කොළඹ 07 කාර් සේල් එක කුඩු කල SSP දුවට පොලීසියේදී පහර දෙයි..

November 22, 2020 at 10:00 am | lanka C news
කොළඹ 07 කාර් සේල් එක කුඩු කල SSP දුවට පොලීසියේදී පහර දෙයි..

රිය අනතුරුවලින් දිනකට ලංකාවේ පහක් දහයක් මිය යති. තුවාල ලබන ගණන බොහෝමය. එහෙත් එම අනතුරුවලට වඩා මුළු රටම ගිය සතියේ කතා කළේ කිසිවකුටත් සීරීමක් නොවූ රිය අනතුරක් ගැනය. ඊට හේතු වූයේ රිය අනතුර කළ බවට චෝදනා එල්ල වූ තරුණියට රියැදුරු බලපත්‍ර නෙතිබීම නිසාම නොව ඇය ජ්‍යෙෂ්ඨ පොලිස් අධිකාරිවරයකුගේ දියණියක් වීමයි. එම අනතුරත් නුගේගොඩ ජ්‍යෙෂ්ඨ පොලිස් අධිකාරි ප්‍රදීප් රත්නායකගේ පැත්තෙන් බලන විට ඔහු මුහුණ දුන්නේ ගහෙන් වැටුණ මිනිහාට ගොනා ඇන්නා වගේ සිද්ධියකටය.

ඒ උපහැරණයේ මුල 2019 පෙබරවාරි 24 වැනිදාය. ඒකල ජ්‍යෙෂ්ඨ පොලිස් අධිකාරි ප්‍රදීප් රත්නායක රාජකාරි කළේ ජනාධිපති ආරක්ෂක අංශයේය. ඔහු ජනපති ආරක්ෂක අංශයේ එස්.එස්.පී. වරයෙක් බවට කරළියට ආවේ ඔහුගේ පුතා කළ රිය අනතුරක් නිසාය. උපන්දින සාදයකට ගිය පිරිස ඇරලන්නට ඩිෆෙන්ඩර් රියක් පදවාගෙන ගිය එස්.එස්.පීගේ පුතා බම්බලපිටියේ දී බොරැල්ල පොලිසියේ ට්‍රැෆික් ඕ.අයි.සී යට කරගෙන ගියේය. එම අනතුරින් ඕ.අයි.සී. මිය ගියේය. මේ අනතුර වන විට ඔහු සමග යමින් සිටියේ ප්‍රභූවරුන්ගේ දරුවන් පිරිසකි. මහින්දානන්ද අලුත්ගමගේගේ පුතා රනිෂ්ක අලුත්ගමගේ. තිලංග සුමතිපාල මන්ත්‍රීවරයාගේ සොයුරියගේ පුතා වූ සේසිත ගුණදාස. කැලණි රජමහා විහාරයේ බස්නායක නිලමේ ධම්මික අටිගලගේ පුත් කොළඹ නාගරික මන්ත්‍රී දුමින්ද ආටිගල ඇතුළු ප්‍රභූ දරුවෝ පිරිසක් මේ වාහනයේද පිටුපසින් පැමිණි වාහනයේද ගමන් කළහ.

මාර්ග සංඥාවල රතු එළි දැල්වෙමින් තිබියදී ඒ බව නොතැකූ එස්.එස්.පීගේ පුත් නමිඳු රත්නායක පදවාගෙන ආ ඩිෆෙන්ඩරය ට්‍රැෆික් ඕ.අයි.සී. හප්පා නොනවත්වා ධාවනය විය. පසුව එම ඩිෆෙන්ඩරය සොයා ගත්තේ බත්තරමුල්ලේ නිවසක සඟවා තිබියදීය. මේ අනතුර තමා අතින් වූ බව නමිඳු රත්නායක අධිකරණයේ දී පිළි ගත්තේය. පුතා කළ රිය අනතුරට වසර එකහමාරක් ගත වෙද්දී එස්.එස්.පීගේ දුවත් ඉකුත් ඉරු දින (15 වැනිදා) සුඛෝපභෝගී ජීප් රියක් පදවාගෙන ගොස් ඇන ගත්තාය. කොළඹ හතේ හොර්ටන් පෙදෙසෙ නන්දා මෝටර්ස් හි ප්‍රදර්ශනාගරය තුළට ඇය පැද වූ වී එයිට් වර්ගයේ ලෑන්ඩ් කෘෘෂර් රථයක් කඩා වැදී නතර වූයේ ප්‍රදර්ශනාගාරයේ වීදුරු කඩාගෙන ගොස් නවතා තිබූ බෙන්ස් 2019 C 200 වර්ගයේ රථයක ගැටීය. මේ අනතුරට සැකපිට අත්අඩංගුවට ගත්තේ රොෂානි මලිෂා රත්නායක නමැති තරුණියකි.

