කිරිපිටි ගැන කයිවාරු ගහන අයට දැනුමක් නෑ.. ජනාධිපති තැන තැන නොකියා කැබිනට්ටුවේ කියන්න තිබුණා..- රාජිතගෙන් ජනපතිට දැඩි චෝදනා..

February 20, 2019 at 3:26 am | lanka C news
කිරිපිටි ගැන කයිවාරු ගහන අයට දැනුමක් නෑ.. ජනාධිපති තැන තැන නොකියා කැබිනට්ටුවේ කියන්න තිබුණා..- රාජිතගෙන් ජනපතිට දැඩි චෝදනා..

වේදිකාවල කෑගසන දේශපාලනඥයින් බහුජාතික සමාගම් වලට එරෙහිව ගත් ක්‍රියාමාර්ග රටට හෙළි කරන ලෙස සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා ඉල්ලා සිටියි.

කිරිපිටි සම්බන්ධයෙන් රට තුල මතුව ඇති ගැටලුව පිළිබදව විශේෂඥ වෛද්‍යවරුන්ගේ සහ විද්වතුන්ගේ සහභාගිත්වයෙන් රජයේ ප්‍රවෘත්ති දෙපාර්තමේන්තුවේ අද (19) පෙරවරුවේ පැවැති මාධ්‍ය හමුවකට එක්වෙමින් සෞඛ්‍ය අමාත්‍යවරයා මේ බව පැවැසීය.

මෙහිදී වැඩිදුරටත් අදහස් දැක් වූ සෞඛ්‍ය අමාත්‍යවරයා – “කිරිපිටි දේශපාලන විෂයක් නොවෙයි. පෝෂණය පිළිබද ප්‍රශ්ණයක්. රටට කිරිපිටි ආනයනය කරනවා ද, නැද්ද යන්න පිළිබදව වෙනම තීන්දුවක් ගත යුතුයි. මම ලෝක සෞඛ්‍ය සංවිධානයේ දී ඇමරිකා එක්සත් ජනපදය සමග වාද කරලා මව්කිරි ලබාදීමේ යෝජනාව සම්මත කර ගත්තා. පැණිබීම සදහා බදු පැනවීම තුලින් සීනි රහිත බීම වර්ග වෙළෙදපොලට පැමිණියා. ඖෂධ මිල පාලනය කළා. දුම්කොළ සදහා බදු පැනවූවා. මම මෙවැනි ක්‍රියාමාර්ග ගනු ලැබුවේ විද්‍යාත්මකව හදාරා ගත් තින්දු තීරණ මතයි. මම කටින් කයිවාරු ගහලා නැහැ. මම වේදිකාවල සහ මාධ්‍ය හමුවල කයිවාරු ගහන දේශපාලනඥයින්ගෙන් ඉල්ලා සිටිනවා බහුජාතික සමාගම් වලට එරෙහිව ගත් ක්‍රියාමාර්ග රටට හෙළි කරන්න කියලා. කිරිපිටි සම්බන්ධයෙන් ද මාධ්‍ය හමු සහ වේදිකාවල කෑගහලා වැඩක් නැහැ. ඖෂධ මිල අඩු කිරිම, පැණි බීම සදහා බදු පැනවීම, දුම්කොළ සදහා බදු පැනවීම දේශපාලන තින්දු වුවත් එහි හරය විද්‍යාත්මකයි. ශ්‍රී ලංකාවේ දියර කිරි නිෂ්පාදනය සියයට 10 ක් වන අතර සියයට 90 ක් ම පිටිකිරි භාවිතා කරනවා. කිරි යනු පෝෂණයට අදාල කරුණක්. ඇතැම් අය ප්‍රකාශ කරනවා කිරි නොමැතිව ඉන්න පුළුවන් කියලා. පොහොසතුන්ට පුළුවන් වුනත්, ගමේ දුප්පත් මිනිහට එය අමාරුයි. මාධ්‍යවේදීන් නැගූ ප්‍රශ්ණයකට පිළිතුරු ලබාදුන් සෞඛ්‍ය අමාත්‍යවරයා මෙසේ පැවැසීය. ජනාධිපතිවරයාට කිරිපිටි ප්‍රශ්ණය පිළිබදව අමාත්‍ය මණ්ඩලයේ දී සාකච්ඡා කරන්න තිබුනා. එතුමා එලෙස කටයුතු කළේ නැහැ. කිරිපිටි ප්‍රශ්නය දේශපාලන වේදිකාවල දී භාවිත කරන්න එපා. ජනතාව දැනුවත් කිරීමේ අරමුණින් තමයි අපි මෙම මාධ්‍ය හමුව පැවැත් වූයේ. ජනතාව දැනුවත් කිරීමේ වගකීම ඇත්තේ මාධ්‍යයටයි.”

සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා – “කිරිපිටිවල ප්‍රමිතිය ප්‍රමුඛතම ප්‍රශ්නයක්. ප්‍රමිතිය හරිද, නැද්ද කියා පරීක්ෂා කර ගත යුතුයි. ඒ පිළිබදව සමාජ කථිකාවතක් ඇති වී තිබෙනවා. ශ්‍රී ලංකාවේ දියර කිරි කර්මාන්තය දියුණුවීම පිළිබදව සෞඛ්‍ය අමාත්‍යාංශය ද කැමැතියි. නමුත් එම කර්මාන්තය දියුණු වන තුරු එහි හිඩැස පුරවන්නේ ආනයනික කිරිපිටි මගින්. කිරිපිටි වලින් දියර කිරි සදහා මාරුවීමට හැකි නම් ඉතා වැදගත්. සෞඛ්‍ය අමාත්‍යාංශයේ අපි කිරිපිටි සමාගම් වෙනුවෙන් පෙනී සිටින්නේ නැහැ. මතුව ඇති ගැටලුව පිළිබදව ජනතාව බියට පත්වෙලා. ඒ පිළිබදව ජනතාව දැනුවත් කළ යුතුයි. ළදරුවන්ට කිරිපිටි ලබාදීම වැළැක්වීම සදහා සෞඛ්‍ය අමාත්‍යාංශය ක්‍රියාමාර්ග රැසක් ගෙන තිබෙනවා. ළදරුවන්ට මව්කිරි ලබාදීම සියයට 100 ක්ම සිදුවන එකම රට ශ්‍රී ලංකාවයි. ළදරු කිරිපිටි සම්බන්ධයෙන් සෘජුව හෝ වක්‍ර ව ගනු ලබන ප්‍රචාරණ නතර කර තිබෙනවා. ඒ පිළිබදව ළමා රෝග විශේෂඥ වෛද්‍යවරුන් සහ පවුල් සෞඛ්‍ය සේවා නිලධාරිනියන් දැඩි අවධානය යොමු කර තිබෙනවා. ආනයනික කිරිපිටිවල ප්‍රමිතිය පිළිබදව විද්‍යාත්මක පරීක්ෂණ රැසක් සෞඛ්‍ය අමාත්‍යාංශය සිදු කර තිබෙනවා. මේ පිළිබදව ජනාධිපතිවරයා ද දැනුවත් කිරීමට නියමිතයි. තව ද පණුවන් සහිත ටින් මාළු කන්ටේනර් 36 ක් අපි වරායේ දී නතර කර යළි ප්‍රතිඅපනයනය කළා. ඊට සෞඛ්‍ය අමාත්‍යවරයා සෘජු නායකත්වය ලබාදුන්නා. කොතරම් බලපෑම් ආවත් අපි එම පණුවන් සහිත ටින් මාළු වෙළෙදපොලට නිකුත් කිරිමට අවස්ථාව ලබාදුන්නේ නැහැ. සෞඛ්‍ය අමාත්‍යාංශය ජනාවගේ ආහාරවල සුරක්ෂිතතාවය පිළිබදව වගකිව යුතුයි.”

