කුඹුරු බිම් ප‍්‍රමාණය වේගයෙන් අඩුවෙයි.. ගොවියා ගොවිතැන අතහරිමින්…

March 2, 2021 at 8:40 am | lanka C news
කුඹුරු බිම් ප‍්‍රමාණය වේගයෙන් අඩුවෙයි.. ගොවියා ගොවිතැන අතහරිමින්…

නිෂ්පාදන පිරිවැයට සරිලන ආදායමක් නොමැති වීම ඇතුළු ගැටලු රැසක් හේතුවෙන් වී ගොවියා අද ණයකරුවකු වී ඇති බවත් වී වගාව සඳහා යොදාගත් ලක්ෂ 09කට අධික හෙක්ටයාර ප්‍රමාණය ක්‍රමානුකූලව අඩු වී ගෙන යන බවත් මේ සියල්ල සමග නුදුරු අනාගතයේ දී ජාතියට බත සැපයීමේ භූමිකාවෙන් වී ගොවියාට සමු ගැනීමට සිදු වනු ඇති බවත් පෙන්වා දෙන ජාතික ගොවි ව්‍යාපාරය, සහල් නිෂ්පාදනය වැඩි කරමින් වී ගොවියා ශක්තිමත් කරන ජාතික එකඟතාවක් සැකසීමට ආණ්ඩුව, ගොවි සංවිධාන මෙන්ම පාරිභෝගික ජනතාව ද පෙළගැසිය යුතු බව පෙන්වා දෙයි.

ජාතික නිදහස් පෙරමුණට අනුබද්ධ ජාතික ගොවි ව්‍යාපාරයේ සභාපති, පාර්ලිමේන්තු මන්ත්‍රී නිමල් පියතිස්ස මහතා පිටකෝට්ටේ පිහිටි එම ව්‍යාපාරයේ ප්‍රධාන කාර්යාලයේ දී මාධ්‍ය හමුවක් පවත්වමින් මෙසේ පෙන්වා දෙනු ලැබීය.

වී ගොවියා මුහුණ දෙන ගැටළු වන නිෂ්පාදන පිරිවැයට සරිලන ආදායමක් නොමැති වීම, වාරිමාර්ග සම්බන්ධිත ගැටළු, යොදා ගන්නා තාක්ෂණය යාවත්කාලීන නොවීම, සහතික මිල ප්‍රමාණවත් නොවීම ආදී ගැටලුවලට පැලැස්තර නොඅලවා ඒවාට ඉහත කී ආකාරයට සකසන ජාතික එකඟතාවක් මගින් පිළිතුරු සැපයිය යුතු බව ද ඒ මහතා වැඩිදුරටත් පෙන්වා දෙනු ලැබීය. ලෝක පරිමාණයෙන් එන ආහාර අර්බුදයට සාර්ථකව මුහුණ දීමට ද අප රටක් ලෙස එවැනි ජාතික එකඟතාවක් යටතේ ජාතියට බත සපයන ගොවියා ශක්තිමත් කළ යුතු බව පියතිස්ස මන්ත්‍රීවරයා සඳහන් කළේය. මෙවැනි වී ගොවියා ශක්තිමත් කිරීමේ ජාතික එකඟතාවක් රටක් ලෙස අප ගොඩනැගුවහොත් බුලත් විටකට රුපියල් 60ක් ද සිගරට්ටුවකට රුපියල් 65ක් ද මත්පැන් බෝතල් කාලකට රුපියල් 450 ක් ද වැය කරන පුද්ගලයන් සහල් කිලෝව රුපියල් 110කට මිලදී ගැනීම අතිදුෂ්කර දෙයක් සේ හුවා දැක්වීම වැනි ආකල්ප පවා සමාජයෙන් බැහැරහ යනු ඇති බව ද ඒ මහතා වැඩිදුරටත් සඳහන් කළේය.

ජාතියට බත සැපයීමේ දී අද ගොවියා ද මහඟු කාර්යභාරයක් ඉටු කරන බව පෙන්වාදුන් නිමල් පියතිස්ස මහතා කුඹුරු හිමියාට එක් කන්නයකට අක්කරයට වී කිලෝ 300ක් ලබා දීමට සිදු වීම වැනි කරුණු නිසා එම පිරිස් ද වී ගොවිතැනින් ඉවත්වන බවත් ජාතික එකඟතාවක් අවශ්‍ය වන්නේ මෙවැනි සංවේදී ගැටළු අවබෝධයෙන් විසඳීමට බවත් පැවසීය.

