කෝටි 8000.. කොමිස් ගැහිල්ලෙන් රටම අඳුරේ..

March 31, 2019 at 4:40 pm | lanka C news
කෝටි 8000.. කොමිස් ගැහිල්ලෙන් රටම අඳුරේ..

පවතින විදුලි අර්බුදය හේතුවෙන් මෙම වසරේදී ලංකා විදුලිබල මණ්ඩලය රුපියල් කෝටි අටදහසක (කෝටි 8000ක) පමණ අලාභයක් ලබනු ඇතැයි ගණනය කර ඇති බව එම ආරංචිමාර්ග සඳහන් කරයි.

නිසි කලට විදුලි බලාගාර ඉදිනොකිරීම පුනර්ජනනීය බලශක්ති ප්‍රභවයන් ප්‍රයෝජනයට නොගැනීම අනාගත විදුලිබල අවශ්‍යතාවයන් නිසි ලෙස ප්‍රතිරෝකථනය නොකිරීම මෙම විදුලි අර්බුදයට මූලිකම හේතුව වී තිබේ.

විදුලි බල ක්‍ෂේත්‍රයේ ක්‍රියාත්මක වන විදුලි මාෆියාව මෙම තත්ත්වයට මූලිකම හේතුව වී ඇතැයි මේ පිළිබඳව අදහස් දක්වන විදුලි සේවක සංගමයේ ප්‍රධාන ‍ලේකම් රන්ජන් ජයලාල් පවසයි.

ඉහත අඩුපාඩු කෘත්‍රිමව ඇතිකර ඒ හරහා පෞද්ගලික බලාගාරවලින් අධික මිල ගණන් යටතේ විදුලිය මිලට ගැනීම මෙම විදුලි මාෆියාවේ කොටසක් වී ඇති බවද මේ පිළිබඳ අදහස් දක්වන ලංකා විදුලිබල මණ්ඩලයේ ඉහළ නිලධාරියෙක් පැවැසීය. මෙසේ ඉහළ මිල ගණන් යටතේ විදුලිය මිලදී ගැනීමේදී නිලධාරීන්ට අධික කොමිස් මුදලක් ලැබෙන බවද එම ආරංචිමාර්ග තවදුරටත් පවසයි.

ලංකා විදුලිබල මණ්ඩල ඉංජිනේරුවන් හා ශ්‍රී ලංකා මහජන උපයෝගීතා කොමිසම අතර පවතින මතගැටුමද පවතින විදුලි අර්බුදයට තවත් හේතුවක් බවද වාර්තාවේ.

විදුලි බලමණ්ඩලයේ ඉංජිනේරුවන්ගෙන් එක්තරා පිරිසක් මෙම විදුලි මාෆියාවන් ක්‍රියාත්මක කරන බව විදුලි සේවක සංගමයේ ප්‍රධාන ‍ලේකම් රන්ජන් ජයලාල් මහතා පවසයි.

මේ අතර මෙම විදුලි අර්බුදය නිසි කාලයට බලාගාර ඉදිනොවීම මිස මාෆියාවක් හේතුවෙන් සිදුවන්නක් නොවන බව විදුලි ඉංජිනේරු සංගමයේ සභාපති සෞම්‍ය කුමාරවඩු සඳහන් කරයි.

කුඩා සූර්ය බලාගාර 1300ක් ඉදිකිරීම සඳහා ඉල්ලුම්පත් 650ක් ලංකා විදුලි බල මණ්ඩලයට යොමු කර වසරක් ගත වුවත් තවමත් ඊට අනුමැතිය ලබාදීමක් පවා සාකච්ඡාවකට හෝ කැඳවා නැතැයි සූර්ය බලශක්ති එකමුතුව සඳහන් කරයි.

විදුලි ක්‍ෂේත්‍රයේ පවතින ගැටලුව හේතුවෙන් ඇතිවූ මෙම පාඩුව නැති කිරීමට විදුලි කප්පාදුව හෝ විදුලි මිල වැඩි කිරීම හෝ කරනු ඇතැයි විදුලි බල මණ්ඩලයේ ප්‍රකාශකයකු කීය.

