කොළඹ කොරෝනා සීඝ‍්‍ර ව්‍යාප්තියක්..- බැසිල්ගේ ප‍්‍රධානත්වයෙන් පැවති හමුවක සාකච්චා..

October 28, 2020 at 6:20 am | lanka C news
කොළඹ කොරෝනා සීඝ‍්‍ර ව්‍යාප්තියක්..- බැසිල්ගේ ප‍්‍රධානත්වයෙන් පැවති හමුවක සාකච්චා..

කොවිඩ් 19 වෛරසය නැවත හිස ඔසවා ඇති මෙම අවස්ථාවේදී පසුගිය අවස්ථාවේ මෙන්ම අත්‍යාවශ්‍ය සේවා කාර්යක්ෂමව, විධිමත්ව සහ අඛණ්ඩව පවත්වාගෙන යා යුතු බව ආර්ථික පුනර්ජීවන හා දරිද්‍රතාවය තුරන් කිරීම සඳහා වන ජනාධිපති කාර්යසාධක බලකායේ සභාපති බැසිල් රාජපක්ෂ මහතා (27) අරලියගහ මන්දිරයේදී පැවති සාකච්ඡාවට එක්වෙමින් සඳහන් කළේය.

බැරෑරුම් තත්ත්වයකදී වුවද විදුලිය, ජලය, ඉන්ධන, ගෑස්, ප්‍රවාහනය, සෞඛ්‍ය, මහාමාර්ග ඇතුළු ජනතාවට අත්‍යාවශ්‍ය සේවාවන් අඛණ්ඩව ලබාදීම සඳහා නිසි ක්‍රමවේදයක් සකස් කරන ලෙස බැසිල් රාජපක්ෂ මහතා මෙහිදී අත්‍යාවශ්‍ය සේවාවන්ට අදාළ රාජ්‍ය ආයතනවල නිලධාරින්ට උපදෙස් ලබාදුන්නේය.

ලෝකයේ ආර්ථිකය අතින් බලවත් රටවල්වලට පවා කොවිඩ් 19 වෛරසයට මුහුණදීමට නොහැකි තත්ත්වයක් උදාවී තිබියදී මෙම වෛරසය පාලනය කර ජනතාවගේ ආරක්ෂාව තහවුරු කිරීමටත්, ජනතාවගේ අත්‍යාවශ්‍ය සේවා කඩිනමින් ලබාදීමටත් රජයක් හැටියට පියවර ගෙන ඇති බවද ඔහු පැවසීය.

සමාජ මාධ්‍ය මඟින් සිදුකෙරෙන අසත්‍ය ප්‍රචාර සම්බන්ධයෙන්ද මෙහිදී සඳහන් කළ බැසිල් රාජපක්ෂ මහතා කියා සිටියේ ඇතැම් බලවත් රටවල ලක්ෂ ගණනින් ආසාදිතයින් හමුවන, දහස් ගණනින් මිය යන අවස්ථාවක මෙරට සෞඛ්‍ය අංශ, ආරක්ෂක හා පරිපාලන අංශ කොවිඩ් 19 වෛරසය පාලනය සඳහා සිදුකරන කාර්යභාරය රටක් වශයෙන් අගය කළ යුතු බවයි.

වෛරසය නිසා සිදුවිය හැකි ජීවිත විනාශය වළක්වන අතර අවදානමට ලක්විය හැකි වැඩිහිටි ජනතාව රැකගැනීම සඳහා සියළු පියවර ගන්නා ලෙසත් උපදෙස් දෙන ලදී. එබැවින් මහජන ආධාර, විශ්‍රාම වැටුප් ඔවුන්ගේ නිවෙස්වලටම ගෙනගොස් ලබාදීමට අවශ්‍ය පියවර ගන්නා ලෙස දිසාපතිවරුන්ට හා තැපැල්පතිට මෙම සාකච්ඡාවේ දී උපදෙස් ලබාදුන්නේය.

නිවෙස්වලම නිරෝධායනයට යොමුකරන පවුල් සඳහා සති දෙකකට සරිලන බඩුමල්ලක් ලබාදීම සම්බන්ධයෙන් මෙහිදී දීර්ඝ වශයෙන් සාකච්ඡා කෙරුණු අතර දිසාපතිවරුන්, මහජන සෞඛ්‍ය පරීක්ෂකවරුන්, ග්‍රාම නිලධාරීන් සහ ආරක්ෂක අංශවල සහයෝගය ලබා ගනිමින් එම කටයුත්ත ක්‍රමානුකූලව සිදු කරන ලෙස බැසිල් රාජපක්ෂ මහතා උපදෙස් ලබා දුන්නේය.