20 හැවිරිදි ඇය පෞද්ගලික අධ්‍යාපන ආයතනයක උසස් අධ්‍යාපනය ලබමින් සිටින්නීය.

‘‘අම්මයි තාත්තයි එක්ක මම ගිය ඉරිදා කොළඹ මගේ යාළුවෙකුගේ ගෙදරට ආවා ඔන් ලයින් පන්තියකට සහභාගි වෙන්න. මාව ගෙදරට ඇරලවල ඔවුන් යන්න ගියා. ඊට පස්සෙ අපිට පැය භාගයක පමණ විවේකයක් ලැබුණා. මම යාළුවොත් එක්ක කෝපි බොන්න එළියට ගියා. කෝපි බීලා ඉවර වෙලා ආපහු එන්න කුලී රථයක් ඇණවුම් කරලා ඉන්න කොට යාළුවෝ කට්ටිය වෙන් වෙලා ගියා.
මම මගේ යාළුවොන්ට කිව්වා මාව ඇරලවන්න පුළුවන්ද කියලා. ඊට පස්සේ කුලී රථය කැන්සල් කරලා යාළුවගේ ජීප් රථය ළඟට ආවා. මට ඒ වාහනය දැක්කාම ආස හිතුණා. මම ඒ වාහනය හිමි යාළුවා සම්රාස්ගෙන් ඉල්ලුවා මට ඩ්‍රයිව් කරන්න දෙන්න කියලා. මට ඔහු යතුර දුන්නා. තව යාළුවෙක් හිටිය උස්මාන් කියලා. එයා පිටුපස වාඩු වුණා. සම්රාස් ඉස්සරහ සීට් එකේ හිටියා. ඒ වෙලාවේ මගේ වම් අතේ මොබයිල් එක තිබ්බා. මගේ වම් පැත්තෙන් එකපාරටම ලොරියක් වේගයෙන් ඉස්සර කරගෙන ගියා. ඉදිරියෙන් වංගුව තිබුණ නිසා එය ලොකු රවුමක් නිසා ෆෝන් එක බිමට අතහැරල වංගුව ගන්න ගියත් ස්ටිරියන් එක ලොක් වුණා වගේ දැනුණා.

ඉදිරියේ තිබූ ගොඩනැගිල්ල තුළට කඩාගෙන ගිහින් වාහනය නැවතුණා. මගේ යාළුවා සින්ඩි හිටියේ වෙනත් වාහනයක එයත් ඒ වෙලාවේ එතැනට ආවා. මට බය හිතුණා ඒ නිසා මම එතැන වාඩි වෙලා හිටියා. මට ලයිසන් නැහැ කියලා සම්රාස් දන්නෙ නැහැ. ඒ වුණාට මට හොඳට වාහන එළවන්න පුළුවන්’’ ඇය කුරුඳුවත්ත පොලිසියට පවසා ඇත්තේ එසේය. ලයිසන් නැතිව වාහන පැදවීම නීති විරෝධීය. මේ තරුණියගේ එම වරද සමාජ මාධ්‍යවල වැඩියෙන් ඉස්මතු වූයේ ඇගේ පියා ජ්‍යෙෂ්ඨ පොලිස් නිලධාරියෙක් වීම නිසාය. මින් පෙර එම නිලධාරියාගේ පුතාද රට කැලඹූ රිය අනතුරක් කළ අයෙක් වීමය. සමාජ මාධ්‍යවලින් ජ්‍යෙෂ්ඨ පොලිස් අධිකාරිවරයාට චෝදනා කරන්නේ ඔහු දරුවන් හරියට හදාගන්නෙ නැති පියෙක් ලෙසය.
මේ චෝදනාව ගැන අපි නුගේගොඩ කොට්ඨාස භාර ජ්‍යෙෂ්ඨ පොලිස් අධිකාරි ප්‍රදීප් රත්නායකගෙන් ඇසුවෙමු.

‘‘ඕනෑම කෙනෙකුගේ අතින් අනතුරු වෙන්න පුළුවන්. මේ අනතුර විශේෂ වෙන්නේ මම කරන රැකියාව සහ මගේ තනතුර අනුව මෙය මාධ්‍යයට විශේෂයි.

