කොරෝනා එන්නත් විදීමෙන් ලෝකෙන්ම පලවෙනියා වෙන්න ශ‍්‍රී ලංකාව සූදානම්…

February 4, 2021 at 12:02 am | lanka C news
කොරෝනා එන්නත් විදීමෙන් ලෝකෙන්ම පලවෙනියා වෙන්න ශ‍්‍රී ලංකාව සූදානම්…

ගම සමඟ පිළිසඳර – වැඩ සමඟ යළි ගමට වැඩසටහන හා 2021 අය-වැය යෝජනා යථාර්ථයක්වන ජාතික සම්බන්ධීකරණ අනු කමිටු පිහිටුවීම ගරු අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් 03 දින අරලියගහ මන්දිරයේ දී පැවැත්විණි.

ආර්ථික පුනර්ජීවනය හා දරිද්‍රතාවය තුරන් කිරීම සඳහා වන ජනාධිපති කාර්යසාධන බලකායේ සභාපති බැසිල් රාජපක්ෂ මහතාගේ සංකල්පයක් අනුව ක්‍රියාත්මක මෙම ජාතික සම්බන්ධීකරණ අනු කමිටු සඳහා සියලුම කැබිනට් හා රාජ්‍ය අමාත්‍යවරුන් ඇතුළත්ය.

ප්‍රාදේශීය සංවර්ධනයට නව ප්‍රවේශයක් සඳහා කෘෂිකාර්මික අනු කමිටුව, ජීවනෝපාය අනු කමිටුව, යටිතල පහසුකම් අනු කමිටුව, සමාජ යටිතල පහසුකම් අනු කමිටුව සහ සමාජ ආරක්ෂාව හා සමාජ සංවර්ධන අනු කමිටුව ලෙස ජාතික සම්බන්ධීකරණ අනු කමිටු 5ක් පිහිටුවා ඇත.

ඒ එක් එක් කමිටු සඳහා විෂයන්ට අදාළවන සේ කැබිනට් හා රාජ්‍ය අමාත්‍යවරුන් පත්කර තිබීම මෙහි විශේෂත්වයකි.

ජාතික සම්බන්ධීකරණ කමිටුව, දිස්ත්‍රික් සම්බන්ධීකරණ කමිටුව, ප්‍රාදේශීය සංවර්ධන කමිටුව හා ග්‍රාමීය කමිටුව ලෙස ඉහළ සිට පහළට තීරණ ගලා යාමත්, පහළ සිට ඉහළට අදහස් හා යෝජනා ගලා යාමත් සිදුවන වන ලෙස සකස් වී ඇති බව බැසිල් රාජපක්ෂ මහතා මෙම අවස්ථාවට එක්ව සිටි කැබිනට් හා රාජ්‍ය අමාත්‍යවරුන්ට පෙන්වා දුන්නේය.

ගම සමඟ පිළිසඳර අප විරුද්ධ පක්ෂයේ සිටින කාලයේ සිටයි ක්‍රියාත්මක කළා. ඒ කාලයේ අපි ගමේ අඩුපාඩු හදුනාගත්තත් ඒ සඳහා රාජ්‍ය නිලධාරී තන්ත්‍රය සහභාගි කරගන්න බැරි වුණා. නමුත් මුළු රට තුළම එම වැඩසටහන අතිගරු ජනාධිපති ගෝඨාය රාජපක්ෂ මැතිතුමාගේ ප්‍රධානත්වයෙන් දැන් ක්‍රියාත්මක වෙනවා.

ඔබ දන්නවා මේ රටේ ග්‍රාමසේවක වසම් 14000ක් තියෙනවා.  ගම් 36000ක් තියෙනවා. ඒ කටයුත්තත අප ඉදිරියට ගෙනයාමට ප්‍රාදේශීය සම්බන්ධීකරණ කමිටු ඔස්සේ කටයුතු කළ යුතුයි. ප්‍රාදේශීය සම්බන්ධීකරණ කමිටුවලට මහජන නියෝජිතයන් පත්කිරීම ප්‍රමාදවීම නිසා මේ කටයුත්ත බොහෝවෙලාවට සිදුවුණේ ප්‍රාදේශිය ලේකම් හෝ නිලධාරින් අතින්.