සෞඛ්‍ය අමාත්‍යාංශයේ නියෝජ්‍ය අධ්‍යක්ෂ ජනරාල් (ආහාර පාලන) විශේෂඥ වෛද්‍ය ලක්ෂ්මන් ගම්ලත් මහතා – “ආනයනය කරන ආහාර සහ වෙළෙදපොලේ පවතින ආහාර මනුෂ්‍ය පරිභෝජනයට සුදුසු බව පරික්ෂා කරන්නේ මගේ ඒකකය මගින්. ජාත්‍යන්තරව අලෙවි වන කිරිපිටිවල ප්‍රමිතිය ද අපි පරීක්ෂා කර බලනවා. ඒ සදහා ලෝක සෞඛ්‍ය සංවිධානය සහ ලෝක කෘෂිකර්ම සංවිධානය ඒකාබද්ධව ආයතනයක් ස්ථාපිත කර තිබෙනවා. කිරිපිටි සදහා ජාත්‍යන්තර ප්‍රමිතියක් සකස් කර ඇති අතර, එය 2018 වසර අවසන් වන විට යළි සංශෝධනය කරනු ලැබුවා. ශ්‍රී ලංකාවට ආනයනය කරනු ලබන කිරිපිටිවල SLS 731 ප්‍රමිතියෙන් යුක්ත විය යුතුයි. එය ආහාර පනත යටතේ නීතියක් බවට පත්කර තිබෙනවා. ශ්‍රී ලංකාවට ආනයනය කරන කිරිපිටි සාම්පල වරායේ දී පරීක්ෂා කරනවා. තව ද කිරිපිටි අපනයනය කරන රටින් සෞඛ්‍ය සහතිකයක් ලබාදෙනවා. එහිදී එය අපේ රටේ ප්‍රමිතියට අනුකූල ද, නැද්ද යන්න පිළිබදවත් සදහන් කරනවා. වරායට පැමිණෙන කිරිපිටි සාම්පල රසායනාගාර මගින්, වෛද්‍ය පර්යේෂණ ආයතනය මගින්, ජාතික සෞඛ්‍ය විද්‍යායතනය මගින්, පරමාණුක බලශක්ති අධිකාරිය මගින් සහ රජයේ රස පරික්ෂක දෙපාර්තමේන්තුව මගින් පරීක්ෂාවට ලක් කරනවා. ඒ සියලු පරීක්ෂණ වලින් හෙළි වී ඇත්තේ කිරිපිටිවල වෙනත් ද්‍රව්‍ය අඩංගු නොවන බවයි. කිරිපිටි වල කිරිමේදය පමණක් අඩංගු වී ඇති බව පරික්ෂණ වලින් ඔප්පු වී තිබෙනවා. තව ද ලෝකයේ කුමන රටක දී හෝ කිරිපිටි වල ගැටලුවක් ඇති වූයේ නම් අනෙකුත් රටවලට ද දැනුම් දෙනවා. අපට වඩා හොද තාක්ෂණයෙන් යුත් පර්යේෂණාගාර එම රටවල තිබෙනවා. නවසීලන්තයෙන් ගෙනඑන කිරිපිටිවල එවැනි ගැටලුවක් මෙතෙක් ඇති වී නැහැ. ලංකාවේ ප්‍රමිතියට අනුව පරීක්ෂා කිරීමේ දී ද ගැටලු මතු වී නැහැ. පැතිරී යන කටකතාවල විද්‍යාත්මක පදනමක් නැහැ.”

