කැරලයින් ජූරි කිරුළ අතහරී… අන්තර්ජාලයෙන් සියළු ලෝ වැසියන් අමතා කියයි…

April 9, 2021 at 6:48 pm | lanka C news
කැරලයින් ජූරි කිරුළ අතහරී… අන්තර්ජාලයෙන් සියළු ලෝ වැසියන් අමතා කියයි…

තම දිනාගත් කිරුළ නැවත භාර දීමට කාලය එළැඹ ඇති බව දන්නා බව පසුගිය වසරේ ලෝක විවාහක රූ රැජිණ ලෙස පත් වූ කැරොලීන් ජූරි සඳහන් කරයි.

තම සමාජ ජාල ගිණුම ඔස්සේ වීඩියෝවක් මුදාහරිමින් ඇය මේ බව සඳහන් කරයි.

ආයුබෝවන්!
වනක්කම්!
සියලු ලෝ වැසියනි,

මගේ ලස්සන රටේ සහ ලොව වටා ජීවත්වන සියලු ශ්‍රී ලාංකිකයිනි.
කිරුල දිනාගත් සහ කිරුලක් දිනාගන්නට කැපවී වෙහෙස වූ, මගේ හිතවත් රූ රැජිනියනි.

වාද මතවාදවලට තුඩුදුන්, පසු ගියදා සිදු වූ සිදුවීම ගැන මගේ අවංක කණස්සල්ල පළකර සිටිමි. කිසිවෙකු සමග පුද්ගලික ආරෝවක් මට නැත. පුද්ගලික න්‍යාය පත්‍ර ද මා ළඟ නැත. ශ්‍රී ලංකා විවිහක රූ රැජින තරගයේ අවසාන වටයට තේරී පත් වූ සියලු දෙනා මා ඉතාමත් අගය කොට සළකමි.

”ඔවුනට ඔවුන්ගේ උපරිමයෙන් තරගවැද ජයගැනීමට තරම්, සාධාරණ සහ සැමට සමාන අවස්ථාවක් හිමිවන තරග පසුබිමක් වෙනුවෙන් මා පෙනී සිටිමි. මා කිසිම තරගකාරියකට පක්ෂපාතීව හෝ විරුද්ධව කටයුතු නොකළෙමි. මා නිරන්තරයෙන් සිටගත්තේ මා නිවැරදි යැයි විශ්වාස කරන දේ වෙනුවෙනි.”

මා හට  2020 ලෝක රූ රැජින තරගයේ තරගවැද ජයග්‍රහණය කිරීමට තරම්, සාධාරණ වේදිකාවක් නිර්මාණය කර දුන්, ආදරණීය ලෝක විවාහක රූ රැජින තරග සංවිධායකයින්ට එයින් අත්විඳින්නට සිදු වූ අපහසුතාවයක් වී නම්,  මම ද එය අත්විඳිමි.

ලොව වටා සහ මගේ රටේ වෙසෙන, පසුගිය සහ වර්තමාන රූ රැජින තරග ජයග්‍රාහිකාවන්ට එයින් අත් විඳින්නට සිදු වූ අපහසුතාවය මමද එලෙසින්ම අත් විඳිමි. සෑම රූ රැජින තරගයකටම ඊට අනන්‍ය වූ නීති රෙගුලාසි මාලාවක් ඇත. මා මුල සිටම පෙනී සිටියේ සාධාරණ වේදිකාවක් සහ සැමට සාධාරණ වූ නීති රෙගුලාසි වෙනුවෙනි.

”තරගයක නීති රීති ඇත්තේ, ඒවාගේ අඩුපාඩුවලින් රිංගා යමින්, කෙසේ හෝ තරගයක් ජයග්‍රහණය කිරීමට නොවේ.තරගයකට නීති රෙගුලාසි ගෙන එන්නේ, අරමුණක් වෙනුවෙන් වේදිකාවක් සඳහා බව මගේ විශ්වාසයයි

මා මුලසිටම හඬනැගුවේ ඒ වෙනුවෙනි. නමුත්, අවාසනාවකට හඬනැගීම නොතකා හැරීම නිසාම, අවසාන තරගයට පෙර දිනයේදී, මා විනිශ්චය මණ්ඩලයෙන් ඉල්ලා අස්වූවෙමි. මගේ ක්‍රියකලාපය ඒ අභිමතාර්ථ සහ අරමුණු වෙනුවෙන් මගේ ක්‍රියාත්මකවීමයි.