– lakbima

133 views

6 Comments to “කෝටි 8000.. කොමිස් ගැහිල්ලෙන් රටම අඳුරේ..”

  1. බින්ඳු- අන්කල් says:

    රවි අන්කල් යන හැමතැනම බින්ඳු වැඩිවේ
    මහ බැංකුවෙත් බින්ඳු වැඩිවෙලයි හැංගුවේ
    දුගිය අඳුරේ රවිය හිටියොත් රටම අන්ධවේ
    මේ අපතයෝ කොමිස් ගහල රටම අඳුුරවේ

  2. බයියෙක් says:

    හූ ඇන්පී නේ…….. ඒකෙත් හොදම එකා රවී නේ……….. අයෙ අහන්න දෙයක් නෑ.

  3. බන්ඩා says:

    කොමිස්ග ගැහිලි කතා මෙන්ම මේවත් ජනතාව තේරැම් ගත යුතුය. ගල්අඟුරැ බලාගාර පැය 24 ම විදුලිය නිපදවන අතර සුර්ය බලාගාර මහදවල් පමනක් පැය 6ක් 7ක් වලාකුලු නැතිනම් විදුලිය නිපදවය්.

    ලංකාවේ අධික විදුලිය ඉල්ලුම ඇත්තේ සවස 6:30 සිට රෑ10:00 දක්වා නිසා සූර්ය බලාගාර පරිවාර විදුලි සැපයුමක් මිස පූර්ණ විසදුමක් නොවේ.

    ජල, ගෑස්, ඩීසල් වැනි බලාගාර වලින් කෙටි දැනුම් දීමකින් අවශ්‍ය අවස්ථා වල විදුලිය නිපදවය්. ඉතින් ඕනෑවට වඩා සූර්ය බලාගාර තිබුනොත් දවල්ට අවශ්‍යතාවයට වඩා වැඩි විදුලියක් ඇතිවන අතර රෑට විදුලිය මදි වනු ඇත. ගල්අඟුරැ බලාගාරැ බලාගාර අපට අනවශ්‍ය අවස්ථා වලදී (රෑ10:00 සිට උදේ 5:00) පවා එකම විදුලි ධාරිතාවක් දිගටම නිපදවය්. අවශ්‍ය පරිදි අඩු වැඩි කල නොහැක. ජල විදුලිය ඉතා ලාබ උවත් ජලය භාවිතය ගොවිතැන හා බැදෙන සංකීර්ණ ක්‍රියාවලියකි. මිල අධික උවත් ගෑස් සහ තෙල් බලාගාර අවශ්‍ය පරිදි විදුලිය සපයය්.

    ඉතින් අවම මිලට නොකඩවා විදුලිය සැපයීමට ඉහත සඳහන් සැපයුම් සියල්ල අත්‍යාවශ්‍ය මෙන්ම මනා ලෙස පරිපාලනය කල යුතුය

  4. මහජනයිනි! රට දිනෙන් දිනම අඳුරු අගාදයට, durbhikshayakata තල්ලු වෙනවා.
    අප්‍රමාදව දිනකට වරක්වත්, තම නිදියහනේදී හෝ තමාට අයත් ආගම සිහිකරව්! ගාථා, පිරිත් සජ්ජායන කරව්!

  5. Kaluware Api says:

    Piliganna! Lokaye hondama vidulya kapana amathi hon. Ravi Karananayake.

    • ඩ්‍රැකියුලා says:

      උදාහරණයක්‌ ලෙස මෙම විදුලිබල අර්බුදය නිමා වෙනතුරු අරලියගහ මන්දිරයට ජාතික පද්ධතියෙන් විදුලිය ලබා නොගැනීමටත්, විදුලි ජනන යන්ත්‍ර මඟින් විදුලිය ලබා ගැනීමටත් අපි දැන් තීරණය කර තිබෙනවා. — කොහොමද බැඳුන්කර කැප්ටන්ගෙ ටිකිරි මොලේ?

Main News