ගෑස්, කිරිපිටි, සිමෙන්ති මොන ප‍්‍රශ්ණද.. කොරෝනාවෙන් මැරෙන්න නොදී බේරගත්ත එක මදිද..

October 10, 2021 at 3:00 pm | lanka C news
ගෑස්, කිරිපිටි, සිමෙන්ති මොන ප‍්‍රශ්ණද.. කොරෝනාවෙන් මැරෙන්න නොදී බේරගත්ත එක මදිද..

සෞභාග්‍යයේ දැක්ම ප්‍රතිපත්ති ප්‍රකාශය අනුව ගෘහ ආර්ථික සහ පෝෂණය වැඩි දියුණු කර පවුල් ඒකක සවිබල ගැන්වීමේ ජාතික වැඩසටහන යටතේ ජලජීවී වගා ව්‍යවසායන් ක්‍රියාත්මක කිරීමේ කුරුණෑගල දිස්ත්‍රික් වැඩසටහන ආණ්ඩු පක්ෂයේ ප්‍රධාන සංවිධායක, මහාමාර්ග අමාත්‍ය ජොන්ස්ටන් ප්‍රනාන්දු මහතාගේ ප්‍රධානත්වයෙන් කුරුණෑගල පළාත් සභා ශ්‍රවණාගාරයේ දී පැවැත්විණි.

මෙම උත්සව අවස්ථාවෙන් පසු මාධ්‍යවේදීන් ඇසූ ප්‍රශ්ණ වලට පිළිතුරු ලබා දුන් ජොන්ස්ටන් ප්‍රනාන්දු අමාත්‍යවරයා.

විපක්ෂ නායක සජිත් ප්‍රේමදාස මහතා තෙමීතෙමී ගොවීන් ලඟට යෑම සම්බන්ධයෙන් රජයේ මතය කුමක් දැයි මාධ්‍යවේදියකු ඇසූ ප්‍රශ්ණයට පිලිතුරු දුන් අමාත්‍යවරයා

විපක්ෂනායකතුමාට ආබාධයක් තියෙනවා . එතුමා උදේට පෙත්ත ගහපු නැති දවසට ගිහිල්ලා කුඹුරට බහිනවා. පාර්ලිමේන්තුව හිටගන්නවා. ඉතින් ඒක අලුත් දෙයක් නෙමෙයි. මේ රටේ මිනිස්සු මැරෙනවා දකින්න කැමති විපක්ෂ නායකවරයෙක් තමයි සජිත් ප්‍රේමදාස. ඒක අපි පිළිගන්න ඕනා දෙයක්. කුඩේ බිමට බා ගෙන ගිහිල්ලා තෙමෙනවා. මිනිස්සු වෙනුවෙන් තෙමන් තෙමෙනවා කියලා පෙන්වන්න තමයි ඒවා කරන්නේ. ඒවා නිකං චිත්‍රපටි ජවනිකා විදියට තමයි අපි දකින්නේ. පොහොර ප්‍රශ්නය ගැන අපි ගොවීන්ට කියනවා කිසිදු අවිශ්වාසයක් තියාගන්න එපා කියලා. පොහොර ප්‍රශ්ණය විසඳීමට අවශ්‍ය කරන වැඩපිළිවෙළට අපි අතගහලා තියෙන්නේ. ඒ වගේම ගොවි මහත්තුරුන්ට කියනවා ගොවිතැන් කරන්න කියලා. ඔවුන්ට ගොවිතැනින් පාඩුවක් සිද්ධ වුනොත් අපේ රජය ඒ පාඩු විඳදරාගෙන වන්දි ගෙවනවා ගොවීන්ට. විපක්ෂය රටේ වෙන මතයක් ගොඩනගන්න හදන්නේ. ඒක නිසා අපි රට වෙනුවෙන් නිවැරදි තීන්දුවක් අරන් තියෙනවා. ඒ නිසා අපේ රජය මේ රටේ ගොවි ජනතාවත් එක්ක එකතුවෙලා මේක අපි අනිවාර්යයෙන්ම ජයග්‍රහණය කරනවා .

