ගොවි පුතා රජවෙලා ගොවියා අනාතයි.. රැහේ එකා රජ වෙලා මාධ්‍යවේදීන් ගුටි කනවා..

December 20, 2016 at 6:48 pm | lanka C news
ගොවි පුතා රජවෙලා ගොවියා අනාතයි.. රැහේ එකා රජ වෙලා මාධ්‍යවේදීන් ගුටි කනවා..

කෘෂි ආර්ථිකය බිඳවැටී භාණ්ඩ මිල අහස උසට නැඟ ඇත්තේ නිසි ආර්ථික කළමනාකරණයක් ආණ්ඩුවට නැති නිසා යැයි පාර්ලිමේන්තු මන්ත්‍රි විදුර වික්‍රමනායක මහතා ප්‍රකාශ කරයි.

සාලාවේ විනාශ වුණු ගෙවල් ටික හදාදෙන්න බැරිවුණා. අරණායක නායගිය මිනිස්සුන්ටවත් සහනයක් දෙන්න බැරිවුණු ආණ්ඩුව මුළු රටට සහන දෙන්නේ කෙසේදැයි “මව්බිම” කළ විමසීමකදී වික්‍රමනායක මහතා ප්‍රකාශ කළේය.

‘රටේ ඇති සම්පත් හඳුනා නොගෙන නිසි වැඩපිළිවෙළක් නැතිව රට ගොඩගන්න බැහැ. ලෝක ආර්ථික අවපාතයක් තිබුණු මහින්ද යුගයේ ඇමෙරිකාවටත් බැරි වුණා ඒ පීඩනයෙන් මිදෙන්න. නිසි ආර්ථික කළමනාකරණයක් එදා අපිට තිබුණු නිසා කිසිම අහේනියක් නැතිව අපි ගොඩ ගියා. අද කෘෂිකර්ම ඇමැති කෝටි ගණනක ගොඩනැඟිල්ලක් අරගෙන කුලී ගෙව ගෙවා බදාගෙන ඉන්නවා. ගොවීන්ට සහන සලස්සන්න තියෙන සල්ලිවලින් මෙයා සහන දෙන්නෙ ව්‍යාපාරිකයන්ට. ගොවියෝ හිඟා කනවා. ගොවියෙක් රටේ රජවුණා කිව්වට ගොවියගේ ප්‍රශ්න විසඳලා නැහැ. එයා පත්තරකාරයෙක් කියල රැහේ එවුන්ට සලකනව කීවා. සලකන විදිය පේනවා නේද?’

අද පාර්ලිමේන්තුවේ ඉන්නා ඇතැම් අය දේශපාලන හිඟන්නෝ. බැඳුම්කර වංචාව අතිශය සූක්ෂ්ම විදියට කරපු දෙයක්. මූල්‍ය පාලනය පිළිබඳ මහ එවුන් හොරකම් කරනකොට විදේශ ආයෝජකයෝ මේ රටට එයිද? මේ කරන්නෙ අනුන්ගේ පිටේ නැඟල බලයට ඇවිත් ඒ බලය තහවුරු කර ගන්නා වැඩපිළිවෙළක් මිසක් රටේ දියුණුව නොවේ. ප්‍රශ්නය අනාගතයට භාර දෙනවා.”

– Mawbima

122 views
Main News