කුලියාපිටියේ වොක්ස්වැගන් ෆැක්ටරියට ගත් මහාභාරකරුගේ ඉඩම කෝටි 21කට විකුණා දමයි.. තාම මුල් ගල විතරයි..
June 22, 2017 at 10:00 am | lanka C news
වොක්ස්වැගන් කර්මාන්ත ශාලාවක් ඉදිකරන බව පවසමින් කුලියාපිටියේ මාහා භාරකාරයාගේ ඉඩමක තැබූ මුල් ගල තවමත් ඒ ආකාරයෙන්ම තිබෙන බවත් එහි කිසිම ඉදිකිරීමක් සිදු කර නැති බවත් වයඹ පළාත් සභා මන්ත‍්‍රී සමන්ප‍්‍රිය හේරත් මහතා පළාත් සභාව අමතමින් කියා සිටියේය.
මහා භාරකාරයා යටතේ පැවති ඉඩම වොක්ස්වැගන් කාර් ෆැක්ටරිය සදහා පවරාගෙන මේ වන විට කර ඇත්තේ එහි තිබූ පොල් ගස් තුන්දාස් පන්සීයක් පමණ ගලවා විනාශ කර දැමීම පමණක් බවද ඔහු පැවසීය.
ආර්.ඩී. පීටර් නැමැත්තා අක්කර 55ක මෙම ඉඩම මහා භාරකාරයට පවරා ඇත්තේ ඉන් ලබන ආදායමෙන් ලක්‍ෂ පහක මුදලක් මාසිකව කුලියාපිටිය රෝහලේ අක්‍ෂි රෝගීන්ට ලබා දීමට වුවත් අද වන විට එම ඉඩම රුපියල් කෝටි 21කට විකුණා මහ දවාලේ අමු මංකොල්ලයක් කර ඇතැයිද මන්ත‍්‍රීවරයා සදහන් කලේය. ඉඩම විකුණු මුදලින් සත පහක් හෝ මහා භාරකාරයාට ලබා දී නැති බවද ඔහු වැඩි දුරටත් කීවේය.
140 views
“යහපාලනය” අර්ථකථනය – කොමිස් මුදල් ලබාගැනීම සදහා හෝ හොරෙන්ම මුදල් ලබා ගැනීමට ඕනෑම අසික්කිත දෙයක් කිරීම යහපලනයි!
හත්තිලව්වයි! බ්‍රේස්ලට් දාගෙන, චුවින්ගම් හපහපා, අපේම රටේ හදාපු වොක්ස්වැගන් කාර් පොජ්ජෙන් වැස්සට නොතෙමි වැඩට යන්න පෙරුම් පුරපු උන්ට දැන් මොනවා හිතෙනවා ඇද්ද?