කොරෝනාවට එරෙහිව දේහීය ඖෂධ 50ක් පමණ සොයාගත්තා.. ආණ්ඩුව පුරා බටහිර දැනුමේ ආධිපත්‍ය නිසා ඒවා ගණන් ගන්නේ නෑ..

December 10, 2020 at 12:02 am | lanka C news
කොරෝනාවට එරෙහිව දේහීය ඖෂධ 50ක් පමණ සොයාගත්තා.. ආණ්ඩුව පුරා බටහිර දැනුමේ ආධිපත්‍ය නිසා ඒවා ගණන් ගන්නේ නෑ..

ශ්‍රී ලංකා පොදුජන පෙරමුණේ පක්ෂ නායකයින්ගේ මාධ්‍ය හමුවට එක්වෙමින් පිවිතුරු හෙළ උරුමය නායක බලශක්ති අමාත්‍ය නීතිඥ උදය ගම්මන්පිල මහතා මෙම අදහස් පල කලේය.

තම්බපවනියේ වාසිය

ඊයෙ තම්බපවනි විදුලි බලාගාරය සුළං විදුලි උද්‍යානය විවෘත කිරීමත් සමග එහි අවධානය යොමු වියයුතු කාරණයක් තියෙනවා. ඒ තමයි මේ වන විට ඉතාම අධික මිල ගණන් ගෙවමින් තමයි ඩීසල් වලින් නිෂ්පාදනය කරන විදුලි ඒකක මිල දී ගන්නේ. එක පැත්තකින් ඩීසල් විදුලි බලාගාර නිසා පරිසරයට දැවැන්ත තර්ජනයක් ඇති වෙනවා. අනිත් පැත්තෙන් පාරිභෝගිකයාට එක්කෝ සෘජුව විදුලි බිල වැඩි කිරීමේ අවධානමක් තියෙනවා. නැත්තං ඉතින් ජනතාව තමයි බදු මුදල් හරහා ඒ පිරිවැය දරන්නේ. ඉතා වැදගත් කාරණය තමයි තම්බපවනි සුළං විදුලි උද්‍යානය හරහා නිෂ්පාදනය කරන විදුලි ඒකකයක පිරිවැය වන්නේ රුපියල් 9කට ආසන්න ගණනක්. දැනට විවිධ මිලගණන් වලට ලංකා විදුලිබල මණ්ඩලය විදුලිය නිෂ්පාදනය කරනවා. එයින් සමස්ත විදුලි නිෂ්පාදනයේ සාමාන්‍ය මිල ගත්තොත් ඒකකයකට රුපියල් 23ක්. සාමාන්‍යයෙන් රුපියල් 23ක් වූ ලංකා විදුලිබල මණ්ඩලය විදුලි නිෂ්පාදන පද්ධතියට රුපියල් 9ක අඩු මුදලකට නැතිනම් ඩොලර් සත 5 ක් වැනි අඩු මුදලකට විදුලිය නිෂ්පාදනය කර ගැනීමට හැකි විදුලි පද්ධතියක් එකතුවීම ම පරිසරයට වගේම පාරිභෝගිකයාටත් දැවැන්ත සහනයක්ලබා දෙන දෙයක්. ඒ වගේම සියඹලාණ්ඩුවේ තවත් මෙගාවොට් සීයක් සූර්ය බලයෙන් විදුලි නිෂ්පාදන කිරීම අපි දැන් ආරම්භ කරන්න අමාත්‍ය මණ්ඩල අනුමැතිය ලබා දුන්නා. මේ සියල්ල එකට ගත්විට 2030 වන විට පුනර්ජනනීය විදුලි නිෂ්පාදනය70% දක්වා ගෙනයාමට අතිගරු ජනාධිපතිතුමා තමන්ගේ සෞභාග්‍යය දැක්ම අනුව ජනතාවට දුන් ප්‍රතිඥාව යථාර්ථයක් කරමින් තියෙනවා කියන එක තමයි මෙයින් පෙන්නුම් කරන්නේ.