කිරිපිටි හිඟය සහ කිරිපිටි මිල පිළිබඳ මාධ්‍යවේදියෙකු නැගූ ප්‍රශ්නයකට පිළිතුරු දුන් අමාත්‍යවරයා

මේ ඔක්කොම තාවකාලික ප්‍රශ්න. කිරිපිටි තාවකාලික ප්‍රශ්නයක්. සිමෙන්ති තාවකාලික ප්‍රශ්නයක්. ගෑස් තාවකාලික ප්‍රශ්නයක්. මේ කොවිඩ් අර්බුදයට මුහුණ දීලා අපි නොමැරී ජීවත් වුණේ එක ඇති. අපි දන්නවා අපේ ඩොලර් සංචිතය අඩුවුණා. ප්‍රශ්න ඇති වුණා. හැබැයි මේ රජය මිනිස්සුන්ට මැරෙන්න ඉඩ දුන්නේ නැහැ. මේ ඔක්කොම තාවකාලික ප්‍රශ්ණ. මිල පාලනය ඉවත් කරලා තියෙන්නේ. ඉදිරි දවස් කිහිපය තුළ දී ඇති වෙන්න කිරිපිටි එයි. ගෑස් එයි. මේ ප්‍රශ්ණ කොවිඩ් නිසා ඇතිවුන තාවකාලිකව ප්‍රශ්න පමණයි

සමගි ජන බලවේගය හතරට පහට කැඩිලා. ඩයනා ගමගේ මන්ත්‍රීතුමිය සමගි ජන බලවේගයට චෝදනා කරනවා යැයි මාධ්‍යවේදියෙකු නැගූ ප්‍රශ්නයකට පිළිතුරු දුන් අමාත්‍යවරයා

ඩයනා ගමගේ මන්ත්‍රීතුමිය විතරක් නෙමෙයි , විපක්ෂ නායකවරයාගේ තියෙන අදක්ෂකම් එතුමගේ නැති පරිණතභාවය පසුගිය ජනාධිපතිවරණ ප්‍රචාරක කටයුතු වලදි අපි දැක්කා. විපක්ෂනායකයාගේ අදක්ෂකම් නිසා විපක්ෂය පිපිරුණා කියන එක අහන්න දෙයක් නෙමෙයි. ඒක නිසා තමයි විපක්ෂය දැන් ඉරිතලලා තියෙන්නේ. මේක සම්පූර්ණයෙන්ම පිපිරෙනවා. ඒ නිසා තමයි එතුමා වැස්සේ ගිහිල්ලා තෙමි තෙමි ගොවි ජනතාව වෙනුවෙන් පෙනී සිටිනවා කියලා මේ ජවනිකාවල යෙදෙන්නේ. ගොවි ජනතාව වෙනුවෙන් පෙනී සිටින්න නෙවෙයි තමන්ගේ විපක්ෂ නායකකම බේරගන්න තමයි සජිත් ප්‍රේමදාස මහත්තයා මේ උත්සහ කරන්නේ. එතුමා ඡන්ද දෙකක්ම පැරදිච්ච විපක්ෂ නායකවරයෙක්.

පළාත් සභා ඡන්දය ළඟ එනවා දැයි මාධ්‍යවේදියෙකු නැගූ ප්‍රශ්නයකට පිළිතුරු දුන් අමාත්‍යවරයා

රටේ ඡන්ද තියන්න ඕනා. ඡන්දයක් තියෙනවා කියන්න රටේ ප්‍රජාතන්ත්‍රවාදය තහවුරු වෙනවා කියන එකයි. ඡන්දයක් ආපුහාම මේගොල්ලන්ගේ තියෙන ඔය කයිවාරු ඔක්කොම නතර වෙනවා. ඡන්දයක් නැති හින්ද තමයි ඔය කෑ ගහන්නේ. දැක්කනේ කොවිඩ් කාලෙත් පාර්ලිමේන්තුව අරින්න කිව්වා. උසාවි ගියා. මීටරයේ දුර තියලා ඡන්දය තිබ්බොත් දවස් තුනක් ඡන්දය තියන්න වෙනවා කිව්වා. අන්තිමේ දී අපිට තුනෙන් දෙකේ බලයක් රටේ ජනතාව ලබා දුන්නා. ඒ නිසා ඡන්ද තියන්න ඕනා.

