කොළඹ ස්විස් තානාපති සේවිකා ප‍්‍රශ්ණයට ස්විට්සරලන්ත ආණ්ඩුව මැදිහත් නොවිය යුතුයි..- ජනපති විදෙස් මාධ්‍යයට කියයි..

December 20, 2019 at 8:40 am | lanka C news
කොළඹ ස්විස් තානාපති සේවිකා ප‍්‍රශ්ණයට ස්විට්සරලන්ත ආණ්ඩුව මැදිහත් නොවිය යුතුයි..- ජනපති විදෙස් මාධ්‍යයට කියයි..

තමා ජනාධිපති ධූරයට පත් කළ ජනතාවගේ අපේක්ෂා උපරිමයෙන් සපුරාලන බව ජනාධිපති ගෝඨාභය රාජපක්ෂ මැතිතුමා කියා සිටී.

“මට ඡන්දය දුන් ජනතාවට ප්‍රධාන අරමුණු දෙකක් තිබුණා. ඉන් එකක් ජාතික ආරක්ෂාව තහවුරු කිරීම. දෙවැන්න කඩිනම් ආර්ථික සංවර්ධනයක් තුළින් යහපත් සමාජයක් ගොඩනැඟීම. මේ අරමුණු සාක්ෂාත් කර ගැනීම සඳහා ගතයුතු පියවර එකින් එක ගැනීම මගේ අපේක්ෂාවයි.” එතුමා ප්‍රකාශ කරයි.

ජනාධිපතිතුමා මේ අදහස් පළ කළේ (19) ජනාධිපති කාර්යාලයේ දී කොළඹ සිටින විදේශීය මාධ්‍යකරුවන් සමඟ හමුවකට සහභාගී වෙමිනි. ලොව මුල් පෙළේ විදේශීය මාධ්‍ය ආයතනවල දේශීය ප්‍රවෘත්ති ලේඛකයෝ  හමුවට එක්ව සිටියහ.

විදෙස් මාධ්‍ය වාර්තාකරුවනට පැමිණීම ගැන ස්තූතිය පුද කළ රාජපක්ෂ මැතිතුමා ඔවුන් මතු කළ සියලු ප්‍රශ්නවලට කරුණු සහිතව පිළිතුරු දුන්නේය.

කොළඹ ස්විස් තානාපති කාර්යාලයේ සේවිකාවක පැහැරගෙන ගිය බව කියන සිද්ධිය මුල් කොට ගෙන ප්‍රශ්න ගණනාවක් ජනාධිපතිතුමා වෙත යොමු කෙරිණ. සිද්ධියට සම්බන්ධ කාන්තාව තානාපති කාර්යාලයේ සේවිකාවක බැවින් ස්විස් තානාපතිවරයා ඇය වෙනුවෙන් පෙනී සිටීම වරදක් නොවන බව කී රාජපක්ෂ මැතිතුමා චෝදනා කර ඇති ආකාරයේ පැහැර ගැනීමක් කිසිසේත්ම සිදුවී නොමැති බව ප්‍රතික්ෂේප කළ නොහැකි තාක්ෂණික සාක්ෂිවලින් සනාථ වී ඇති බව පෙන්වා දුන්නේය. සිදුකළැයි කියන පැහැර ගැනීම ගොතන ලද්දක් බැවින් දෙරටේම ආණ්ඩු එයට මැදිහත් නොවී නෛතික ක්‍රියාමාර්ගයන්ට ඉඩ දිය බව ජනාධිපතිතුමාගේ අදහස විය.

බලයට පැමිණ මසක් ඇතුළත ආණ්ඩුවේ කාර්ය සාධනය ගැන කළ විමසීමට පිළිතුරු දුන් ජනාධිපතිතුමා ජනතාව හමුවේ තැබු ප්‍රතිපත්ති ප්‍රකාශනයේ ඇතුළත් වැඩපිළිවෙල ප්‍රමුඛතා පදනමකින් ක්‍රියාත්මක කරමින් සිටින බව සඳහන් කළේය. “සංකීර්ණ බදු ව්‍යුහය වඩා සරල, වඩා තේරුම්ගතහැකි එකක් බවට පත් කිරීම පළමු පියවරක්.  උපයන විට ගෙවිමේ බද්ද ඉවත් කිරීම වැනි සහන  ව්‍යාපාරික ප්‍රජාවට ශක්තියක්. මේ සහන ජනතාවට ද ගලා යාම සහතික කරනවා.” එතුමා පැහැදිළි කළේය.

රැකියා ලක්ෂයේ වැඩසටහන ගැන සඳහන් කළ ජනාධිපති රාජපක්ෂ මැතිතුමා දුප්පතුන්ගෙත් දුප්පතුන් අතරට ගැනෙන සෑම පවුලකම එක් සාමාජිකයකුට හෝ රැකියාවක් ලබාදීම අරමුණ බව කීය. සුදුස්සන් තෝරා ගැනීමේ දී නිපුණතාවක් හෝ සුවිශේෂි කුසලතාවක් නැති අයට ප්‍රමුඛත්වය ලැබේ. දිළිඳුකමින් පිඩිත පවුල්වලට ස්ථිර ආදායමක් සලසාදීම ප්‍රධාන පරමාර්ථය බව එතුමා පැවසීය.

