කොරෝනාවෙන් මෙරට දැවැන්ත සමාගම් හාන්සියි.. ජෝන් කීල්ස්, බ්‍රැන්ඩික්ස්, ශ්‍රී ලන්කන් එයාර්ලයින්ස් වැටුප් කප්පාදු කරයි..

April 9, 2020 at 12:02 am | lanka C news
කොරෝනාවෙන් මෙරට දැවැන්ත සමාගම් හාන්සියි.. ජෝන් කීල්ස්, බ්‍රැන්ඩික්ස්, ශ්‍රී ලන්කන් එයාර්ලයින්ස් වැටුප් කප්පාදු කරයි..

වැටුප් කප්පාදු සිදුකෙරන ආකාරය ජෝන් කීල්ස් හෝල්ඩිංග්ස්, බ්‍රැන්ඩික්ස් ලංකා, ශ්‍රීලංකන් එයාර්ලයින්ස් සිය සේවකයින්ට නිල වශයෙන් දැනුම් දෙති.

මෙරට ප්‍රධාන පෙළේ මහා පරිමාණ සමාගම් කිහිපයක්ම මේ වන විට එළඹෙන මාස කිහිපය තුල සේවක වැටුප් කප්පාදු ක්‍රියාත්මක කිරීමට තීරණය කර තිබේ. කොවිඩ්-19 වසංගත තත්ත්වය තුළ ව්‍යාපාර කටයුතු අකර්මණ්‍ය වීම හේතුවෙන් තම සමාගම්වල පිරිවැය පාලනය කිරීමේ පියවරක් ලෙසින් මෙම තීරණය ගැනීමට අදාළ සමාගම්වලට සිදුව ඇත.

මෙරට ලැයිස්තුගත විශාලතම විවිධාංගීකරණය වූ සමාගම් සමූහය වන ජෝන් කීල්ස් හෝල්ඩිංග්ස් පීඑල්සී අප්‍රේල්, මැයි සහ ජූනි මාසවලට බලපැවැත්වෙන පරිදි පිරිවැය පාලන ක්‍රමවේද සඳහා යොමුවීමට පියවර ගෙන ඇති බව එහි සභාපති ක්‍රිෂාන් බාලේන්ද්‍ර මහතා සිය කාර්ය මණ්ඩලය වෙත අභ්‍යන්තර මෙමෝ (Internal Memo) පණිවුඩයක් හරහා දැනුම් දී ඇත.

ඒ අනුව සමූහයේ විධායක හා විධායක නොවන අධ්‍යක්ෂවරුන්ගේ වැටුප් 60%කින්, සමූහ විධායක කමිටුවේ සාමාජිකයින්ගේ මූලික වැටුප 35%කින්, රු, 50,000ට වැඩි වැටුප් ලබන සියලු දෙනාගේ වැටුප්, වැටුප් මට්ටම් අනුව 5% සිට 35% දක්වා ප්‍රමාණයකින් කප්පාදු කිරීමට මෙහිදී තීරණය වී ඇත. මීට අමතරව ඉදිරි මාස 03 ක කාලය සඳහා ගමන් වියදම් දීමනා, නව බඳවා ගැනීම්, පාරිතෝෂිත අරමුදල් ණය යනාදිය ද අත්හිටුවා තිබේ.

මේ අතර ශ්‍රී ලංකාවේ විශාලතම ඇඟළුම් අපනයනකරුවා වන බ්‍රැන්ඩික්ස් ලංකා ලිමිටඩ් හි සමූහ ප්‍රධාන විධායක නිලධාරී අශ්රොෆ් ඕමාර් සිය සගයන් වෙත ලිපියක් යවමින් මෙසේ කියා සිටී.

“මම අපගේ ප්‍රධාන ගනුදෙනුකරුවන් සමඟ නිරන්තරයෙන් සම්බන්ධ වන අතර තත්වය වඩාත් දරුණු අතට හැරී ඇත. ඔවුන් අනාගත සියලුම ඇණවුම් අවලංගු කර ඇති අතර ඇත්ත වශයෙන්ම අප දැනටමත් නිපදවා ඇති දේ නැව්ගත නොකරන ලෙස ඉල්ලා ඇත. සමහර ගැනුම්කරුවන් අවලංගු කිරීම් සඳහා වට්ටම් ඉල්ලා ඇත. මෙම ක්‍රියාවන් අප මීට පෙර දැක ඇති දෙයට වඩා වෙනස් වන අතර මෙය අපගේ සමාගමට පෙර නොවූ විරූ මූල්‍ය ආතතියක් ඇති කර තිබේ. ආදායම් උත්පාදනය කිරීමට ඇති නොහැකියාව අපගේ ආර්ථිකය, අපගේ සමාගම සහ අපගේ පුද්ගලික සුභසාධනය බරපතල අවදානමකට ලක් කර ඇත. කෙසේ වෙතත්, අප මේ තුළින් පැමිණිය යුතුය. ශ්‍රී ලංකාව යථා තත්ත්වයට පත් කිරීම සඳහා අපගේ කර්මාන්තය ශක්තිමත්ව සිටිය යුතුය.“

