කොරෝනා නිසා හැමදේම නතර කලොත් ජනතාවට මීට වඩා දුෂ්කරතා මතුවෙනවා..- අගමැති

July 3, 2021 at 4:40 pm | lanka C news
කොරෝනා නිසා හැමදේම නතර කලොත් ජනතාවට මීට වඩා දුෂ්කරතා මතුවෙනවා..- අගමැති

කොවිඩ් නිසා හැමදේම නෑ බෑ කියලා නතර කළා නම් අද ජනතාවට මීට වඩා දුෂ්කරතා මතුවනු ඇතැයි අග්‍රාමාත්‍ය මහින්ද රාජපකෂ මහතා 02 දින අරලියගහ මන්දිරයේ දී පැවසීය.

රුපියල් මිලියන 445ක් සහ රුපියල් මිලියන 127ක් වැය කරමින් ඉදි කළ දක්ෂිණ අධිවේගී මාර්ගයේ කපුදූව අන්තර් හුවමාරුව සහ පේරාදෙණිය රෝහල ඉදිරිපිට පදික උමං මාර්ගය විවෘත කළ අග්‍රාමාත්‍යතුමා, රුපියල් මිලියන 4999ක වියදමෙන් කොටුව ලෝටස් මාර්ගයේ  මහල් 17කින් යුතුව ඉදිකෙරෙන “සමුද්‍ර පහසුකම් සැලසීමේ මධ්‍යස්ථානයේ” වැඩ ආරම්භ කරමින් මේ බව සඳහන් කළේය.

කපුදූව අන්තර් හුවමාරුව මාස 5ක් වැනි ඉතා කෙටි කාලයක් තුළ ඉදිකර අවසන් කිරීම විශේෂත්වයක් වන අතර පේරාදෙණිය පදික උමං මාර්ගය ඉදිකිරීමට ගතවූ කාලය මාස 12කි. අද වැඩ ආරම්භ කළ සමුද්‍ර පහසුකම් සැලසීමේ මධ්‍යස්ථානය මාස 24ක් තුළ ඉදිකිරීමට සැලසුම් කර තිබේ.

ශ්‍රී රෝහණ පාර්ශවයේ අනු නායක අති පූජ්‍ය ඕමාරේ කස්සප නාහිමි ඇතුළු මහා සංඝරත්නය මෙම අවස්ථාවට වැඩම කළ වදාළහ.

මෙහි දී අග්‍රාමාත්‍ය මහින්ද රාජපක්ෂ මහතා කළ සම්පූර්ණ කතාව මෙසේය.

මිත්‍රවරුනි,

අපි රටක දියුණුව ගැන කතා කරනවිට ඒ රටේ යටිතල පහසුකම් සහ මාර්ග පද්ධතිය ගැන විශේෂ අවධානයක් යොමු කරනවා. අපි මානව සංවර්ධනයෙන් පොහොසත් වෙනවා වගේම ඊට සමගාමීව භෞතික සංවර්ධනයෙන් ඉදිරියට යන්න ඕනි.

ඒ වගේමයි දේශීය නිෂ්පාදන ආර්ථිකය සවිබල ගන්වන්න නම් අනිවාර්යෙන්ම රටේ මාර්ග පද්ධතිය දියුණු කළ යුතුයි. අධිවේගී මාර්ග පද්ධතියෙ පහසුව විඳින ජනතාව මේ බව හොඳින්ම දන්නවා.එදා දුෂ්කරයි කියලා අතහැරලා තිබුණු ගම්මාන කීයක් නම් මේ අධිවේගී මාර්ග පද්ධතිය සමඟ දියුණු වුණා ද ? ඒ ජනතාවට අද රෝහලකට යන්නෙ, තමන්ගෙ ගොවිතැන් බෝග අලෙවි කරගන්නෙ, නගරය හා සම්බන්ධ වෙන්නෙ මේ අධිවේගී මාර්ග හරහා.

ඒ විතරක් නෙමෙයි පරම්පරා ගණනාවක් නොදුටු දියුණුව ගමට විවෘත කරන ප්‍රවේශයක් විධියටත් ජනතාව මේ අධිවේගී මාර්ග පද්ධතිය දකිනවා.

