කැම්පස් නොයන හැමෝම මෝඩයන් නොවෙයි..- බදියුදීන්

August 31, 2019 at 12:40 pm | lanka C news
කැම්පස් නොයන හැමෝම මෝඩයන් නොවෙයි..- බදියුදීන්

අ.පො.ස. සාමාන්‍ය පෙළ, අ.පො.ස. උසස් පෙළ විභාග වලට පෙනී ඉඳලා උසස් අධ්‍යාපනය හදාරන්න විශ්වවිද්‍යාලයට යන්නේ ඉතාමත් සීමිත පිරිසක්. ඒ උසස් පෙළ සමත්වන සියලුම දරු දැරියන්ට විශ්වවිද්‍යාල පහසුකම් නොමැති නිසා විශාල පිරිසකට විශ්වවිද්‍යාල වරම් අහිමි වෙනවා. ඒකෙන් අදහස්වෙන්නේ නැහැ ඔවුන් නූගත් කියලා යැයි  කර්මාන්ත හා වාණිජ කටයුතු, දිගුකාලීන අවතැන් පුද්ගලයන් නැවත පදිංචි කිරීම, සමූපකාර සංවර්ධන සහ වෘත්තීය පුහුණු හා නිපුණතා සංවර්ධන අමාත්‍ය රිෂාඩ් බදියුදීන් මහතා පවසයි.

ඒ මහතා මේ බව පවසුයේ ගම්පහ,යක්කල, වැරැල්ලවත්ත කාර්මික විද්‍යාලය විවෘත්ත කළ අවස්ථාවට සහභාගි වෙමිනි.

එහිදී වැඩි දුරටත් අදහස් දැක්වූ අමාත්‍ය වරයා,

අ.පො.ස. සාමාන්‍ය පෙළ, අ.පො.ස. උසස් පෙළ විභාග වලට පෙනී ඉඳලා උසස් අධ්‍යාපනය හදාරන්න විශ්වවිද්‍යාලයට යන්නේ ඉතාමත් සීමිත පිරිසක්. ඒ උසස් පෙළ සමත්වන සියලුම දරු දැරියන්ට විශ්වවිද්‍යාල පහසුකම් නොමැති නිසා විශාල පිරිසකට විශ්වවිද්‍යාල වරම් අහිමි වෙනවා. ඒකෙන් අදහස්වෙන්නේ නැහැ ඔවුන් නූගත් කියලා. එම සියලු විශ්වවිද්‍යාල වරම් අහිමිවන දරුවන්ගේ විශ්වවිද්‍යාල තක්සලාව බවට පත් වන්නේ අප අමාත්‍යාංශය යටතේ ඇති වෘත්තීය අධ්‍යාපන ආයතනයන් සියයට අනූවකට වඩා උසස් පෙළ විභාගයට පෙනී හිටි දරුවන්ගේ වෘත්තීය අධ්‍යාපනය ලබා දීමේ වගකීම අප සතු වෙනවා. ඒ සදහා විද්‍යාත්මක, තාක්‍ෂණික ක්‍රමවේදයන් ඔස්සේ දරුවන්ට වෘත්තීය දැනුම කුසලතාවය ලබා දෙනවා. එම දරුවන් සමාජයෙන් කොන්විමට අපි ඉඩ තබන්නේ නැහැ.

නිපුණතාවයක් සහ කුසලතාවක් රහිත ශ්‍රමිකයින් විදේශ රටවලට යවා අඩු වැටුපකට රැකියාවක් ලබා දෙනවාට වඩා නිපුණතාවයක් සහිත වෘත්තීමය රැකියාවක් ලබා දීලා ඔවුන්ට විශාල ආදායම් මාර්ගයක් ලබා ගැනීමට මේ මගින් හැකියාව ලැබෙනවා. ඒ අනුව නව තාක්ෂණයෙන් නව ලොව ජයගැනීමට වර්තමාන තරුණ පරම්පරාවට හැකියාව ලැබෙනවා.

මේ මගින් විදේශීය රැකියා වෙලදපලේ වැඩි පංගුවක් හිමිකරගෙන විශාල ආදායමක් රටට එකතුකර ගැනිම අපගේ බලාපොරොත්තුවයි. ඒ මගින් ඔවුන්ගේ පමණක් නොව ඔවුන්ගේ පවුලේත් ජීවන තත්වය ඉහල යනවා. මෙවන් පරිසරයක් තුල වර්තමාන තරුණ පරම්පරාව අයාලේ යායුතු නැහැ. ඔවුන්ගේ අනාගතයේ සුරක්‍ෂිතතාවය අපි තහවුරුකර තිබෙනවා. මා ඉල්ලා සිටිනවා වර්තමාන තරුණ පරම්පාරාවෙන් යහපත් වෘතිකයෙකු වීම සදහා අප ආයතන සදහා එක්වන ලෙස.

– මාධ්‍ය ඒකකය

151 views