ඒ නිසා පසුපෙළ මන්ත්‍රීවරුන්ට වගේම ඔබටත් ගම හා ආසනයේ කටයුතු කිරීමේදී ඊට සම්බන්ධවීමේ ක්‍රමවේදයක් තිබුණෙ නැහැ. ඒ නිසා ඇතැම් වෙලාවට ප්‍රාදේශීය සංවර්ධන ව්‍යාපෘතිවලට දේශපාලන නායකත්වය නොලැබී ගියා.

උතුරු හා නැගෙනහිර හැර රටේ සෑම ප්‍රදේශයකම දිස්ත්‍රික් හා ප්‍රාදේශීය සම්බන්ධීකරණ කමිටු පත්කර අවසන්. ආණ්ඩු පක්ෂ තීන්දුවට අනුව ඒවායේ සභාපතිධූර පාර්ලිමේන්තු මන්ත්‍රීවරුන්ට පමණක් ලබා දී තිබෙනවා.

ඒ නිසා ඉදිරියේදී අමාත්‍යංශ ඔස්සේ ප්‍රාදේශීය සංවර්ධන කටයුතු ක්‍රියාත්මක කිරීමේදී ප්‍රාදේශීය සම්බන්ධීකරණ කමිටුව ඔස්සේ ඒවා ක්‍රියාත්මක කිරීම අවශ්‍යයයි.  ඒ සඳහා අද පිහිටුවන මෙම ජාතික සම්බන්ධීකරණ අනු කමිටුවල නායකත්වය හා උපදෙස් ක්‍රියාත්මක විය යුතුයි. ඉදිරියේදී අමාත්‍යංශ මට්ටමෙන් සිදුවන ඉල්ලීම් හෝ චක්‍රලේඛ ප්‍රාදේශිය සම්බන්ධීකරණ කමිටු සභාපතිට සෘජුව යොමු කරන්නැයි බැසිල් රාජපක්ෂ මහතා මෙහිදී ඉල්ලා සිටියේය.

බඩු මිල ඉහළ යාම පාලනය කිරීමෙ සම්බන්ධයෙන්ද මෙහිදී අවධානය යොමුවිය.

ඒ අනුව පරිප්පු, පිටි, සීනි, ලොකු ලූණූ සහ අර්තාපල් ඇතුළු භාණ්ඩ වර්ග 28ක් සඳහා පෙබරවාරි, මාර්තු සහ අප්‍රේල් මාස 3ට නිෂ්පාදකයන් හා සෘජු ආනයනකරුවන් සමඟ ඉදිරි මිල පිළිබඳව එකඟත්වයකට පැමිණ තිබෙන බව පෙන්වා දුන් වෙළඳ අමාත්‍ය බන්දුල ගුණවර්ධන මහතා, අද පවතින මිලට වඩා අඩු මිලට පෙබරවාරි මස දෙවැනි සතියේ සිට සතොස හා සමූපකාර ඔස්සේ එම භාණ්ඩ රටපුරා බෙදා හරින බව කියා සිටියේය.

දුප්පත්කම හේතුවෙන් නිවස ළඟට විදුලිය තිබුණද, ජලය තිබුණද ගත නොහැකිව පීඩාවට පත් සීමිත පිරිසක් සිටින බව අමාත්‍ය මහින්ද අමරවීර මහතා මෙහිදී පෙන්වා දුන්නේය.

මුලදි විදුලිය නොමැති නිවාස 35000ක් හඳුනාගත්ත ද එය 125000ක් පමණ වනබව ගණන් බලා ඇතැයි අමාත්‍ය දුමින්ද දිසානායක මහතා පැවැසීය.

