කිරිඇල්ලට මල පනී.. අගමැති මැදුරේදී දිගට හරහට කබීර් හෂීම්ට බැණ වදී…

September 7, 2019 at 12:05 am | lanka C news
කිරිඇල්ලට මල පනී.. අගමැති මැදුරේදී දිගට හරහට කබීර් හෂීම්ට බැණ වදී…

අමාත්‍ය ලක්ෂ්මන් කිරිඇල්ල විසින් එක්සත් ජාතික පක්ෂයේ සභාපති අමාත්‍ය කබීර් හෂිම්ට අරලියගහ මන්දිරයේදී බැණ වැදුණු බව පක්ෂයේ ආරංච් මාර්ග සඳහන් කර සිටියි.

ඒ අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් එක්සත් ජාතික පක්ෂයේ නායකයින් අරලියගහ මන්දිරයේ දී පක්ෂයේ ජනාධිපති අපේක්ෂකයා සම්බන්ධයෙන් පැවැත් වූ විශේෂ සහ තීරණාත්මක සාකච්ඡාවේදීය.

අග්‍රාමාත්‍ය රනිල් වික්‍රමසිංහ මහතාට සහ එක්සත් ජාතික පක්ෂයට එරෙහිව ජනාධිපති මෛත්‍රිපාල සිරිසේන මහතා හමු වී කිරීමට ගිය කුමන්ත්‍රණයක් සම්බන්ධයෙන් ප්‍රසිද්ධියේ කරුණු හෙළිදරව් කරමින් අමාත්‍ය ලක්ෂ්මන් කිරිඇල්ල විසින් අමාත්‍ය කබීර් හෂිම්ට මෙම චෝදනාව එල්ල කරනු ලැබු බව එහි අභ්‍යන්තර ආරංච් මාර්ග වැඩිදුරටත් සඳහන් කළේය.

මෙහිදී අමාත්‍ය ලක්ෂමන් කිරිඇල්ල මහතා පවසා සිටියේ මෙවැන්නකි.

“අපේ ආණ්ඩුව කුමන්ත්‍රණකාරී ලෙස කොල්ල කා මහින්ද රාජපක්ෂලාට ලබා දුන් අවස්ථාවේ දී ඊට එරෙහිව ආණ්ඩුව යළි ලබා ගැනීම සඳහා පාර්ලිමේන්තුවේදී පළමුව සටන ආරම්භ කළේ මමයි.

ආණ්ඩුව යළිත් ලබා ගැනීමට පාර්ලිමේන්තුවේදී මම කළ භූමිකාව ගැන ඇති වූ වැරදි වැටහීමක් නිසා අපේ ආණ්ඩුව යළි පිහිටු වීමේදී මගේ අමාත්‍යංශය දුර්වල කෙරුණු අතර මගේ බලතල සහ විෂයන් බොහොමයක් කප්පාදු කෙරුවා.

පසුව ජනාධිපතිතුමාම මට සිදු වූ අසාධාරණය තේරුම් ගත්තා. ඒ අනුව මට අවශ්‍ය අමාත්‍ය විෂයන් සහ බල තල පිළිබඳව ලිඛිතව දැනුම් දෙන්න යැයි ජනාධිපතිවරයා අගමැතිවරයාට දැනුම් දුන්නා.

ඒ අනුව කබීර් හෂීම් වැඩිපුර දරන ඛනිජ තෙල් අමාත්‍යංශය ඔහුගෙන් ගලවා මට ලබා දෙන ලෙසට අගමැතිතුමා ජනාධිපතිතුමාගෙන් ලිඛිත ඉල්ලීමක් කළා.

නමුත් පහුගිය දවසකදී සජිත් ප්‍රේමදාස අමාත්‍යවරයායි, කබීර් හෂීම්,රංජිත් මද්දුම බණ්ඩාර ,මලික් සමරවික්‍රම,චන්ද්‍රානි බණ්ඩාර ජනාධිපතිතුමා හමු වෙලා කියලා තියනවා ඒ අමාත්‍යංශය මට දෙන්න එපා කියලා.

පසුගිය සතියේ කැබිනට් මණ්ඩල රැස්වීමෙන් පසුව මම ජනාධිපතිතුමා හමු වූනා. ඒ අවස්ථාවේදී එතුමා මට මේ ගැන කිව්වා. එතුමාගේ වචනයෙන්ම කියනවා නම් මේ පස් දෙනා ඇවිත් ඔබට මේ අමාත්‍යාංශය ලබා දෙන්න එපා කියා ඉල්ලමින් මගේ ඔළුව කෑවා යැයි එතුමා කිව්වා.