ඒ අනුව බ්‍රැන්ඩික්ස් ලංකා සමාගමේ සියලු විධායක ශ්‍රේණිවල නිලධාරීන්ගේ වැටුප්, වැටුප් මට්ටම් අනුව 5% සිට 60% දක්වා කප්පාදු කිරීමට පියවර ගෙන ඇත. සියලු ප්‍රාග්ධන වියදම් අත්හිටුවීමටත්, නව බඳවාගැනීම් අත්හිටුවීම හා තාවකාලික කාර්ය මණ්ඩලය තවදුරටත් රඳවා නොගැනීමට ද තීරණය වී තිබේ.

ශ්‍රීලංකන් ගුවන්සේවයේ සේවකයින් සඳහා 2.5% සිට 25% දක්වා මාස 3 ක කාලයක් සඳහා අනිවාර්ය වැටුප් අඩු කිරීමක් පැනවීමට සහ 2020 වර්ෂයේදී ක්‍රියාත්මක කිරීමට නියමිත සියලුම වැටුප් වර්ධක තාවකාලිකව නවතාලීමට කටයුතු යොදා තිබේ. එසේම 2020 වර්ෂයේ ඉතිරිකිරීමේ පිරිවැය කෙරෙහි සෘජු බලපෑමක් ඇති ගුවන් භාණ්ඩ හුවමාරු සේවා හැර 2020 අප්‍රේල් මස 8 වන දින සිට අප්‍රේල් මස 21 වන දින දක්වා සියළුම ගුවන් ගමන් තාවකාලිකව අත්හිටුවීමට ශ්‍රීලංකන් ගුවන් සේවයට සිදුව තිබේ. කෙසේ වෙතත් ශ්‍රීලංකන් ගුවන් සමාගමේ කළමනාකාරිත්වය, ශ්‍රීලංකන් ගුවන් සේවයේ සෑම කාර්ය මණ්ඩලයකම රැකියා ආරක්ෂා කිරීමට සෑම උත්සාහයක්ම දරන බව කියා සිටී.

මෙරට ප්‍රමුඛ පෙළේ දැවැන්ත සමාගම් කිහිපයකම තත්ත්වය මෙසේ වන කල, කොරෝනා වෛරසයේ ආර්ථික බලපෑම සෙසු කර්මාන්ත, ව්‍යාපාර හා සමාගම් වෙත එල්ල වීම නොවැළැක්විය හැකි කරුණක් වනු ඇත. මේ වන විට ශ්‍රී ලංකා රජය, ශ්‍රී ලංකා මහ බැංකුව හරහා මෙම හානිය අවම කර ගැනීම සඳහා විවිධ සහන පැකේජ ගණනාවක්ම දියත් කර තිබීම පැසසිට යුතු කරුණකි. කෙසේ වෙතත් මෙම ව්‍යාපාර යථා තත්ත්වය පත්වන්නට සැලකිය කාලයක් ගත වනු ඇත. එබැවින් ඒ දක්වා සියලු දෙනාම තම තමන්ගේ ‘පටි තද කර‘ ගෙන සිටිය යුතු බව අමුතුවෙන් කියන්නට අවශ්‍ය නැත.

– biz.adaderana.lk

86,823 Viewers

27 Comments to “කොරෝනාවෙන් මෙරට දැවැන්ත සමාගම් හාන්සියි.. ජෝන් කීල්ස්, බ්‍රැන්ඩික්ස්, ශ්‍රී ලන්කන් එයාර්ලයින්ස් වැටුප් කප්පාදු කරයි..”

  1. 😢😢😢😢🥵😷 says:

    එංගලන්තයේ….අදට
    30,000 බ්‍රිටිෂ් එයාවේස් රස්සාවල් යනවා…
    නම ලක්‍ෂ පනස්දාහක් (9,50,000 ) රස්සාවල් අහිමි වී ඇත..!

