කෑලි 08කට කඩා ලංවිම ප‍්‍රතිව්‍යුහගත කරයි..

November 22, 2021 at 10:40 am | lanka C news
කෑලි 08කට කඩා ලංවිම ප‍්‍රතිව්‍යුහගත කරයි..

රුපියල් කෝටි අනූදහසකට ආසන්න පාඩුවක් ලබා තිබෙන ලංකා විදුලි බල මණ්ඩලය පරිපාලන වශයෙන් කොටස් අටකට බෙදා සාමාන්‍යාධිකාරීවරුන් අටදෙනකු යටතේ ප‍්‍රතිව්‍යුහගත කිරීමට සැලසුම් කර තිබේ.

දැනට විදුලිබල මණ්ඩලයේ සාමාන්‍යාධිකාරිවරයා සතු බලතල අලූතින් පත් කිරීමට නියමිත සාමාන්‍යාධිකාරිවරුන් අටදෙනා යටතට පත්කර වඩාත් කාර්යක්‍ෂම කර මණ්ඩලයේ පාඩුව අවම කර ගැනීම මෙමගින් අපේක්‍ෂා කරන බව ලංවිම පාලනාධිකාරිය කියා සිටී. මීට අදාළ සංශෝධිත පනත් කෙටුම්පතක් සකසමින් තිබෙන බවද දැනගන්නට ලැබේ.

වැඩි මල ගණන්වලට විදුලිය මිලදී ගෙන එම විදුලිය අඩු මිලට පාරිභෝගිකයන් වෙත විකිණීම නිසා ආයතනය දිගින් දිගටම පාඩු ලබන තැනට පත්ව ඇතැයිද රට වසාදමා තිබූ ඉකුත් මාස කිහිපයේදී නිසි පරිදි විදුලි බිල්පත් අයකර නොගැනීම නිසා මණ්ඩලයේ පාඩුව රුපියල් කෝටි 60,000 සිට රුපියල් කෝටි 90,000 දක්වා වැඩිවූ බවද මණ්ඩලය කියා සිටී.

මේ සම්බන්ධයෙන් විදුලිබල ඇමැති ගාමිණි ලොකුගේ මහතාද කියා සිටියේ ඉකුත් සැප්තැම්බර් මාසය වන විට නිසි පරිදි බිල්පත් නොගෙවීම නිසා පමණක් මණ්ඩලයට රුපියල් කෝටි 2840ක මුදලක් ලැබී නොතිබූ බවයි.

විදුලි පාරිභෝගිකයින්ගෙන් මණ්ඩලයට මසකට රුපියල් කෝටි 70කට අධික මුදලක් බිල්පත් ගෙවීම්වලින් ලැබෙන අතර ඉකුත් වසංගත කාලසීමාවේදී පාරිභෝගිකයන්ට බිල්පත් ගෙවීමට ලබාදුන් සහනය නිසා හෝටල් හා කර්මාන්තකරුවන්ගෙන් පමණක් රුපියල් කෝටි 1,700ක මුදලක් මණ්ඩලයට අයවිය යුතුව තිබුණි.

මෙරට ඇති ප‍්‍රධානම රාජ්‍ය ආයතනයක් වන ලංකා විදුලිබල මණ්ඩලය වහා ප‍්‍රතිව්‍යුහගත කර වඩා කාර්යක්‍ෂම, ලාභදායී ආයතනයක් බවට පත් නොකළහොත් එය ආර්ථිකයට දරාගත නොහැකි යැයි ලංවිම පාලනාධිකාරියද සඳහන් කළේය.

2002 වසරේදී එවකට බලයේ සිටි එක්සත් ජාතික පෙරමුණ විදුලිබල මණ්ඩලය කොටස්වලට කඩා යම්කිසි ප‍්‍රතිව්‍යුහගත කිරීමේ පනතක් සකස් කළ මුත් වෘත්තීය සමිතිවල දැඩි විරෝධය නිසා එය නතර කර දැමීමට සිදුවිය.

දැනට ආරම්භ කිරීමට යන ප‍්‍රතිව්‍යුහගත කරන කි‍්‍රයාවලිය සම්බන්ධයෙන්ද මේ වනවිටත් ලංවිම වෘත්තීය සමිතිවල විරෝධය එල්ල වෙමින් තිබෙන අතර මේ කාරණා පදනම් කරගෙන ලංකා විදුලිබල මණ්ඩල ඉංජිනේරු සංගමයද දෙකඩ වී ඇත.

ලංකා විදුලිබල මණ්ඩලය ප‍්‍රතිව්‍යුහගත කර දැනට සිටින සාමාන්‍යාධිකාරි තනතුර ඉවත්කර අලූතින් සාමාන්‍යාධිකාරීවරුන් අටදෙනකු පත් කිරීමට එරෙහිව ලංකා විදුලිබල මණ්ඩල ඉංජිනේරු සංගමය ප‍්‍රමුඛ වෘත්තීය, සමිති වෘත්තීය සමිති කි‍්‍රයාමාර්ගවලට යොමුවන බව එම සංගමයේ සභාපති සෞම්‍ය කුමාරවඩු මහතා ‘දිවයින’ට පැවැසීය.