මිත්‍රවරුනි,

අද මේ ජනතා අයිතියට පත්වන දක්‍ෂිණ අධිවේගී මාර්ගයේ කපුදූව අන්තර් හුවමාරුව එදා  මුලින් කරපු සැලසුමේ තිබුණෙ නැහැ. දිගින් දිගටම ඒ ප්‍රදේශයේ ජනතාව අන්තර් හුවමාරුවක් ඉල්ලමින් කරන පෙරැත්ත මාස කිහිපයකට කලින් ජොන්ස්ටන් ඇමතිතුමත්, ලාන්සා ඇමතිතුමත් මට ඇවිල්ලා කිව්වා.

ඒ නිසා මේ ගැන හොයල බලලා ඒ ප්‍රදේශයේ ජනතාවගේ අවශ්‍යතාව ඉටු කරන්න කියලා අපි දැනුම් දුන්නා. කිසිදු දේපල අත්පත්කර ගැනීමක් නොමැතිව අද ඒ ජනතාවගේ බලාපොරොත්තුව මාස පහක් වගේ ඉතා කෙටි කාලයක් තුළ ඉටුකරන්න හැකි වීම ගැන අපි සංතෝෂ වෙනවා.

ඒ සම්බන්ධයෙන් කැපවුණු සියලු දෙනාටම අපගේ ගෞරවනීය ස්තුතිය හිමිවිය යුතුයි.

මිත්‍රවරුනි,

දැන් කපුදූවේ ඉඳන් මාතර නගරයට දුර කිලෝමීටර් 7යි. මෙතන ඉඳන් කඹුරුපිටිය නගරයට තියෙන්නෙත් කිලෝමීටර් 10යි. ඒ විතරක් නෙමෙයි හක්මන නගරයට කිලෝමීටර් 17යි. ඔබ දන්නවා මේ නිසා මේ ප්‍රදේශ වල ජීවත්වන කෘෂිකාර්මික ජනතාවට මෙමගින් විශාල පහසුවක් සැලසෙනවා.

රටේ අභිවෘද්ධිය වෙනුවෙන් ජනතාවට ක්‍රමවත් මාර්ග පහසුකම් ලබාදීම රජය සතු වගකීමක් කියලයි අපි විශ්වාස කරන්නෙ. අධිවේගී මාර්ග පමණක් නෙමෙයි මේ රටේ අනෙකුත් ග්‍රාමීය මාර්ග සංවර්ධනය කිරීමට අපි මාර්ග ලක්ෂයේ වැඩපිළිවෙල ආරම්භ කළා. අදටත් එය අඛණ්ඩව ක්‍රියාත්මකයි.

පසුගියදා අපි කොළඹ නගරයේ අධික රථවාහන තදබදයට විසඳුමක් දෙන කුලුනු මතින් දිවෙන අධිවේගී මාර්ගයක් ඉදිකරන්නත් මුලපිරුවා. දැන් ඒ මාර්ගයේ වැඩකටයුතු ආරම්භ වෙලයි තියෙන්නේ. ඒ එක්කම කොළඹ අධික වාහන තදබදය ඇතිවන ස්ථාන හඳුනගෙන ඒ තැන්වලට ගුවන් පාලම් ඉදිකරන්නත් අපි ආරම්භයක් ගත්තා.

මිත්‍රවරුනි,

කොළඹ විතරක් නෙමෙයි, මහනුවරත් රථවාහන තදබදය ඉතාම වැඩියි. අපි ඊට විසඳුම් දෙන්න ව්‍යාපෘති කිහිපයක්ම ආරම්භ කළා. පසුගියදා ගැටඹේ මංසන්දියට අපි ගුවන් පාලමක් දුන්නා.

ඒ ගුවන් පාලම විතරක් හදල පේරාදෙණියේ වාහන තදබදයට විසඳුමක් දෙන්න බැරි නිසා චීන එක්සිම් බැංකු ආධාරයක් මත පේරාදෙණිය රෝහල ඉදිරිපිටට අපි පදික උමං මාර්ගයක් හදන්න අපේ ඇමතිතුමා කටයුතු කළා.