දේශීය දැනුම සහ බටහිර ගැති විපක්ෂය

ඒ වගේම අපි දැක්කා දේශීය දැනුම ලබා ගන්නා ක්‍රම පිලිබදව අනවබෝධයෙන් කටයුතු කරන බටහිර ගැති නිසාම බටහිර විද්‍යාත්මක චින්තනයෙන් පමණක් සියල්ල දකින්න උත්සාහ කරන විපක්ෂය අපේ දේශීයව සොයා ගන්නා බෙහෙත් වර්ග ගැන උපහාසයට අපහාසයට ලක් කරනවා. ඔවුන් විද්‍යාව ලෙස දකින්නේ බටහිරෙන් ඇති වෙච්ච විද්‍යාව පමණයි. අපිට ඊට වඩා දියුණු දැනුම ලබාගැනීමේ ක්‍රම තියෙනවා. ඒ වගේම ආධ්‍යාත්මික දැනුම ලබාගැනීමේ ක්‍රම තියෙනවා. ඒව ගැන බටහිර විද්‍යාවේ තාම හිතලවත් නෑ. බටහිර විද්‍යාව අපේ සම්ප්‍රදායික දැනුම් පද්ධතිය එක්ක බලද්දි තාම දණ ගාන වයසේ ඉන්නේ. එනිසා අපේ සම්ප්‍රදායික දැනුම් පද්ධතියට ගරහන කෙනෙක් ඉන්නවා නම් ඒ අය ගරහන්නේ අපේ ජාතියේ අභිමානයට කියන එක විපක්ෂයේ මන්ත්‍රීවරුන්ට අපි සිහිපත් කරනවා.

ඒ වගේම අපේ දේශීය වෛද්‍යවරු එකිනෙකට වෙනස් විකල්ප පණහකට ආසන්න බෙහෙත් වර්ග හඳුන්වා දුන්නා කොරෝනා වෛරසයට එරෙහිව. නමුත් මේ බෙහෙත් වර්ග වලට නිසි අවධානයක් නොලැබුණු නිසාත් බටහිර දැනුම් ආධිපත්‍යය ආණ්ඩුව පුරා සිසාරා තියෙන නිසාත් මේ බෙහෙත් වර්ග වලට නිසි අවධානය යොමු වුණේ නෑ. එහි ප්‍රතිඵලයක් නිසාම ලෝක බේරගත් රාජ්‍ය විදිහට ශ්‍රී ලංකාව පත්වීමට තිබූ අවස්ථාව ඇත්තෙන්ම පස්සට ගියා. අදටත් බෙහෙතක් ලෝකෙ නෑ.

ප්‍රතිශක්තිකරණ එන්නත් කියන්නේ බෙහෙත් නෙවෙයි. එය ඖෂධයක් නොවෙයි. ප්‍රතිශක්ති කරණයෙන් කරන්නේ රෝගය වළක්වා ගැනීමේ හැකියාව වැඩි කිරීම පමණයි. එම නිසා දැන් ලෝකය පුරා හොයාගෙන තියෙන ප්‍රතිශක්තිකරණ එන්නත් ඖෂධයක් වෙන්නේ නැහැ. බටහිර වෛද්‍ය විද්‍යාව වයිරස් ඉදිරියේ අසරණයි. බැක්ටීරියා වලට බෙහෙත් හොයා ගත්තට වෛරස් ඉදිරියේ බටහිර වෛද්‍ය විද්‍යාව අසරන වෙලා තියෙනවා.නමුත් වයිරස් වලට ප්‍රතිකාර කරන බෙහෙත් වර්ග දේශීය වෙදකම තුළ තියෙනවා. ඒ නිසා තමයි මේ දේශීය ඖෂධ වලට ලෙඩේ හොඳ කරන්නත්, ලෙඩේ හැදීමේ අවස්ථාව වැළැක්වීමත් කියන කාරණා දෙකම කරන්න පුළුවන්. බටහිර රටවල් අද කතා කරන ප්‍රතිශක්තිකරණ එන්නතට හැකියාව තියෙන්නේරෝගය වැළැක්වීම පමණයි. හැදුනු කෙනෙකුට ඒක ඖෂධයක් වෙන්නේ නෑ. එනිසා මේ දේශීය දැණුමට නිගා කරන්න එපයි කියලා අපි විපක්ෂයෙන් ඉල්ලා සිටිනවා.

ප්‍රශ්නය – ඇමතිතුමා තරුණයන්ට රැකියා ලක්ෂයක් දෙනවා කිව්ව එක ආණ්ඩුව කරගෙන යනවද?චක්‍රලේඛයක් නිකුත් කරලා තියෙනවා.

