කීයටවත් ජනපති මෛත්‍රී තනි ආණ්ඩුවක් හදන්නේ නෑ.. ඔහු රනිල් වික්‍රමසිංහට ගෙවන්න ඇති ණය ඊට වඩා වැඩියි..

November 25, 2016 at 4:40 pm | lanka C news
කීයටවත් ජනපති මෛත්‍රී තනි ආණ්ඩුවක් හදන්නේ නෑ..  ඔහු රනිල් වික්‍රමසිංහට ගෙවන්න ඇති ණය ඊට වඩා වැඩියි..

ලබන වසර තීරණාත්මක වසරක් බවත් එම වසරේ පවත්වනු ලබන කවර මැතිවරණයකට වුවද ඒකාබද්ධ විපක්ෂයේ සියලු මන්ත්‍රීවරුන් සහ අලුත් පක්ෂය එක්ව සංවිධානාත්මකව සහ අභියෝගයට සරිලන ලෙස මුහුණ දීමට සූදානම් බවත් ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා පවසයි.

අද (25) අලුත්කඩේ ප්‍රධාන මහේස්ත්‍රාත් අධිකරණය හමුවේ තමන් ඇතුළු පක්ෂයේ නායකයන්ට පවරා ඇති නඩුවකට මුහුණදීමෙන් අනතුරුව මාධ්‍ය වෙත අදහස් දක්වමින් ඒ මහතා මෙසේ පැවසීය.

එහිදි වැඩිදුරටත් අදහස් දැක්වු ඒ මහතා මෙසේද සඳහන් කළේය.

”අපට වාර්තා වෙලා තිබෙන අන්දමට මේ ආණ්ඩුව පළාත් පාලන මැතිවරණය ළඟපාතක පවත්වන එකක් නැහැ. නමුත් ආණ්ඩුව හිතනවා ‘අපට නගර සභාවලින් කොටසක් දිනාගත හැකියි’ කියලා. ඒ නිසා නගර සභාවල පමණක් ඡන්දය ලබන වසරේ පැවැත්වීමට කටයුතු කරාවි. ලබන අවුරුද්ද ඉතාමත් තීරණාත්මක අවුරුද්දක්. ජනමතවිචාරණයක්, පළාත් පාලන මැතිවරණයක් හෝ කවර ආකාරයේ මැතිවරණයක් ලබන අවුරුද්දේ පැවැත්වුවත් ඒවාට සංවිධානාත්මකව හා අභියෝගයට සරිලන ලෙස මුහුණ දීමට අපි සුදානම්. ශ්‍රී ලංකා නිදහස් පක්ෂයේ මන්ත්‍රීවරු ඇතුළු ඒකාබද්ධ විපක්ෂයේ සියලු මන්ත්‍රීවරු, අලුත් පක්ෂය ඇතුළු අපි සියලු දෙනා ඊට ඒකාබද්ධව මුහුණ දෙනවා.”

එහිදි මාධ්‍යවේදියෙකු නැඟු ප්‍රශ්නයකට පිළිතුරු දුන් විමල් වීරවංශ මහතා,

ප්‍රශ්නය : ශ්‍රී ලංකා නිදහස් පක්ෂය මේ හවුල් ආණ්ඩුවෙන් ඉවත් වෙලා වෙනම ආණ්ඩුවක් පිහිටුවීමට සුදානම් වන බව පැවසෙනවා. එහෙම වුණොත් ඊට ඔබලා සහයෝගය දෙනවාද ?

පිළිතුර : ඒ දෙය වෙන්න නම්, මෛත්‍රීපාල සිරිසේන මහත්තයා ඇඳේ අනෙක් පැත්තෙන් නැගිටින්න ඕනෙ. ඒ කියන්නේ, එතුමා දේශිය වශයෙන් වගේම ජාත්‍යන්තරවත් මේ හවුල් ආණ්ඩුව රැක ගන්න බැඳී ඉන්න අන්දම අනුවත් වික්‍රමසිංහ මහත්තයාට ගෙවන්න තිබෙන ‘ණය ප්‍රමාණය’ අනුවත් එහෙම දෙයක් වීමට තිබෙන ඉඩකඩ ඉතාම අඩුයි. ඔය වගේ හීන දිහා බලබලා ඉන්න අපට ඕනෙකමක් නැහැ.

