කොරෝනා මහා රැල්ලකට රජය සූදානම් වේ.. ඔක්සිජන් රැස් කරයි.. ICU වැඩි කරයි.. ගත් දැඩි තීන්දු මෙන්න…..

April 21, 2021 at 10:02 pm | lanka C news
කොරෝනා මහා රැල්ලකට රජය සූදානම් වේ.. ඔක්සිජන් රැස් කරයි.. ICU වැඩි කරයි.. ගත් දැඩි තීන්දු මෙන්න…..

පසුගිය දිනවල ජනතාව හැසිරුණු ආකාරය හේතුවෙන් රටතුළ නැවත වරක් කොරෝනා වෛරසය පැතිරයාමේ අවධානමක් ඇතිවී තිබෙන බැවින් එය පාලනය කිරීම සදහා ජනාධිපතිතුමාගේ උපදෙස් පරිදි කොවිඩ් මර්දනය සඳහා ක්‍රියාමාර්ග හා දැඩි තීන්දු තීරණ ගැනීමට විශේෂ ක්‍රියාකාරී කාර්යසාධන සමාලෝචන කමිටුව (21) සෞඛ්‍ය අමාත්‍ය පවිත්‍රා වන්නිආරච්චි මහත්මියගේ ප්‍රධානත්වයෙන් සෞඛ්‍ය අමාත්‍යාංශ ශ්‍රවනාගාරයේ දී රැස්විය.

මෙම විශේෂ කාර්යසාධන සමාලෝචන කමිටුව වෛද්‍ය පරිපාලකයන්, පරිපාලන සේවයේ නිළධාරීන් හා විශේෂඥ වෛද්‍යවරුන්, මහාචාර්යවරුන් නියෝජනය කරයි.

මෙහිදී,
• දැඩි සත්කාර ඒකක වල ඇදන් ධාරිතාවය වැඩි කිරීම, කොවිඩ් රෝගීන්ට අවශ්‍ය (high floor) හයි ෆ්ලෝ ඔක්සිජන් ලබා දීම.
• දත්ත රැස් කිරීමේ ක්‍රමවේදය ශක්තිමත් කිරීම හා වෛද්‍යවරුන්, හෙදියන් ඇතුළු සෞඛ්‍ය කාර්යය මණ්ඩල සඳහා අවශ්‍ය පුද්ගල ආරක්ෂිත ඇදුම් වැඩිපුර ලබා දීම.
• කොවිඩ් ආසාදිත බවට තහවුරු වූ රෝගීන්ගේ රෝගී තත්ත්වයන් අනුව වෙන් වෙන් වශයෙන් ඔවුන් සුදුසු රෝහල් වෙත යොමු කිරීමට සැළසුම් සකස් කිරීම.
• ඉදිරියේ දී කොවිඩ් රෝගීන්ට ප්‍රතිකාර කිරිමට ප්‍රාදේශීය හා දිස්ත්‍රික් මට්ටමින් තව තවත් රෝහල් හදුනා ගැනීම සහ ඒවාට අවශ්‍ය වෛද්‍ය පහසුකම් සැපයීම.
• කොවිඩ් රෝගීන් සදහා ප්‍රතිකාර සේවාවන් පවත්වාගෙන යන අතර තුර දෛනිකව අනෙකුත් රෝග සදහා ද රෝහල්ගත වන රෝගීන්ට ලබාදෙනු ලබන බාහිර හා නේවාසික ප්‍රතිකාර සේවාවන් සහ ශල්‍යකර්ම ශක්තිමත්ව පවත්වාගෙන යාම.
• PCR පරීක්ෂණ සංඛ්‍යාව අවම වශයෙන් දිනකට 15,000 ක් දක්වා වැඩි කිරීම.
• නිරෝධායනය නීති සැමට දැඩි ලෙස ක්‍රියාත්මක කිරීම, නිරෝධායන නීති කඩකරන්නන්ට දැඩි ලෙස නීතිය ක්‍රියාත්මක කර දඩුවම් ලබා දීම.
• විදේශයන්හි සිට පැමිණෙන අය සඳහා විශේෂිත නිරෝධායන නීති සකස් කිරීම.
යන කරුණු පිළිබඳව මෙම සාකච්චාවේදී තීරණ රැසක් ගන්නා ලදී.