පිළිතුර – දැනට තුනෙන් එකකට රැකියා ලබා දීලා ඉවරයි. අනිත් අයගෙත් අවශ්‍ය සම්මුඛ පරීක්ෂණ සිදුකරමින් කටයුතු ඉදිරියට යනවා. ලක්ෂයකට රැකියා දෙද්දී ඔබ දන්නවා එය දැවැන්ත රැකියා ප්‍රමාණයක්. අවාසනාවට covid-19 තත්වය නිසා රාජ්‍ය යාන්ත්‍රණයේ එක පැත්තකින් , පැමිණීමේ අඩපන වීමක් තියෙනවා අනෙක් පැත්තෙන් පැමිණෙන අයට පවා අන් සියලු කාර්යයන්ට වඩා covid 19 මර්දනයටත් එහි අගතියට පත් පාර්ශවයන්ට ප්‍රමුඛතාවෙහිලා සලකන්නත් වෙලා තියෙනවා. එනිසා යම් ප්‍රමාදයක් මේ වසර තුළ සිදුවුණා. නමුත් මේ ලක්ශයටම අනිවාර්යයෙන් රැකියා ලබා දීමේ කටයුත්ත සිද්ධ වෙනවා.

ප්‍රශ්නය – අපි දැක්කා මෑත කාලයේ කොමිෂන් සභාවලින් අසාධාරණයට ලක් වෙච්ච පිරිස් ගැන ඒ ගැන වාර්තාවක් ලබාදෙනවා. දැන් මේවට සාධාරණයක් ඉටු වෙයිද ?

පිළිතුර – දේශපාලන පලිගැනීම් වලට ලක්වූවන් පිලිබද සොයා බැලීමට ජනාධිපතිතුමන් විසින් පත් කළ කොමිෂන් සභාවේ වාර්තාව ඊයේ දිනයේ දී තමයි ජනාධිපතිතුමන් වෙත බාර දුන්නේ. ජනාධිපතිතුමා විසින් එය මුලින්ම ඇමති මණ්ඩලයට ඉදිරිපත් කරාවි. ඊට පස්සේ පාර්ලිමේන්තුවට ඉදිරිපත් කරාවි. අපි බලාපොරොත්තු වෙනවා මේ පිළිබඳ පාර්ලිමේන්තු විවාදයක් ඉල්ලන්න. මොකද ඒ හරහා තමයි මේ රටේ වෙච්ච ඒ අසාධාරණයන් පිළිබඳව ජනගත කිරීම සිදුකරන පුළුවන් වෙන්නේ.

ඒ වගේම ඔබට මතකයි මහබැංකු බැඳුම්කර වංචාව පිළිබඳව ජනාධිපති කොමිෂන් සභාවේ වාර්තාව පිළිබඳ දින දෙකක පාර්ලිමේන්තු විවාදයක් පැවැත්වූවා. එහි ප්‍රතිඵලයක් විදිහට තමයි කරලා තිබුණා වංචාවේ දිග පළල සහ ඒ සිදුකළ ආකාරය පිළිබඳව ජනතාවට හොඳ අවබෝධයක් ලැබුණේ. ඒ වගේම මේ අසාධාරණයට ලක්වූ අයට සාධාරණය කිරීම සඳහා ඊයේ දිනයේදී ජනාධිපතිතුමාට භාරදෙනු ලැබූ වාර්තා පිළිබඳව පාර්ලිමේන්තු විවාදයක් ලබා ගැනීමට බලාපොරොත්තු වෙනවා.

මෙහි නිර්දේශ මොනවාද කියන එක අපිට තවම අවබෝධයක් නෑ.ඇමති මණ්ඩලයට, පාර්ලිමේන්තුවට තවම ඉදිරිපත් කරලා නෑ. ඒ වාර්තාවේ නිර්දේශ අනුව, ජනාධිපතිතුමා විසින් පත්කල ඒ කොමිෂන් සභා විසින් හඳුනාගන්න අසාධාරණයට ලක්වුණු පුද්ගලයන් සිටිත් නම් ඒ අයට සහන ලබා දෙන්න විතරක් නොව එවැනි දේශපාලන පලිගැනීම් වලට කටයුතු කරපු පුද්ගලයන්ටත් දඩුවම් ලබා දිය යුතුයි කියන ස්ථාවරයේ අපි ඉන්නේ. දේශපාලකයින් වාඩිවෙලා අරලියගහ මන්දිරේ සාකච්ඡා කරමින්, නීතිපතිට පොලිස්පතිට උපදෙස් දෙමින් දේශපාලනීකරණය වුණු යුක්තිය පසදලීමේ ක්‍රියාවලියක් හරහා තමන්ගෙ සතුරන් මර්දනය කිරීම දඩයම් කිරීම අනාගතයේ නොවන බවට වග බලා ගන්න මොන වගේ ක්‍රියාමාර්ග ගත යුතු ද කියන එක සම්බන්ධයෙනුත් ජනාධිපති කොමිෂන් සභාව නිර්දේශ කරලා තියෙනවා වෙන්න පුළුවන්. මෙවැනි අමිහිරි දේවල් කවුරුන් බලයේ සිටියත් නොවිය යුතුයි කියන එකයි අපේ ස්ථාවරය. ඒවායින් දුක් විඳපු පාඩම් ඉගෙන ගත්ත අය තමයි මුසාමිල් මන්ත්‍රීතුමාත් මමත්. අප දැඩි පීඩනයකට ලක් වුණා ඒ කාලෙදි අසත්‍ය චෝදනා නිසා. ඒ නිසා කවුරු බලයේ සිටියත් මෙවැනි වැරදි නොවන බවට වග බලා ගැනීමට අවශ්‍ය පියවර ගැනීම ආණ්ඩුවක් විදිහට වගකීමක් තියෙනවා.