අනුරුද්ධ බණ්ඩාර රණවාරණ,
මාධ්‍ය ලේකම්,
ජාතික නිදහස් පෙරමුණ

15,345 Viewers

5 Comments to “කීයටවත් ජනපති මෛත්‍රී තනි ආණ්ඩුවක් හදන්නේ නෑ.. ඔහු රනිල් වික්‍රමසිංහට ගෙවන්න ඇති ණය ඊට වඩා වැඩියි..”

  1. බණ්ඩාර says:

    පාර්ලිමේන්තුව සිදුකරන නීති විරෝධී ක්‍රියාවන් පාලනය කිරීමට නීතිමය යාන්ත්‍රණයක් බ්‍රිතාන්‍යයන් අපට නො දුන්නේ ඇයි?
    ශ්‍රී ලංකාව යනු පෙරදිග පිහිටි රටකි. දකුණු අසියාවේ සමකයට ආසන්නවන්නට පිහිටි රටකි. ඉතා ඈත අතීතියේ පටන් වාරි ශිෂ්ටාචාරයෙන් ලොව විස්මයට පත්කළ ජනතාවක් සිටි රටකි. පෘතුග්‍රීසීන් සහ ලංදේසීන් විසින් අඩ වශයෙන්ද ඉංග්‍රීසීන් විසින් සම්පූර්ණයෙන්ද ලංකාව යටත්කරගනු ලැබීය.1815 කන්ද උඩරට ගිවිසුමෙන් ආරම්භ කරන ලද ලංකාවේ ජනතාවගේ පරමාධිපත්‍ය බලය බ්‍රිතාන්‍යයන් අත්කර ගැනීම 1948 දී නැවත ආපසු ලබා දුන් බවත් ඇතැම්හු තර්ක කරති. වර්තමානයේ පරමාධිපත්‍ය යනු පාලන බලයවන විධායක, ව්‍යවස්ථාදායක සහ අධිකරණ බලය ලෙස හදුනාගෙන ඇත. මේ ආයතන 1815 තරම් ඈත අතීතියේද එනමින්ම නොවුණත් ලංකාව පාලනය කිරීමට බ්‍රිතාන්‍යයන් යොදාගනු ලැබිණි……..
    http://www.sinhala.lnwtoday.com/archives/14396

  2. pp says:

    methoma kiyana eka aththa. MY3 kisidaka oya de karanna sakthiyak naha. dilan amathi thomanam thani SLFP andowak gana hina mawana bawa api iye praworthi walin dakka.

  3. Champa says:

    විමල්, මට මේකට එවන්න තියෙන්නේ nasty comment එකක්. LCN might not like it. ඒක නිසා දැනට මුකුත් ලියන්නේ නැහැ.

  4. හූඇන්පී මන්තිරි රත්න says:

    යූඑන්පියෙන් වෙන්වෙලා තනිවම ශ්‍රී ලංකා ආණ්ඩුවක් පිහිටුවනවයි කිව්වෙ ආබාධිත රනවිරුවන්ට කරනලද ම්ලේච්ච පොලිස් ප්‍රහාරයේ වගකීම රනිල්, සාගල ඇතුලු යූඑන්පි කාරයන්ට පවරල තමන් ඒ සම්බන්ධයෙන් එන මහජන අප්රසාදයෙන් බේරෙන්ඩ මිසක් ඇත්තටම එහෙම කරන්ඩ නෙමේ.

  5. ExUNPer says:

    මෛත්‍රී ජනපති යනු ගිරයට අහු වූ පුවක් ගෙඩියකි !
    ගැලවීමක් නැත !
    රටක් ජාතියක් වංචනිකව පාවාදීමෙන් විශාල පාපයක් කර ඇත !
    ගොදුර ගිල්ල පිඹුරා වගේ ගිලින්නත් බැහැ …වමාරන්නත් බැහැ ….
    විදේශික ලනු කාල… උපන් රටට ද්‍රෝහි කම් කරමින්…
    මෙහෙමත් පවු කාරයෙක්…

Main News