අපේ රවී කරුණානායක ඇමැතිතුමාත් ඒ වෙලාවේ එම ස්ථානයේ හිටපු නිසා ඔහු මේ ගැන සාක්කි දේවි.

එක්සත් ජාතික පක්ෂයේ සමඟිය ජයග්‍රහණය සහ විනය ගැන කතා කරන මේ අය අපේ දේශපාලන විරුද්ධවාදීන් එක්ක අපටත් අපගේ පක්ෂයටත් විරුද්ධව වැඩ කරන්නේ මෙහෙමයි.

පාස්කු ප්‍රහාරයෙන් පස්සේ ආණ්ඩුවේ මුස්ලිම් ඇමතිවරුන් ඒ අයගේ ඇමතිකම්වලින් ඉල්ලා අස් වුණා. ඒ වෙලාවේ තමුන් මොකක්ද කලේ?

ආණ්ඩුවෙයි, පක්ෂයෙයි,නායකයාගෙයි ස්ථාවරයට විරුද්ධව අගමැතිතුමාටත් නොකියා හොර රහසේම ගිහින් ජනාධිපතිතුමා හම්බවෙලා ඇමතිකමේ දිවුරුම් දුන්නා.

ඊට පස්සේ හොරෙන්ම ගෝඨාභය රාජපක්ෂව හම්බ වුණා. එහෙම හම්බ වෙලා එක්සත් ජාතික පක්ෂයේ සියලු රහස් ගෝඨාභය රාජපක්ෂට දුන්නා.

පාර්ලිමේන්තු කණ්ඩායම් රැස්වීමේ දී නවින් දිසානායක ඇමතිතුමා මේ ගැන ප්‍රශ්න කළා. එතකොට ගෝඨාභය රාජපක්ෂ හම්බවුණ බව පිළිගන්න තමුන්ට සිද්ධ වුණා.

ඊට පස්සේ එක්සත් ජාතික පක්ෂයයි, අගමැතිතුමයි තීරණය කරලා මට ඛනිජ තෙල් අමාත්‍යංශය දෙන්න කියලා ජනාධිපතිතුමාට දැනුම් දුන්නාට පසුව තමුන් ඒ මැද්දට පැන්නා.

අගමැතිතුමාගේ තීරණ ක්‍රියාත්මක කරන්න එපා කියා ජනාධිපතිගෙන් ඉල්ලන්න තියෙන බලය මොකක්ද?

තමුන්ගේ ආගමට වගේම ජාතියටත් කරන ලැජ්ජාවක් මේක. තනතුරුවලට, වරප්‍රසාදවලට වගේම මුදල්වලට ඇයි මේ විදිහට පක්ෂය පාවලා දෙන්නේ? “ යනුවෙන් මෙහිදී අමාත්‍ය ලක්ෂ්මන් කිරිඇල්ල මහතා පැවසීය.

ලක්ෂමන් කිරිඇල්ල අමාත්‍යවරයා මිනිත්තු 20කට අධික කාලයක් එම රැස්විම තුළදි දැඩි දෝෂ දර්ශනයක් එල්ල කලත් කබීර් හෂිම් අමාත්‍යවරයා ඊට කිසිදු පිළිතුරක් නොදුන් බව එක්සත් ජාතික පක්ෂයේ අභ්‍යන්තර ආරංච් මාර්ග සඳහන් කර සිටියේය.

– adaderana

41,321 Viewers

14 Comments to “කිරිඇල්ලට මල පනී.. අගමැති මැදුරේදී දිගට හරහට කබීර් හෂීම්ට බැණ වදී…”

  1. Saman says:

    කබීර් හසීම් කියන්නේ මුස්ලිම් ජාතිකයෙකු උවත් නියම මහත්මයෙක් කිරිඇල්ලවගෙ දෙකයි පනහේ වැඩකරන කෙනෙක් නොවේ. කිරිඇල්ල වගේ රජයේ ඉඩම් කොල්ල්කාල නෑ. ඒ මනුස්සයගේ ඉඩම් මිනිසුන්ට දීල තියෙනව මිසක්.