මම කිසිම දිනක මගේ දරුවන්ට වැරැදි කරන්න ඉඩ දීලා නෑ. ඔය සිදුවීම වුණු දිනයේ මම එයාට යාළුවෙක්ගෙ ගෙදර යන්න අවශ්‍යයි කියූ නිසා ගෙනිහින් ඒ ළමයින්ගේ ගෙදර ගිහින් බැස්සුවා. එතැනට පැමිණි එයාලත් එක්ක එකට අධ්‍යාපනය ලබන යාළුවෙක්ගෙ තමයි අනතුර වෙලා තිබෙන ජීප් රිය. දුව වාහනවලට ආසයි. ඒ නිසා තමයි යාළුවගෙන් ඉල්ලගෙන ඩ්‍රයිව් කරලා තියෙන්නේ.

මට සිදුවීම ආරංචි වුණු ගමන් මම පොලිසියට ගිහින් දුවට පහරවල් කිහිපයක් ගැහුවා. ඒ තාත්තා කෙනෙක් හැටියට මට දුව කළ වැඩේ ගැන ඇති වූ කේන්තියට. 2019 අවුරුද්දේ පුතාගේ අතිනුත් අනතුරක් වුණා. ඒ අවස්ථාවේදීත් මමම තමයි පුතාව ගිහින් බම්බලපිටිය පොලිසියට භාර දුන්නේ. එදත් වුණේ වාහනය පදවපු කෙනා මත්පැන් පානය කරලා සිටි නිසා මගේ පුතා තමයි වාහනය අරගෙන ඇවිත් තියෙන්නේ. ඒ වෙලාවේ තමයි බොරැල්ල පොලිසියේ රථ වාහන අංශ ස්ථානාධිපතිගෙ යතුරුපැදිය ගැටිලා අනතුර වුණේ.

ඒ වෙලාවේ තිබුණු පාලන ක්‍රමයත් එක්ක මගේ පුතත් සමග මහින්දානන්ද අලුත්ගමගේ මන්ත්‍රීවරයාගේ දරුවත් සිටි නිසා විවිධ තැන්වලින් බලපෑම් ආවේ මන්ත්‍රීවරයාගේ පුතාගේ නම කියන්න කියන එකයි. මම දරුවන්ට බොරු කියන්න උගන්වල නැහැ. ඒ නිසා පුතා ස්ව කැමැත්තෙන් ඇත්ත පවසා සිටියා. කිසිම විටක මම පොලිසියට බලපෑම් කරලා නැහැ. සමාජ මාධ්‍යවලින් අනතුරට පත් වූ කාර් රථය මගේ කියලා ප්‍රචාරය කරලා තියෙනාව. මට එවැනි මිල අධික වාහනයක් මිලදී ගැනීමට හැකියාවක් නැහැ. වාහනය මගේ කියන එක සම්පූර්ණ අසත්‍ය ප්‍රචාරයක්. මගේ දුව වැරැද්දක් කළා. එය දැන් අධිකරණයේ විභාග වන දෙයක්. අධිකරණයෙන් ලැබෙන ඕනෑම තීන්දුවක් බාර අරගෙන ඉදිරි කටයුතු කරනවා.

මේ වන විට සැකකාර තරුණිය කුරුඳුවත්ත පොලිසියේ රථවාහන අංශ ස්ථානාධිපති පොලිස් පරීක්ෂක සුරාජ් අබේසේකර හා පොලිස් කොස්තාපල් ශිරන්ත (67137) විසින් අධිකරණයට ඉදිරිපත් කරන ලදී. කොළඹ අතිරේක මහෙස්ත්‍රාත් නිරෝෂි කාහිංගල නියෝග කළේ රුපියල් ලක්ෂ දෙකක ශරීර ඇප දෙකක් මත සැකකාර තරුණිය මුදාහරින ලෙසය.
නන්දා මෝටර්ස් ආයතනය පවසන්නේ මේ අනතුරින් දැනට දල වශයෙන් ගණනය කර ඇති අලාභය රුපියල් ලක්ෂ 150කට අධික බව බවය. එම මුදල හරියටම තක්සේරු කිරීමට එම ආයතනය හානි තක්සේරු කිරීමේ ආයතනයට පවරා ඇත.

