කිතුල් සහ තල් ප්‍රධාන අපනයන බෝග අතරට එක් කිරීමට ජනපතිගෙන් සැලැස්මක් ….

August 26, 2020 at 2:09 am | lanka C news
කිතුල් සහ තල් ප්‍රධාන අපනයන බෝග අතරට එක් කිරීමට ජනපතිගෙන් සැලැස්මක් ….

කිතුල් සහ තල් ප්‍රධාන අපනයන බෝග අතරට එක් කර විදේශ විනිමය උත්පාදනයේ නව ප්‍රවේශයක් විවෘත කර ගැනීමට ඇති හැකියාව ජනාධිපති ගෝඨාභය රාජපක්ෂ මැතිතුමා පෙන්වා දෙයි.

කිතුල් සහ තල් වගා ප්‍රවර්ධනයටත් ඒ ආශ්‍රිත බාධක ඉවත් කර නිෂ්පාදන ක්‍රියාවලිය දිරි ගැන්වීමටත් කඩිනම් වැඩපිළිවෙළක් සැකසීමේ අවශ්‍යතාව ජනාධිපතිතුමා නිලධාරීන්ගේ අවධානයට යොමු කරයි.කිතුල් සඳහා වෙනම රාජ්‍ය ආයතනයක් පිහිටුවීමට සහ තල් ගස් කැපීම තහනම් කරමින් පනවා ඇති නීති දැඩිව ක්‍රියාත්මක කිරීමට ජනාධිපතිතුමා උපදෙස් දෙයි.

පොල්, කිතුල්, තල් හා රබර් වගා ප්‍රවර්ධන හා ආශ්‍රිත කර්මාන්ත භාණ්ඩ නිෂ්පාදනය හා අපනයන විවිධාංගීකරණ රාජ්‍ය අමාත්‍යාංශයේ ඉදිරි වැඩපිළිවෙළ පිළිබඳව ජනාධිපති කාර්යාලයේ පැවති සාකච්ඡාවේ දී ජනාධිපතිතුමා මේ කරුණු පෙන්වා දුන්නේය.

විශාල විදේශ විනිමයක් උපයා ගැනීමේ ශක්‍යතාව සහිත රාජ්‍ය අමාත්‍යාංශයක් ලෙස අමාත්‍යාංශයේ වැදගත්කම අවධාරණය කළ ජනාධිපතිතුමා විසින් කෙටි කාලයකදී ළඟා කරගත යුතු ඉලක්ක සැලසුම් කරන්නැයි නිලධාරීන්ට උපදෙස් දෙනු ලැබීය. දේශීය වාර්ෂික පොල් නිෂ්පාදනය ගෙඩි බිලියන 03කි. ඉන් බිලියන 1.8ක් පරිභෝජනයට ගැනේ. වැඩි අපනයනයක් සඳහා වගාව ප්‍රවර්ධනය කිරීමේ අවශ්‍යතාව රාජපක්ෂ මැතිතුමා අවධාරණය කළේය.

උතුරු හා නැගෙනහිර පළාත් ඇතුළුව හඳුනාගත් ඉඩම්වල කඩිනමින් පොල් වගාව ඇරඹීමට නියම කෙරිණ. ඉඩම් පරිහරණ දෙපාර්තමේන්තුව විසින් හඳුනාගනු ලැබූ පුරන් කුඹුරු ද වගාවට යොදා ගැනේ. සැප්තැම්බර් මාසයේ දී ගෙවතු මිලියන 02 ක පොල් පැල මිලියන 04ක් වගා කිරීමට පියවර ගතයුතු බව ආර්ථික පුනර්ජීවනය පිළිබඳ ජනාධිපති කාර්ය සාධක බලකායේ ප්‍රධානී බැසිල් රාජපක්ෂ මහතා පැවසීය.

පොල් සඳහා ස්ථාවර මිලක් නියම කිරීම කෙරෙහි ද අවධානය යොමු කෙරිණ. දෙමුහුන් බීජ පැල වගාව සඳහා එක් කර ඉහළ ඵලදාවක් ලබා ගැනීමට ද සාකච්ඡාවේදී අවධානය යොමු විය. රබර් අපනයනයෙන් ලැබෙන වාර්ෂික ආදායම ඩොලර් මිලියන 600කි. එය 2020 වසරේදී ඩොලර් මිලියන 2000ක ආදායමක් බවට වර්ධනය කිරීමට සැලසුම් කර තිබේ. රබර් වගාවේදී නව ප්‍රභේද හඳුන්වාදීමටත් බෑවුම් ප්‍රදේශවල ෆයිනස් ගස් වෙනුවට රබර් ගස් සිටුවීමට ඇති හැකියාවත් ජනාධිපතිතුමා පෙන්වා දුන්නේය.