මා දකින ආකාරයට ලෝක විවාහක රූ රැජින කිරුළ යනු, විවාහ ජීවිතයක් ගෙවමින්, ඒ වෙනුවෙන් මහා කැපකිරීම් කරමින් වගකීම් දරමින්ම, තම තමන්ගේ සිහින ජයගන්නා විවාපත් කාන්තාවන්ගේ ජාත්‍යන්තර සැමරුමයි.

සියලු වෙහෙස සහ කැපකිරීම් මැද පවා තමන්ව මග නොහැරගන්නා, එතැනින් නොනැවතී තරග වේදිකාවේ කිරුළ වෙනුවෙන් තරග කීරීමට උත්සහ ගන්නා, අසීමිත කැපකිරීම් කරන, වෙහෙස වන, හැකියාවක් ඇති, හරයක් සහ අරමුණක් වෙනුවෙන් පෙනී ඉන්නා විවාහක කාන්තාවන්ගේ සැමරුමයි.

ලෝක විවාහක රූ රැජින තරගය නිර්මාණය කර ඇත්තේ, දික්කසාද හෝ පවුල් ජීවිතයෙන් වෙන් වූ කාන්තාවන්ව පහත් කොට සැළකීම සඳහා නොව, විවාහක ජීවිතයේ ඉන්නට තීන්දු කළ කාන්තාවන්ගේ සිහින සැමරීමට සහ ඔවුන්ව අගය කිරීමට බව මට තහවුරු කළ හැකිය. විවාහක අවිවාහක සියලු කාන්තාවන් ඇත්තටම රැජිනියන්ය. සෑම රැජිනියකටම තමන්ටම කියා වෙන් වූ විවිධාකාරයේ තරග වේදිකාවන් ඇත. ඒ ඒ වේදාකාවන් සහ තරගවලට අනන්‍ය වූ නීති රෙගුලාසිද ඇත.

මේ වර ශ්‍රී ලංකා විවාහක රූ රැජින තරගයේ වැඩ කටයුතු කරන අතරතුරේදී තරගකාරියන්ගේ කැපවීම, වෙහෙස සහ උද්යෝගය මා අත්වින්දෙමි. ඔවුන් සියලු දෙනා සමග එක්ව, තවතවත උනන්දුවෙන් සහ වෙහෙස වී වැඩ කරන්නට, ඔවුන්ගේ උද්යෝගය මා හට පන්නරයක් වූ බව කිව යුතුමය.

මා සැමවිටම මගේ අත්දැකීම් සහ දැනුම ඔවුන් සමග නොඅඩුව බෙදාහදාගත්තෙමි.

2020 ලෝක රූ රැජිනිය ලෙස කිරුලු පැළඳීමට මා ගමන් කළ දීර්ඝ වූත්, වෙහෙසකර වූත්, ඉතා අසීරු වූත් ගමන, මා හට ලබාදුන් දැනුම සහ අත්දැකීම් නිසාම, මා ළඟ ඔවුන් සමග බෙදාහදාගන්නට බොහෝ දේ ඇත.

මේ වසරේ, ලෝක විවාහක රූ රැජින තරගයේ සත්කාරක රට ශ්‍රී ලංකාවයි.

ඒ සඳහා ලෝකයේ නන් දෙසින් එන සියලු තරගකාරියන්ව අපි ආදරයෙන් පිළිගන්නා අතරම, අපේ රට නියෝජනය කරමින්, ශ්‍රී ලංකා විවාහක රූ රැජිනියටද, ලෝකයම සමග කරට කර තරගවැදීමට යළිත් අවස්ථාවක් හිමිවේ.

එහිදී, සාධාරණ තර අවස්ථාවක් ලබාගැනීමට සහ හොඳ තරගයක්දීමට, අපේ විවාහක රූ රැජිනියව සූදානම් කිරීම, මුවහත් කිරීම සහ මගපෙන්වීම සඳහා මාගේ උපරිමයෙන් දායකත්වය ලබාදීම, මාගේ වගකීම සහ කර්තව්‍යය ලෙස මා සළකමි.

ලෝකයම සමග තරගකොට, ලෝක රූ රැජිනිය ලෙස කිරුළු පැළඳි, ශ්‍රී ලාංකික කාන්තාවක් ලෙස, මේ වර අපේ රට නියෝජනය කරන කාන්තාවට සාධාරණ තරග අවස්ථාවක් ලබාදීම සහ හොඳ තරගයක් දීම සඳහා ඇවැසි සුදුසුකම් සපුරාගැනීමට උපකාර කිරීම මගේ අරමුණයි.