දීපිකා සෙනෙවිරත්න මහත්මිය – (රජයේ රස පරීක්ෂක දෙපාර්තමේන්තුවේ නියෝජ්‍ය අධ්‍යක්ෂ) “සෑම කිරිපිටි වර්ගයක් ම ආනයනය කිරීමේ දී අපි පරීක්ෂා කරනවා. ඒ ශ්‍රී ලංකා ප්‍රමිති ආයතනයේ රෙගුලාසි වලට අනුවයි. කිරි මේදය හදුනා ගැනීමට විශේෂ ක්‍රමවේදයක් හදුන්වා දී තිබෙනවා. සෑම කිරිපිටි පැකට්ටුවකම කිරි මේදය 24 සිට 32 දක්වා වූ පරාසයක තිබිය යුතුයි. වෙනත් මේද එකතු කළ හොත් එහි අගය වෙනස් වෙනවා. 2007 වසරේ දී ද නවසීලන්තයෙන් ආනයනය කරන ලද කිරිපිටිවල එළවලු මේද, සත්ත්ව මේද තිබෙන බවට කළ ප්‍රකාශ හේතුවෙන් 2009 වසරේ දී රෙගුලාසි වෙනස් කළා. අපි විසින් සිදු කළ පරික්ෂා කිරීම් වල දී කිරිපිටි වල කිරිමේදය අඩු වී තිබුනේ නැහැ. මේ වනවිට කිරිපිටිවල වෙනත් මේදයන් අඩංගු වී නොමැති බව පරික්ෂණ වලින් සනාථ වී තිබෙනවා.”

දයාණි යාපා මහත්මිය – (ශ්‍රී ලංකා ප්‍රමිති ආයතනයේ ඡ්‍යෙෂ්ඨ නියෝජ්‍ය අධ්‍යක්ෂ) – “කිරිපිටි සම්බන්ධයෙන් මතුව ඇති ගැටලුව හේතුවෙන් කිරිපිටි හොදයි ද, නැද්ද යන්න පාරිභෝගිකයින්ට ගැටළුවක්. ශ්‍රී ලංකා ප්‍රමිති ආයතනය SLS 731 යටතේ කිරි මේදය සහ අනෙකුත් මේද වර්ග තිබෙනවා ද යන්න පිළිබදව පරික්ෂා කරනවා. 2007 වසරේ දී මතු වූ ගැටලුවක් හේතුවෙන් කිරිපිටි වල ප්‍රමිතිය පිළිබදව සංශෝධන සකස් කළා. සත්ත්ව මේද තිබෙනවා ද යන්න පිළිබදව කරුණු 03 ක් යටතේ පරික්ෂා කර තිබෙනවා. වරායට පැමිණෙන ආහාර භාණ්ඩ 50 ක් අපි පරික්ෂාවට ලක් කරනවා. සෞඛ්‍ය අමාත්‍යාංශයට අමතරව ප්‍රමිති ආයතනය ද පරීක්ෂා කිරීම නිසා එම ආහාර පරිභෝජනයට සුදුසු ද නැද්ද යන්න පිළිබදව සොයා බලා තිබෙනවා. කිරිපිටි සාම්පල පරික්ෂා කිරීමෙන් පසු වෙළෙදපොලට නිකුත් කිරිම සදහා එහි වාර්තා ශ්‍රී ලංකා රේගුවට ලබාදෙනවා. ශ්‍රී ලංකාවට ආනයනය කරන කිරිපිටි පරික්ෂාවට ලක් නොකරන බවට සිදු කරන ප්‍රකාශ අසත්‍යයයි. දැනට ශ්‍රී ලංකාවේ ඇති කිරිපිටි ප්‍රමිතියෙන් අනුකූල වෙනවා.”

ශ්‍රී ලංකා පෝෂණවේදී විශේෂඥ වෛද්‍යවරුන්ගේ සංගමයේ සභාපති විශේෂඥ වෛද්‍ය රේණුකා ජයතිස්ස මහත්මිය – “කිරි අත්‍යාවශ්‍ය ආහාරයක්. ළදරුවන්ට වසරකට පසු කිරි ආහාර ලබාදිය යුතුයි. එතෙක් මව්කිරි ලබාදීම ඉතා වැදගත්. කිරි සහ කිරි ආහාර ඉන් පසු ලබාදෙන්නේ දරුවාගේ වර්ධනයටයි. එහි දී කිරිපිටි එක් ආදේශකයක් වනවා. මන්දපෝෂණය තුරන් කිරීම සදහා කිරි ආහාර ඉතා වැදගත්. අපගේ ප්‍රෝටින අවශ්‍යතාවයෙන් සියයට 50 ක් ලබාගන්නේ බත් මගින්. කිරි, මස්, මාළු වල අධික මිල හේතුවෙන් එවැනි ආහාර ලබාගන්නේ අවම වශයෙන්. නමුත් අවුරුදු 10-19 වයසේ දරුවන්ට ප්‍රෝටීන අවශ්‍යතාවය සදහා මෙම ආහාර ලබාදිය යුතුයි. නැතිනම් දරුවන් නිසි පරිදි උස යන්නේ නැහැ. අධි බර තත්ත්වයක් ඇති වෙනවා. එහිදී පෝෂණ ගැටලු ඇතිවන බැවින් කිරි ආහාර ඉතා වැදගත්. වර්තමානයේ ආහාර රටාවේ වෙනස්වීමත් සමග ක්ෂණික ආහාර වලට අපි හුරු වී සිටිනවා. දියර කිරි භාවිත කිරීමට හැකිනම් මෙම ගැටලුව ඇති වන්නේ නැහැ. එම නිසා කිරි, යෝගට්, අපි ආහාරයට ගන්නවා.”

