කොළඹ ගස් කඩා වැටෙන්නේ ඇයි..- ජනාධිපති කාර්යාලයෙන් පරීක්‍ෂණයක්..

October 2, 2020 at 4:40 pm | lanka C news
කොළඹ ගස් කඩා වැටෙන්නේ ඇයි..- ජනාධිපති කාර්යාලයෙන් පරීක්‍ෂණයක්..

කොළඹ නගරයේ විටින් විට විශේෂයෙන් වැසි සමයේ දී සිදුවන ගස් කඩා වැටීමට හේතු සොයා පිළියම් හඳුනා ගැනීමේ අධ්‍යයන සමීක්ෂණයක් ජනාධිපති කාර්යාල පරිසර ඒකකයේ මෙහෙයවීමෙන් පසුගියදා සිදු කෙරිණ. ඒ සඳහා ආනන්ද කුමාරස්වාමි මාවත, ග්‍රෙගරි පාර සහ තුන්මුල්ල වැනි ගස් කඩා වැටීම් බහුලව සිදු වන ප්‍රදේශ පාදක කර ගන්නා ලදී.

ජ්‍යෙෂ්ඨ පොලිස් අධිකාරි රොෂාන් රාජපක්ෂ මහතා ජනාධිපති කාර්යාලයීය විශේෂ පැවරුම් හා පරිසර අධ්‍යක්ෂ ධූරයට පත්වීමෙන් අනතුරුව මේ වැඩසටහන ආරම්භ කරනු ලැබීය.
පේරාදෙණිය උද්භිද උද්‍යානයේ නියෝජ්‍ය අධ්‍යක්ෂ ආචාර්ය අචලා අත්තනායක, වනෝද්‍යාන අංශ භාර නිලධාරී සුනිල් ගමගේ, වනෝද්‍යාන අංශ භාර කොළඹ මහ නගර සභාවේ සහකාර නිලධාරී පසන් තරිදු වික්‍රමසිංහ සහ නගර අලංකරණ නියෝජ්‍ය අධ්‍යක්ෂ තරංගා මුණිවීර යන මහත්ම මහත්මීහු අධ්‍යයන සමීක්ෂණයට සහභාගී වූහ. ජනාධිපති කාර්යාලයීය විශේෂ පැවරුම් හා පරිසර ඒකක නිලධාරීන්ගේ සහය ඔවුනට ලැබිණ.

පසුගිය දින කිහිපය තුළ කොළඹ නගරයේ විශාල ගස් 27ක් ඉදිරි ඇඳ වැටිණ. ගසේ මුල් දිරාපත් වීම, ආයු කාලය ක්ෂය වීම, පරපෝෂණය හා ශාක කඳන් මත පාසි බැඳීමෙන් ඒවායේ බර වැඩිවීම වැනි සාධක ඊට හේතුවන බව අධ්‍යයනයෙන් අනාවරණය විය.

අධ්‍යයනයෙන් හෙළි වූ තොරතුරු තවදුරටත් විමර්ශණය කොට අවශ්‍ය පිළියම් කරමින් ගස් ආරක්ෂා කර ගන්නා අතර, මහජනතාවගේ හා දේපළවල සුරක්ෂිතතාව සහතික වන අයුරින් ඉදිරි ක්‍රියාමාර්ග ගැනීමට සැලසුම් කෙරේ.

කොළඹ විහාර මහා දේවි උද්‍යානයේ රැස් කර තිබූ කඩා වැටුණු ගස් සහ අතු ආරක්ෂිතව ඉවත් කිරීම ද අධ්‍යයන සමීක්ෂණයට සමගාමීව සිදු විය.

– ජනාධිපති මාධ්‍ය අංශය

37,161 views

4 Comments to “කොළඹ ගස් කඩා වැටෙන්නේ ඇයි..- ජනාධිපති කාර්යාලයෙන් පරීක්‍ෂණයක්..”

  1. Buuwa says:

    A complete over kill. We don’t need to know everything that happens at Presidential Secretariat.

  2. සඳුන් says:

    මෙතරම් කල් එසේ නොවී දැන් ගස් කඩා වැටීම සජියගේ සහ ජෙප්පන්ගේ කුමන්ත්රණයක් විය යුත්මයි. නැතිනම් උකුස්සන්ගේ වැඩක්. මේ ගැන ස’ වහාම පරීක්ෂණයක් කල යුතුයි. ජාත්‍යන්තර කුමන්ත්‍රණයක් තිබිය හැකියි.

  3. රසික says:

    දැන් මේ රජය ගැන විශේශ ප්‍රසාදයක් නැත . වනාන්තර කපන එක බලන්නේ නැහැ . බොරු සෝබන .

  4. Opa-dupa says:

    අද එක්තරා පත්තරයක තිබුන නාගරික කොමසාරිස් වරිය ඉන්නෙ මාසෙකට රුපියල් ලක්ශ 4 හමාරක ගෙදරක කියලා . ඉතින් ගස් කඩන් වැටෙන්නෙ නැතුව තියේවි ද?

Main News