මා ජයග්‍රහණය කළ කිරුළ නැවත භාරදීමෙන් පසුව පවා, මගේ පවුල් ජීවිතය වෙනුවෙන් කරන කැපවීම් සහ වගකීම් දරන අතරේදීම, ඒ අරමුණ ඒ වෙනුවෙන් කැපවී ක්‍රියාත්මකවීම සහ වැඩ කිරීම මගේ සැලසුමයි.

මා මේ කිරුළ නැවත භාර දෙන්නේ කෙසේද යන කාරණාවට වඩා, 2020 ලෝක රූ රැජිනිය ලෙස ඒ කිරුළ දරණ කාලයේදී, මා ජීවත්වන සහ නියෝජනය කරන ලෝකය වෙනුවෙන් මා එය කෙළෙස යොදාගත්තේද යන්න වඩා වැදගත් බව මා විශ්වාස කරමි.

මා විසින් සමහරවිට ඔබගේ මනෝලෝකයන් කඩා විසුරුවා දමන්නට ඇති බව මා දනිමි. සමාජ සංවාදයක් ඇති කළ බවද දනිමි.

එපමණක් නොවේ, කිරුළක් දරණ රූ රැජිනකට තිබිය යුතු වැදගත්කම් සහ ඇය පෙනී සිටිය යුතු වටිනාකම් ගැන කතිකාවක්ද ඇති වූ හැටි මා බලා සිටියෙමි. වැදගත්කම යනු, ලෝකයේ ඇස් ඉදිරියේ කෙනෙකුගේ හැසිරීමෙන් මනින දෙයක් යැයි ඔබ සිතන්න නම්, ඔබට ඔබේ විනිශ්යන්ට එළඹීමට මා බාධා නොකරමි.

නමුත්, වැදගත්කම් යනු, ලෝකයාගේ ඇස් ඉදිරියේ පමණක් නොව, කිසිවෙකු තමන් දෙස බලා නොසිටින අවස්ථාවේ පවා රහසින්වත් වැරදි නොකර සිටීම සහ තමන් පෙනී හිඳිමින් ක්‍රියා කරන්නේද යන වග නම්, සැබෑ වටිනාකම එය බව මගේ ඇදහීමයි.

මා විශ්වාස කරන වටිනාකම් වෙනුවෙන් කොන්ද කෙලින් තියාගෙන පෙනී හිඳීමෙන් පසුව, මගේ කිරුළ අහිමි වූවත්, මාපෙනී සිටියේ සහ සිටගත්තේ ලෝක විවාහක රූ රැජිනියගේ කිරුලේ සැබෑ අරමුණ වෙනුවෙන් බව මගේ හැඟීමයි.

වටිනාකම් යනු අපේ ජීවිතවල මුල්බැසගත් සාරධර්මයන් වේ. වටිනාකම්, මතුපිටින් මනින්නට නොහැකිය. කීයටවත් මුදලට ගන්නට නොහැකිය. මම ඒ වටිනාකම් වෙනුවෙන් සිටගනිමි.

මුලු ලෝකයම ඉවත බලන විටදී පවා තනිවම වුවත්, මම ඒ වටිනාකම් වෙනුවෙන් නැගීසිටිමි. ඒ කෙතරම් දරුණූ ව්‍යසනයක් හමුවේ වුවත්, මම ඒ වටිනාකම් වෙනුවෙන් පෙනි සිටිමි.

අපි සැවොම සැමවිටම, අපි ජීවත්වන ලෝකය මීට වඩා හොඳවන වෙනසක් ප්‍රාර්ථනා කරන්නෙමු. නමුත්, තමන් ඒ වෙනස වෙන්නට සිදුවූ විට හෝ ඒ වෙනුවෙන් ක්‍රියාත්මකවෙන්නට සිදු වූ විට, අපි එය මගහැර යන්නෙමු.

ලෝකයම ඉවත බලන විටදී පවා, යමක් වෙනුවෙන් නැගී සිටින්නට, හඬ නගන්නට සිදු වේ නම්, කෙතරම් තනි වුවත්, අපි ඒ සඳහා අපි ධෛර්යය උපද්දවාගත යුතුමයි.

බොහෝවිට අපි එය මගහැර යන්නේ, අපි මහත් වෙහෙස වී, අසීමිත කැපකිරීමෙන් දිනාගත් දේ, අහිමි කරගන්නට ඇති බය නිසාවෙනි.

