ග්‍රෑන්ඩ් ඔරියන්ටල් සිට නොරොච්චෝල දක්වා සියල්ල විකුණයි.. 70 නිදහස සමරන්න රටක් ඉතිරි වෙන්නෙ නෑ..

February 3, 2017 at 3:50 pm | lanka C news
ග්‍රෑන්ඩ් ඔරියන්ටල් සිට නොරොච්චෝල දක්වා සියල්ල විකුණයි.. 70 නිදහස සමරන්න රටක් ඉතිරි වෙන්නෙ නෑ..

නිදහස් දිනයේ අරුත දේශපාලන නායකයන්ට ඒත්තු ගැන්විය යුතු යයි හිටපු ජනාධිපති මහින්ද රාජපක්‍ෂ මහතා පවසයි.

69 වන නිදහස් දිනය වෙනුවෙන් නිකුත් කර ඇති පණිවඩුයේ මේ බවව දැක්වෙයි.

සම්පූර්ණ නිවේදනය මෙහි වේ.

නිදහස් දිනයේ අරුත දේශපාලන නායකයන්ට ඒත්තු ගන්වමු

2017 පෙබරවාරි 04 වන දින ශ්‍රී ලාංකික අපි යටත් විජිත පාලනයෙන් නිදහස ලැබීමේ 69 වන සංවත්සරය සමරන්නෙමු. මේ දිනයේ දී දෙමාපියන්, වැඩිහිටියන් හා ගුරුවරුන් අපට ලැබී ඇති නිදහසේ හා ස්වාධිපත්‍යයයේ අරුත මෙනෙහි කරන ලෙස පාසැල් ළමුන්ට හා තරුණ තරුණියන්ට අවවාද කරනු ලැබේ. නමුත් අද වැදගත් වී ඇත්තේ බාල පරම්පරාවට අපේ නිදහසේ සහ ස්වාධිපත්‍යයේ වැදගත්කම ඒත්තු ගැන්වීම නොව, අපේ දේශපාලන නායකයන්ට අපි ලැබූ නිදහසේ සහ ස්වාධිපත්‍යයයේ වැදගත්කම ඒත්තු ගැන්වීමයි. අපි 69 වන නිදහස් දිනය සමරන්නේ 70 වෙනි සංවත්සරය සැමරීමට රටක් ඉතුරු වී තිබේ දැයි සැකයක් මතු වී ඇති තත්ත්වයක ය.

වර්තමාන දේශපාලන නායකයන් ශ්‍රී ලාංකික රාජ්‍ය කැබලි කර වෙනම පොලිස් සේවාවන්ද සහිත ප්‍රාන්ත රාජ්‍ය ඇති කිරීමට කඩිමුඩියේ සූදානම් වෙන හැටි අපි දකිමු. මෙයට අමතරව 2016 සහ 2017 ජාතික අයවැය තුළින් කොළඹ කොටුවේ ග්‍රෑන්ඩ් ඔරියන්ටල් හෝටලය වැනි කුඩාම ව්‍යාපාරවල සිට අපේ ආණ්ඩුවේ ලොකුම ව්‍යාපෘතිය වූ නොරොච්චෝලේ ගල් අඟුරු බලාගාරය දක්වා රජයට අයත් සියලුම දේපොළ විකුණා දමන්න යෝජනා කර තිබුණි. හම්බන්තොට හා ත්‍රිකුණාමලයේ වරායන් පමණක් නොව ඒ අවට ඇති විශාල භූමි භාගයන් ද විකිණීමට නියම කර ඇත. අපි නිදහස ලබා වසර 69ක් පිරෙන දිනයේ දී අපේ දේශපාලන නායකයන් තමන්ගෙන් ම ඇසිය යුතු ප්‍රශ්නය වන්නේ, අපි යටත් විජිත වාදීන්ගෙන් නිදහස ලැබුවේ ඔවුන් පවා ඉතුරු කර ගිය ඒකීය රාජ්‍ය කැබලි කිරීමට හා රාජ්‍යයට අයත් සියලුම වටිනා දේපොල විදේශිකයන්ට විකිණීමට ද යන්නයි.

මේ නිදහස් දිනයේ දී අපේ තරුණ පරම්පරාවට වඩා අපේ පාලකයන්ට නිදහසෙත්, ස්වාධිපත්‍යයයෙත්, නිවහල්බවෙත්, වැදගත්කම වැටහේවා යැයි ප්‍රාර්ථනා කරමි.

මහින්ද රාජපක්ෂ
ශ්‍රී ලංකාවේ හිටපු ජනාධිපති

53 views

6 Comments to “ග්‍රෑන්ඩ් ඔරියන්ටල් සිට නොරොච්චෝල දක්වා සියල්ල විකුණයි.. 70 නිදහස සමරන්න රටක් ඉතිරි වෙන්නෙ නෑ..”

  1. lion says:

    එජාප රජයක් බලයට ආපු හැම අවස්ථාවකම රටේ සම්පත් විකුණුවා, ප්‍රාග්ධනය හොයන්ඩ. නමුත් එහෙම විකුනල හොයපු ප්‍රාග්ධනයෙන් වැඩක් ගන්ඩ සමත් කමක් එජාපෙට කවදාවත් තිබිල නැහැ. ආණ්ඩුවේ ධූර කාලය ඇතුලෙම ඔවුන් ඒ සල්ලි කබාසීනියා කරලා දැම්මා.

  2. sira says:

    Mulu ratama berida Australian, China hari American kaarayekuta wikunala daanna. Hambayaa allagannawata wadaa hondhayi eeka.

  3. asaranaya says:

    පඹ ගාලේ පැටලුනු මහා පඹයානෙනි , නිගන්ට නිකායෙ පින්ගුත්තරයානෙනි
    මෙය අසව් අසව්!

  4. Lasanthaj says:

    රට හතුරන් අතට පත්වී ඇත. ඔඋන් හැකි ඉක්මනින්-ලහි ලහියේ රට විකුණා දමා, කේන්ද්රීය බල විව්හවය විනාස කර දමා, හරියක්ම පාලනයක් කරගෙත නොහැකි තන්ත්‍රයක් අටවා, ආර්යය සන්ස්කෘතික සාරදර්ම විනාස කර ගෙනයාමක් පෙනේ.

  5. WELL SAID PRESIDENT MAHINDA RAJAPAKSHA AS ALWAYS!!!!!!JAYA JAYA JAYAMA WEWA!!!!! Sinhala mahajanathawa deshapremiyo ALWAYS WITH YOU PRESIDENT MR!!!

  6. Sandya says:

    අති උදාර ප්‍රකාශයකි ජනපති තුමනි. දේශප්‍රේමී ජනතාව ඔබ සමගයි. වර්තමාන පාලකයන්ට මෙය අවබෝධ වේවායි ප්‍රාර්ථනා කරමු. නැවත රට ගොඩ නගන්නට ඔබට අවස්ථාව උදාවේවා. DESAPREMI MAHAJANATHAVA ALWAYS WITH YOU.

Main News