යුගදනවි බලාගාරයේ කොටස් ඇමරිකාවට විකිණීම, මණ්ඩලය කෑලිවලට කඩා දේශපාලන පත්වීම් ලෙස සාමාන්‍යාධිකාරිවරුන් අටදෙනකු පත් කිරීම ආදී පියවරවලට එරෙහිව ගන්නා කි‍්‍රයාමාර්ග සම්බන්ධව තම සංගමය අද (22 දා) නිල වශයෙන් ප‍්‍රකාශයක් නිකුත් කරන බවද ඒ මහතා කීය.

මේ අතර ලංවිම ඉංජිනේරු සංගමයෙන් ඉවත්ව සිටින ජ්‍යෙෂ්ඨ ඉංජිනේරුවරු පිරිසක් ආයතනය ප‍්‍රතිව්‍යුහගත කිරීමට සහාය ලබාදීමට සූදානම්ව සිටින බව ඉංජිනේරු සංගමයේ හිටපු සභාපතිවරයකු වන නන්දික පතිරගේ මහතා කියා සිටියේය.

මේ රටට අවශ්‍ය විදුලි ව්‍යාපෘති කි‍්‍රයාත්මක නොකිරීම, මණ්ඩලය මෙයාකාරයට පාඩුලැබීම සම්බන්ධයෙන් ඉංජිනේරුවන්ද වගවිය යුතුයි. එනිසා දැන්වත් රජය සතු විදුලිබල මණ්ඩලය මේ ලබන පාඩුවෙන් මුදාගැනීමට යම් පියවර ගැනීමේ වරදක් නෑ. ලංවිම විකුණනවා, විකුණනවා කියමින් සමහරු කෑගැසුවත් මෙය විකුණන්නෙ නෑ. විකුණනව නම් ලෙකෝ එක විකුණන්න පුළුවන්. එහෙම විකිණීමක් නෙවෙයි. ලංවිම ලබන පාඩුව නැතිකර එය කාර්යක්‍ෂම කළ යුතුයි. නන්දික පතිරගේ මහතා වැඩිදුරටත් එසේ කියා සිටියේය.

ශිරාන් රණසිංහ
– Divaina

32,565 views

10 Comments to “කෑලි 08කට කඩා ලංවිම ප‍්‍රතිව්‍යුහගත කරයි..”

  1. dev says:

    GOOD MOVE

    • Gamarala says:

      තනියෙන් කන්න ඇතිවෙලා දැන් බෙදාගෙන කන්න යන්නේ.

  2. LalithM says:

    එකා වෙනුවට අට දෙනකුට ගසාකෑම සඳහා අවස්ථාව දීල. තව යාලුවෝ මාළුවෝ ඔක්කොටම ජරාව කෑම දෙන්න හදනව. ඉන්න සේවක සංඛ්‍යාවත් හොඳටම වැඩියි.

  3. Samantha PDK says:

    ඔය මොකුත් නොකර ඉන්න එවුන්ගේ පඩි ටික සමාලොචනය කරල ඒක ප්‍රතිව්‍යුහගත කලානම් ඕක ගොඩදාන එක මහලොකු දෙයක් නෙමෙයි, සාමාන්‍යපෙල සමත් මනු කියවන්නෙක් 200,000 ආසන්න පඩියක් ගන්නවා….

  4. Saman kumara says:

    යළි පුබුදමු ශ්‍රී ලංකා….Reganing Sri Lanka
    රනිල් වික්‍රමසිංහ ගේ සංකල්ප සර් ගේ සංකල්ප වෙන හැටි…ගුඩ් මූව් බයි ද වේ .. රේල්ලුවටත් ඕකම කරමු

  5. N.Wimaladasa says:

    The lost of govt funded of that institution CEB is very serous matter which is running at lost required to be address without delay by President and policy makers of his Cabinet members. Loses are unberabreal to public of Island citizens.

  6. N.Wimaladasa says:

    The lost of that govt funded an institution CEB is very serious matter, which is running at lost that required to be address without delay by President and policy makers of his Cabinet members. Loses are unberabreal to public of Island citizens and their fiscal Budget We are no longer permitted to run at lost governed by SLPP leadership.
    Ours system is mode of operation by Capitalist management.It has so many managing ways and means in many countries by Market operation of Capitalism. Why is that we are not going such resolution by GR mode of administration in current govenaces .
    No government can run by lost of her income . Crisis has to address by revitalization of management by ” just in time system”.

  7. N.Wimaladasa says:

    The lost of that govt funded an institution CEB is very serious matter, which is running at lost that required to be address without delay by President and policy makers of his Cabinet members. Loses are unberabreal to public of Island citizens and their fiscal Budget We are no longer permitted to run at lost governed by SLPP leadership.
    Ours system is mode of operation by Capitalist management.It has so many managing ways and means in many countries by Market operation of Capitalism. Why is that we are not going such resolution by GR mode of administration in current govenaces .
    No government can run by lost of her income . Crisis has to address by revitalization of management by ” just in time system”.
    Therefore the SOE of govt funded outlets has to change of management and administration by eradication of corruption inside of an operations by managing teams.

  8. SUBHASH says:

    Simple mathamatics will clearly indicate that the loss is not mainly due to unpaid electricity bills but due to internal loss.

Leave a Comment