිසා ඕක දිගටම රැස්නොකලයි කියලා ජනතාවට කිසිම හානියක් වෙන්නේ නැහැ. ඒකෙන් සිදුවන්නේ ජනතාවට සේවයක් පමණයි.

  2. john the baptice says:

    ජනාදිපති අගමැති බලපෙරලියට මහජනතාව ඉඩ නොදිය යුතුය දෙන්නම රජයෙන් පැන්නවීම මහජනතාවගේ පරම යුතුකමයි

  3. අංකූරා says:

    2015 පටන් ගත්ත නාඩගමේ උච්චතම අවස්ථාව තමයි මේක !, අපි ජනතාව විදිහට ඉතාමත් මෝඩයි ,අවාසනාවන්තයි !!, මේ තත්වය උදාකර් ගත්තේ ජනතාවමයි!!!,

  4. Ametiya says:

    Cabinet nathnam, amathiyala ona naha, ethkota unge waraprasada, waradana nawthwunama ratata koti gananak ithuru wenawa. Munwa onama natha!

Main News