මෙම සාකච්ඡාව සඳහා විදුලිබල, ජල, ගෑස්, ප්‍රවාහන ඇතුළු අත්‍යාවශ්‍ය සේවාවන්ට අදාළ රාජ්‍ය ආයතනවල නිලධාරින් සහභාගී වූ අතර ජනතාව වෙත කාර්යක්ෂම සේවාවක් ලබාදීම සඳහා තම ආයතන සූදානම් බවත් සෞඛ්‍ය ආරක්ෂිතව සහ නිරෝධායන නීතී අනුව තම ආයතනවල සේවකයින් සේවය සඳහා ගෙන්වන බවත් ඔවුහු පෙන්වා දුන්හ.

ණය වාරික සඳහා සහන කාලයක් ලබාදීම සම්බන්ධයෙන්ද මෙම සාකච්ඡාවේ දී අවධානය යොමු වූ අතර සතියක් පුරා සම්පූර්ණයෙන්ම වසාදැමුණු ප්‍රදේශ සඳහා රුපියල් 5000ක මුදල ලබාදීමට තීරණය කර ඇති බවද සඳහන් කෙරුණි.

කොළඹ නගරයේ කසළ කළමනාකරණය පෙර පරිදිම සෞඛ්‍ය ආරක්ෂිතව පවත්වාගෙන යන බව මෙම අවසථාවට සහභාගී වූ කොළඹ මහ නගර සභාවේ නාගරික කොමසාරිස්වරිය පැවසුවාය.

කොළඹ නගරය තුළ කොවිඩ් ශීඝ්‍රයෙන් ව්‍යාප්ත වන බැවින් එම තත්ත්වය පාලනය කිරීමට කොළඹට පැමිණෙන පිරිස පාලනය කිරීම සිදුකළ යුතු බවත් රාජ්‍ය පරිපාලන අමාත්‍යංශයට ඒ සම්බන්ධව යෝජනාවක් ඉදිරිපත් කර, ප්‍රාදේශීය මට්ටමෙන් රජයේ කාර්යාල පවත්වාගෙන යාමේ ක්‍රමවේදයක් සකස් කළ යුතු බව මෙහි දී සාකච්ඡාවට ගැනුණි.

තවද පුද්ගල දුරස්ථභාවය පවත්වා ගනිමින් සෞඛ්‍ය අංශවල උපදෙස් පරිදි මගී ප්‍රවාහනය සිදු කරන බව මාර්ගස්ථ මගී ප්‍රවාහන අධිකාරිය සහ දුම්රිය දෙපාර්තමේන්තුව විසින් පෙන්වා දුන් අතර ජනතාව කොළඹ නගරයට පැමිණීම පෙරට සාපේක්ෂව විශාල වශයෙන් අඩු වී ඇති බවත් උසස් පෙළ විභාගය පැවැත්වෙන බැවින් සිසුන්ගේ පහසුව සඳහා ගමන් වාර සීමිත කිරීම අවම වශයෙන් සිදු කර ඇති බවද ඔවුන් සඳහන් කළේය.

එමෙන්ම විභාග දෙපාර්තමේන්තුව සහ විවිධ ආයතන මඟින් පවත්වන විභාග මෙම අවස්ථාව සැලකිල්ලට ගෙන කල් දමන ලෙස බැසිල් රාජපක්ෂ මහතා අදාළ නිලධාරින්ට උපදෙස් දුන්නේය.

මෙම අවස්ථාවට සෞඛ්‍ය අමාත්‍ය පවිත්‍රා දේවී වන්නිආරච්චි මහත්මිය, මුදල් හා ප්‍රාග්ධන වෙළෙඳපොළ සහ රාජ්‍ය ව්‍යවසාය ප්‍රතිසංස්කරණ අමාත්‍ය අජිත් නිවාඩ් කබ්රාල් මහතා ඇතුළු අත්‍යාවශ්‍ය සේවාවන්ට අදාළ රාජ්‍ය ආයතනවල නිලධාරින් සහභාගී වූහ.