දේශීය රබර් වගාව සහ නිෂ්පාදකයන් දිරි ගැන්වීමට රබර් ආනයනය සීමා කිරීමේ අවශ්‍යතාව බැසිල් රාජපක්ෂ මහතා පෙන්වා දුන්නේය. රබර් ආශ්‍රිත නිෂ්පාදන ආයතන දේශීයව මිලදී ගන්නා රබර් ප්‍රමාණයට සාපේක්ෂව රබර් ආනයනයට ක්‍රමවේදයක් සකස් කළයුතු බවද බැසිල් රාජපක්ෂ මහතා කීය. අපනයනය කෙරෙන කේප් රබර් සෙසු රටවල නිෂ්පාදන සඳහා යොදා ගන්නා ආකාරය සොයා බැලීමේ ඇති වැදගත්කමද සාකච්ඡාවට ලක් කෙරිණ.

අමාත්‍ය රමේෂ් පතිරණ, රාජ්‍ය අමාත්‍ය අරුන්දික ප්‍රනාන්දු, ජනාධිපති ලේකම් පී.බී. ජයසුන්දර යන මහත්වරු, කැබිනට් සහ රාජ්‍ය අමාත්‍යාංශ ලේකම්වරු, ආයතන නිලධාරීහූ සහ වගා සහ නිෂ්පාදන ආයතනවල නියෝජිතයෝ සාකච්ඡාවට එක්ව සිටියහ.

– ජනාධිපති මාධ්‍ය අංශය

20,187 views

13 Comments to “කිතුල් සහ තල් ප්‍රධාන අපනයන බෝග අතරට එක් කිරීමට ජනපතිගෙන් සැලැස්මක් ….”

  1. wijebahu says:

    Yes, another Sirimavos is in making. warewa… ala batahla kaale.

    • don katugampala says:

      EDA “ALA BATHALA “HADAGENA KEVANAM ADA WIJEBAHU TA MECHCHARA RASTHIYADUVAK VENNE NEHA.

    • Jeewanee Kariyawasam , chilaw says:

      kithul raa wenna athi yawanne pitarata , moda wada imports nawaththala minissunta rasswal nah ewa hithanne nah , muslim minissu jeewath wenne import hinda ewa thahanam karala dan kohomada rata duwanne , plastic nawaththanna yanne , eken kochchara kenekge adayam nathi wenawada , wisheshayen muslim ayage

  2. Ruhdtug says:

    “thal pinaatu” kiyala kemak thiyenawa… evva den abaavayata gihilla…

  3. ඩිස්ටි ඩිඩිං says:

    වීල්ලෙකේ ඩිස්ටි ඩිඩිං පාර දාගෙන ගිහිං සමුර්දිය අරං ඒකෙං පට්ට ඉස්ටිකර් පාරක් අලෝගෙන රයිස් සෙකක් කාලා පුක උඩ දාගෙන බුදියන්ඩ බලා ඉන්න උන්ට රිදෙයි තමා.

    ලෑස්ති වෙයවු වැඩ කරන්ඩ, විසි දාහක් කටට දෙනකල් බලං නොඉඳ.

    කාලෙකින් වැඩ කරන්න දන්න මිනිහෙක් රට බාර ගත්තෙ.

  4. kamal says:

    wijebahu,
    ඉතින් ඉන්ට බැරිනම් බෝට්ටුවකින් හරි ඔහෙට හරියන පොෂ් රටකට යනවකෝ ඔහෙට බතල කන්ට බැරිනම් ham bacon තියන රටකට යන්ට තියෙන්නේ, අනේද කියන්නේ පිටිපස්ස කහගන්ට නියපොත්ත නැහැ ඒ උනාට කෛඉය

    • wijebahu says:

      Ane byson, ogolange lokka thal raa patawala rata sigappooruwak karannay yanne. eka nisa mama innawa.

  5. sana says:

    Why can’t we make Kithul sweets world famous? Need plantations like coconut. It is amazing that Switzerland is famous for their chocolate, but they don’t have a single cocoa tree growing there!!!. Sky is the limit for positive thinkers !!!.

  6. Karu says:

    Good idea. But these stuff are already in the market.No one buys or eats.
    They should be presented to the market with more value addition. In European countries people don’t want to by muddy things tuck on the shelves of dairies. They should be on the shelves of the super markets.

  7. siri says:

    ayeth NGO Bahu dodawanna aran,

  8. Gotaimbara says:

    Gota can make a success of this. Good luck, we have confidence in you. Jayawewa!

  9. Lakshman says:

    Great initiative and Every Sri Lankan should commit to make our country whatever possible to the road of success as we have wasted and destroyed our land for the last centuries.

Main News