ගිය සතියේ කොට්ඨාශ වලට මුදල් වෙන් කලා. සමහර ලේකම්වරු මහ ඇමති කමට තරඟ කරන්න සූදානම් වෙනවා යැයි මාධ්‍යවේදියෙකු නැගූ ප්‍රශ්නයකට පිළිතුරු දුන් අමාත්‍යවරයා

කොට්ඨාශ වලට මුදල් වෙන්කිරීම ඡන්දයක් සඳහා නොවෙයි. ග්‍රාමීය ජනතාවගේ යටිතල පහසුකම් සංවර්ධනයට සහ ග්‍රාමීය ජනතාවගේ ආර්ථිකය දියුණු කිරීමට තමයි මුදල් වෙන් කරලා තියෙන්නේ. කවුරුහරි හිතනවනම් එහෙම කලේ ඡන්දේ තියන්නේ කියලා ඒක අමූලික බොරුවක්. අපි ඡන්දෙකට ඕනේ වෙලාවකට ලෑස්ති ආණ්ඩුවක්. අපිට අමුතුවෙන් මුදල් වෙන් කරන්න දෙයක් නෑ. එදා තිබුණ ආර්ථිකය නෙමෙයි අද තිබෙන්නේ. එදා තිබුන ජාතික ආරක්ෂාව නෙමෙයි අද තිබෙන්නේ. ජාතික ආරක්ෂාව තහවුරු කරලා තිබෙනවා. ශක්තිමත් රජයක් ලෙස අතිගරු ජනාධිපතිතුමා රට මෙහෙයවලා තියෙනවා. ඉතින් මේ බංකොලොත් වෙච්ච දේශපාලනඥයෝ, බංකොලොත් වෙච්ච දේශපාලන පක්ෂ, මහජන දේපල හොරා කන්න දීපු දේශපාලන පක්ෂ, මහජන දේපල හොරාකාපු දේශපාලන පක්ෂ, මහ බැංකුව හොරාකාපු දේශපාලන පක්ෂ, මේවා මේ රටේ ජනතාවට අමතක වෙලා නැහැ. රටේ ජනතා බලාගෙන ඉන්නේ අපි මේ කොඩිඩ් වසංගතයෙන් සම්පූර්ණයෙන්ම ජයග්‍රහණය කරලා මේ රට දියුණු රටක් බවට පත් කරන්නේ කවදාදා කියලා. රටේ ජනතාව බලාපොරොත්තු වන ඒ දියුණුව අපිට ගේන්න පුළුවන් වෙයි කියලා අපි සහතිකයක් දෙනවා .

විදුලි බලාගාර ඇමරිකාවට පවරාදීම සම්බන්ධයෙන් මාධ්‍යවේදීයකු ඇසූ ප්‍රශ්නයට පිළිතුරු ලබාදුන් අමාත්‍යවරයා