– අරවින්ද අතුකෝරල

30,124 views

18 Comments to “කොරෝනාවට එරෙහිව දේහීය ඖෂධ 50ක් පමණ සොයාගත්තා.. ආණ්ඩුව පුරා බටහිර දැනුමේ ආධිපත්‍ය නිසා ඒවා ගණන් ගන්නේ නෑ..”

  1. සමාජවාදියා says:

    සමාජවාදී අපි පීඩිත පන්තියේ මේසන් බාස්ලා හොයන කිසිම බෙහෙතකට අනුමැතිය දෙනවට කැමති නෑ. අපි කැමති ධනේශ්වර රටක, ධනපතියන්ගෙ කොම්පැනි වල හදන බෙහෙත් වලට විතරයි. අපි නූතන සමාජවාදීන් හෙවත් ජවිපාවුන්.

    • Hudson says:

      Modayo, thel beheth karayange beheth aran beela sapa se hitapan, balu kendiriya nathiwa. panadol petthakwath bonna epa.

    • ත්‍රීවීල් says:

      අනේ බොල හිපාපුවෝ., දැං මේ රටේ ජනාධිපති අනුර කුමාරද?? තමන්ගෙ බැරිකම වහගන්න ජවිපෙට බැනපල්ලා… තොපි ෆේල් කියන්නෙ මේ නිසා තමයි .

      • ෆෝවීල් says:

        කොහෙද යකෝ එතන ජෙපි වසලයන්ට බැනල තියෙන්නෙ. ජෙපි වසලයෙක් උගේ අවන්ක අදහස් ප්‍රකාශ කරල විතරය්.

    • පිංපොං says:

      ගරැ ජනාධිපතිතුමනී ඔබ ක‌ෙරේ විශ්වාසය තැබූ 69 ලක්ෂයක් ජනතාවට ආත්මවිශ්වාසය ද‌ෙන්න මේ මහාර්ග රාවණ හ‌ෙළ ඔසුව පානය කර ප‌ෙන්වනු මැන.
      මන්ද පවිත්‍රා නෝනා ගැන විස්වාසය බිද වැටී ඇත.

  2. Hudson says:

    Ithin beepan, dont go to hospitals you idiot.

  3. නාරද says:

    දේශීය චින්තනය හා නොබැදුනු , රට අරාජික කරවන, රටේ විදයුත් ධනයේ උල්පත පිටරටට පාව දෙන තොරතුරු වලට සම්බන්ධ නියෝජිතායතනක් ගැන මම පුළුවන් විදිහට දන්න විදිහට වසර ගණනවක් පෙන්වා දෙනවා, මෙම පුවත් පතටම කොමෙන්ටු 30 ක් 40 ක් ලියලා ඇති. අසාර්ථක ව්‍යාපෘති ගැන විගණනය කරන්න කියලා අනන්තවත් ලියලා ඇති. මේ අය ලංකාවේ අයිටී දියුණු නොකරන්න වැඩ කරනවා කියලා ලියලා ඇති. දැන් දැන් කොප් එකෙන් එලිවෙනවා නේද?

    එලි නොවන දෙයක් දැනගන්න ලියන්නම්, මේ අය තොරතුරු තාක්ෂණය දන්න අය මේවා ට වැද්ද ගන්න කැමැති නැහැ. රාජ්‍ය සේවාව ගනිමු, එහිදී මේ අය තම නියේජිතයා වශයෙන් තෝරාගන්න‌ේ වැඩ බැරි තමන්ට කොන්ට්‍රෝල් සහ රට සවාරියෙන් පසු අදාල රටේ සමාගමට කොන්ට්‍රෝ බොරු පොරක් මම දකින විදිහට.