    • Robinhood says:

      ශ්‍රී ලන්කන් එයාලයින්ස් දේශපාලකයන්ගෙ හෙන්චයියන්ට රැකියාව දීම නිසා දහස් ගණනක ප්‍රමානයකට පින් පඩි ගෙවීමට සිදුව ඇත. මහා භාන්ඩාගාරයෙන් මුදල් නොගෙන මේ සියලු සේවකයන් ගෙදර යවනු. අවශ්යනම් ඔවුන්ව පාරේ වැඩට යෙදවිය හැක.

      • vishnu says:

        අ කු දී ගෙ පුතාත් එතකොට පාරෙ වැඩ කරයිද

        • Nuwan says:

          මේවා කොහොමද දැවැන්ත සමාගම් කියන්නේ? එක මාසයක් ෂ්ෂ නැති වුනාම, මුළු අවුරුදු ගානක් පුරාවට ව්‍යාපාර කරලා ලබාගෙන තියෙන ලාභ සහ ඒ ආශ්‍රිතව සිදුකර තැන්පතු සහ අනෙකුත් ආයෝජන සියල්ල එක මාසෙන් තමන්ට සැමදා වැඩ කරන සේවකයාගේ පඩි ගෙවන්නවත් බැරි තරමටම කඩාවැටිලා. මාරයිනේ ? මීට වඩා ටවුමේ සිල්ලර කඩ හොදයි. මාසක් නෙමේ මාස කිහිපයක් ගියත් තම සේවකයන්ව තියාගෙන පඩිනඩි ගෙවලා තව ඒ මිනිස්සුන්ගේ අඩුපාදුකමුත් සොයා බලනවා. ශ්‍රී ලංකාවේ දැවැන්ත සමාගම් ???

  2. Rayan Joseph says:

    Now all should understand, what is the true leadership at corporate level, all these heads were driving this business for the last five years, but couldn’t able to take care of their employees for a period of three months, the easiest way is to cut down the salaries of employees, this could have achieved without any TOP level leadership. Now it’s the time to understand true leaders at corporate level, and would be an example for future leaders.

    • Ajith says:

      SL Airline පැත්තකට තියමු දුවපු අමාරුව කවුරුත් දන්න නිසා…

      JKH Brandix වගේ ගොඩක් සමාගම් පහුගිය අවුරුදු 15-20ක් කෝටි ගනන් ලාබ ලබල මිනිස්සුන්ට පඩි ගෙව්වා, KPI /Targets දීල ඒවා meet කරහම සමහරු bonus දුන්න. හැබැයි හම්බකරපු කාලේ ඔය කවුරුත් උපයපු ලාබ පඩි ගත්තු මිනිස්සුන්ට බෙදල දුන්නෙ නෑ . ඒවා එයාලගේ වත්කම .

      දැන් මාස 3ක් 6ක් මිනිස්සුන්ට පඩි ගෙවන්නේ නැතුව එක කපල දාන එක අන්තිම පහත වැඩක් . කුජීතයි.

      අඩු තරමේ මේ පඩි ගෙවන්න ඕන මුදල් පහුගිය අවුරුදු 2,3 ලාබ වලින් උපයල නැද්ද කියල රජය සොයා බලා අනුමත අයට විතරක් අවස්තාව දිය යුතුයි.
      වෙන දියුණු රටවල් එක්ක සංසන්දනය කරන්න එපා. ඒ අය ලාබ මිනිස්සුන්ට බෙදනව තියෙන කාලෙට නැතිකාලෙට කපනව . අපි වගේ මාසේ පඩියයි, /EPF /ETF මෙඩිකල් එකයි නෙමෙයි.

      payroll cost එක ගොඩක් සමාගම් වල ආදායමෙන් 7% ක් වත් නෑ …5%ක් ඇති . හැබැයි ඉස්සරවෙලාම බලන්නේ ඒක කපන්න . ලැජ්ජයි මේ වගේ බොස්ලා … බොරුවට CSR කියල media show තියෙනවා.

      මීට විරුද්ධව හඬ නගමු .

      • NP says:

        The one who said this has little knowledge about how a financial year works.

        All profits for each year are being distributed among the shareholders after paying Bonuses to the employees each year. That’s by way of paying dividents annually.

