කොරෝනා එන්නත් කාඩ්පත අනිවාර්ය කරන්නැයි කියයි..

October 27, 2021 at 2:18 am | lanka C news
කොරෝනා එන්නත් කාඩ්පත අනිවාර්ය කරන්නැයි කියයි..

කොවිඩ් එන්නත් කාඩ්පත භාවිතය අනිවාර්ය කිරීම සඳහා ඇති හැකියාව සොයා බලන්නැයි සංචාරක ඇමති ප්‍රසන්න රණතුංග මහතා සෞඛ්‍ය ඇමතිවරයාගෙන් ඉල්ලයි. ඔහු පෙන්වා දෙන්නේ කොවිඩ් එන්නත්කරණ කාඩ්පත විදෙස් සංචාරකයන් සඳහා ද අනිවාර්ය කි‍රීමට එමගින් හැකියාව ලැබෙන බවයි.

‍සෞඛ්‍ය ඇමති කෙහෙළිය රඹුක්වැල්ල මහතා සමග සංචාරක කර්මාන්තයේ ඉදිරි කටයුතු පිලිබඳ පැවැති සාකච්ඡාවකදී ඇමතිවරයා මෙම ඉල්ලීම කලේය. ඔහු පෙන්වා දුන්නේ මේ වනවිටත් මෙරට සමස්ත ජනගහනයෙන් එක්කෝටි තිස්හත් ලක්ෂයකට ආසන්න පිරිසක් පූර්ණ එන්නත්කරණයට ලක් කර ඇති බවයි. ඒ අනුව සමස්ත ජනගහනයෙන් 60%කට වැඩි පිරිසක් මේ වනවිට කොවිඩ් එන්නත ලබාගෙන ඇතැයි ද ඇමතිවරයා පෙන්වා දුන්නේය.

මේ වනවිට රටපුරා සංචරණ සීමා ලිහිල් කරමින් පවතියි.එන්නත්කරණ වැඩපිලිවෙලද ක්‍රියාත්මක වේ.පාසල් ළමුන් එන්නත්කරණය ද සිදුවේ. මේ තත්වය තුල රට තුල කොවිඩ් එන්නත්කරණ කාඩ්පත භාවිතය අනිවාර්ය කරන්නේ නම් එමගින් තවදුරටත් එන්නත්කරණයට ලක් නොවූ පිරිස් ද ඒ සඳහා යොමුකර ගැනීමට හැකිවනු ඇතැයි රණතුංග මහතා මෙහිදී විශ්වාසය පල කලේය.

විදෙස් සමුළු හා සම්මන්ත්‍රණ සෞඛ්‍ය මාර්ගෝපදේශ වලට අනුව රට තුල පැවැත්වීමට ඇති හැකියාව සොයා බලමින් පවතින බව මෙහිදී පෙන්වා දුන් ඇමතිවරයා ලබන වසර තුල සංචාරකයන් විශාල පිරිසක් සහභාගී වන වැඩසටහන් ගණනාවක් රට තුල පැවැත්වීමට සැලසුම් කර ඇතැයි කීවේය.ඒ අනුව ජාත්‍යන්තර මට්ටමේ සමුළු සම්මන්ත්‍රණ කිහිපයක් මෙන්ම සංචාරක වැඩසටහන් ගණනාවක් ලබන වසරේ මුල් කාර්තුව තුලදී සැලසුම් කර තිබේ. රටේ පවතින සෞඛ්‍ය නීති රීති වලට අනුව මෙම කටයුතු සිදුකිරීමට අපේක්ෂා කරන බවද රණතුංග මහතා මෙහිදී කියා සිටියේය.

සෞඛ්‍ය ඇමති කෙහෙළිය රඹුක්වැල්ල මහතා පෙන්වා දුන්නේ අදාල අංශ සමග සාකච්ඡා කර මේ පිලිබඳව ඉදිරියේදී කටයුතු කල හැකි බවයි. සංචාරක ව්‍යාපාරය යළි යථා තත්වයට පත් කිරීමෙන් මෙරට ආර්ථික ක්‍ෂේත්‍රය නැවත ගොඩනැගිය හැකි බව පෙන්වා දුන් ඇමතිවරයා ඒ සඳහා සෞඛ්‍ය අංශයේ පූර්ණ සහය සංචාරක ක්ෂේත්‍රයට ලබාදෙන බවට සහතික විය.

සංචාරක අමාත්‍යංශයේ ලේකම් එස්.හෙට්ටිආරච්චි, සෞඛ්‍ය අමාත්‍යංශයේ ලේකම් මේජර් ජෙනරාල් සංජීව මුණසිංහ , සෞඛ්‍ය අධ්‍යක්ෂ ජෙනරාල් අසේල ගුණවර්ධන, සංචාරක සංවර්ධන අධිකාරි‍යේ අධ්‍යක්ෂක ජෙනරාල් ධම්මිකා විජේසිංහ යන මහත්ම මහත්මීහූද සහභාගී වූහ.

– ප්‍රදීප් අනුර කුමාර

18,546 views

17 Comments to “කොරෝනා එන්නත් කාඩ්පත අනිවාර්ය කරන්නැයි කියයි..”

  1. Manodaya says:

    මහා හෙළ හවුළ පිළිබද විස්තර ඉදිරිපත් කරන්න. අපිත් සිටිනව. ස්තුතියි. නීරෝගි සුව.

  2. ගමේ මනුස්සයා says:

    මට කොරෝන හොඳටම හැදුන.ඔය එන්නත් දෙකම විදල.මම අර කිව්ව එන්නත ප්‍රතිශක්තිකරණ ගොඩේ නැද්ද.බංගලාදේශය එන්නත් කරනය කරල තියෙන්නෙ 17% ද? එහෙම තමා දාල තියෙන්නෙ.ඒ අය කොරෝන පාලනය කරගත්තෙ කොහොමද කියල හොයල බලන්න.අපිට විදේශ විනිමය ඉතුරු කරගන්න පුලුවන් .

  3. sunimal says:

    අනිවාර්ය කරන්නැයි කියන්න රටේ විවස්තාවේ බලයක් තිබේද කියා සොයා බැලිය යුතුය.

  4. Dr Rasika says:

    කිසි කෙනේකුගේ ඇඟට එන්නතක් බලෙන් විද්දවන නීතියක් ලෝකේ නැහැ

  5. Gihan says:

    රාජපක්ෂලා සහභාගි වන උන්ගෙ පවුල්වල උන් සහබාගි වන ( බලෙන්) උත්සව සහ සෑම මහජනයා රැස්වන ස්තානවල ඔය කාර්ඩ් චෙක් කරන්නෙ කවුද? උන් මොනව ගැහුවද අන්න එතකොට පෙනෙයි කාර්ඩ් බලන කෙනාට. 🖕👌

  6. Western governments and Big Pharma.. says:

    “””The world’s poor are paying with their unvaccinated lives to further the interests of Western governments and Big Pharma