කැළණි ගගේ ජල මට්ටම ඉහළ යයි.. මුදා ගැනීමේ කටයුතු සූදානම්..

May 27, 2017 at 8:02 am | lanka C news
කැළණි ගගේ ජල මට්ටම ඉහළ යයි.. මුදා ගැනීමේ කටයුතු සූදානම්..

අධික වර්ෂාව හේතුවෙන් කැලණි ගගේ ජලය කොළොන්නාව අඹතලේ සිට සේදවත්ත දක්වා පිටාර මට්ටමට පැමිණි ඇති හෙයින්. හදිසියේ ඇතිවිය හැකි ආපදා තත්වයන්ට මුහුණ දීම පිණිස , කොළොන්නාව ආපදා සම්බන්ධිකරණ කමිටුව පාර්ලිමේන්තු මන්‍ත්‍රී එස්.එම්.මරික්කාර් මහතාගේ ප්‍රධානත්වයෙන් රැස්විය.

* ගංවතුර තත්වයට ඇතිවිය හැකි කලාප වල ජනතාවට ඉවත් වීමට නිවේදන ලබා දීම,
* ඉවත් වන ජනතාවට නවාතැන් පහසුකම් සැපයීම පිණිස මධ්‍යස්ථාන ඇති කිරීම
* ඔවුන්ට අවශ්‍ය ආහාර පාන සහ සනීපාරක්ෂක පහසුකම් සපයා දීම
* ගංවතුර තත්වයන්ට මුහුුණ දීම සදහා අවශ්‍ය බෝට්ටු ලබා ගැනීම
*ජලය බැසයන ඇළ මාර්ග අවහිර වීම් ඉවත් කිරීම

ආදී අත්‍යාවශය කරුණු පිළිබද සාකච්ඡා වූ අතර, ජනතාවට පහත සදහන් ස්ථාන වල කඩිනමින් ආපදා සහන මධ්‍යස්ථාන 20 ක් පිහිටුවීම කරනු ලැබේ.

දෙල්ගහවත්ත ජිනවංශාරාමය/කොටිකාවත්ත රාජසිංහ විද්‍යාලය/කොටිකාවත්ත නාගරුක්ඛාරාම විහාරය/ගල්වාන පුරාණ විහාරය/ කොටිකාවත්ත ශ්‍රී සරණංකර විහාරය/අංගොඩ රාහුල විද්‍යාලය/එදීරිවීර සරච්චන්ද්‍ර විද්‍යාලය/මණ්ඩවිල අභිනවාරාමය/කැලණිමුල්ල විශ්‍රාම ශාලාව/ගොතටුව කන්දේ විහාරය/වැල්ලම්පිටිය විද්‍යාවර්ධන විද්‍යාලය/වෙහෙරගොඩැල්ල පුරාණ විහාරය/ගොතටුව මහා විද්‍යාලය/ විමලාරම පුරාණ විහාරය/කොටිකාවත්ත සෝමාදේවී විද්‍යාලය/ඔරුගොඩවත්ත සාංචි විහාරය/හේනේවත්ත පුරාණ විහාරය/ කොටිකාවත්ත ධර්මපාල විද්‍යාලය

කෙසේ වෙතත් අඹතලේ සිට නව කැළණි පාලම දක්වා සියළුම ජනතාවට අවධානයෙන් සිටින ලෙස කොළොන්නාව ආපදා කළමණාකරණ සම්බන්ධිකරණ කමිටුව ඉල්ලා සිටී.

– මිනුර රෂාන්ත

393 views
Main News