එන්නත ලබාගන්න ජනතා පොළඹවන්නැයි ජනපති කියයි..

July 31, 2021 at 5:30 pm | lanka C news
එන්නත ලබාගන්න ජනතා පොළඹවන්නැයි ජනපති කියයි..

දිවයිනේ සියලු ප්‍රදේශ අළලා, එන්නත නොගත් පිරිස පිළිබඳ සංගණනයක් සිදුකරන ලෙස ජනාධිපති ගෝඨාභය රාජපක්ෂ මැතිතුමා නිලධාරීන්ට උපදෙස් දෙයි.

කොවිඩ් ආසාදිත සහ මියගිය පිරිස් පිළිබඳ කළ අධ්‍යයනයන්ට අනුව ඉන් 95%කට ආසන්න ප්‍රතිශතයක් එන්නත් ලබා නොගත් අය බව අනාවරණය වී තිබේ. එන්නත් බෙදාහැර තිබුණ ද මෙතෙක් එන්නත ලබාගෙන නොමැති අය පිළිබඳව විමර්ශනය කිරීමත්, ඔවුන් එන්නත ලබාගැනීමට පෙළඹවීමේ අවශ්‍යතාවත් ජනාධිපතිතුමා විසින් පෙන්වා දෙනු ලැබිණ.

මේ පිළිබඳව ප්‍රාදේශීය ලේකම් කාර්යාල මට්ටමින් කඩිනම් සංගණනයක් සිදුකර, දින කිහිපයක් ඇතුළත එන්නත ලබානොගත් පිරිස පිළිබඳ වාර්තාවක් ලබාගන්නා ලෙස ද ජනාධිපතිතුමා නිලධාරීන්ට උපදෙස් දුන්නේය.

එන්නත්කරණය සහ ඉදිරි මෙහෙයුම් සම්බන්ධයෙන් කොවිඩ් මර්දන විශේෂ කමිටුව සමඟ 30 පස්වරුවේ ජනාධිපති කාර්යාලයේ පැවති හමුවේදී ජනාධිපතිතුමා මේ බව සඳහන් කළේය.

එන්නත ගෙන්වා දීමේ වගකීම රජය ඉටුකර තිබේ. රෝගය පැතිර යාම වළකින ආකාරයෙන් ක්‍රියා කිරීමත්, එන්නත කඩිනමින් ලබාගැනීමත් ජනතාව සතු යුතුකමක් බව ජනාධිපතිතුමා පැවසීය. ඉදිරියේ දී රජයේ ආයතන සහ පොදු ස්ථාන වෙත පැමිණෙන ජනතාව එන්නත ලබාගත් බවට සහතික කෙරෙන කාඩ්පත ළඟ තබා ගැනීම අනිවාර්යය කිරීම පිළිබඳව සොයා බැලීම කෙරෙහි ද කොවිඩ් කමිටුවේ අවධානය යොමු විය.

අමාත්‍යවරුන් වන පවිත්‍රා වන්නිආරච්චි, ගාමිණි ලොකුගේ, ජොන්ස්ටන් ප්‍රනාන්දු, කෙහෙළිය රඹුක්වැල්ල, මහින්දානන්ද අලුත්ගමගේ, රෝහිත අබේගුණවර්ධන, රමේෂ් පතිරණ, නාමල් රාජපක්ෂ, රාජ්‍ය අමාත්‍යවරුන් වන සුදර්ශනි ප්‍රනාන්දුපුල්ලේ, සිසිර ජයකොඩි, චන්න ජයසුමන, පාර්ලිමේන්තු මන්ත්‍රී මධුර විතානගේ, ජනාධිපති ප්‍රධාන උපදේශක ලලිත් වීරතුංග, සෞඛ්‍ය ලේකම් මේජර් ජෙනරල් විශේෂඥ වෛද්‍ය සංජීව මුණසිංහ, සෞඛ්‍ය අධ්‍යක්ෂ ජනරාල් වෛද්‍ය අසේල ගුණවර්ධන යන මහත්ම මහත්මීහු, ත්‍රිවිධ හමුදාපතිවරු, පොලිස්පති, ආරක්ෂක සහ සෞඛ්‍ය අංශ ප්‍රධානීහු මේ අවස්ථාවට එක්ව සිටියහ.

– ජනාධිපති මාධ්‍ය අංශය

17,843 views

8 Comments to “එන්නත ලබාගන්න ජනතා පොළඹවන්නැයි ජනපති කියයි..”

  1. KP says:

    හැම මඟුලම ජනාධිපති කියනකන් ඉන්නේ ඇත්තට මේ රටේ නිලධාරිට මොලයක් නැද්ද… උදාහරනයක් හැටියට පිටරට ඉද්දි මොඩර්නා පයිසර් පලවෙනි මාත්‍රාව ගත්ත පිරිසක් ඉන්නවා දැං මේ රටට ඇවිත් ආපහු නොයන්න. ඒ අයට දෙවැනි මාත්‍රාව ගන්න විදිහක් නෑ. ඒකත් ජනාධිපති කියනකන් ඉන්නවා ඇති.

  2. ගිජුලිහිණි සංදේශය says:

    එන්නත් තොගය ආවොත් එය ගහපල්ලා
    යන්නත් කලින් මග උපදෙස් බලපල්ලා
    උන්නත් දුරින් මුක වාඩම දාපල්ලා
    බැන්නත් නැතත් සහයෝගය දීපල්ලා

  3. Jayaratne says:

    Good move. Hora paniyas are trying to sabotage the vaccination drive. Suppress all superstitious propaganda and impose restrictions on unvaccinated people.

  4. දුප්පතා says:

    දුප්පත් කම නැති කරන්න පොළඹවන්න එකෙක් නෑනෙ..

  5. Gamini says:

    Rs5000 danawa kiyanna

  6. Rama says:

    Ethokota jvp sjb eun Dan moka kiyanne appa..unta ona corona hadila minissu marila..lankawata kela wela ekath janapaty pitin danna..gahapu naty eun gedarin eliyata danna epa..dadi teendu ganna

  7. මෝඩ බයියෙක් says:

    ජනාධිපතිතුමා වටේ ඉන්න ඩබල් ඒජන්ට්ලගෙ කේවට්ට උපදෙස් පිළිපැදලා ඊළග ජිනීවා මානව හිමිකම් සමළුවෙන් ලංකාවට ගලව ගන්න බැරි ජාතියෙ සම්බාධක පනව ගන්න කදිම අවස්ථාවක් තමයි එන්නත්කරණය යොදාගෙන මිනිසුන්ගේ මානව හිමිකම් උල්ලංගනය කිරීම… ඇදගෙන නානවා කියන්නෙ මෙව්වට තමයි….

  8. Shameera Mahawattage says:

    No one should be forced to get Vaccines by any means.

Main News