        Shareholders including general public who have invested in these shares have already taken the money. This is in order to maintain the cash-flow of a company with income and expenses for the period under consideration.

        If sustainable measures are not taken, all companies will collapse. That is what is likely to happen to most of the companies around the world. Having some kind of a job with temporarily reduced benefits is better than not having a job where the Businesses may go bankrupt in the present context.

        • Uraj Vithanage says:

          It is not that all profits been shared among share holders after paying the bonuses. That is wrong. The managements of these companies keep a substantial sum as reserves in each year & therefore they have billions of money in their reserves. So they can easily afford to pay the salaries of staff. They can curtail the benefits of the Senior Management but they can easily afford to pay the salaries of other staff. Cutting the salaries of normal staff is a third grade tactics that these kind of cussed managements adopt.

    • Anti Corona says:

      සමාගම් වල තියන සියලු මුදල් රාජ සන්තක කිරීමට රජයට බල කරමු….එම මුදල් සේවකයන් අතර බෙදා දිය යුතුයි..

      • Ajith says:

        එහෙම කරල ආයතනේ මරල වැඩක් නෑ බං. සාධාරාන විසදුමකුයි ඕනෙ …

  3. 🤣🤣🤣😄😄😄 says:

    3% අය කියනවා ඉතාලියෙන් අපෙ රටට වෛරසය එවපු නිසා…
    ඒ රටට නඩුදාලා වන්ඳියක් ඉල්ලගමු කියලා..!! 😊😊😊😷

  4. Heera says:

    ජනතාවට වස කැවීමේ සාපය…

  5. nimalsiri says:

    pati neveido thadakora ganilla umbalage yata thiyena thunai,suruttiyange ganda gahana,huththai.den methana
    liyapanko keri jaathivaadiyek,ashroffwa vahaama askorala ethanata sinhala gobbayek demmoth,engalum apana
    yanaya laaba labai kiyala.ane huke modayangen meetawadaa deyak balaaporothtuwenda beriya mithrawaruni.

  6. Kotalawala says:

    සුද්දන්ගේ සල්ලිවලින් ලංකාවෙ දක්ෂයින්ගේ ස්‍රමය සූරාගෙන කන බහුජාතික බූවල්ලන් අමානුෂිකයි. මුන්ගෙ පොදිගහගෙන ඉන්න සල්ලි පිටරට අදින්න දෙන්න එපා. රාජසන්තක කර සේවකයන්ට පඩි ගෙවන්න කියමු.

  7. wijebahu says:

    Not because of Corona, because of inefficient, inept government led by a old military man and his olmorondan brothers who have no forward thinking and planing for this country. now corona has come to their rescue rather than a problem. Services of Ranil, Sajith, Champika, Harsha, Eran, Rajitha combination is invaluable at this stage.

    • අර්ජුන රනිල් රවී මහේන්දුන්. says:

      අම්මප ඇත්ත ඔියි.

      ඔය ලිස්ටි එකට තවත් පොඩි එකතු කිරීමක් කරනවනම් අර්ජුන් මහේන්දාුනන්ගෙ සේවයත් අත්‍යාවශයයි මේ වෙලාවෙ රට ගොඩගන්න.

      තව ලෝක බැංකුව කඩල රටට සල්ලි ගේන්න ලේසිවෙන්නත් එක්කකට්ටියගෙ අතට අලවංගුව ගානෙ දෙන්නත්ඔිනෙ අනිවාර්යයෙන්ම.

      • සමනල සහජීවනය says:

        මහ බැංකු කොල්ලයට අමතරව විජයබා කොල්ලයත් මතක් වෙනව ඕයි.

  8. Plato says:

    රටම කොරෝනා උගුලකට අහුවෙලා.
    Lockdown එක දිගටම තියන් ඉන්නත් බෑ…ඒක ඉවත් කරන්නත් බෑ.ගෙදර ගියොත් අඹු නසී මග හිටියොත් තෝ නසී.
    Lockdown එක දීර්ඝ කරන්න කරන්න ආර්තිකය බියකරැ වේගයකින් ප්‍රපාතයට යනවා.ලක්ෂ ගණනකට රැකියා අහිමි වෙනවා.දුප්පතා කබලෙන් ලිපට වැටෙනවා.ලක්ෂ ගණන් පාරට වැටිලා ජනතාව පාර දිගේම “කට්ටිය” හොයාගෙන එන තත්වයක් වර්ධනය වෙනවා.අනෙක් අතට Lockdown ඉවත් කරපු ගමන් පැටව් ගගහා කොරෝනා වැඩි වෙලා සෞඛ්‍ය පද්ධතිය බිදවැටෙනවා.ආණ්ඩුව බලවත් අප්‍රසාදයට ලක් වෙනවා.

