ගෝටාභය සමග අවබෝධතා ගිවිසුමකට ශ‍්‍රීලනිපය සූදානම්.. ශ‍්‍රීලනිපයේ පූර්ණ සහාය ගෝටාභයට.. මැතිවරණයට පෙර ගෝටා ඡන්ද ලක්‍ෂ 65 පනී..

August 22, 2019 at 10:32 pm | lanka C news
ගෝටාභය සමග අවබෝධතා ගිවිසුමකට ශ‍්‍රීලනිපය සූදානම්.. ශ‍්‍රීලනිපයේ පූර්ණ සහාය ගෝටාභයට.. මැතිවරණයට පෙර ගෝටා ඡන්ද ලක්‍ෂ 65 පනී..

ශ්‍රී ලංකා පොදුජන පෙරමුණ විසින් නම් කර ඇති ජනාධිපති අපේක්ෂකයා වන හිටපු ආරක්ෂක ලේකම් ගෝඨාභය රාජපක්ෂ මහතා සමඟ ඉදිරි දින කිහිපයේ දී සාකච්ඡා කිරීමට බලාපොරොත්තු වන බව එක්සත් ජනතා නිදහස් සන්ධාන මහ ලේකම් පාර්ලිමේන්තු මන්ත්‍රී මහින්ද අමරවීර මහතා පවසයි.

එම සාකච්ඡා සාර්ථක වුවහොත් ගෝඨාභය රාජපක්ෂ මහතාට ජනාධිපතිවරණයේදී සහයෝගය දීම සදහා සමග අවබෝධතා ගිවිසුමක් අත්සන් කිරීමට බලාපොරොත්තු වන බවද ඔහු පැවසීය.

මේ වන තුරුත් ගෝඨාභය රාජපක්ෂ මහතා පොදුජන පෙරමුණේ සාමාජිකයකු නොවන නිසා ඔහුට ශ්‍රී ලංකා නිදහස් පක්ෂයේ සාමාජිකත්වය ගන්නැයි ආරාධනා කරන බවද ඔහු සඳහන් කළේය.

ජනාධිපතිවරණය සඳහා අපේක්ෂකයන් දෙදෙනෙකු ඉදිරිපත් කිරීමට අදහසක් නැති බවත් ගෝටාභය රාජපක්‍ෂ මහතා සමග සාකච්චාව සුබවාදී ලෙස අවසන් කරන්නට බලාපොරොත්තු වන බවත් කීය.

කෙසේ වෙතත් එම සාකච්ඡා අසාර්ථක වූ ශ්‍රී ලංකා නිදහස් පක්ෂයෙන් අපේක්ෂකයකු ඉදිරිපත් කිරීමට අදහස් කරන බවද ඔහු පැවසීය.

මේ අතර පාර්ලිමේන්තු මන්ත්‍රී එස්.බී. දිසානායක මහතා මාධ්‍ය හමුවක් අමතමින් කියා සිටියේ ශ්‍රී ලංකා නිදහස් පක්ෂයේ පූර්ණ සහයෝගය ජනාධිපති මෛත්‍රීපාල සිරිසේන මහතාගේ ද පූර්ණ කැමැත්ත ඇතිව ගෝඨාභය රාජපක්ෂ මහතා වෙත ලබාදීමට සූදානමින් සිටින බවයි. ශ‍්‍රීලනිප සහයෝගය කිසිසේත්ම සජිත් ප්‍රේමදාසට හෝ අනුර දිසානායකට හෝ රනිල් වික්‍රමසිංහට ලබා දීමේ කිසිදු සූදානමක් නැතැයි ඉතා සතුටින් ප‍්‍රකාශ කරන බවද මන්ත‍්‍රීවරයා කීය.

2018 පෙබරවාරි 10 වැනිදා පැවැත්වූ පලාත් පාලන මැතිවරණයේදී පොදුජන පෙරමුණ ඡුන්ද ලක්‍ෂ 50ක් ලබා ගත් අතර ශ‍්‍රීලනිපය හා සන්ධානය ලක්‍ෂ 15ක පමණ ඡුන්ද ප‍්‍රමාණයක් ලබා ගත්තේය.

ශ‍්‍රීලනිපයෙන් 16ක කණ්ඩායමක් පොහොට්ටුවට එක් වූයේද ඉන් කලකට පසුය.

මෑතකදී එල්ල වූ පාස්කු බෝම්බ ප‍්‍රහාරයද මෙරට ඡුන්ද දායකයා වෙත දැඩි අනාරක්‍ෂිත තත්වයක් මතුකල අතර ආරක්‍ෂාව සහතික කලාපයකට ඔවුන් ඇදී යාමේ විශාල ඉඩක් තිබේ. එම ප‍්‍රහාරය මෙරට කතෝලික ජනතාව මතද විශාල බලපෑමක් කර ඇත.