එහිදී ලබන සිංහල හින්දු අලුත් අවුරුද්දට පෙර දැනට විදුලිය සහ ජල සැපයුම නොමැති සියලුම නිවාසවලට එම සැපයුම ලබාදීමට ක්‍රියා කරමු යැයි බැසිල් රාජපක්ෂ මහතා ගෙන ආ යෝජනාවට සියලුම කැබිනට් හා රාජ්‍ය ඇමැතිවරු මෙහි දී එකඟත්වය පළ කළහ.

විදුලිය සහ ජල පහසුකම් නොමැති නිවාස හඳුනාගෙන ඒ සඳහා ලබන සිංහල අලුත් අවුරුද්දට පෙර විසඳුම් දීම ප්‍රාදේශීය සම්බන්ධීකරණ කමිටු සභාපතිවරයාගේ වගකීම බව බැසිල් රාජපක්ෂ මහතා මෙහිදී සඳහන් කළේය. ඒ සඳහා සමෘද්ධි අරමුදල් ඇතුළු රජයේ ප්‍රතිපාදන යොදාගත හැකි බව ද හෙතම පෙන්වා දුන්නේය.

රජයේ මෙන්ම පෞද්ගලික අංශයේ සෞඛ්‍ය වෘත්තිකයන් ද මහජනතාව ද කොවිඩ්-19 එන්නත ලබාගැනීම සම්බන්ධයෙන් උනන්දුවන බව අමාත්‍යවරු මෙහිදී අග්‍රාමාත්‍ය මහින්ද රාජපක්ෂ මහතාගේ අවධානය යොමු කළහ.

පෙබරවාරි මස මැද භාගයවනවිට සාමාන්‍ය ජනතාවටත් එන්නත ලබා ගත හැකිවනු ඇතැයි රාජ්‍ය ඇමතිනි සුදර්ශනී ප්‍රනාන්දු පුල්ලේ මහත්මිය මෙහිදී විශ්වාසය පළ කළාය.

කොවිඩ්-19 එන්නත් ලබා දීම තීව්‍ර කරමින් ශ්‍රී ලංකාව එන්නත් ලබා දී අවසන් කළ පළමු රට වීම වැනි ඉලක්කයක් කරා ගමන් කළ යුතුව ඇතැයි බැසිල් රාජපක්ෂ මහතා මෙහිදී අවධාරණය කළේය.

මෙම අවස්ථාවට කැබිනට් අමාත්‍යවරුන්, රාජ්‍ය අමාත්‍යවරුන්, අග්‍රාමාත්‍ය ලේකම් ගාමිණි සෙනරත් මහතා ඇතුළු රාජ්‍ය නිලධාරීන් රැසක් එක්ව සිටියහ.

– රොහාන් වැලිවිට

28,382 views

14 Comments to “කොරෝනා එන්නත් විදීමෙන් ලෝකෙන්ම පලවෙනියා වෙන්න ශ‍්‍රී ලංකාව සූදානම්…”

  1. ධම්මික පැණිය says:

    දැන් එතකොට ඔයාලට මාව ඕන නැද්ද?

    ඔයාට මාව එපා නම්.. කලින් කියන්නට තිබුණා…

  2. කුඹුක්කණ් says:

    එතකොට පැණිය? දැන් අපි වගේ නලින් ප්‍රොපාගේ චක් ගෝලයන්ට විතරද එතකොට පැණිය ඕන වෙලා තියෙන්නේ?

  3. මාක්ස්වාදී ජෙප්පා says:

    එන්නත් හදන්නෙ ධනපතියන්ට අයිති කර්මාන්තශාලාවක. කර්මාන්තශාලාවක් කියන්නේ නිර්ධන පන්තියේ මිනිසුන් සූරා කන තැනක්. එම නිසා රතු-තරුව සාමාජිකයින් යොදවා එන්නත් හදන කර්මාන්තශාලාව ගිනි තැබිය යුතුය. එවිට මිනිසුන්ට යහපතක් වේ.

