කොරෝනා ආසාදිතයන් 105ක්.. බ‍්‍රැන්ඩික්ස් පොකුරේ 101ක්..

October 11, 2020 at 12:00 pm | lanka C news
කොරෝනා ආසාදිතයන් 105ක්.. බ‍්‍රැන්ඩික්ස් පොකුරේ 101ක්..

අද (11) දින උදෑසන වනවිට ශ්‍රී ලංකාව තුලින් කොවිඩ් – 19 ආසාදිත පුද්ගලයින් එකසීය පස් දෙනෙකු (105) හඳුනාගෙන ඇත.

එම පුද්ගලයින් එකසීය පස් දෙනා (105)  අතරින් දෙදෙනෙකු (02) විදේශයන්හී සිට මෙරටට පැමිණි පුද්ගලයින් වන අතර, ඔවුන් හබරාදුව පොලිස් ගොඩනැගිලි නිරෝධායන මධ්‍යස්ථානයේ නිරෝධායන වන රතු මුහුදු ප්‍රදේශයේ රාජකාරි කල මුහුදු ආරක්‍ෂකයින් දෙදෙනෙකු (02) වේ.

එසේම, දේශීයව හඳුනාගත් පුද්ගලයින් එකසීය තිදෙනෙකු (103) සිටින අතර, ඉන් එකසීය එක් දෙනෙකු (101) මිනුවන්ගොඩ ඇඟළුම් කම්හලේ සේවය කරන පුද්ගලයින් ළගින් ඇසුරු කළ පුද්ගලයින් වන අතර අනෙක් පුද්ගලයින් දෙදෙනා (02) එම ඇඟළුම් කම්හලේ සේවකයින් වේ.

මිනුවන්ගොඩ ඇගළුම් කම්හලේ කොවිඩ් පොකුරේ අද (11) දින උදෑසන වන විට  සම්පූර්ණ ආසාදිතයින් සංඛ්‍යාව 1,186 දෙනෙකු වේ.

අද (11) දින උදෑසන QR 668 දරණ මගී ගුවන් යානය මගින් දෝහා කටාර් සිට පුද්ගලයින් හතලිස් හතර දෙනෙකු (44) මෙරටට පැමිණ ඇත. එසේ පැමි‍ණි පුද්ගලයින් සියළුදෙනා ත්‍රිවිධ හමුදාව මගින් පාලනය කරනු ලබන නිරෝධායන මධ්‍යස්ථාන තුළ නිරෝධායන කටයුතු සඳහා යොමු කිරීමට කටයුතු සූදානම් කර ඇත.

අද (11) දිනය තුළදී ද ත්‍රිවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන තුලින් පුද්ගලයින් අනු දෙනෙකු (90) තම නිරෝධායන කටයුතු අවසන් කර නිවෙස් වෙත පිටත්ව යාමට නියමිතයි. ඒ අනුව, රුවල් රිසෝට් කල්පිටිය නිරෝධායන මධ්‍යස්ථානය තුළින් පුද්ගලයින් දෙදෙනෙකු (02) ද, හබරාදුව පොලිස් ගොඩනැගිලි නිරෝධායන මධ්‍යස්ථානය තුළින් පුද්ගලයින් තිදෙනෙකු (03) ද, බෝගොඩ ගුවන් සංක්‍රමික පුහුණු පාසලේ නිරෝධායන මධ්‍යස්ථානය තුළින් පුද්ගලයින් හැට දෙනෙකු (60) ද, හොටෙල් ජෙට්වින් බ්ලු නිරෝධායන මධ්‍යස්ථානය තුළින් පුද්ගලයින් හත් දෙනෙකු (07) ද, හොටෙල් ඩෙල්ෆින් නිරෝධායන මධ්‍යස්ථානය තුළින් පුද්ගලයින් හතර දෙනෙකු (04) සහ බියගම විලේජ් නිරෝධායන මධ්‍යස්ථානය තුළින් පුද්ගලයින් දහ හතර දෙනෙකු (14) වශයෙන් වේ.

එසේම, අද (11) දිනය වනවිට පුද්ගලයින් 50,726 දෙනෙකු නිරෝධායන ක්‍රියාවලිය අවසන් කර තම නිවෙස් වෙත පිටව ගොස් ඇත.

එසේම, අද (11) දිනය වනවිට ත්‍රිවිධ හමුදාව මගින් පාලනය කරනු ලබන නිරෝධායන මධ්‍යස්ථාන 92 ක් තුළ පුද්ගලයින් 10,224 දෙනෙකු නිරෝධායනය වෙමින් සිටියි.

ඊයේ (10) දිනය තුලදී PCR පරික්‍ෂණ 4754 ක් සිදුකර ඇති අතර, මේ වනවිට ශ්‍රී ලංකාව තුළ PCR පරික්‍ෂණ 325,763 ප්‍රමාණයක් සිදුකර ඇත.

අද (11) දින උදෑසන 0600 වනවිට පුද්ගලයින් දහ දෙනෙකු (10) පූර්ණ සුවය ලබා රෝහල්වලින් පිටව ගොස් ඇති අතර, එම පුද්ගලයින් දහ දෙනා (10) විදේශයන්හී සිට මෙරටට පැමිණ නිරෝධායන කටයුතු වල නිරතව සිටි පුද්ගලයින් ලෙස වාර්ථා වේ.

– කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය

26,854 views

5 Comments to “කොරෝනා ආසාදිතයන් 105ක්.. බ‍්‍රැන්ඩික්ස් පොකුරේ 101ක්..”

  1. asanka says:

    මේ වෙලාවේ ආණ්ඩුව ජනතාවට හා රටට අවංක තීරණ නොගත්තොත් තවත් රජයට ඉදිරියට අපහසු වේවි. ඉතාම සුදුසු දේ රට සතියකට හෝ සම්පුර්ණයෙන් වසා දැමීමයි . ලංකාවේ වැඩිම අසාධිතයන් වාර්තා වෙනුයේ දැන් වන අතර ජන්දය පැවැත් වීමට පැවති කාලය ආසන්නයේ නිතර නිතර ජනතාව වෙත ජාතිය අමතා කොරෝනා ගැන කථා කළා පමණක් නොව මිට බෙහෙවින් අඩු අසාධිතයන් වාර්තා උන අවදියක රට වසා දැමුණි .. අවංකව brandix වැරැද්ද පිළි අරගෙන වැරදි අයට අයින් වෙන්න කියලා ජනතා සහය තවදුරටත් රැක ගැනීම අතිශය සුබවාදි බව මගේ හැඟීම. කැහැල පොර වෙන උන් ජනතාව පිළිගන්න එකකුත් නැ

  2. nihitha says:

    දැන්නම් ඔබතුමත් දේශපාලකයෝ හින්ද විහිලුවක් වෙලා තියෙන්නේ😢😢
    බොරු කියනවා හිටු කියලා

  3. දිලිත් says:

    දැන් මේ රජයයි Tv චැනලුයි හින්දා මේ මනුස්සයගේ නම නිකන් කැත වෙලා.

  4. Saradiel says:

    ඉක්මන් සුවය පතමු සැම බෞද්ද නිවසකම පිරිත් ඇසීමට කටයුතු කරමු

  5. Ravana parapura says:

    අපි යක්කු බොලව්

    හෙළයන් මොනදේ ආවත් ජයගන්න බව ලෝකයට පෙන්වමු.

Main News