වී ගොවියා සහ පාරිභෝගිකයා අතරට අතරමැදියන් පැමිණීම ද මෙම ජාතික එකඟතාව සැකසීමේදී බරපතළ ලෙස අධ්‍යයනය කර කෙටිකාලීනව නොව දිගුකාලීනව විසඳිය යුතු ගැටලුවක් බව සඳහන් කළ ජාතික ගොවි ව්‍යාපාරයේ සභාපතිවරයා, අද වන විට කුඩා හා මධ්‍ය පරිමාණ වී මෝල් 2500ක් පමණ වැසීගොස් මහා පරිමාණ වී මෝල් හිමියන් 03 – 04 දෙනකුට සහල් වෙළෙඳපොළ හැසිරවීමේ ඒකාධිකාරී බලයක් ලැබී ඇති බවත් එවැනි ක්‍රියාවලට තිත තබා වැසීගිය වී මෝල් නැවත විවෘත කිරීමට ආණ්ඩුව කෙටි කාලීනව හෝ පියවර ගැනීමේ වැදගත්කම ද අවධාරණය කළේය.

මෙම මාධ්‍ය හමුවට ජාතික ගොවි ව්‍යාපාරයේ ජාතික විධායක කමිටු සාමාජික සාගර අනුරුද්ධ මහතා ද එක්ව සිටියේය.

අනුරුද්ධ බණ්ඩාර රණවාරණ,
මාධ්‍ය ලේකම්,
ජාතික නිදහස් පෙරමුණ

12,816 views

5 Comments to “කුඹුරු බිම් ප‍්‍රමාණය වේගයෙන් අඩුවෙයි.. ගොවියා ගොවිතැන අතහරිමින්…”

  1. SL says:

    ලංකාවේ ප්‍රශ්නේ තියෙන්නේ අධික බදු බර , රටට කිසිම දායකත්වයක් නැතිව රාජය සේවකයින් පැටවූ ගහනව,ව්‍යර්පෘති වල පලදායිතාව සහ ඒ සඳහා කරන වියදම ( කොමිස්, හොරාකෑම එකතුව ) වැඩිවීම ,එම බර දරාගන්න ණය ගැනීම ,අධික බදු බරක් පැටවීම නිසා භාණ්ඩ වල ඉහල යාම සිදුවෙනවා.

    වෙන්න ඕනේ අධික බදු බර ,ණය පොලි ය අඩු කරලා රාජ්‍ය,දේශපාලන හොරා කෑම (පවු ඉතින් අපි )නැවත් වන එක .
    රටේ මිනිස්සු 30ට එක පොලිස් නිලධාරියෙක් ,මිනිස්සු 20 ට එක හමුදා නිලධාරියෙක් ඉන්න රටක මේවා වෙන්න පුළුවන් ද !!!

    මේවා වෙනස් වෙන්නේ නැතිනම් ඉක්මනින් අපි සෝමාලියාව ටත් පල්ලෙහා

    • SIRIMAL UYANE PIMPI CHAMARA says:

      Yako koheda kuburu adu?

      Ape Pahala mara gaha wawa kebure bandalawa sudanta one day 500USD walata denne.

      Mage ane kubura tiyenne USA – New York city eke akkara 5 – eka podi duwage badinakota dawadata denawa.
      Suddo suddiyo tamai eke wada karanne dawase kuliyata.

      Mewa Siri-Mal Uyane gon baiyannata terenne nane…. Huuuuuuuuuu

      Nikan Bonda tiyenawanam kiyapalla

  2. sana says:

    Historically our people did not eat so much rice. It is a big myth that we had three meal rice. In ancient times they had one meal rice with other two meals Kurakkan, Maize, sorgam, yams etc. Ate lot of fruits like banana, waraka… Seeds like nelum etc. Their diet was healthy. They worked hard. Now we eat three meal rice and no physical activity. Stop this always rice eating habit and promote fruits, nuts, yams, vegetables, etc. We can save lot of water, no need so many reservoirs.

  3. Karunadasa says:

    ඈ බං මාමෙි ඔය ඔක්කටම කලින් හාල් මාෆියාව කඩන්ටනේ බං උඹලගේ සහයෝගේ ආන්ඩුව ඉල්ලුවෙි විි කිලෝ 1000 ගානේ දෙන්ට කියලා. ඒක අල කරපු ඔහේලා දැන් මරැ කියෝනවා පිස්සුද මාමෙි බොට ආන්ඩුව විි නිකන් ඉල්ලුවෙි නෑනේ හොදම සහතික මිලකටනේ ඉල්ලුවෙි අනික කිලෝ 1000යි. ඔය 1000 මුදලාලිට විකුනලා තව රැපියල් 3000 වැඩිපුර ගනියි ඉතිං බං කන්න 2ක් ඔය කැපකිරිම කරන්ට බැරද????

  4. Thusitha says:

    බොල බෑනො.අපේ කුබුරේ වී ටික විකුනලා ඊලගට කන්නේ බොගේ අහවල් එකද? ඊලග කන්නේ හරියනකම් ඒ ටික තමයි කන්නේ අපි බොල.😤

Main News