ඞී.එස්. සේනානායක වගේ නෑ.. අද සමහරු ජාතිවාදය අවුස්සනවා.. – රාජිත කාටදෝ නොකියා කියයි..

October 27, 2016 at 8:40 am | lanka C news
ඞී.එස්. සේනානායක වගේ නෑ.. අද සමහරු ජාතිවාදය අවුස්සනවා.. – රාජිත කාටදෝ නොකියා කියයි..

ශ‍්‍රී ලංකාෙවි ප‍්‍රථම අග‍්‍රාමාත්‍ය ඞී.එස් සේනානායක මහතාගේ උපහාර උත්සවයක් සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප‍්‍රධානත්වයෙන් මාලඹෙි රාහුල බාලිකා විද්‍යාලයේ දී පසුගියදා පැවැත්විනි.

උපහාර උත්සවය ආරම්භ වුයේ මහාමාන්‍ය ඞී.එස් සේනානායක මහතාගේ ඡුායාරූපයකට සෞඛ්‍ය අමාත්‍යවරයා විසින් පුෂ්පෝහාර දැක්වීමෙන් අනතුරුවයි.

මෙහිදී අදහස් දැක්වූ සෞඛ්‍ය අමාත්‍යවරයා

‘ඞී.එස් සේනානායක මහතා පිළිබදව වර්තමාන දරු දැරියන් දැනගත යුතුයි. ඔහු යුරෝපීය ඇදුම් ඇන්දත්, සිංහලකම තිබුනේ හදවතේ සහ ක‍්‍රියාවලියේයි. මින්නේරිය ව්‍යාපාරය, ගල්ඔය ව්‍යාපාරය වැනි ගොවි ජනපද ආරම්භ කරමින් ප‍්‍රභූ පැලැන්තියට නොව අහිංසක ජනතාව වෙනුවෙන් ඞී.එස් සේනානානයක මහතා උදාර මෙහෙවරක් ඉටු කළා. ජාතික නිදහස් අරගලයට ද හඩ පෙවූ එතුමා අමද්‍යප ව්‍යාපාරය ක‍්‍රියාත්මක කර මධ්‍යසාර තුරන් කිරිම සදහා ද වැඩපිළිවෙලක් දියත් කළා. ඉංග‍්‍රීසි ආණ්ඩුකාර සොල්බරි සාමි මවිතයට පත් කරමින් පුර්ණ නිදහස ලබාගැනීමට සේනානායක මහතා කැපවීමෙන් කටයුතු කළා. ජාතිවාදය, ආගම්වාදයෙන් තොර වූ ඔහු ජනතාවගේ හිත් තලා නිදහස ලබාගැනීමට කටයුතු කළේ නැහැ. එහෙත් වර්තමානයේ ඇතැමුන් ජාතිවාදය ඇවිලීමට උත්සාහ කරනවා. ඩි.එස් සේනානායක මහතා ශ‍්‍රී ලංකාෙවි වාරි කර්මාන්තය දියුණු කිරීම ද කැප වී කටයුතු කළා. ශ‍්‍රී ලාංකිකයින්ට ඉඩම් අයිතිය ලබාදීමට ද කටයුතු කළ ඞී.එස් සේනානායක මහතාගේ ඉඩම් ප‍්‍රතිපත්තිය ක‍්‍රියාත්මක කළේ නම් ඉඩම් ප‍්‍රශ්නයට විසදුමක් ලැබෙන බව මම මෙහිදී ප‍්‍රකාශ කිරීමට කැමැතියි’

– නිපුන් ඒකනායක

40 views
Main News