කොරෝනා බියෙන් ලෝකයම තේ බොයි.. ශ‍්‍රී ලංකා තේවලට අධි ඉල්ලුමක්.. වෙන්දේසියේ කිලෝව රුපියල් 700යි..

April 9, 2020 at 2:10 pm | lanka C news
කොරෝනා බියෙන් ලෝකයම තේ බොයි.. ශ‍්‍රී ලංකා තේවලට අධි ඉල්ලුමක්.. වෙන්දේසියේ කිලෝව රුපියල් 700යි..

කොවිඩ් 19 වෛරසය පැතිර යාමේ අවධානමත් සමග සති කිහිපයකට පසු කොළඹ දි (08) දින පැවැත් වු තේ වෙන්දේසියේදි උඩරට සහ පහතරට නිෂ්පාදන තේ කිලෝවක් සදහා වාර්තාගත මිලක් ලැබි ඇති බව වතු අධිකාරිවරුන් කියා සිටියි.

උඩරට සහ පහතරට තේ කිලෝවක් සදහා පැවති තේ වෙන්දේසියේදි රු 700/= මිලක් ලැබුණු බවත් අවසන් වරට පැවති තේ වෙන්දේසියේ ලැබුණු තේ කිලෝවක් සදහා ලැබුණු මිලට වඩා මිලට වඩා රු සියයක් වැඩි වි ඇති බව වතු අධිකාරිවරුන් කියා සිටියි.

මධ්‍යම කදුකරයට පුරා මාස හතරක් තිස්සේ පවතින දැඩි වියළි කාලගුණයත් සමග තේ ඵලදාව අඩු වි තේ නිෂ්පාදනය 40% කින් පහත වැටි ඇති බවත්, තේ කර්මාන්තය කඩා වැටිමේ අවධානමක පැවති සමයේ උඩරට සහ පහතරට තේ කිලෝවක් සදහා  රු හත්සියක මුදලක් වෙන්දේසියේදි මිල ඉහල යාම තේ කර්මාන්තයේ අනාගතය පිලිබදව තවදුරටත් විශ්වාසය තබා ගත හැකි බව වතු අධිකාරිවරුන් කියා සිටියේය.

කොවිඩ් 19 වෛරසය පැතිර යාමේ අවධානමත් සමග ලෝක වෙලදපොලේ ශ්‍රි ලංකාවේ තේ සදහා ඉහල ඉල්ලුමක් පවතින බවත්, මේ දිනවල විදේශිකයන් තේ පානය වැඩි වශයෙන් සිදු කරන බව වතු අධිකාරිවරුන් කියයි.

ශ්‍රි ලංකාවේ තේ සදහා ලෝක වෙලදපොලේ දැනට පවතින ඉල්ලුම එලෙසම තව මාස කිහිපයක් පැවතිය හොත් රුපියලේ අගය කඩා වැටිම තරමක් දුර පාලනය කර ගත හැකි බවත්, පවත්නා තත්ත්වය මත තේ කර්මාන්තයේ අනාගතයද යහපත් වන බව වතු අධිකාරිවරුන් වැඩි දුරටත් කියයි.

– හැටන් රංජිත් රාජපක්ෂ

500 views

27 Comments to “කොරෝනා බියෙන් ලෝකයම තේ බොයි.. ශ‍්‍රී ලංකා තේවලට අධි ඉල්ලුමක්.. වෙන්දේසියේ කිලෝව රුපියල් 700යි..”

  1. Bandq says:

    මොලේ තියෙන රාජ්‍ය නායකයන් ඉන්න රටවලට හැදෙන්න හොඳම වෙලාවක්

  2. Sadda says:

    බුදු සරනින්, දෙවී පිහිටෙන් අප රටට ශන්තියක්ම වේවා !.

  3. sena says:

    ඔන්න අපි සුද්දාට බැන්නට සුද්දා අපිට ඉතුරුකරලා ගිය තේ වගාව අද අප රටේ මුලික අදායම බවට පත්වේලා තියෙනවා Ceylon Tea කිව්වහාම තමයි හුගක් රටවල් අපව හදුන්නන්නෙ

    • nimalsiri says:

      neheban sena,wenath vidihakinuth ape rata meeta wadaa prasiddhwunaa 1983 avurudda indala.demala janayaawa amu amuwen maraapu eken.

  4. rasi says:

    රුපියල් හත්සීයක් කියන්නේ ඩොලර් තුනයි පනහකට නේද ?? සාමාන්‍ය තේ ග්‍රෑම් දෙසිය පනහක පැකට් එකකුත් ඩොලර් පහක් විතර වෙනවනේ???

  5. Love nature says:

    තේ යනු ලොව ජනප්‍රියම පානයකි. එයට හේතුව වන්නේ එහි ඖෂධීය වටිනාකමකින් යුත් සංඝටක වැඩි ප්‍රමාණයක් අන්තර්ගත වීමයි.
    තේ වල වැඩි වශයෙන් පවතින ඖෂධීය සංඝටක වන්නේ පොලිෆිනෝල හා කැෆේන්ය. කැෆේන් උත්තේජයක් ලෙස ක්‍රියාකරනු ලබන අතර එමගින් මධ්‍ය ස්නායු පද්ධතිය උත්තේජනය කොට සිරුරට වඩාත් ප්‍රබෝධමත් බවක් ලබාදේ .
    තේ වල පවතින පොලිෆිනෝල වලට ප්‍රතිඔක්සිකාරයක් ලෙස ක්‍රියාකිරිමට හැකියාව ඇත. එම නිසා බොහෝ ලෙඩ රෝග සැදිමේ හැකියාව අවම කරනු ලැබේ. නුතන පර්යේෂණ වලට අනුව තේ යනු පොලිෆිනෝල බහුලව පවතින පානය ‍ලෙස හදුන්වා දී ඇත .
    තේ වල පොටැසියම් මුලදුව්‍ය බහුලව පැවතුනද සෝඩියම් පවත්නුයේ ඉතා අල්ප ප්‍රමාණයකි .එම නිසා ආහාරයේ කැලරි ප්‍රමාණය පාලනය කල යුතු අයට තේ ඉතා යෝග්‍ය පානනයකි .එමෙන්ම තේ වල ෆ්ලෝරයිඩ් සැලකිය යුතු ‍ ප්‍රමාණයක් පවතින හෙයින් දත් දිරා යාම වලක්වා මුඛ ‍සෞඛ්‍ය මනා ලෙස පවත්වා‍ ගෙන යාමට දායක වේ .
    ෆොලීෆිනෝල වලට ශරිරය තුල නිපදවෙන විෂ සහිත මුක්ත ඛන්ඩ වල බලපැම අවම කිරිමේ හැකියාවක් ඇත. එමගින් පිලිකා වැනි බරපතල රෝගි තත්ව ඇතිවිම වලක්වාලනු ලැබේ. හෘර්ද රෝග සැදිමට ප්‍රධාන වශයෙන් හේතුවන ලිපිඩ හා මුක්ත ඛණ්ඩ තේ වල පවතින ප්‍රතිඹක්සිකාරක මගින් අවම තත්වයක පවත්වාගනු ලැබේ. එම නිසා හාර්ද රෝග වැලදිම අවම ‍කෙරේ .එසේම ලිපිඩ ඔක්සිකරණය වීම අවම කොට ශරිරයේ කොලෙස්ටරෝල් ප්‍රමාණය නියමිත මට්ටමක පවත්වා ගැනිමට හැකියාවක් පවති

Main News