ඇමරිකාවට කිසිම දෙයක් පවරා දීලා නැහැ. මේ ආයෝජකයෝ. විදුලි බිලේ ගාස්තුව අඩු වෙනවා නම්, දකුණු ආසියාවෙන් වැඩිම විදුලි බිල එන්නේ ලංකාවෙන් නම් එය අඩු වෙනවා නම් ඒක කොච්චර හොඳ දෙයක්ද, මේ අඩු වීම තමයි මෙයාල පෙන්වන්නේ ඇමරිකාවට දුන්නා කියලා. මෙයාලා මේ සරුංගලයක් මවන්නේ. මේ තීන්දුව නිවැරදියි. ජනාධිපතිත්‍රමා ඉතා නිවරදි තීන්දුවක් අරගෙන තියෙන්නේ. අපි මේ මේ අවස්ථාවේදී සතුටු වෙන්න ඕනේ කොඩිඩ් අර්බුදය තිබියදීත් මේ රටට ආයෝජකයන් පැමිණීම සම්බන්ධව. විපක්ෂය කියන්නේ ආයෝජකයන් මේ රටේ මේ ආණ්ඩුව කෙරෙහි විශ්වාසයක් තියන්නේ නැහැ කියලා. නමුත් දැන් අපේ රටට ආයෝජකයන් එනවා. ලෝක බැංකුවෙන් ඩොලර් බිලියන භාගයක ණයක් දුන්නා පාරවල් හදන්න. ඒ නිසා මේ රට ගැන ඔවුන් විශ්වාස කරලයි ඉන්නේ. විපක්ෂය මේ විශ්වාසය ගැන නොපෙන්වා මේ විශ්වාසය පළුදු කරන කතා තමයි විපක්ෂය විසින් ගොඩ නගන්නේ.

මෙම උත්සව අවස්ථාවට විසිතුරු මසුන් , මිරිදිය මත්ස්‍ය හා ඉස්සන් ඇති කිරීම, ධීවර වරාය සංවර්ධන, බහුදින ධීවර කටයුතු හා මත්ස්‍ය අපනයන රාජ්‍ය අමාත්‍ය කංචන විජේසේකර මහතා ඇතුළු කුරුණෑගල දිස්ත්‍රික්කය නියෝජනය කරන පාර්ලිමේන්තු මන්ත්‍රීවරුන් ඇතුළු පිරිසක් සහභාගී වූහ.

මාධ්‍ය ඒකකය
මහාමාර්ග අමාත්‍යාංශ්‍

18,354 views

21 Comments to “ගෑස්, කිරිපිටි, සිමෙන්ති මොන ප‍්‍රශ්ණද.. කොරෝනාවෙන් මැරෙන්න නොදී බේරගත්ත එක මදිද..”

  1. බිත්ති චිත්‍ර ඇදපු බයියා says:

    ප්‍රශ්නයක් තියෙන්නේ චන්දයක් තියන්න බැරි වුන එක .

  2. පැන්ඩෝරා පේපර්ස් says:

    පම්පොරී ජොනී . 😀😀😀

  3. rawan says:

    බාර් ඇරලා දීපු සහයොගය මදිද

  4. බයි ලෝකෙ says:

    ආ….හ් මොනව කියනවද ඇමතිතුමා .. පට්ට හොදේ.. ඔයගොල්ලන්ගෙ බෙහෙත් වලින් රටම සනීපයි. දැන් සැපා…………යි.

  5. LalithM says:

    Thank you Jonnie for entertaining us. We will meet you at the next election. We’ll done.

  6. ඌම්බෑ…..කියන එකෙක්ද මේ…

  7. RED BULL says:

    ඔව්ව මොන ප්‍රශ්ණද​?ගහමු ජොනී වෝකර් එකක්.

  8. පම්පෝරි නන්දේ says:

    උඹ හොඳටම කරපු එකක් තමයි අතුලගෙ දීගෙ කඩලා සමිතට උ⁣ඹගේ අච්චුව දීලා ලංකාවටම හොර අරක්කු බෙදපුඑක…

  9. SAMAN says:

    බාර් ඇරලා දීපු සහයොගය මදිද

  10. sapumal says:

    ජෝනියා ගැන නම් කතා කරලා වැඩක් නැහැ. උබල බේරුනා කොවිඩ් වලින් . එතකොට කොවිඩ් වලින් මැරුණ මිනිස්සු ගැන මොනාද කියන්නේ. ඒ මරණ වලින් 95% ට මේ රජය වග කිව යුතුයි. උබල දැන් මේ රටම විනාශ කරලා ඉවරයි

Main News