අරමුණක් වෙනුවෙන් තැනූ වේදිකාවක, තවත් කාන්තාවකට සමාන සහ සාධාරණ අවස්ථාවක් ලබාදීම සඳහා, මා අසීරුවෙන් උපයාගත් යමක් අහිමි කරගෙන වුවත් ක්‍රියාත්මක විය යුතු බව මගේ ඇදහීමයි.

ඇත්තටම අපි ඒ වෙනුවෙන් එකපයින් නැගීසිටිය යුතුමයි. කිරුළකට අරමුණක් තිබිය යුතුය. මට අනුව ඒ, හැමෝටම සමාන සහ සාධාරණ අවස්ථාවන් තනා දීමය.

දැන්… මා දිනාගත් කිරුළ නැවත භාරදීමට, මට කාලය එළැඹ ඇති බව මම දනිමි.

කාන්තාවකට අවශ්‍යවන්නේ එකම එක සාධාරණ අවස්ථාවක් මිස, අන් කිසිවක් නොවේ…

ස්තූතියි.

(පරිවර්තනය – the leader)

86,759 views

32 Comments to “කැරලයින් ජූරි කිරුළ අතහරී… අන්තර්ජාලයෙන් සියළු ලෝ වැසියන් අමතා කියයි…”

  1. ජගත් says:

    මෙයා කරපු දේ හරි මම හිතන්නේ. දිනුම යන්න ඕනේ අනිත් එක්කෙනාට

    • Araliya says:

      Mamath hithanne ehema thamai

    • fass says:

      එහෙනම් විනිශ්චය මණ්ඩල, තරග තියන්න ඕන නෑ. මෙයාට කියමු හොඳ කෙනා තෝරලා කිරුළු පලදවන්න කියලා.
      මෙයා කියන විදිහට ඕන කෙනෙකුට පුළුවන් කාගේ හරි කිරුළක් ගලවල උන්ට ඕන එකෙකුට පලදවන්න.
      ගොන් පාර්ට් දාලා තව පඩි ටෝක් දෙනවා.

    • Silly Point says:

      Angela Seneviratne said in an interview that she told the committee about the rules with evidence but they ignored her. Most probably Pushpika will be disqualified at the main event.

      • ABN says:

        What does Angela know more than Rosy?
        Mrs Rosy Senanayake said that there is nothing wrong with the decision given by the committee.

  2. Loke says:

    පට්ටි දාන්න නියම ගොන් තඩියෙක්

  3. ආදර්ශයක් says:

    ගෝඨාභයට ආදර්ශයක්…

    • dev says:

      Gota genaw api ekan tamai me rata bera gatte yamapalakain gen
      dan $ kakko sirasa kiyana ewa ahannema yamayanma tamai.

  4. චානක says:

    මම හිතන්නේ ජූරි හරි. සැමියාගෙන් වෙන්ව ඉන්න කෙනෙක් ඉදිරිපත් කර 2021 දී ශ්‍රී ලංකාව වාර්තාවක් තියයි වගේ.

    • Ajith says:

      I too feel her argument is right but how it was done is not correct. She should have refused to crown her stating her argument. Mrs. World inc. based in USA should clarify their stand on this matter soon to settle this issue.

  5. Lohan says:

    ලෝක රූ රැජිණ තරඟාවලියේ නීති මාලාවට පිටින් තමයි කැරොලින් කටයුතු කළේ. මේ හැම එකක්ම පිටි පස්සෙන් හිටියේ චූලා පද්මේන්ද්‍රන්.
    හොඳට කල්පනා කරලා බලන්න. චූලා කොහොමද වේදිකාව පිටිපස්සෙන් ආව හැටි. Crown එක ඔලුවෙන් ඇද්ද හැටි? ඊට පස්සේ පුෂ්පිකාට බැන්න හැටි.
    පැහැදිලිවම පේනවා එතන තිබුනේ ඊර්ෂ්‍යාව කුහකකම
    කියලා. ඒක අමානුෂික ක්‍රියාවක්.
    ඔය ක්ෂේත්‍රයේ ඉන්න බොහොම දෙනෙක් දන්නවා චූලා කියන්නේ කවුද කියලා.
    කැරොලයින්ට ඊට හිතන්න තිබුනා. මේ දෙන්නාටම දඬුවම් දිය යුතුයි.
    මේ සිද්ධිය ලංකාවට අදාල සිද්ධියක් නම් ප්‍රශ්නයක් නෑ.
    නමුත් මුළු ලෝකයේම ප්‍රධාන රූපවාහිනී මාධ්‍ය වල මෙය විවේචනයට ලක් වුණා.