නිතර වාහන තදබදයක් තිබුණු මේ ස්ථානය හරහා යන පදිකයන්ට  දැන් ආරක්ෂාකාරීව ගමන් කරන්න හැකියාව උදාවෙනවා.

ඒ විතරක් නෙමෙයි පේරාදෙණිය රෝහලට, ගැටඹේ රජ මහා විහාරයට, දහම් පාසලට, විශ්ව විද්‍යාලයට, බැංකුවට හෝ ඒ අසල පිහිටි රාජ්‍ය හා පෞද්ගලික ආයතනවලට යන පුද්ගලයන්ට මේ උමං මාර්ගය ඉතාම  ප්‍රයෝජනයක් පහසුවක් වෙලා තියෙනවා.

ජොන්ස්ටන් ඇමතිතුමා කිව්ව විධියට මෙම උමං මාර්ගය හදනකොට ඒ අවට හිටිය පදික වෙළදුන්වත් අපි අමතක කළේ නැහැ. අපි ඒ අයටත් උමං මාර්ගය තුළ වෙළදාමට ඉඩ සලසලා තියෙනවා කියලා  ඇමතිතුමා කිව්වා.

අපි මේ සංවර්ධන වැඩ කරනකොට විරුද්ධ පක්ෂයේ ඇතැම් උදවිය  ඒවා විවේචනය කරනවා. සමහරු කියනවා කොවිඩ් ඉවර වෙනකම් ඉන්නලු වැඩ කරන්න. පාරවල් හදන්න එපාලු. මෙහෙම කියන ඒවා අවංකව කරන යෝජනා ද නැද්ද කියලා මේ රටේ බුද්ධිමත් ජනතාව ඔබ හොඳින් දන්නවා.

මිත්‍රවරුනි,

කොව්ඩි වසංගතය පාලන කරන්න අපි මේ වෙන කොට රුපියල් බිලියන 262 ක් වැය කරල තියෙනවා. අපි සියලු ක්‍රියාමාර්ග ගන්නෙ මේ රටේ ජනතාව ආරක්ෂා කරගන්න. ඔවුන්ගෙ ජීවිතවල වටිනාකම දන්න නිසා අපි එන්නත්කරණය අඛණ්ඩව සිදුකරනවා. ඒක අපි නතර කරන්නේ නැහැ.

කොවිඩ් නිසා හැමදේම නෑ බෑ කියලා නතර කළා නම් අද ජනතාවට මීට වඩා දුෂ්කරතා මතුවෙනවා. අපි අපේ ජනතාව රැකබලාගන්නවා. ඒ සඳහා අවශ්‍ය ශක්තිය ඔබෙනුත් අපට අවශ්‍යයයි. වසංගතයෙන් ආරක්ෂා වෙන ගමන් ඔබේ ශක්තිය රට වෙනුවෙන් නොපිරිහෙලා ලබා දෙන ලෙස අප ඔබෙන් ඉල්ලනවා. අපට එකතු වුණොත් කරන්න බැරි දෙයක් නැහැ.

ඒ නිසා අද ජනතා අයිතියට පත්කළ මේ ව්‍යාපෘති වගේම කොළඹ වරායේ අද වැඩ ආරම්භ කළ මහල් 17ක “සමුද්‍ර පහසුකම් සැලසීමේ මධ්‍යස්ථානය” ශ්‍රී ලංකා වරාය අධිකාරියේ කටයුතු තවත් විධිමත් කිරීමට විශාල පිටුබලයක් වනු ඇතැයි අපි විශ්වාස කරනවා.

මාර්ගගත ක්‍රමවේදයට මුල්තැන දෙමින් ආරම්භ කරන මෙම මධ්‍යස්ථානයට ශ්‍රී ලංකා වරාය අධිකාරියේ ආයතන සියල්ල එක් කළාම එහි කාර්යක්ෂමතාව සහ ඵලදායීතාව ඉහළ නැංවෙනවා. ඒ තුළින් ඒ ආයතන සමඟ ගණුදෙනු කරන සියලු දෙනාට ඉන් විශාල පහසුවක් උදාවෙනවා.