– ප්‍රසන්න අධිකාරි

16,604 Viewers

12 Comments to “කිරිපිටි ගැන කයිවාරු ගහන අයට දැනුමක් නෑ.. ජනාධිපති තැන තැන නොකියා කැබිනට්ටුවේ කියන්න තිබුණා..- රාජිතගෙන් ජනපතිට දැඩි චෝදනා..”

  1. සිරිසේන says:

    සුකර තෙල් සුපයෙන් තනාලා රාජිත කිරි පිටි දෙනවෝ ….

  2. Eiffel says:

    මූ හොඳම ජරාවක් කාලා තියනවා….

  3. nuwan21 says:

    බිලිදු සමය අවසානවෙත්ම කිරි දිරවීමට අපේ සිරුරට අපහසුය. එනිසා දරුවන්ට මෙන්ම වැඩිහිටියන්ටත් කිරි යනු අවශ්‍ය ආහාරයක් නොවන බව වෛද්‍ය විද්‍යාත්මක මතයයි. කිරිවල අඩංගු ලැක්ටොස් නිසා දියවැඩියාවට එය රුකුලකි. කිරි වෙනුවට පිරිසිදු කැද වීදුරුවක් උදේට දරුවන්ට සහ වැඩිහිටියන්ට ගත හැකිනම් අපි අපේ කැමැත්තෙන් සාදා ගන්නා දියවැඩියාව, පිළිකාව, හදවත් රෝග වැනි බෝ නොවන රෝග රැසක් වැළදීමේ හැකියාව අඩුවෙයි. සිරුරේ ප්‍රතිශක්තිය වැඩිවෙයි.
    කිරි පානයේ ආදීනව ගැන එසේ සරලව කිව හැකි වුනත්, ආනයනික කිරිපිටි ගැන කිව හැක්කේ ඊටත් වඩා භයානක කතාවකි. පලිබෝදක වල් නාශක, කෘතීම පොහොර යෙදු තණ බිම් වල වැඩෙන එළදෙනුන්ට අදිකව හොර්මොන්, ප්‍රතිජීවක, සහ ඉක්මනින් වර්ධනයට අවශ්‍ය රසායනික ද්‍රව්‍ය ලබා දෙනු ලබයි. කිරි වලටද එකතුවන මෙම මිනිසුනට අහිතකර රසායනික ද්‍රව්‍ය සුළු ප්‍රමාණවලින් කිරි පිටි වලද පවතී (කිරි පිටි වල පවතින විෂ සංයෝග ගැන ඔබට අන්තර්ජාලයෙන් ඕනෑ තරම් කරුණු සහ පර්යේෂකයන් සිදු කල වාර්තාද බලා ගත හැක.) මීට අමතරව, අවශ්‍ය ප්‍රෝටීන් සහ මේදය ඇතිකිරීමට නිෂ්පාදනයෙදීද තවත් අහිතකර ද්‍රව්‍ය එකතු කරනු ලබයි.

