ග‍්‍රාමීය පාසැල් විවෘත කිරීමට ජනපතිගෙන් උපදෙස්..

May 6, 2020 at 8:40 am | lanka C news
ග‍්‍රාමීය පාසැල් විවෘත කිරීමට ජනපතිගෙන් උපදෙස්..

කොළඹ, කළුතර, ගම්පහ සහ පුත්තලම දිස්ත්‍රික්කවල දෛනික ජන ජිවිතය සහ ආයතනික ක්‍රියාකාරිත්වය මැයි 11 සඳුදා සිට යථා තත්වයට පත් කිරීමට ගෙන ඇති ක්‍රියාමාර්ග ජනාධිපති ගෝඨාභය රාජපක්ෂ මැතිතුමා පුළුල් විමසුමට ලක් කරයි.

සෞඛ්‍ය අමාත්‍යාංශය සහ රජය නියම කර ඇති නිර්දේශයන්ට අනුකූලව රාජ්‍ය පෞද්ගලික දෙඅංශයේ සියලු සේවා ඇරඹීමට පියවර ගත යුතු බව එතුමා පවසයි.

පළාත් ආණ්ඩුකාරවරු සහ කැබිනට් අමාත්‍යාංශ ලේකම්වරු සමග ජනාධිපති කාර්යාලයේ පැවති විශේෂ හමුවේ දී ජනාධිපතිතුමා මේ බව සඳහන් කළේය.

ආයතන ක්‍රියාකාරිත්වය පිළිබද සවිස්තරාත්මක සැලසුම් සෞඛ්‍ය අංශවලට ඉදිරිපත් කරන ලෙස දැනුම් දෙනු ලැබිණ.

පොදු ප්‍රවාහන කටයුතු නියමිත සෞඛ්‍ය ක්‍රමවේද අනුගමනය කරමින් පවත්වාගෙන යාමේ වැදගත්කම ද ජනාධිපතිතුමා අවධාරණය කළේය. කාර්ය මණ්ඩලවලට ප්‍රවාහන සේවා සැපයීමේ දී ඒ ඒ ආයතනවල සුබසාධන සංගම් සමග එක්ව සැලසුම් කිරීමේ හැකියාව එතුමා පෙන්වා දුන්නේය.

ආයතන පවත්වාගෙන යාමේදී සේවක සංඛ්‍යාව තීරණය කිරීම සේවාවන් අඩාල නොවන ආකාරයෙන් සිදු විය යුතුය. ආයතනික ව්‍යුහය අනුව සේවා මුර තීරණය කළහැකිය. සේවයට වාර්තා කිරිමේ වේලාව නියමයක් ලෙස නොගෙන ආයතනික අවශ්‍යතාව මත නිර්ණය කළ යුතුය.

නිවසේ සිට වැඩ කිරීමේ දී ඇතැම් ආයතන පුළුල් පරාසයක සේවා සපයා ඇත. එය ඉදිරියට ගෙන යමින් ඊ-මේල් සහ කෙටි පණිවිඩ භාවිතයෙන් තොරතුරු ලබා ගැනීමටත් ඒවාට පිළිතුරු ලබාදීමටත් ඊට නෛතික භාවයක් දෙන ලෙසත් ජනාධිපතිතුමා අමාත්‍යාංශ ලේකම්වරුන්ට උපදෙස් දුන්නේය.

හැඳුනුම්පත්, ගුවන් ගමන් බලපත් සහ මෝටර් රථ ප්‍රවාහන දෙපාර්තමේන්තුවේ ඉදිරි කාර්යයන් ද සාකච්ඡාවට ලක් කෙරිණි.

කලාප අධ්‍යාපන අධ්‍යක්ෂවරුන්ගේ නිර්දේශ මත ග්‍රාමීය ප්‍රදේශවල තෝරාගත් පාසල් විවෘත කිරීමේ හැකියාව සොයා බැලීමට ද තීරණය කෙරිණ. එහිදී ජලය, සනීපාරක්ෂක පහසුකම් සහ සෞඛ්‍ය ආශ්‍රිත ගැටලු කෙරෙහි විශේෂ අවධානය යොමු කළ යුතුය.

විදුලි, ජල, වාරිමාර්ග, කෘෂිකර්ම. වැව් අමුණු පිළිසකර කිරීම්, ගොඩනැගිලි ඉදිකිරීම් වැනි සංවර්ධන වැඩ සෙසු දිස්ත්‍රික්කවල දැනටමත් පටන් ගෙන ඇත. මැයි 11 දා සිට ජන ජිවිතය යථා තත්ත්වයට පත් කෙරෙන දිස්ත්‍රික්කවල ද සංවර්ධන මෙහෙයුම් ඇරඹිය හැකිය. වැඩබිම් සහ ආයතන මහජන සෞඛ්‍ය පරීක්ෂකවරුන්ගේ ඝෘජු අධීක්ෂණයට ලක් කිරීමට ද තීරණය විය.