30,725 Viewers

5 Comments to “ගෝටාභය සමග අවබෝධතා ගිවිසුමකට ශ‍්‍රීලනිපය සූදානම්.. ශ‍්‍රීලනිපයේ පූර්ණ සහාය ගෝටාභයට.. මැතිවරණයට පෙර ගෝටා ඡන්ද ලක්‍ෂ 65 පනී..”

  1. Deshadiyani says:

    Way to go ! Gotabhaya will be the best president ever🙏🙏

    • country man says:

      Deshadiyani
      Way to go ! Gotabhaya will be the best president ever🙏🙏
      THANK YOU VERY MUCH. THIS IS MY DREAM TOO.

  2. Deshadiyani says:

    Srilanka becomes great again 🙏

  3. Ex SLFP says:

    වතුරෙ ගහගෙන යන මිනිහ පිදුරු ගහෙත් එල්ලෙනවලු. මුංට නම් පිදුරු ගහක් නෙවෙයි හොද රූස්ස ගහක් ලැබිල තියෙන්නෙ. හැබැයි මේ මය්ත්‍රි ඇතුලු නඩේ සෙවන දුන් ගහේ අතු සිදලන උන්; කාපු පතේ පහරන උන්; කපන්න බැරි අත ඉඹින උන්. මුන් ඕනැ වැඩේ අරගෙන ඈතටම පන්නල දාන්න ඕනෙ දුර්ජනයො කන්ඩායමක්.

  4. PULATHISI says:

    ශ්‍රී ලංකා නිදහස් පක්‍ෂයේ දැනට සිටින අතලොස්ස ගෝඨාභය රාජපක්‍ෂ මහතා සමග ගිවිසුම් ගහන්න යන්නේ කුමන අරමුණක් සඳහාද? එහි සිටි විචාරශීලින් දැනට නිහඬවී සිටින්නේ ඔවුන් යතාර්ථය දන්නා නිසා විය හැකිය.
    2.මෛත්‍රීපාල සිරිසේන මහතා ජනාධිපති පදවියට පත්වූයේ ශ්‍රී ලංකා නිදහස් පක්‍ෂයේ මහලේකම් ලෙස සිටිමින් ඒ සියල්ල අතහැර ගොස් වෙනත් පක්‍ෂයකිනි.
    3. එහෙත් මහින් ද රාජපක්‍ෂ මහත්මයා නියම මහත්මයෙකු ලෙස ශ්‍රී ලංකා නිදහස් පක්‍ෂයේ සභාපති තනතුර පවා සිරිසේන මහතාට පැවරුවේය.
    4. එහෙත් එතැන් සිට මහින් ද කණ්ඩායම විනාශ කිරීමට බොහෝ දේ කළේය.
    5. එම කෙනෙහිළිකම් සහ ද්‍රෝහී වැඩපිළිවෙළ නිසා ශ්‍රී ලංකා පොදුජන පෙරමුණ බිහිකිරීමට සිදුවූ බව කාටත් ප්‍රකට කරුණකි. එම ජාතික සංවිධානය ද විනාශ කිරීමට විවිධ ආකාරයෙන් පිඹුරුපත් සැකසූයේ අද ගෝඨාභය රාජපක්‍ෂ මහතා සමග ගිවිසුම් අත්සන් කිරීමට කැස කවන අතලොස්ස බව දන්නෝ දනිති.
    6. කිසිදු නීතියක් රීතියක් නොසලකන ආචාර ධර්ම කඩා බිඳ දමන ඔය අතලොස්ස ඇත්ත වශයෙන්ම එ.ජා.ප. විරෝධීන් නම් ගිවිසුම් අවශ්‍ය නොවේ.
    ඍජුවම ගෝඨාභය රාජපක්‍ෂ මහතාට සහයෝගය දිය හැකිය. ගිවිසුම් අවශ්‍ය වන්නේ වංක පුද්ගලයන්ටය. අවංක පුද්ගලයන් පවතින්නේ විශ්වාසය සහ ප්‍රතිපත්ති මතය.
    7.ගෝඨාභය රාජපක්‍ෂ මහතා ආධුනිකයෙකු නොවේ. ම්ව්බිම වෙනුවෙන් ජීවතය පරදුවට තබා රාජපක්‍ෂ පාලනය යටතේ අතිශ්‍රේෂඨ සේවයක් කොට ජාත්‍යන්තර කීර්තියට පත්වූවෙකි. එසේ නම් මේ අතලොස්ස ගිවිසුම් ඉල්ලන්නේ කුමකට ද?
    මහත්මා දේශපාලනයේ ආචාරධර්මවත් ගරු නොකරන අවස්ථාවාදීන්ගෙන් අතිශතින්ම ප්‍රවේශම්වීම ශ්‍රී ලංකා පොදුජන පෙරමුණේ ඉදිරි කටයුතු සඳහා සුභදායක වනු ඇත.

Main News