  4. 77 UNP says:

    ඇමතිට මෙතරම් තරහ යන්නේ ඇයි ආනයිනික කිරිපිටි වලට තර්ජනයක් අවම. හරියට තමුන්ගේ නැවක් ජනාධිපති ගිල්ලුව වගේ වියුරු වැටිලා ජනාධිපතිටත් ආනයිනික කිරිපිටි වලට එරෙහිවන්නන්ටත් බැන අඬගහන්නේ ඇයි. ඉන්ධන ඇතුළු ජනජීවිතයට බරපතල විධියට බලපාන සියලුම දේවල් වලට බදුගහන එකේ ආනයනික කිරිපිටි සහ තිරිඟු පිටිවලට බදු සහන දෙන්නේ ඇයි? දෙයි උත්තරේ ඒවායේ මිල පහල දාල ජනතාවට සහන දෙන්න කියල.ඒක පට්ටපල් බොරු. මුන්ට ඕනෑකරන්නේ මෙරටේ නිපදවන්න පුළුවන් අහාර සහ කිරි කර්මාන්තයන් අඩපන කරන්න ඒවායේ නිෂ්පාදකයන්ට ලැබෙන අදායම අඩු කරලා අහාර සහ කිරි ආනයනය කරලා ගානක් කපාගන්න. අපි වහ නොවෙයි මොනවා බිව්වත් මොනවා කෑවත් මේ කාලකන්නින්ට ප්‍රශ්නයක් නැහැ.

    • බන්ඩා says:

      යහපාලනය තරම් දේෂීය ගොවියාට පහර ගැසූ ආණ්ඩුවක් මෙරට තිබුනේ නැහ. ඇමරිකාවෙ සහ යුරොපයේ මෙන් ගොවියාට සහනාධාර දෙන්නේ නම් කාන්ඩ කිහිපයක් හැරෙන්න සියලු ආහාර රට තුල නිශ්පාදනය කල හැකිබව මගේ අදහසය්. සහනාධාර දී උතුරේ ගොවිතැන දියුනු කොලෙත් තුරේ ප්‍රශ්ණයද විසදෙනු ඇත.

      • 77 UNP says:

        77 ට පෙර UNP ය සහ 77 න් පසු UNP කියන්නේ සම්පුර්ණයෙන්ම වෙනස් පක්ෂ දෙකක්. DS, ඩඩ්ලි කියන්නේ අවංක මේ රටට ආදරේ මිනිස්සු. නමුත් JR, ප්‍රේමදාස කියන්නේ රටට මොනවා වුනත් තමුන්ට බලය තිබුනොත් ඇති කියලා හිතපු දේශ ද්‍රෝහියෝ. රනිල්ගේ UNP ය එතනින් ඉදිරියට ගිහින් ශ්‍රී ලංකාව කිසිදා ගොඩගන්න බැරි අගාධයක් කරා තල්ලුකරගෙන යනවා. එක්සත් ජාතික පාක්ෂිකයන් හට පැවරිලා තියන වගකීම නම් 77 ට පෙර UNP ය සහ 77 න් පසු UNP කියන්නේ සම්පුර්ණයෙන්ම වෙනස් පක්ෂ දෙකක් කියනඑක තේරුම්ගෙන DS, ඩඩ්ලි යන දේශප්‍රේමී නායකයන්ගේ ගරුත්වයත් රටත් රැකගැනීමයි. අද UNP යෙන් ඉවත්වීමයි.

  5. Ranjan says:

    Okkoma KUDU gahala. Eka eka eka eka vidiyata MUNN kathakaranne.

  6. සිදරම් says:

    තවත් කාරණයක් .උගතුන් මහාචාරියලාට කෝටි ගණන් මුදල් පොම්ප කරමින් රාජ්‍ය ආයතනවල දුෂිත නිලධාරීන්ට කෝටි ගණන් මුදල් පොම්ප කරමින් තමයි මේ කිරිපිටි පිරිසිදු බවට රජයෙන්ම සහතික ලබාදෙන්නේ .අපේ ජනපතිතුමා මේ ගැන දන්නා නිසා තමයි ප්‍රසිද්දියේ මේ සමාගම් වලට චෝදනා කලේ එනිසා කිසිම කෙනෙක් මේ රාජ්‍ය ආයතන සමාගම් වෙනුවෙන් කියන දේ විශ්වාස කරන්න එපා .