මෙම අවස්ථාවට රාජ්‍ය අමාත්‍ය සුදර්ශනී ප්‍රනාන්දුපුල්ලේ මහත්මිය, සෞඛ්‍ය ලේකම් මේජර් ජනරාල් සංජීව මුණසිංහ මහතා, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා, අතිරේක ලේකම්වරුන් සහ නියෝජ්‍ය අධ්‍යක්ෂ ජනරාල්වරුන්, විශේෂඥ වෛද්‍යවරුන් ඇතුලු නිලධාරීන් පිරිසක් සහභාගි විය.

මාධ්‍ය ලේකම්
සෞඛ්‍ය අමාත්‍යංශය

85,999 views

36 Comments to “කොරෝනා මහා රැල්ලකට රජය සූදානම් වේ.. ඔක්සිජන් රැස් කරයි.. ICU වැඩි කරයි.. ගත් දැඩි තීන්දු මෙන්න…..”

  1. කුඹුක්කණ් says:

    ඔය බටහිර ඇලොපති උද්දච්ච වෛද්‍ය නිරිදේශ ක්‍රියාත්මක කලා කියලා , කොරෝනා මැඩෙනවද?
    ICU ඇදේ දැම්මම කොරෝනා හොඳ වෙනවද බූරුවනේ

    වැක්සින් ගගහා මිනිස්සු මැරුවා, ඔය කවි ලිව්ව, ඇල්පති සේල්ස් රෙප් ලා වගකිව්වද?

    දැන්වත් දේශීය , ආයුර්වේද වෛද්‍යවරුන්ට මේකට ප්‍රතිකාර කරන්න දීපල්ලා , කුහක බටහිර ගැති ඇලොපති උද්දච්ච වෛද්‍ය සේල්ස් රෙප්ලට ඕන විදියට බටහිර ඖෂධ සමාගම් වල අතකොලු වෙන්නෙ නැතුව

    • SKF says:

      ජහපාලු හොර නඩේ මෙහෙම එන්නත උඩ දාගෙන මඟුල් නැටුවනම් හිත හදාගන්න තිබ්බ උන්ගෙ හැටිනෙ කියල. ඒත් දේශප්‍රේමී ජනතාවගෙ ඡන්දෙන් පත්වුනු දේශප්‍රේමී ආණ්ඩුව බටහිරට කත් අදිනකොට තමයි අපේ ගොන්කම් තේරෙන්න ගන්නෙ.

    • opps says:

      අර වැක්සින් එකට රෙදි නැතිව කඩෙි ගිය ගොංවස්සත් වගකියන්න ඔනේ අසරන මිනිස්සු එන්නත් නිසා මැරැන එකට

  2. SL says:

    ප්‍රතිශක්ති කරණය වැඩපිළිවෙල කාලදාපු උන් ට හොඳයි දැන්.

  3. weerasinghe says:

    උද්ගෝසන, කලකෝලහල ජන එක්‍රැස්වීම් එවුව මෙව්ව බෑ දැන්. කොටින්ම ජනතාව කුපිත වෙන්න පීස්බුක් එකෙ පොස්ටුත් තහනම් කරන්න ඕනෙ

  4. සෙරෙප්පු සුප් says:

    ඔක්‍ෂිජන් කන්නද?ගස් කැපුවට ඔක්‍ෂිජන් අඩු වෙන්නෙ නැහැ.ඒ ගා ගලවල වෙන තැනකින් ඉටෙව්වාම ඔක්‍ෂිජන් ප්‍රශ්ණෙ ඉවරයි.

Main News