    88/89 කාලේ මෙලෙසම ලන්කාවේ සියලු කර්මාන්තශාලා ගිනි තබා විනාශ කල නිසා මිනිසුන්ට යහපතක් වී ඇත. ගමේ සිට රස්සාවට ගිය අම්මලාට ගුවන් යානයෙන් මැදපෙරදිග රස්සාවට යාමට අවස්ථාව උදා වී ඇත.

  4. Sira3 says:

    Fooling innocent rural people is easy..this is day dream to be no.1 with 500000 dose…what a shame.. enough of talks we wanna see quick actions on ground…

  5. Shyagra vashi says:

    Kayywaaru nawaththanna please!!!!!😵😵🥺🥺🥺😒😒😒😒

  6. බූරු පුතාණෝ සජියා says:

    ප්‍රාථමික පන්තිවල ළමයි වගේ පළවෙනිය වෙන්න දගලන්න ඕනැ නැහැ. පුළුවන් තරම් ඉක්මනට වැක්සින් එක ගහල රටේ මිනිස්සු ටික බේරගත්තොත් හොඳටම ඇති.

  7. Hudson says:

    What happened to the Dhammika paniya??/

    • වයි දිස් කොලවෙරි says:

      පැකනිල් සහ කේරල ගව මුත්‍ර වලට මොකද වුනේ?

  8. Ras says:

    ඔය එන්නත නෙමේ, පැණි ය දුන්නොත් නොදුන්නොත් KORONA අප්‍රේල් වෙනකොට ලෝකෙන්ම තුරන් වෙනවා.එහෙම වෙන්නේ සූර්යය ලප සහ සූර්යය ගෙන් විහිදෙන කිරණ වල ඇතිව තිබු වෙනස්වීම යථා තත්ත්වයට පත් වෙන නිසා දැන ටත් ලෝකය පුරා ආසාදිතයින් අඩු වෙමින් යනවා. අප්‍රේල් වෙනකල් බේරිලා ඉන්න තමයි තියෙන්නේ

  9. Ras says:

    Due to normalise the sun rays KORONA will end in April. Just follow protective methods until April. No need to waste money for Vaccine or other cost affective things.

  10. ප්‍රනාන්දු පුල්ලෙයි කිසිම ඵ්න්නතක් විදගැනිමට අදහස් නොකරනු ඇත..! says:

    විදගනිලලා..
    නුගත් මොඩ මුසලයන් කොහොමත් රටට බරක්..
    තොපේන් සහ තොපේ පරම්පරාවලින් රටට ඡාතියට වැඩැක් නැත..
    වඳවෙලා චුතවෙලා පලයව්..
    ප්‍රනාන්දු පුල්ලෙයි කිසිම ඵ්න්නතක් විදගැනිමට අදහස් නොකරනු ඇත..!

    • Namal says:

      තෝ කියන්න ඕන නැහැ ගස් බල්ලෝ. අපි නම් කොහොමත් එන්නත විද ගත්තා තමයි. දෙවනි මාත්‍රාවත් ඒ විදියටම ගන්නවා.පොඩි පොඩි අමාරු කම් ආවා වුනාට ඊට වඩා මේ එන්නතින් වෙන දේ ඊට වඩා වැදගත්. සෞඛ්‍ය සේවකයෝ අති බහුතරයක් දැනටමත් විදගෙන තියෙන්නේ. කවුරුත් ඔය ඉන්නේ යහතින්. එකෙක් වත් මැරිලා නෑනේ. උඹ හරකෙක් වුනාට මේ රටේ අති බහුතරයකට මොළයක් තියෙනවා කියන එක දැන ගනින්. කවුරුවත් උඹ වගේ බූරුවෝ කියන දේවල් අහන්නේ නැහැ. තෝ ගිහින් කාලි ජූස් පැණිය බීලා සුළු දිය පහ කරලා දොයිය ගනින් මී හරකා.

Main News