  7. Aurora says:

    CXIX. THE DETERMINATION OF MILK PROTEINS BY FORMALDEHYDE
    ඇමතිට කුලප්පු වෙන්න දෙයක් නැහැ කිරිපිටිවල කිරි ප්‍රෝටීන් නැහැ එවෙනුවට තියෙන්නේ වෙනත් රසායනික, කිරි මේදය වෙනුවට තියෙන්නේ පාම් තෙල් කියල කිව්වම. මේ රටේ ඒවා පරික්ෂාවට උපකරණ නැහැ නමුත් නවසීලන්තේ ඉතා දියුණු රසායනාගාරවල කරපු පරීක්ෂණ ප්‍රතිපල මෙන්න කියලා පෙන්වනවා. ඒවා හොරාගේ අම්මාගේ සාක්ෂි. නමුත් විද්‍යාත්මකව පිළිගතහැකි සාක්ෂි මේ රටේම හොයාගන්න පුළුවන් රසායනාගාර පරීක්ෂා මෙහෙදීම කරලා. මේ සමඟ තියෙන ක්‍රමවේදය රසායනාගාරයකට මඟ පෙන්වීමක් විදියට ගන්න පුළුවන්.
    TITRATION.
    BY GERALD THOMAS PYNE.
    From the Department of Dairy Chemistry, University College, Cork.
    (Received May 19th, 1932.)
    THE formaldehyde method for the determination of milk-proteins, originally
    proposed by Steineggar [1905], has been much employed since its inception
    on account of its ease, rapidity, and reasonable accuracy. In the original
    method, sodium hydroxide appears……………………..

  8. Love nature says:

    ළදරුවන්ට ළදරු පිටිකිරි වල අතුරු අබාධ 5 ක්

    1. ආහාර ජීරණය කිරීම සඳහා වැඩි කාලයක් ගත වේ

    ළදරු පිටිකිරි වල වැඩි ප්‍රමාණයක් casein (ප්‍රෝටීන වර්ගයක්) අඩංගු වන අතර ඔබගේ දරුවාගේ සංවේදී ආහාර ජීර්ණ මාර්ගය තුල ජීරණය සඳහා වැඩි කාලයක් ගත වේ.

    මේ මගින් ඔබේ දරුවාගේ කුස දිගු කලක් පිරි තියෙන්න පුළුවන් අතර ඔබටද නිතර නිතර දරුවාගේ කුස පුරවන්න සිදුනොවේවි.

    කෙසේ වෙතත්, මේ මගින් ඔබේ දරුවාගේ ආහාර ජීර්ණ පද්ධතියට අමතර පරිශ්‍රමයක් දැරීමට සිදු විය හැකිය.

    2. අසාත්මිකතා ඇති විය හැක

    බොහෝ බිළිඳුන්ට කිරිපිටි පහසුවෙන් ජීරණය කරගත හැකි අතර සමහර ළදරුවන්ට ඒ මගින් දැඩි ආසාත්මිකතා ඇති විය හැකිය.

    මෙය විශේෂයෙන්ම මෙම කිරිපිටි වල ඇති එළකිරි වල අඩංගු ප්‍රෝටීන වලට ආසාත්මිකතාවයක් ඇති විය හැකි දරුවන්ට මෙය සැබෑ වේ.

    දරුවා මලපහ පිට කිරිමෙන් හෝ දරුවාට වමනය ඇතිවීමෙන් හෝ දරුවා අධික ලෙස නොසංසුන් වීමෙන් මෙය ඔබට හදුනාගන්න පුළුවන්.

    සමහර ළදරුවන් පහසුවෙන් රෝග ලක්ෂණ නොපෙන්වන අතර, ඒ ගැන සැලකිලිමත් විය යුතුය.

    3. පාරිසරික විෂවීම් වලට ඇති අවදානම වැඩි වේ.