    • Ranji says:

      Aanduwa bera ganna nemeyi, umbala wage gon booruwange jeewitha beragannayi me minissu mechchara mahansi wenne, eka therum aragena me dawas wala, kiyana widiyata hitapalla.gon part noda!

  9. nim says:

    මේ මගුල් දාන්න එපා . අනිත් උනුත් ඕකම කරනවා

  10. Ajith says:

    SL Airline පැත්තකට තියමු දුවපු අමාරුව කවුරුත් දන්න නිසා…

    JKH Brandix වගේ ගොඩක් සමාගම් පහුගිය අවුරුදු 15-20ක් කෝටි ගනන් ලාබ ලබල මිනිස්සුන්ට පඩි ගෙව්වා, KPI /Targets දීල ඒවා meet කරහම සමහරු bonus දුන්න. හැබැයි හම්බකරපු කාලේ ඔය කවුරුත් උපයපු ලාබ පඩි ගත්තු මිනිස්සුන්ට බෙදල දුන්නෙ නෑ . ඒවා එයාලගේ වත්කම .

    දැන් මාස 3ක් 6ක් මිනිස්සුන්ට පඩි ගෙවන්නේ නැතුව එක කපල දාන එක අන්තිම පහත වැඩක් . කුජීතයි.

    අඩු තරමේ මේ පඩි ගෙවන්න ඕන මුදල් පහුගිය අවුරුදු 2,3 ලාබ වලින් උපයල නැද්ද කියල රජය සොයා බලා අනුමත අයට විතරක් අවස්තාව දිය යුතුයි.
    වෙන දියුණු රටවල් එක්ක සංසන්දනය කරන්න එපා. ඒ අය ලාබ මිනිස්සුන්ට බෙදනව තියෙන කාලෙට නැතිකාලෙට කපනව . අපි වගේ මාසේ පඩියයි, /EPF /ETF මෙඩිකල් එකයි නෙමෙයි.

    payroll cost එක ගොඩක් සමාගම් වල ආදායමෙන් 7% ක් වත් නෑ …5%ක් ඇති . හැබැයි ඉස්සරවෙලාම බලන්නේ ඒක කපන්න . ලැජ්ජයි මේ වගේ බොස්ලා … බොරුවට CSR කියල media show තියෙනවා.

    මීට විරුද්ධව හඬ නගමු .

  11. බන්ඩා says:

    කොවිඩ්-19 ⁣ලෝක ආර්ථිකය උඩුකුරැ යටිකුරැ කරනවා නියතය්. ⁣දුප්පත් පොහොසත් හැම රටකම පාරිභෝජනය අඩු වෙනවා. අපේ ඇඟලුම් වලට පමනක් නෙවෙය් රබර් සහ තවත් බොහෝ නිශ්පාදන වලටත් ඉල්ලුම අඩු වේවි. අත්‍යාවශ‍ය දේ හැර අන් සියලු ආනයන සිමා කලයුතු වෙනවා. පාන්පිටි වලට හාල්පිටි ආදේශ කරගත යුතු වෙනවා. ලංකාවෙ වැවිය හැකි සියල්ල ලංකාවෙම වැවිය යුතු වෙනවා. අපේ කිරි ⁣අපේ පලතුරැ කන්න බොන්න වෙනවා. කොරෝනා ආශීර්වාදයක් කර ගමු.

  12. Anti Corona says:

    ආයතන සේවකයන්ට හරියාකාරව සලකන්නෙ නැත්නම්.සමාගම් වල තියන සියලු මුදල් රාජ සන්තක කිරීමට රජයට බල කරමු….ඒව සේවකයන් අතර බෙදා දිය යුතුයි..

  13. Ranji says:

    Coronawata beheth thibunath moda kamata nam beheth natha!

  14. kumdhar says:

    ඩුබායි හි එමිරේට්ස් ගුවන් සමාගමත්, 4 ශ්‍රේණියේ සේවකයන්ගේ සිට ඉහළට 25% – 50% දක්වා ඔවුන්ගේ මූලික වැටුප අප්‍රේල් – ජූනි දක්වා අනිවාර්ය වැටුප් අඩු කිරීමක් කර ඇත.

Main News