හම්බන්තොට වරාය පිළිබඳව ඇසූ ප්‍රශ්නයකට ප්‍රතිචාර දක්වමින් ජනාධිපතිතුමා සඳහන් කළේ එක් රජයක් අත්සන් කළ වාණිජ ගිවිසුමක් ඊළඟ රජය විසින් අවලංගු කිරීම ප්‍රායෝගික නොවන බවයි. “සියලු වරාය ශ්‍රී ලංකා රාජ්‍ය සතු විය යුතු බව මගේ ආණ්ඩුවේ ස්ථාවරයයි. සියලු වරායවල රටේ පොදු නීතිය ක්‍රියාත්මක විය යුතුයි. වාණිජ පාර්ශ්වය එසේම තිබියදී රටේ ආරක්ෂාව තහවුරු කිරීම මූලික අවශ්‍යතාවක්.” ජනාධිපතිතුමා පෙන්වා දුන්නේය.

එක්සත් ජාතීන්ගේ මානව හිමිකම් කවුන්සලය ශ්‍රී ලංකාව අරබයා සම්මත කර ඇති යෝජනාව රටට අනර්ථකාරී බැවින් එය පිළිගැනීමට තම රජයට නොහැකි බව ජනාධිපතිතුමා සඳහන් කළේය.

තවත් ප්‍රශ්නයකට පිළිතුරු දෙමින් 19 වැනි ආණ්ඩුක්‍රම ව්‍යවස්ථා සංශෝධනය බලවත් අත්වැරැද්දක් බවත්, රටේ ඉදිරි ගමනට විශාල බාධාවක් බවත් එතුමා කීය. මාර්තු 03 වනදාට පසු පාර්ලිමේන්තුව විසුරුවා හැර මහ මැතිවරණයකට යන බව ද ජනාධිපතිතුමා සඳහන් කළේය.

ජනාධිපති ලේකම් ආචාර්ය පී.බී. ජයසුන්දර මහතා ද හමුවට එක්ව සිටියේය.

මොහාන් කරුණාරත්න
නියෝජ්‍ය අධ්‍යක්ෂ
ජනාධිපති මාධ්‍ය අංශය

151 views

10 Comments to “කොළඹ ස්විස් තානාපති සේවිකා ප‍්‍රශ්ණයට ස්විට්සරලන්ත ආණ්ඩුව මැදිහත් නොවිය යුතුයි..- ජනපති විදෙස් මාධ්‍යයට කියයි..”

  1. KDN says:

    You are blessed by the grace of Thisarana

  2. Dilshan says:

    Great Men talk straight.

  3. Sugathapala says:

    By getting involved in this essentially a domestic mater of sovereign Sri Lanka them Swiss not only proved themselves America’s vassals but are also the dumbest diplomats in the world. Looks like this bitch Gania is Swiss ambassadors local ride. Could be the reason he’s keeping her phone with him afraid his secret affairs with local prostitutes will get exposed.

  4. Raterala says:

    අපේ රටෙි නායකයා ලෙස අප ප්‍රාර්ථනා කලේ මෙවන් සෟජු මිනිසෙකි.

  5. lanka says:

    Finally we got a leader with a backbone. This is the we way u should address foreign media. It will give more understanding towards this government. Also it will help to boost image of Sri Lanka too. Thank u sir.

  6. අංකූරා says:

    ජය ධරණී !!!.

  7. Karu says:

    මිනිස්සු ඔබට අසීමිතව ආදරය කරති. හේතුව අවංක බව හා තීරණ ගැණීමේ ඇති ස්ථීරසාර බවය.රටේ අඩු සුදුසුකම් සහිත කොටස ආර්.පේමදාස මහතාගෙන් පසු අමතක කර දමා ඇත.ජාතියේම දූදරුවන් වන ඒ අයට මෙසේ විශේෂ අවධානයක් දැක්වීම වටිනා අදහසකි.රජයකින් නොවේ නම් ඒ අයට කාගේ පිහිටද?

    • Norata Eka says:

      ප්‍රේමදාස කලේ කිසිදු සුදුසුකමක් නැති අයට, ජනසවිය එකම සුදුසුකම ලෙස සලකා ගුරු පත්වීම් දීමයි, එය විශාල වරදක්, නමුත් මෙහි රැකියා දෙන්නේ සුදුසුකම් නැති අයට, සුදුසුකම් අවශ්‍ය නොවන රැකියා දීමයි, එය ඉතා හොඳ දෙයක් …

      • Karu says:

        එහෙම ප්‍රශනත් නොතිබුණා නෙවෙයි. ඒත් ගමේ ගොඩේ සාමාන්‍ය පෙළ පමණක් උගත් විශේෂ ධනයක් නැති ගැහැණු ළමයි ලක්ෂ ගානක්, ඉඩ කඩමක් රැකියාවක් නැති තරුණයන් අපේක්ෂා භංගව සිටියා. ඒ මහතා කරගෙන ගිය ඇඟළුම් කර්මාන්තය නිසා මේ ළමයින්ට යහපතක් වුණා.රජයට සම්බන්ධ ආයතනයක කළුතර හා රත්නපුර දිස්ත්‍රික්කව භාරව සිටින විට මා මේ ගැන ගොඩාක් කරුණු දැන ගත්තා.අපේ ගංගොඩේ ළමයි හොඳ පඩියක් ගත්තා. ආවාහ විවාහ සම්පූර්ණ කර ගත්තා.පේමදාස මහතා ගේ වුව හොඳ දේ අප අගය කළ යුතුයි.ඒත් මෙතන එක ගැටළුවක් තියනවා. රැකියා උද්පාදනය වෙන්න පේමදාස මහතාගේ ගමට ගිය කර්මාන්ත සංකල්පය වගෙ පදනමක් නම් පේන්න නැහැ. එවිට ආදායම ඉපදීමක් නැතිව රැකියා දීම දීර්ඝ කාලීනව ගැටළු ගොඩක් ඇති කරවනවා. ස්තූතියි අදහසට.

  8. රටවැසි says:

    ඔබ අපට , රටට , මුලු ආසියාකරයට ම ආඩම්බරයක් ! මැති තුමනි .

Main News