    • Ratata Hitawath says:

      Yes, True! Now she is going to do some other!, If Sri Lanka hosting the next Mrs. World pageant, she is clearly trying to sabotage the event by returning her crown! Feel like even now, she is trying to revenge Pushpika!

    • chula super model says:

      chula is responsible that juri has to give uo the crown – since know that she will lose the battle in courts

  6. සැමියෙක් says:

    මෙයා කියන දේ ඇත්ත. සැමියා වෙනුවෙන් ලස්සනට ඉන්න උත්සාහ නොකරන ගොඩක් විවාහක කාන්තාවන් දික්කසාද වුණාම හෝ සැමියගෙන් වෙන් වුණාම හෝ රහසිගත ඇසුරකට යොමු වුණාම ලස්සනට ඉන්න උත්සාහ ගන්නවා. ඉතින් විවාහක කිරුළ ඇත්තටම දිය යුත්තේ සැමියා සහ දරුවන් සමග පවුල් ජීවිතයට කැප කිරීම් කරමින් ලස්සනද පවත්වා ගන්නා අයෙකුටයි.

  7. Sam W says:

    ඔයා දැන් මෙතන වැලපෙන්නේ ඇයි? තරගකාරියක් මූලික සුදුසුකම් සපුරා නැත්නම් අහවල් කෙංගෙඩියකටද ඇයට අවසානය දක්වා තරග කරන්න දුන්නෙ? සියල්ල දැනගෙන තරගකාරිය අවසාන වටයටත් සුදුසුකම් ලබා කිරුළ දිනාගත් පසුව හැදුනු අහවල්අ මාරුවට ඔබ කළ ගොං වැඩේට ඔබගේ කිරුළ ගැලවිය යුතුමයි.

  8. Vasa says:

    මහා ලොකුවට කාන්තා හිංසනය, කාන්තා විමුක්තිය ගැන කතා කරන කාන්තාවොම තමා කාන්තාවන් පිඩාවට පත් කරන්නේ, ඇය විසින්ම ඇය විනාශ කර ගන්නවා, බලන්න කාන්තාවක් පිරිමි ගොඩාක් මැද තනිවි ඉන්න විට ඇයට කරදර සිදුවෙනවාද ? නැනේද?. නමුත් කාන්තාවෝ රංචුවක් මැද පිරිමියෙක් සිටියොත්, ප්‍රථමයෙන්ම කණ්ඩායම් ගැහිම්,ඔපාදුප කිම් ආදි සියලුදේ සිදුවි අන්තිමෙදි තනිවු පිරිමියාත් විනශ කරලා කාන්තාවනුත් විනාශ වෙනවා.

    මම දකින දේ නම් ලෝක විවාහක රු ‍රැජිණ (එම මහත්මිය) ඒ වේලාවේ බුද්ධිමත්ව කටයුතු කලානම් ඇය දැන් කියන ඔය තිරණ තින්දු නොගෙන සිටිමට පුළුවන් කම තිබුනා.
    මොන කිරුල දරා සිටියත් ඇයට තිබුණා ඇයගේ වගකිම උපරිම අවස්ථාවේදි, එනම් නව විවාහක රු‍රැජිණට කිරුල පැලදවිම ප්‍රතික්ෂේප කරන්න. නමුත් ඇය කලේ කිරුළ පලදා විනිසුරුවන්ගේ තිරණ පිලිගැනිමයි. පසුව ඇගේ නියායකට (පෙනේන පරිදි කිප දෙනෙකුගේ උවමනාවට) කටයුතු කිරිමයි

    • සාමා says:

      ඔව් හරියටම හරි ඔටුන්න එයාම දාල ආරාධිතයින් ගියාට පස්සෙ ගැලෙව්වෙ ඇයි. ඒකෙන් පේන්නෙ මෙයාගෙ පහත් කම දැන් පන්ඩිත අම්මා වගේ කතා කලාට.

  9. Prabath Buddika says:

    Adrashmath kanthawak wiya uthui meya kiyana ekahari.Paul geewithe goda nagaganna bari kenek wiwahaka ru ragina nowiya uthui.

  10. Abeywardana says:

    Kirula noway oluwath galawanba ona.mulu ratama apahasuwe dammata0

Main News