මී උණ සහ ඩෙංගු වැනි රෝග ආශ්‍රිතව ඉදිරියේ දී පැන නැගිය හැකි සෞඛ්‍ය ගැටලු ගැන දැඩි අවධානය යොමු කරන්නැයි ජනාධිපතිතුමා දැනුම් දුන්නේය.

අග්‍රාමාත්‍ය මහින්ද රාජපක්ෂ මැතිතුමා, ජනාධිපති කාර්ය සාධක බලකායේ ප්‍රධානී බැසිල් රාජපක්ෂ, ජනාධිපති ලේකම් පී.බී. ජයසුන්දර, ජනාධිපති ප්‍රධාන උපදේශක ලලිත් වීරතුංග, අග්‍රාමාත්‍ය ලේකම් ගාමිණි සෙනරත් යන මහත්වරු ද සාකච්ඡාවට එක්ව සිටියහ.

– ජනාධිපති මාධ්‍ය අංශය

225 views

9 Comments to “ග‍්‍රාමීය පාසැල් විවෘත කිරීමට ජනපතිගෙන් උපදෙස්..”

  1. වයිරස් මුදියන්සේලාගේ කෝවිඩ් says:

    පහුගිය දිනවල පැලෙන්න පෑව්වා.. පායන කාලේ තමා හොඳම වැව් අමුණු පිළිසකර කරන්න.
    ඒත් කොරෝනා නිසා ඇති වූ තත්වය හේතුවෙන් ඒ දේවල් කරන්න බැරි වුනා.
    දැන් වහින්න පටන් ගන්නවා. හැකි තරමකින් හෝ මෙහෙම පිළිසකර කරන්න තීරණය කල එක හොඳයි.

    • වයිරස් මුදියන්සේලාගේ කෝවිඩ් says:

      බොහෝ රජයේ ගොවිපලවල්වල , නගර ආසන්නයෙන් දුරස්ව පිහිටි රජයේ ආයතවල භූමි නිරපරාදේ වල් වැදිලා තියෙනවා..
      ඒ වගේම බොහෝ පෞද්ගලික ඉඩම් ( අක්කර 5 ට පමණ වඩා වැඩි ) කිසිම ප්‍රයෝජනයක් නොගෙන තියෙනවා.” මේවා වගාව වෙනුවෙන් බලෙන් හරි යොමුකරන්න ඕනෑ “. මඤ්ඤොක්කා හිටෙව්වත් මාස 7-8 කින් ලෝක වෙළඳපලට මෙට්‍රික් ටොන් බරගානක් යවන්න පුළුවනි. වහාම හාලා තල, කුරක්කන් හරි ඉහින්න කියලා නීතියක් ගේන්න ඕනෑ.මාස් කන්නෙ නිසා වැස්සත් ලැබේවි.

    • වයිරස් මුදියන්සේලාගේ කෝවිඩ් says:

      ” ඉඩම් හිස්ව තියාගෙන කිසිවක් වගා නොකරන්නා රටට ජාතියට බරක් වූ වසලයෙකි “

  2. Anti Corona says:

    එය ඉතා හොඳ වැඩක්..කොහොම උනත්, ඇඳිරි නීතිය කඩපු අති බහුතරය රජයේ වැඩපිලිවෙලේ දුර්වලකම හේතුවෙං සාධාරණ හේතු මත, තම සිවිල් අත්යවශ්යතා ඉටු කර ගැනීමට සිදු කර ඇති බව නිසැකයි…මේ ඇඳිරි නීතිය කඩපු මිනිස්සු වෙනුවෙං පොලිස් රජය වග කිව යුතුයි…ඔවුන්ට රජය වන්දි ගෙවිය යුතුයි….

    • මහනුවර අක්‍රම් says:

      බොහොම හොඳ යෝජනාවක්, හැබැයි ලොකු වැඩක් ඉතිං…… ඉස්සෙල්ලා උඹලා වගේ එවුන්ගේ දේපල රාජසන්තක කරන්න ඕනෑ….. ඊට පස්සෙ ඒවා වෙන්දේසි කරලා විකුණන්න ඕනෑ ….. ඒකට කාලයක් යනවා … ඊට පස්සෙ තමයි ඉතිං ගෙවන්න වෙන්නෙ … ඉවසලා හිටහං!

    • Dilan says:

      Aniwaa ekenma agree 100% k

    • සිංහල ලේ says:

      අනිවාර්යයෙන්ම මේ වගේ කුහක කථා කියන අපතයො තමයි කොරෝනා වලටත් කලින් සමාජයෙන් ඉවත් කරන්න ඕන…

  3. Donald Isuru Boris Wilegoda says:

    Great leader!

  4. Kevin says:

    ඉතා හොද දෙයක්..