කොළඹ වරායේ යලිත් විරෝධතා.. අද සිට කළු සතියක් ප‍්‍රකාශ කරයි..

July 22, 2020 at 8:40 am | lanka C news
කොළඹ වරායේ යලිත් විරෝධතා.. අද සිට කළු සතියක් ප‍්‍රකාශ කරයි..

අද සිට නැවතත් වැඩවර්ජනයක් ආරම්භ කරන බව ශ්‍රී ලංකා වරාය අධිකාරිය වෘතීය සමිති සඳහන් කරයි.

කොළඹ වරායේ නැගෙනහිර පර්යන්තය මෙහෙයුම් කටයුතු වරාය අධිකාරිය විසින් ආරම්භ කරන්නැයි බලකරමින් එම විරෝධතා පවත්වන බව වරාය ස්වාධීන වරාය සේවා වෘත්තීය සමිති සභාපති ලාල් බෙංගමුවගේ මහතා පැවසීය.

ඒ අනුව අද දහවල් 12.00 සිට වරාය චෛත්‍ය ඉදිරියේ සිට මෙම විරෝධතා ආරම්භ කරන බවත් ඒ සඳහා වරාය වෘත්තීය සමිති 23ක් එක්වන බවත් ඔහු සඳහන් කළේය.

අද සිට වරායේ කළු සතියක් ප්‍රකාශයට පත් කිරීමට සූදානම් යයිද ඔහු තවදුරටත් කියා සිටියේය.

කොළඹ වරායේ නැගෙනහිර පර්යන්තය වරාය අධිකාරියේ පරිපාලනය පාලනය යටතේ මෙහෙයුම් ආරම්භ කරන බවට සහතික කරන තුරු අඛණ්ඩව මෙම විරෝධතා සිදුකරන බවත් ඔහු තවදුරටත් පැවසීය.

342 views
Main News