– විජයානන්ද හේරත්

100,341 views

11 Comments to “කොළඹ කොරෝනා සීඝ‍්‍ර ව්‍යාප්තියක්..- බැසිල්ගේ ප‍්‍රධානත්වයෙන් පැවති හමුවක සාකච්චා..”

  1. ASK says:

    “තවද පුද්ගල දුරස්ථභාවය පවත්වා ගනිමින් සෞඛ්‍ය අංශවල උපදෙස් පරිදි මගී ප්‍රවාහනය සිදු කරන බව මාර්ගස්ථ මගී ප්‍රවාහන අධිකාරිය සහ දුම්රිය දෙපාර්තමේන්තුව විසින් පෙන්වා දුන් අතර …..?” As observed last week, fully packed busses from Colombo, passed Kegalle towards Kadny and Matale. Very Pity.

  2. Rasika says:

    Please provide Ayurvedic medicine for all people. at least we can try something in this way. Otherwise, this will never and CORONA will destroy our economy.

  3. ASK says:

    “සති දෙකකට සරිලන බඩුමල්ලක්…..” Especially children and elderly sould not suffer from hunger. Then the government will be blessed!

  4. Kalana says:

    ස දැන් නැද්ද? දකින්නත් ආසයි

  5. අමන්ත ජීවත් says:

    පළවෙනි රැල්ල ආපු වෙලාවේ කරපු ඉතා විශිෂ්ට සේවය ජනතාවට හොඳට මතකයි. බඩ ගින්න කියන වචනේ පවා මිනිස්සු අමතක කරලා තිබ්බේ. ගෙදරටම බඩු මලු ආවා. මල්වානේ වත්තේ පොල් නිකන් බෙදුවා. පන්දාහ ගන්න කියලා හිතුවත් නැති වෙලාවක දහදාහක් ම අතටම ගෙනත් දුන්නා. අපිට හො ර පාරෙන් හරි ගල් බෝතලයක් ගන්න තිබ්බා. ඉතින් මෙහෙම කරපු මෙතුමා අද පාර්ලිමේන්තුවේ ඉන්න ඕන. අපේ කුහක මිනිස්සුන්ට මුල මතක නැහැ. අයියා සුනාමි සල්ලි හොරකම් කරා වගේ මෙතුමා කොරෝනා ආධාර යටිමඩි ගැහුව්වා කියලා අභූත චෝදනා කරනවා.

  6. මයික් පොම්පියෝ says:

    මයි බෝයි…. අයි…ලාව්…යෝ

  7. බකට් හැරී says:

    බැසිල් මැතිඳුනි, සෑම නිවසකටම , බාස්මතී කිලෝ 10 යි , පරිප්පු කිලෝ 3 යි , සැමන් ටින් 5 යි , සීනි කිලෝ 3 යි , තේකොල කිලෝ 1 යි , සියලුම තුනපහ ග්‍රෑම් 300 බැගින් , අර්තාපල් කිලෝ 2 යි , සුදු ලූණු , බී ලූණු , රතු ළුුනු කිලෝ 1 බැගින් , කරවල කිලෝ 2යි , ක්‍රාෆ්ට් චීස් ග්‍රෑම් 450 (2 යි ) , ක්‍රීම් ක්‍රැකර් ෆැමිලි පැක් දෙකයි , ලෙමන් පෆ් පවුලේ එක් අයෙකුට එක බැගින් , කටු සහ සම ඉවත් කල කුකුළු මස් කිලෝ දෙකයි , වියළි හාල්මැස්සන් කිලෝ දෙක බැගින් , වියළි කහ ග්‍රෑම් 500 බැගින් , වියළා පදම් කල එළුමස් හෝ ඌරුමස් කිලෝ 1 බැගින් ( එකවර්ගයක් පමණි ) , පොල්තෙල් ලීටර් දෙකයි , මුඛ ආවරණ පැකට් දෙකයි සහ පවුලේ සාමාජිකයන්ට එක් අයකුට බටර් කාල බැගින් ලබා දෙන්න

    • කාන්තාර පළඟැටියා says:

      😂😂 සේරම හරි අර බටර් කාල මොකටද බං? ගාගෙන නැවෙන්නද?

  8. කාන්තාර පළඟැටියා says:

    ඔන්න බලාපල්ලා මේ පාර බැසිල් උන්නැහැ දෙනවා රම්පෙට පොරි හැලෙන්න. හිඟන ජෙප්පන්ටයි , සජබ කෑදරයන්ටයි , යු ඇන් පී ගොබිලන්ටයි කාල ඉවර කරගන්න බැරි වෙන්න දෙන්නෙ සහනාධාර… බයියෝ ගාව වැඳ වැටෙයි උන් ඊට පස්සේ…

  9. thatta orwin says:

    den muta chest pain mukuth ne. malwana gena katha karapu gaman chest pain enawa.😂😂 😂😂 😂😂 😂😂

Main News