    පිටිකිරි දෙන දරුවන්ට වඩා මව්කිරි දෙන දරුවන් ආරක්ෂිතයි. විවිධ දුර්වල ගුණාත්මක තත්වයෙන් යුතු වාතය නිසා ළදරුවන්ට පාරිසරික වස විෂයන් සඳහා දැඩි අවදානමක් ඇත.

    මවුකිරි දෙන දරුවන්ට මෙම අන්තරායන් සමඟ සටන් කිරීමට ඇති හැකියාව වැඩි දියුණු වේ.

    නමුත් පිටිකිරි ලබාදෙන දරුවන්ගේ මොළයේ වර්ධන වේගය අඩු වෙනවා මෙන්ම පාරිසරික විස විශේෂයෙන්ම PCBs සහ ඩයොක්සින් වැනි විෂ සමග සටන් කිරීමට අඩු හැකියාවක් ඇත.

    4. දියවැඩියාව හා නිදන්ගත රෝග පිළිබඳ වැඩි අවදානම

    ළදරු පිටිකිරි ලබාදීම පසු කාලීන ජීවිතයේදී දියවැඩියාව වර්ග 1 හා අන්ත්‍ර ආශ්‍රිත රෝග වැනි විවිධ නිදන්ගත රෝග ඇතිවීමට අවදානම දරුවා තුල වැඩි කරයි.

    5. ඇදුම අධික අවදානම

    විවිධ සෞඛ්‍ය අධ්‍යනයනයන්හි සඳහන්ව ඇති පරිදි පිටිකිරි දෙන බිළිඳුන්ට ඇදුම, හතිය හෝ වෙනත් හුස්ම ගැනීමේ අපහසුතාවන් ඇතිවීමේ අවදානම මව්කිරි, නැවුම් ආහාර ගන්නා දරුවන්ට වඩා 40% ක වැඩි වේ.

    ඔබේ දරුවාට කිරිපිටි ලබා දීම සදහා හේතු රාශියක් තිබිය හැකි නමුත් ඔබ ඔබේ දරුවාගේ වෛද්‍යවරයා හා සාකච්ඡා කර ඔබට වඩාත් සුදුසු යැයි සිතිය දෙය තෝරා ගත හැකි බව අපේ අදහසයි.

    එසේම, ඔබේ දරුවාගේ අපහසුතාවය පෙන්වන සලකුණු දැකීමට දරුවා ගැන විමසිලිමත් වෙන්න. ඔබ අසාමාන්‍ය යමක් දුටුවහොත් එම පිටිකිරි භාවිතය නවත්වා වහාම වෛද්‍යවරයාට කතා කරන්න.

  9. Kadiya says:

    තුන්වේල බත් කන්න පුළුවන් රටේ දරුවන්ට උදේට ආනයනික කෘත්‍රිම පිටිකිරි ග්‍රෑම් 15-20 වැනි ප්‍රමාණයක් වතුර මිලි ලීටර් 400-500 ක දියකරලා බොන්න දෙන කම්මැලි අම්මලා තමුන්ගේ දරුවන් නුදුරු අනාගතයේම නොයෙක් බෝනොවන රෝග වලට භාජනය වීමට මඟ සලසනවා. තමුන්ට ලැබෙන කොමිස් සහ වෙනත් ලාභ වෙනුවෙන් රටේ පුරවැසියන් ලෙඩට යොමුවීම වළක්වන්නේ නැති සෞඛය ඇමතියෙක් ඉන්න රටක් කොතරම් අවසනවන්තද? ඒ තත්වය වසන්කරන්න ඇස් කාච දෙන එකයි කෘත්‍රිම පිටිකිරි නිසා හැදෙන ලෙඩවලට රජයේ රෝහල්වල කරන ප්‍රතිකාර වැඩිකරන එකයි කියවලා වැඩක් නැහැ. ලෙඩවලට ප්‍රධාන හේතුව වන පිටිකිරි ඉවත්කිරීමයි වඩා වැදගත්.

  10. siri says:

    Datha siyalla dath,mulu sareerema mole.

Main News