    සමහරක් මේ කේ ලැගලා ඉන්න අය සිතුමෙන් පැතුමෙන් ඇමරිකා‌වේ විදිහ, අපේ ආර්ථිකයට ගැලපෙන ලෙස හිතන්න දන්නේ නැහැ. ජනහද ගැස්ම දන්නේ නැහැ. පෑනෙන් කරන්න පුළුවන් දේට තොරතුරු තාක්ෂනය, එදා වේල ප්‍රොජේක්ට පටන් ගැනීම සහ දේශපාලකයන් ඇන්දවීම, නෝ ප්‍රොඩක්ට්. වසරකින්වත් එන අනතුරු දකින්නේ නැහැ.

    මේ තැන්වලට පෙලවේ පයගහන තොරතුරු තාක්ෂණ කුසලතාවය ඇත්තටම ඇති අය පත්කරන්න, සෝබන ප්‍රියලා අයින් කරන්න, කියවාරු කාරයෝ අයින් කරන්න.

    නැත්නම් මෙය අහෝසි කිරීම ගොඩක් වටී. ලොකු හෝටල් වල ට මිලියන ගණන් ගෙවලා කෑම කාපු එක නම් හරියටම කලා, බොරුද කියලා හොයලා බලමුද?

    • කපිල ජයන්ත says:

      මා පුද්ගලික අයිටී නිෂ්පාදන හා සොෆ්ට්වෙයාර් වලට සමබන්ධ විදේශ සමාගමක් සමග සම්බන්ධය දැරුවත් රජයේ ආයතන හා පෞද්ගලික ලංකාවේ අයිතිය ඇති සමාගම් සමග ගණුදෙනුු කිරීමේදී අවංකවම රටට ලාබයක් එන විදිහට හිතට එකඟව මට පඩි ගෙවන සමාගමට ලාභයක් අත්වන විදිහටත් කටයුතු කරන්න උත්සාහ කරනවා.

      ඒත් මම රජයේ දකින දෙයක් තමයි, එතන තීරණ ගන්න අධ්‍යක්ෂ හෝ අධ්‍යක්ෂ ජනරාල් වැනි අය සහකාර අධයක්ෂ, සහකාර ලේකම් වැනි තනතුරු දරන අයිටී ලේබල් ගහගෙන ඉන්න අයට තොරතුරු තාක්ෂණය ගැන නිසි අවබේා්ධයක් හෝ පුහුණුවක් නැති කම, මේ අය පෞද්ගලික සමාගම්වලට පහසුවෙන් රවටා ගත හැකියි. මෙකී අයට අවම වශයෙන් අවුරුද්දකවත් පුහුණුවක් දෙන්නේ නම් අයිටී යන්න හදුනාගත හැකි වනුු ඇති බව සිතමි. නැත්නම් තොරතුරු තාක්ෂණය දන්නා උපාධිධාරීන් හෝ රාජ්‍ය සේවාවට බඳවාගෙන යම්කිසි තනතුරක් ප්‍රධානය කර ඔවුන් යටතේ මෙම කටයුතු සිද්ධ කලා නම් විශාල විනාශයක් නෑවැත්විය හැකි බව රට වෙනුවෙන් ලියමි

  4. saman says:

    ඒවා උබලා බිව්වද????????????

  5. එක්නැලිගොඩ says:

    දේශීය දෑ අගයන උදය සිසිර චන්න ඇතුලු ආණ්ඩුවේ ඇමතිවරුන්ට ආචාර්ය.

  6. දසුන් says:

    පිටරට දෙයින් කොමිස් එනවනේ ඇමතිතුමා. ලංකාවේ දෙයින් එහෙම නෑ. ඉතින් කොමිස් නොගහන ඔබ වැනි කීපදෙනෙක් විතරයි දේශීය දෙවොල් වෙනුවෙන් පෙනී සිටින්නේ.

  7. වසන්ත says:

    අපේ දේ නොබියව අගයකරන ඔබට ස්තුතියි.

  8. කමල් says:

    අපේ දේවල් අගයන්න කොන්ද පණ තිබූ ඔබට ස්තුතියි.

  9. කමල් says:

    රටට රටේ දැනුමට ආදරය කරන ඔබ වගේ ඇමතිවරු රටේ පරගැති සිතුවිලි වෙනස් කරාවි කියලා අපි බලාපොරොත්තු වෙනවා.

  10. කුසල් says:

    හෙළ වෙදකම වෙනුවෙන් නැගෙන ඔබේ හෙළ හඩ අගෙයි ඇමතිතුමනි.

Main News