ගම්මිරිස් රටින් ගෙන්වන බව ඇමති පිලිගනී.. සහතික මිලක් දෙසතියකින් දෙන බවත් කියයි..

July 15, 2017 at 6:33 am | lanka C news
ගම්මිරිස් රටින් ගෙන්වන බව ඇමති පිලිගනී.. සහතික මිලක් දෙසතියකින් දෙන බවත් කියයි..

සති දෙකක කාලයකදී ගම්මිරිස් සඳහා සහතික මිලක් හඳුන්වා දී රජය හරහා මිල දී ගැනීමේ ක්‍රමයක් හඳුන්වා දෙන බව ප්‍රාථමික කර්මාන්ත ඇමති දයා ගමගේ පවසයි.

නාරාහේන්පිට ප්‍රවෘත්ති දෙපාර්තමේන්තුවේදී අද පැවති මාධ්‍ය හමුවක් අමතමින් ඔහු ඒ බව නිවේදනය කළේය.

ගම්මිරිස් මිල පහත වැටී ඇති බව පවසමින් ඇඹිලිපිටිය පල්ලෙබැද්ද ප්‍රදේශයේදී ගොවීන් පිරිසක් විරෝධතාවක් පැවැත්වීය.

ගොවීන්ට අසාධාරණයක් සිදු වීමට ඉඩ නොතබන බවට සහතික වූ ඇමතිවරයා, විපක්ෂය ජනතාව නොමඟ යවමින් එවැනි උද්ඝෝෂණ සඳහා ඔවුන් පොළඹවා ගන්නා බව පැවසීය.

තවදුරටත් අදහස් දක්වමින් ඔහු කියා සිටියේ, ආයෝජන මණ්ඩලයේ අනුමැතිය යටතේ එක් සමාගමක් වියට්නාමයෙන් ගම්මිරිස් ආනයනය කරන්නේ එහි අගය දාමය වැඩි කොට අපනයනය කිරීමට පමණක් බවයි.

එම සමාගම ගම්මිරිස් ටොන් 500ක් ගෙන්වා, මෙතෙක් ඉන් ටොන් 220ක් අගය දාමය වැඩි කොට අපනයනය කර ඇති බවත්, ආනයනික ගම්මිරිස් මෙරට වෙළෙඳපොලට නිකුත් නොකරන බවත් ඔහු අවධාරණය කර පවසා සිටියේය.

ගම්මිරිස් වගාව ප්‍රචලිත කිරීම සඳහා තම අමාත්‍යංශය යටතේ සාර්ථකව පියවර ගෙන ඇති බවත්, ඒවායේ ප්‍රතිඵල ලෙසින් නිෂ්පාදනය ඉහළ ගොස් ඇති බවත් ගමගේ මහතා කීය.

ඉදිරියේදී, ගම්මිරිස් වෙළෙඳපොල පිළිබඳව ගොවීන්ට නිතිපතා අවබෝධයක් ලබා දෙන බවත් ඔහු වැඩිදුරටත් පැවසීය.

– ජෝර්ජ් ද සිල්වා

114 views

2 Comments to “ගම්මිරිස් රටින් ගෙන්වන බව ඇමති පිලිගනී.. සහතික මිලක් දෙසතියකින් දෙන බවත් කියයි..”

  1. බන්ඩය්යා says:

    ගම්මිරිස් වැල් 2000 කට වැඩිය තියන කොළඹ දිස්ත්‍රික්කයේ එකම වත්ත මගේ කියල මම හිතනවා. ජනාධිපති/අගමැති සහ අැමතිලා කට අැරියොත් කියන්නෙ බොරැ. රටට වැඩක් කරන්න ජහපාලකයො දක්ෂ නැහැ. හොරකම් කරන්නය් සැප කාර් ගන්නය් මැති/අැමතිලට ජරාව කවන්නය් නම් රනිල්/සිිරා හරි දක්‍ෂය්. ජේඅාර් ‘මංත්‍රි ඉල්ලා අස්වීමෙ’ ලිපි වලින් කල දේ ජහපාලනය මැති/අැමතිලට ජරාව කවල කරනවා.

    යහපාලනය රජය නිසා ගම්මිරිස් ඵලදාව වැඩි උනා කියන්නෙ පට්ට පල් බොරැ. එහෙම වෙන්න කොහොමද? අලුත් ගම්මිරිස් වැල් වලින් අස්වැන්න පටන් ගන්න වසර 3ක් යනවා. යහපාලනයට තවම වසර තුනක් නැහැ. ගම්මිරිස් වැල් වල නියම අස්වැන්න ලැබෙන්නෙ වසර 5 කට පසුවය්. දයා ගමගේලගෙ යහපාලනෙන් සත පහක උදව්වක් මේ වෙන තෙක් මට නම් ලැබිල නැහැ. මෙවර ගම්මිරිස් ඵලදාව වැඩි උනේ වෙලාවට වැස්ස සහ වෙනත් හේතු නිසයි.

    බැසිල්/මහින්දගෙ ප්‍රතිපත්ති සහ දක්ෂ ක්‍රියාකාරිත්වය නිසා තමය් රටේ වී අස්වැන්න, දියර කිරි, පොල් ඵලදාව, ගම්මිරිස් අස්වැන්න වැඩි උනේ. 2015ට ඉස්සෙල්ලා රට පෝර කි.50 ක් රැ.1350/-ය් අද රැ.3350/-ය්. අද ගොවියට පෝර ගන්න මුදල් නැහැ. ඉතින් එලවලු මිල වැඩි වෙන එක කියන්නත් දෙයක්ද? බලන්නකො පොල් ඵලදාව අඩු දෙසැම්ඹර් වල පොල් මිල රැ.100/- පනිනවා.

  2. Banda says:

    Maharaajaa ayathanaya katana weak. Anew tharagakari ayathana animals ravage uwamanawata

Main News