කෘෂිකර්මය අලුත් කරන්න කෝටි 850ක නව ව්‍යාපෘතියක්…

November 25, 2016 at 2:05 am | lanka C news
කෘෂිකර්මය අලුත් කරන්න කෝටි 850ක නව ව්‍යාපෘතියක්…

කෘෂිකර්ම ක්ෂේත්‍රයේ නවීකරණය වෙනුවෙන් වන රුපියල් කෝටි 850කට (ඇ.ඩො.මි. 58) අධික වටිනාකමකින් යුතු නව ව්‍යාපෘතියක් ප්‍රාථමික කර්මාන්ත අමාත්‍යාංශය සහ ලෝක බැංකුව එක්ව දියත් කෙරේ.

මෙහි නිළ හදුන්වාදීමේ වැඩසටහන ලෝක බැංකුවේ ශ්‍රී ලංකා ව්‍යාපෘති ප්‍රධානී උල්රිච් ස්මිත් සහ ප්‍රාථමික කර්මාන්ත අමාත්‍යාංශ ලේකම් ඉංජි. බන්දුල වික්‍රමාරච්චි යන මහත්වරුන්ගේ ප්‍රධානත්වයෙන් බත්තරමුල්ලේ දී පැවැත්විණි.

මෙම වැඩසටහන වෙත විශේෂ පණිවිඩයක් නිකුත් කරමින් ප්‍රාථමික කර්මාන්ත අමාත්‍ය දයා ගමගේ මහතා කියා සිටියේ, වසර 2020 දී මෙරට අපනයන ආදායම දෙගුණයක් කිරීමේ අරමුණින් ස්ථාපිත කරනු ලැබූ ප්‍රාථමික කර්මාන්ත අමාත්‍යාංශය යටතේ කෘෂි අධිකලාප 23ක් ඉදිකිරීමට අපේක්ෂා කරන බවයි. එසේම, මෙරට ධීවර කර්මාන්තයේ උන්නතිය වෙනුවෙන් ධීවර අධිකලාප 10ක් අමාත්‍යාංශයේ මෙහෙයවීමෙන් ස්ථාපිත කිරීමට අපේක්ෂා කරන බව ද එම පණිවිඩයේ සදහන් විය.

මෙම වසර අවසන් වීමට පෙර මෙම කෘෂිකර්ම ක්ෂේත්‍රයේ නවීකරණ ව්‍යාපෘතිය ආරම්භ කිරීමට අපේක්ෂා කරන බව සදහන් කළ දයා ගමගේ මහතා වැඩිදුරටත් දන්වා සිටියේ, මෙරට ජනගහණයෙන් 31%ක් නිරත වන ක්ෂේත්‍රයක් වන කෘෂිකාර්මික ක්ෂේත්‍රය මගින් උපයා ගන්නා ආදායම දළ දේශීය ආදායමෙන් 18%ක් පමණ වන බව ද එම ප්‍රමාණය ඉහළ නැංවීම මෙම ව්‍යාපෘතියේ අරමුණ බවයි.

මෙහිදී, ලෝක බැංකුවේ ශ්‍රී ලංකා ව්‍යාපෘති ප්‍රධානී උල්රිච් ස්මිත් සහ ප්‍රාථමික කර්මාන්ත අමාත්‍යාංශ ලේකම් ඉංජි. බන්දුල වික්‍රමාරච්චි මහත්වරුන් ද අදහස් දැක්වීය.

මෙම අවස්ථාවට ඛනිජ තෙල් සම්පත් සංවර්ධන නියෝජ්‍ය අමාත්‍ය වෛද්‍ය අනෝමා ගමගේ මහත්මිය ඇතුළු පිරිසක් සහභාගී වී සිටියහ.

– භාරත තෙන්නකෝන්

19 views

One Comment to “කෘෂිකර්මය අලුත් කරන්න කෝටි 850ක නව ව්‍යාපෘතියක්…”

  1. Champa says:

    හුඟක් හොඳ වැඩක් “වගේ” පේනවා. හැබැයි මේ මුදල් කෘෂිකර්මාන්තය නවීකරණය කරන්න මිස, අමාත්‍යංශ නවීකරණය කරන්න යොදා නොගනියි කියලා විශ්වාස කරනවා.

    හාල් වලින් කරන්න පුළුවන් බතුයි පිට්ටුයි කන එක විතරක් නෙමෙයි. Examples:

    Rice Crackers, Rice Cookies, Rice Flakes, Rice Cereal, Rice Paper (like wraps), Rice Pasta, Rice Milk (like almond milk – for people with lactose intolerance), Rice Bars (like Granola bars. Rice as it is not tasty, but various type of nuts, honey and chocolate can be added to make a breakfast food).

    මේවා ලේසියෙන්ම විදේශ වෙළඳපොලට දාන්න පුළුවන්. දේශීය වෙළඳපොළටත් හොඳයි. ගම්වල කාන්තාවන්ට හොඳ පුහුණුවක්, අවශ්‍ය උපකරණ සහ ආරම්භක දීමනාවක් දීලා මේ නිෂ්පාදන ස්වයං රැකියා විදියට හඳුන්වා දෙන්න පුළුවන්.

    ධීවර කර්මාන්තය නම් දියුණු කරන්න හුඟක් දේවල් කරන්න පුළුවන්. බෞද්ධයෙක් නිසා සමහර කර්මාන්ත ගැන කියන්න හිතෙන්නේ නැහැ. හැබැයි රට වටේම මුහුද තියාගෙන ටින්මාළු පිටරටින් ගෙන්වන මෝඩ වැඩේ නම් නතර කරන්න ඕනේ.

    පාලු බිල්ඩින් වලට කෝටි ගණන් ගෙවන කෘෂිකර්ම අමාත්‍යාංශයයි, ධීවර අමාත්‍යාංශයයි දෙකම දයා ගමගේ ඇමතිතුමාට දුන්න නම් වැඩේ ලේසියි.

Main News