රොහාන් වැලිවිට,
අග්‍රාමාත්‍ය මාධ්‍ය ලේකම්

9,542 views

12 Comments to “කොරෝනා නිසා හැමදේම නතර කලොත් ජනතාවට මීට වඩා දුෂ්කරතා මතුවෙනවා..- අගමැති”

  1. කැලණියේ නයා says:

    චන්දෙ කාලෙ අපට කිව්වෙ ලී ක්වාන් යූ සහ මහතීර් මොහොමඩ් දෙන්නම එකට ඉන්න ආණ්ඩුවක්‍ අපට ලැබෙනවයි කියල අපි හිතන් උන්නෙ සින්ගප්පූරුව මැලේසියාව කොරෝනාවට මූණ දීපු විදිහට අපිත් දෙයි බැටේ කියල.දැන් අපේ ලෝකල් ලී ක්වාන් යූ සහ ලෝකල් මහතීර් මොහොමඩ් නාගෙන අඩාගෙන ෆේල් වෙද්දි ලෝකල් මාකෝස් සබේට කැදවන්න යන්නෙ.

  2. sira says:

    පල හොරා යන්න, මිනිස්සුන්ගේ ජිවිත වලට තොපි වග කියන්න ඕන. බොරු කියන එක හැරෙන්න තොපේ වෙනදෙයක් නැහැ.

    • අනිත්‍ය නිසා දුක says:

      එහෙම බනින්න එපා. ඕනෑම දෙයක් අනිත්‍ය උනොත් දුකක් ඇඝි වෙනවා කියලයි ආණ්ඩුවට උපදෙස් දෙන සාදුලා කියන්නේ.

      ඒ නිසයි කොරෝනා අනිත්‍ය කරන්නෙ නැතුව දිගටම පවත්වාගෙන යන්නේ. කොරෝනා අනිත්‍ය වුනොත් මිනිස්සුන්ට දුක ඇති වෙනවා.

  3. nimal says:

    Aurudu 10k idala monawada miniho kele thava meke ellila inne natiwa palabaila palayan yana thanaktaha.

  4. gayani says:

    reddak adan da manusseye katha keranne.. adum natiwa katha keranne rata kawa.. apita eda wela kanne vidihak na thuk nodakin

  5. ගිජුලිහිණි සංදේශය says:

    පුරා හඳත් ගිලි යකෙකුට කුමන කජු
    මරා කතිය කිකිළිය ලන රනින් බිජු
    කිරා කුමට දුගියෙකු අඹු ගතොත් රජු
    සොරා කතත් කපුටාටම දෙමු කේජු

    • 🤣🤣🤣🤣😆 says:

      කජ්ජක් කන්ට අනේ කුමටද යකාට දත
      රන් බිජුව ගිල්ලට යකාට සුදියක්ද නැත
      අඹුව පැය ගානකට තියා රජ සැපය සිත
      බඩවැලක් නැති ගිජු කපුට කෑගසති පුත

      • ගිජුලිහිණි සංදේශය says:

        හානා හීයකුත් අඬහැරයකුත් නැති
        වීණා වයන සිල්පය පිහිටලා නැති
        නෝනා පොල්ල දමලා තව වැඩක් නැති
        නානා ගිහින් කවපන් ඌරෙකුව කිති

  6. 3% ට බය බයියා. says:

    දැන් ජනතාවට වෙනස ෂැපායි …….ඔබට සතුටුයි ද දැන්..

  7. LalithM says:

    මහජනයාට කිසිම පලක් නැති චීන වාණිජ ණය මගින් කොමිස් ගසාකමින් මහා ඉදිකිරීම් මොවුන්ගේ සංවර්ධනය වෙනුවෙන් යොදා ගැනීමේ විනාශයට අද රටම බිලි වෙලා. මුන් කල විනාශයට අපිත් වගකියන්න ඕනේ.

  8. harsha says:

    හිතෙන හිතෙන තැන්වලින් අන්තර් හුවමාරු දාපුවාම අධිවේගී මාර්ගයේ ප්‍රමිතිය නැති වෙනවා.

  9. Ganganath says:

    Meke results enne September wenakota…

Main News