හේමන්ත ලියනපතිරණ
– aruna

285,603 views

30 Comments to “කොළඹ 07 කාර් සේල් එක කුඩු කල SSP දුවට පොලීසියේදී පහර දෙයි..”

  1. Duminda says:

    ඕක ජාතිකයෙ වරද. ළමයින්ගේ මනසට දාලා තියෙන්නේ තාත්තාගේ ලොකුකම. කවුරු කොහොම කිව්වත් දෙමව්පියෝ ළමයි හදලා තියෙන්නේ සක්කිලි විදිහට

    • Dubba says:

      කොවිඩ් තියන කොට ඔන් ලයින් පන්ති වලට යාලුවෝ සෙට් වෙන එක දඬුවම් කල හැකි වරදක් නේද?
      ඔන් ලයින් පන්ති තියන එකේ තේරුම මොකක්ද?
      තාත්ත ළමයට ඉන්ටනෙට් අරන් දීලා නැතුව ඇති!!!

    • Dilan says:

      වැරැද්ද නිවැරැද්ද කරන්නයි නිවැරැද්ද වැරැද්ද කරන්නයි පුළුවන් කියල හිතන් ඉන්න පත්තර කාරයින්ට කීයක් හරි දුන්නම ඕන එකක් ලියනවා.

      නමුත් මෙතන මෝඩයා අතින් වැරදි සේරම එලි වෙලා.

  2. sena says:

    කොටි ගානක්වටින වාහනයක් තමන්ගෙ මිතුරියකට දෙන්න තරම් ඔය කියන සම් රාස්ලයි උස්මහත්ලාගෙ වගතුගත් සොයාබලන්න ඉහල නිළධාරින්ගෙ දරුවො අල්ලගෙන මත්කුඩු වියාපාරකරන්නත් ත්‍රස්තවාදි ක්‍රියාකරිකරන්නත් මේ දරුවො යොදාගන්න පුලුවන්
    පාස්කු ප්‍රහාරයේ ඉබ් රාහිම්ලාත් මේ මේ වාගේ ප්‍රකොටිපතියොනෙද
    මේ වාගෙ වගකිමක් දරන නිළධාරිනුත් දැනසිගතයුතුයි දරුවො අශ්‍රය පුද්ගලයො කවුරුද කියලා

  3. Susantha says:

    She had used her mobile while driving, another offence other than driving without license

  4. saman says:

    system changed and she will be free and again will get vehicle to kill innocent people as her brother did. good luck sri lanka

  5. උස්මාන්ලා සස්මාන්ලා පදින්න ඉස්සර ගැහුවා නම් හදාගන්න තිබුණා .

    • ක්‍රිමිනල් says:

      උස්මාන්ලා පදින්න ඉස්සර ගැහුවද නැද්ද කියල අපි කොහොමද දන්නෙ?

      • ක්‍රිමිනල් -GE _GANI GE PUK GAHAMU says:

        ක්‍රිමිනල් to ge ganitai, toge maha ekewa padinawa kiyal pakx uda danne nane

  6. Appu says:

    Welthiest people in Srilanka are the Muslims. This is so tragic that it must be investigated how they make so much money!

  7. Love nature says:

    නීතිය කාටත් සාධාරණ සේ ඇතැයි සිතුවද සදාචාරාත්මක ලෙසින් ගත් විට ඵය ඵසේ සිදු නොවේ.

  8. Karuman says:

    Usman is a son of the owner of Casons rent a car business. Nothing wrong in that. But, he should be aware that his friend has a valid license before handing over the key. Therefore, he should take the full responsibly and pay damages to the Nanda Motors.

  9. Kanday says:

    Fact is that bend is extremely dangerous. It’s a poorly planned road. One road coming from Horton Place and the other from Albert Crescent. Nobody knows what to do there. It’s a major traffic hazard. Police and Municipality need to make that intersection safer.

    • Susantha says:

      The fact is she was taking the bend in a un familiar large vehicle with no driving license with her phone in left hand. So she was driving with right hand only !!! What a stupid bitch she is.. Im 100% sure she goes to bathroom also with phone in left hand. Can imagine their dumb mindset. And I cant understand how a school age girl has muslim friends who are Rent-a-car sales owners !! How come a rent company owner become a friend participating in online lectures??

  10. Kanday says:

    Why doesn’t she have a license? She is 20 years old. Maybe the problem is the father did not want her to go for a license, so then she had to go behind father’s back to drive vehicles and this sort of thing happens. They have lots of questions to answer.

Leave a Comment

Main News