  2. Buruputha says:

    කොහොමත් කිරිඇල්ල ta arsas තියනවනේ .mala paninne එකනෙ .

  3. Sarath says:

    “තමුන්ගේ ආගමට වගේම ජාතියටත් කරන ලැජ්ජාවක් මේක. තනතුරුවලට, වරප්‍රසාදවලට වගේම මුදල්වලට ඇයි මේ විදිහට පක්ෂය පාවලා දෙන්නේ? “ යනුවෙන් මෙහිදී අමාත්‍ය ලක්ෂ්මන් කබීර්ට පැවසීය.” ~ Very true! Don’t trust Muslims!

  4. අංකූරා says:

    මේකෙදි කියවෙන වැදගත්ම කාරණය තමයි මුං මේ පස්ස ඉරාගෙන පොරකන්නෙ තම තමන්ගේ පුද්ගලික කාරණා වලට මිසක් රට වෙනුවෙන් නෙවෙයි කියන වග !!. අපිට අවශ්‍ය රට වෙනුවෙන් සටන් කරන්නෝ මිසක් මේ වගේ තකතීරුවෝ නොවෙයි !!!.

  5. Krishan Senarath says:

    සජිත් නෙමෙයි රනිල් වික්‍රමසිංහ අගමැතිවරයා ජනාධිපතිවරණයට අපේක්ෂකත්වය ගන්නේ නැත්නම් එකට සුදුසුකම් තියෙන්නේ කිරිඇල්ල ඇමතිතුමාටයි උගත්කම බුද්ධිමත් බව තියෙනවා ලෝයර් කෙනෙක් සජිත්ට මොනවද තියෙන්නේ ඔය කිසිවක් නැහැ කටට එනවට වාචාල කතා කියවනවා ගිණිපෙට්ටි ගෙවල් හැදුවට එවා වැඩද කිරිඇල්ල ඇමතිතුමා මේරටේ අගමැති හෝ ජනාධිපති වෙන්න ඕනේ අපේ තාත්තාගේ යහලුවෙක් කබීර් යනවා ගෝඨාභයගේ පැත්තට කොක්ක ගහගෙන ඉන්නේ කිරිඇල්ල ඇමතිතුමා යන්නේ නැහැ ෂුවර්

    • RW says:

      මුන් සේරම ඩීල් කාරයෝ. පක්ෂ භේදයකින් තොරව . අපි තමයි ගොන්නු . මුන්ට චන්දෙ දීල පරම්පරා ගානකට සල්ලි හොයන්න චාන්ස් අරං දෙනවා.

    • On looker says:

      “ONAMA GONEKUTA MALA PANINNA PULUWAN”‘

  6. ඕනැ ගොනා තප්පුලන්නෙ තව කීයක් හරි යටි මඩි ගහගන්න අමාත්‍යංශයක් ඉල්ලල. කබීර් හශීම් වැදගත් දේශපාලකයෙක්. නෝනගෙ වාසගම අරගෙන රදල වෙන්න දගලන පාත්තයො වගේ නෙවෙයි. මෙයාලගෙ නාඩගම් තව ටික දවසයි.

  7. පොරමෝලා says:

    කිරා සුමන්දිරන් ට 😱 බයයි.කබීර් ට තියෙන්නෙ ඌ ලවා ගස්සනවා කියල 😱 බය කරන්න

  8. gadol says:

    මුන් සේරම බලන්නේ තමන්ගේ පැවැත්ම පමණයි රටට ජාතියට ආගමට ආදරයක් නැහැ ඔබගේ වටිනා චන්දය දීමෙන් වලකින්න

  9. Nana says:

    Once TNA MP sumanthiran came to near his seat and shouted at him like to a Dog and he was just waging the tail. But when he met a decent man like Kabir he got the guts to shouts. Kabir may have done some things against his party but not against his Country like you.

  10. catseye says:

    oya arsas thiyana naaki harak tika elawala daanna ona…….iwasimak nethi kadamlu ewun….

  11. Sun says:

    What I can see is all the backlog of dirty habits of the politicians. This is happening in the capitalist system. People think by having a big load of money is . the happiness without knowing the uncertainty of the life. All are trying to collect money thinking that as the happiness. Our life is very uncertain and we don’t no the time we are leaving. Remember the danger of carrying load of money. You are going to continue the greediness further rather than refining the inner.

Main News