කොරෝනාට දෙන ඕනෑම ඖෂධයක් පරීක්ෂාවකින් තහවුරු විය යුතුයි.. එසේ නැති වුනොත් අහිතකර ප්‍රතිඵල ඇති විය හැකියි..- කොරෝනා ඇමතිනී

December 15, 2020 at 3:50 pm | lanka C news
කොරෝනාට දෙන ඕනෑම ඖෂධයක් පරීක්ෂාවකින් තහවුරු විය යුතුයි.. එසේ නැති වුනොත් අහිතකර ප්‍රතිඵල ඇති විය හැකියි..- කොරෝනා ඇමතිනී

කොවිඩ් 19 පාලනය කිරීම සදහා යොදා ගැනීමට නියමිත කිසියම් ඖෂධයක් හෝ එන්නතක් නිසි සායනික පරික්ෂාවකින් තහවුරු වූ ඒ්වා විය යුතු බවත් එසේ නොවුනහොත් එයින් අත්විය හැකි ප්‍රතිඵල අහිතකර විය හැකි බවත් ප්‍රාථමික සෞඛ්‍ය සේවා, වසංගත රෝග සහ කොවිඩ් රෝග පාලනය පිළිබද රාජ්‍ය අමාත්‍ය විශේෂඥ වෛද්‍ය සුදර්ශිනී ප්‍රනාන්දුපුල්ලේ මහත්මිය සදහන් කරයි.

අමාත්‍යවරිය මේබව සදහන් කලේ කොවිඩ් 19 පාලනය කිරීම සදහා ලෝකයේ ඉදිරිපත්ව ඇති එන්නත් මෙරට කොවිඩ් 19 පාලනය කිරීම සදහා යොදාගැනීමට ඇති හැකියාව සම්බන්ධයෙන් විශේෂඥ මතය විමසා බැලීමට ලංකාවේ ඉහළම පෙලේ වෛරස් සහ ක්ෂුද්‍රජීවී පිළිබද විශේෂඥයින් පිරිසක් සෞඛ්‍ය අමාත්‍යාංශයේදී අද (14) හමුවූ අවස්ථාවේදීය.

වැඩිදුරටත් අදහස් දැක්වූ රාජ්‍ය අමාත්‍යවරිය සදහන් කලේ වෛද්‍යවරයෙකුගේ නිර්දේශයකින් ලබාදෙන ඔිනෑම ඖෂධයක් හෝ එන්නතක් මිනිස් ශරීරයට අහිතකර නොවන බවට තහවුරු වීම අත්‍යාවශ්‍ය වන බවත් එමගින් ඇතිවන සංකූලතා, අතුරු ආබාධ පිළිබදවද නිවැරදි තක්සේරුවක් තිබිය යුතු බවයි.

රෝග පාලනයට ගත යුතු ක්‍රියාමාර්ග සැමවිටම නිවැරදි විය යුතු බව පෙන්වාදුන් රාජ්‍ය අමාත්‍යවරිය, කොවිඩ් 19 සම්බන්ධයෙන් ඉදිරිපත්ව ඇති එන්නත් තවම පවතින්නේ සායනික පරීක්ෂණ මට්ටමේ වන බැවින් ඒ පිළිබදව විශේෂඥ මතය මෙහිදී විමසන ලදි.

කොවිඩ් 19 සදහා ලෝකයේ මේවන විට ඉදිරිපත්ව ඇති ඔක්ස්ෆර්ඩ්, ෆයිසර්, ස්පුට්නික් සහ සිනොවැක් යන එන්නත් වර්ග 04 සම්බන්ධයෙන් මූළීක අවධානයක් යොමුවූ අතර වෙන් වෙන් වශයෙන් එම එන්නත්වල වෛරසයට එරෙහිව ප්‍රතික්‍රියා කිරීමේ ප්‍රතිශතය, එය ගබඩා කර තැබීමේ උෂ්ණත්වය, ඒ සදහා වන වියදම ආදී කරුණු පිළිබදව සාකච්ඡාවිය. එම එන්නත් පිළිබදව සංසන්දනාත්මකව විමසා බැලීමක්ද සිදුකල අතර තවදුරටත් මේ පිළිබදව අධ්‍යයනය කර විශේෂඥ අදහස් ඉදිරිපත් කරන ලෙස අමාත්‍යවරිය විසින් දන්වන ලදි.

මෙම සාකච්ඡාව සදහා ප්‍රාථමික සෞඛ්‍ය සේවා, වසංගත රෝග සහ කොවිඩ් රෝග පාලනය පිළිබද රාජ්‍ය අමාත්‍යාංශයේ ලේකම් විශේෂඥ වෛද්‍ය අමල් හර්ෂ ද සිල්වා, වසංගත රෝග විද්‍යායතනයේ අධ්‍යක්ෂ විශේෂඥ වෛද්‍ය සුදත් සමරවීර, මහාචාර්ය ජෙනිෆර් පෙරේරා, මහාචාර්ය නීලිකා මලවිගේ, වසංගත රෝග විද්‍යායතනයේ නියෝජ්‍ය අධ්‍යක්ෂ වෛද්‍ය සමිත ගිණිගේ යන මහත්ම මහත්මීන් ඇතුළු විශේෂඥ වෛද්‍යවරු පිරිසක් එක්වූහ.

– තුසිත ජයවර්ධන

21,219 views

25 Comments to “කොරෝනාට දෙන ඕනෑම ඖෂධයක් පරීක්ෂාවකින් තහවුරු විය යුතුයි.. එසේ නැති වුනොත් අහිතකර ප්‍රතිඵල ඇති විය හැකියි..- කොරෝනා ඇමතිනී”

  1. Saradiel says:

    වැක්සින් එක මාරයාට අත වැනීමක්.

  2. s. vitharana says:

    Bravo madam!

  3. Buddhist says:

    I wonder why Sudharshani is still with the Govt. She has been humiliated by removing her from the Prison portfolio. She is a honest person in the wrong party. Its time she crosses over to protect her integrity.

  4. Aurora says:

    හෙලවෙදකමට අනුව නිපැදවෙන වසර සිය දහස් ගනනක් පැරනි ප්‍රතිකාර සදහා ඔය බටහිර ක්‍රමයේ
    පරීක්ෂා අවශ්‍ය නැත. එහෙම බටහිර ක්‍රමයට දේශීය ප්‍රතිකාර ඇගයීම හරියට බල්ලයි පූසයි දෙන්නා අතරින් හොදින් ගස්නගින්න පුලුවන් කාටද කියල පරීක්ෂා කරනවා වගෙයි. ඕවට කියන්නේ ගොන් වැඩ කියල.

  5. Rabok says:

    Thamange dewal gana awabhodayak nathi – Medical Rep la maargayen Multinational introduce karana pethi deela minissu sadahatama leddu karana thamanla wage eladennun Amathi la wenne ratte karumeta – nodanna magul gana kiyawanne nathi wa danna kattiyata ahunkan dennawath purudu wenu

  6. Sam says:

    බම්බුව තමයි. අනුමත කරනකොට බබා හම්බවෙලා ඉවරයි. මේකට කියන්නේ කුහකකම කියලා. බටහිර වෙදකමේ නොහැකියාවයි අදිකාරිවාදයයි මොනවට පැහැදිලියි. They should understand their inabilities..

Main News