කොළඹ නගර සභාව කුණු බිස්නස් එකක් කරගෙන.. මේක ත්‍රස්තවාදී වැඩක්.. නීතී විරෝධී වැඩක්..- විගණකාධිපති අති විශිෂ්ඨ විග‍්‍රහයක..

April 19, 2017 at 12:18 am | lanka C news
කොළඹ නගර සභාව කුණු බිස්නස් එකක් කරගෙන.. මේක ත්‍රස්තවාදී වැඩක්.. නීතී විරෝධී වැඩක්..- විගණකාධිපති අති විශිෂ්ඨ විග‍්‍රහයක..

‘මීතොටමුල්ල කුණු කන්ද තියෙනකම් විගණකාධිපතිගෙන් ක්ලීන් රිපෝට් එකක් නම් බලාපොරොත්තු වෙන්න එපා, මම එහෙම හොඳ වාර්තාවක් දෙන්නේ නැහ’ යයි මීතොටමුල්ල කුණු කන්ද සම්බන්ධයෙන් කොළඹ නගර සභාවේ බලධාරීන් වෙත පසුගිය පෙබරවාරියේදී කොළඹ නගරාධිපති නිල නිවසේ පැවති වැඩමුලුවේදි දැන්වු බව රජයේ විගණකාධිපති ගාමිණී විජේසිංහ මහතා ප්‍රකාශ කොට ඇත.

පසුගිය පෙබරවාරියේදී කොළඹ නගර සභාවේ කුණු කසල බැහර කිරීමේදි අනුගමනය කරන පිලිවෙත පිලිබඳව රජයේ විගණකාධිපතිවරයා විසින් නගර සභාවේ බලධාරීන් දැනුවත් කලත් එය නොසලකා හැරීම මීතොටමුල්ල ඛේදවාචකයකයට හේතුවක් බව හෙතෙම පෙන්වා දෙයි.

ඔහු තවදුරටත් ලංකාදීප පුවත්පත කල විමසුමට පිලිතුරු වශයෙන් පවසා ඇත්තේ කොළඹ නගර සභාව කුණු බිස්නස් එකක් කරගෙන ඇති බවත්, ජනතාව කුණු එලියට දාන ප්‍රමාණය වැලැක්වීමට පියවර නොගෙන ඒ ප්‍රමාණය වැඩි වෙනවා දකින්නට සතුටු වෙන බවත් දිනකට ටොන් දෙක තුනක් වැඩිවීම කුණු අදින කොන්ත්‍රාත්කරුවන්ට මහා සම්පතක් බවත්. තමන්ට පාලනය කල ගත හැකි මෙන්ම ගෙවත්තේ විනාශ කරගත හැකි අපද්‍රව්‍ය සම්බන්ධව ජනතාව දැනුවත් කිරීමේ පියවර ගැනීමෙන් කොළඹ කුණු ප්‍රමාණයේ අඩුවක් කර ගත හැකි බවයි.

එහෙම වැඩපිළිවෙළක් ක්‍රියාත්මක කරන අතර කොළඹ කුණු සියල්ලම මීතොටමුල්ලට හෝ වෙනත් කොහේ හරි තැනකට දාලා අපේ වැඩේ හරි කියලා අත පිය දාගන්න කොළඹ නගර සභාවට බැරි බවත් අපේ කුණු අල්ලපු වත්තට දාලා සතුටු වෙන්න පුලුවන් ද?

මේකත් ඒ වගේ වැඩක්, අපි කුණු දැම්මොත් අපිට දඩ ගහනවා, නමුත් නගර සභාව කුණු ටොන් ගනන් ගෙනිහින් වෙනත් තැනක දානවා. මේක ත්‍රස්තවාදී වැඩක්, නීතී විරෝධී වැඩක්, රාජ්‍ය ආයතනයක් නොකළ යුතු වැඩක්. බවත් එබැවින් පසුගිය දා නගර සභාවේ බලධාරීන්ට පැවසු පරිදි මීතොටමුල්ල කුණු කන්ද තියෙනකම් විගණකාධිපතිගෙන් ක්ලීන් රිපෝට් එකක් නම් බලාපොරොත්තු වෙන්න එපා, මම එහෙම හොඳ වාර්තාවක් දෙන්නේ නැහ යයි විගණකාධිපති ගාමිණී විජේසිංහ මහතා ප්‍රකාශ කල බව එම පුවතේ සඳහන් වේ.

109 views
Main News