කොළඹට බෝම්බ රියක් ඇතුළු වූ බවට ඔත්තුව දුන් හමුදා සෙබලා අත්අඩංගුවට..

May 9, 2019 at 10:40 am | lanka C news
කොළඹට බෝම්බ රියක් ඇතුළු වූ බවට ඔත්තුව දුන් හමුදා සෙබලා අත්අඩංගුවට..

කොළඹ නගරයට බෝම්බ සවිකරන ලද මෝටර් රථයක් ඇතුළු වී ඇතැයි පොලිසියට ව්‍යාජ තොරතුර දුන් බව කියන ගුවන් හමුදා භටයකු අත්අඩංගුවට ගත් ගෙන තිබේ.

මෙම ගුවන් හමුදා භටයා අත්අඩංගුවට ගෙන ඇත්තේ කොටුව පොලිසිය විසිනි.

සැකකරු ව්‍යාජ තොරතුරු ලබා දී ඇත්තේ වාහන කුලියට දෙන ආයතනයකට දී තිබූ තම මෝටර් රථය පිළිබඳව බවද පොලිස් නිලධාරියෙක් කීය.

අදාල වාහනය ලබාගත් පුද්ගලයා සැකකරුට මාස දෙකකින් වාරික මුදල් ගෙවා නොමැති වීම නිසා මෙම ව්‍යාජ තොරතුරු පොලිසියට ලබාදී ඇති බවද සඳහන්ය.

මෙම තොරතුරු ලැබීමත් සමග පොලීසිය වාහනය සම්බන්ධයෙන් රටපුරා පොලිස් ස්ථාන දැනුවත් කර ලද අතර පිටකොටුවේ රථගාලක නවතා තිබී මෝටර් රථය පොලිස් භාරයට ගන්නා ලදී.

ඒ සමග අත්අඩංගුවට ගත් පුද්ගලයා ගෙන් ප්‍රශ්න කිරීමේදී හෙළිව ඇත්තේ රථය ගුවන් හමුදා භටයකුට අයත් එකක් බවත් වාරික මුදල් නොගෙවීම නිසා තමන් සමග උරණ වූ බවත්ය.

එම තොරතුරු මත ගුවන් හමුදා භටයා අත්අඩංගුවට ගෙන ප්‍රශ්න කිරීමේදී මෙම තොරතුරු පිළිගෙන ඇති අතර තමන් ලබාදුන් ඔත්තුව අසත්‍ය බවටත් සඳහන් කර තිබේ.

173 views
Main News