ගංගා කිහිපයක් ආශ‍්‍රිතව ගංවතුර අවදානමක්..

May 28, 2020 at 2:24 am | lanka C news
ගංගා කිහිපයක් ආශ‍්‍රිතව ගංවතුර අවදානමක්..

කොවිඩ් 19 ව්‍යසන තත්වය හමුවේ ඉදිරියේ දී ඇතිවිය හැකි මෝසම් වර්ෂාව නිසා ඇති විය හැකි ආපදා වලින් ආරක්ෂාවීම සදහා ජනතාව කටයුතු කළ යුතු ආකාරය පිළිබදව මහජනතාව දැනුවත් කිරීමේ මාධ්‍ය හමුවක් ආපදා කළමනාරකණ මධ්‍යස්ථාන ශ්‍රවනාගාරයේ දී පැවැත්විනි.

පසුගිය කාලය තුළ පැවති වර්ෂාපතනය නිසා ගංගා පෝෂක ප්‍රදේශවල පාංශු ස්ථර ජලයෙන් සංතෘප්ත වී තිබීම සහ ගංගාවල ජල මට්ටම් සැළකිය යුතු මට්ටමකින් ඉහළ ගොස් පැවතීම නිසා  ගංගා ද්‍රෝනි කීපයකට ගංවතුර අවදානම් තත්වයක් ඇතිවිය හැකි බව වාරිමාර්ග දෙපාර්තමේන්තුවේ අධ්‍යක්ෂ එස් පී සී සුගීෂ්වර මහතා මෙම මාධ්‍ය හමුවේ දී පැවසී ය.

ඒ අනුව කැළණි ගඟ, කලු ගඟ, ගිං ගඟ, නිලවලා ගඟ සහ අත්තනගලු ඔය යන ගංගාධාරයට අයත් පහත් බිම් ජලයෙන් යටමේ අවදානම පවතින බවත් ඊට අමතරව මී ඔය, දැදුරු ඔය, මහ ඔය, බෙන්තොට ගග කිරම ඔය සහ ඌරුබොකු ඔය යන ගංගාධාර නිරත දිග මෝසම් වර්ෂාව හේතුවෙන් ජල මට්ටම් වැඩිවීමේ හැකියාවක් පවතින බවත් ඒ මහතා පැවසීය.

මේ පිළිබදව මෙම ගංගාධාරවල පහත්බිම් වල ජීවත් වන ජනතාව විමසිලිමත් විය යුතු බවත් වාරිමාර්ග දෙපාර්තමේන්තුව ආපදා කළමනාකරණ මධ්‍යස්ථානය විසින් ලබාදෙන නිවේදන පිළිදව අවධානය යොමු කලයුතු බවත් ඒ මහතා වැඩි දුරටත් පැවසීය.

– ජනක හදුන්පතිරාජ

4,508 Viewers