චක‍්‍රලේඛයක් නිසා වැඩිහිටි සහ ළමා නිවාසවලට දාන නොලැබෙන තත්ත්වයක්…

March 29, 2021 at 2:30 am | lanka C news
චක‍්‍රලේඛයක් නිසා වැඩිහිටි සහ ළමා නිවාසවලට දාන නොලැබෙන තත්ත්වයක්…

දකුණු පළාත් සමාජ සේවා කොමසාරිස්තුමා විසින් නිකුත් කළ චක්‍රලේඛයක් හේතුවෙන් දකුණේ වැඩිහිටි සහ ළමා නිවාසවලට දාන නොලැබෙන තත්ත්වයක් උදා වී ඇතැයි එම ළමා නිවාස වලට සම්බන්ධ ආරංචි මාර්ග සදහන් කරයි.

රටේ පවතින කොරෝනා වසංගතය නිසා මෙම නිවාසවලට දානය දීමට එන පිරිස ඇතුල්කර නොගන්නා ලෙස එම චක්‍රලේඛනයෙන් දන්වා තිබේ. සෑම නිවාසයකම ගේට්ටුවලට ඉබි යතුරු දමා වසාගෙන තිබෙන අතර දානය දෙන උදවියට දානය ගෙනැවිත් ගේට්ටුව ළඟට දී යාමට සිදු වී ඇත. ඇතැම් දෙනාට නිවාස ඇතුළට පැමිණ තමන්ගේ අතින්ම වැඩිහිටියන්ට හා ළමුන්ට දානය  පිළිගන්වා ඒ අයගේ මුවින් සිය ඥාතීන්ට පින් අනුමෝදන් කරවා ගැනීමට තිබූ අවස්ථාව මේ මගින් ඇහිරී තිබීම හේතුවෙන් දානය දීමට බොහෝ දෙනා මැලිකමක් දක්වන බවද කියති.

මේ නිසා ඇතැම් වැඩිහිටි නිවාසවලට සමහර දිනවලදී දවස පුරාම දානය නොලැබෙන  අතර දාන වේල එක දෙක නැති අවස්ථා වැඩි ප්‍රමාණයක් තිබෙන බවද ළමා හා වැඩිහිටි නිවාස වලින් දැනගන්නට ඇත.

මේ පිළිබඳව දකුණු පළාත් සමාජ සේවා කොමසාරිස් මහේෂ් රාජිත කරුණානායක මහතාගෙන් විමසූ විට මෙසේ කීය.

පසුගිය දවස්වල වැඩිහිටි නිවාසයකට කොරෝනා රෝගය වැළඳී තිබුණා. නිවාසවල සිටින අසරණ වැඩිහිටියන් සහ දරුවන් රැකගැනීමේ චේතනාවෙන් මේ චක්‍රලේඛය නිකුත් කළේ. නිරෝධායන පනත හා සෞඛ්‍ය පනත ඉතා බලවත් එකක්. ඒ පනතට අනුවයි අපට වැඩකරන්න සිදුවී තිබෙන්නේ.  කොවිඩ් එන්නත ඉක්මනින්ම දකුණේ වැඩිහිටි නිවාසවලට හා ළමා නිවාසවලට ලබාදෙන ලෙස ඉල්ලා තිබෙනවා. එය ඉක්මනින්ම ලැබේවි. දාන වේලක් දෙකක් නැති වූණා කියල කවුරුවත් මැරෙන්නේ නැහැ. නමුත් කොරෝනා රෝගය වැළඳුණොත් වැඩිහිටියන්ගේ ජීවිත නැතිවෙන්න පුඵවන්. එවිට කිසිම කෙනෙක් දානය දෙන්න තියා නිවාස දෙස බලන්නෙවත් නැතිවේවි. දානය දෙන පින්වතුන් පවා පවතින මේ වසංගත තත්ත්වය තේරුම් ගෙන ක්‍රියාකරනවානම් හොඳයි. මේ පිළිබඳව කිහිප දෙනෙක් තමාගෙන් විමසා  සිටියා. මම ඒ අයටත් කරුණු පැහැදිලි කරදුන්නා. ඉදිරියේදී සමාජ සේවා නිලධාරීන් මගින් මෙම නිවාසවල වාර්තාවක් ගෙන්වාගෙන සුදුසු ක්‍රියාමාර්ගයක් ගන්නා බවද කීය.

– ජයකාන්ත ලියනගේ

14,321 views

6 Comments to “චක‍්‍රලේඛයක් නිසා වැඩිහිටි සහ ළමා නිවාසවලට දාන නොලැබෙන තත්ත්වයක්…”

  1. Soldier says:

    This same thing happened to me, when I wanted to give a dinner with DJ musical evening to the war heros at Mihindu Meth Sewana at Aththidiya. Few days before the reserved date, incharge of the center informed me the same restrictions and I cancelled the dinner due to I was dissapointed.

  2. බ්‍රාහ්මණ පුක්කුසාති says:

    // දාන වේලක් දෙකක් නැති වූණා කියල කවුරුවත් මැරෙන්නේ නැහැ. // මේ බව දැන් ඉන්න ඇතැම් සාධුලට තේරුම් ගන්න බැහැ

  3. මෙත්තා says:

    අනේ මෙහෙමත් මෝඩ බෞද්ධයින්. මෙත්තා කරුණා නෙවෙයි මූළික වෙන්නේ, පිං කෑදර කම. දානය කියන්නේ ගණුදෙනුවක් නෙවෙයි, දීමක්, අතහැරීමක්. ඕනෑම කර්මයකට විපාක තියෙනවා, ලබන්නා පිං වේවා කියලා කටින් කිව්වත් නැතත්.

    • පිං පෙරේත says:

      ඔබ හරියට හරි, බුදුන් වහන්සේ දෙසුවේ “චේතනාව කර්මය වේ” යනුවෙන්. හිත පිරිසිදුව දන් දෙන්නේ නැතිව ආත්මාර්ථයෙන්, පිං තණ්හාවෙන් හිත කිළිටි කරගෙන මේ අය.

  4. මහේෂ් රාජිත කරුණානායක says:

    මම දකුණු පළාත සමාජ සුබසාධන ,පරිවාස හා ළමාරක්ෂක සේවා දෙපාර්තමේන්තුවේ , පළාත් කොමසාරිස්. මහේෂ් රාජිත කරුණානායක වෙමි.
    1) ඉහත ප්‍රවෘත්තියේ පරිදි දාන නොමැති කමින් වැඩිහිටියන් මිය නොයන බව මාවිසින් ප්‍රකාශ කර නොමැති බව කාරුණිකව දන්වමි.
    2) වැඩිහිටි නිවාසවලට අවශ්‍ය වියලි ආහාර ද්‍රව්‍ය සමාජ සුබසාධන දෙපාර්තමේන්තුව හා පරිත්‍යාගශිලින් මගින් ලබාදිම සිදුවේ.
    3) ළමා නිවාස සදහා මෙවැනි කිසිදු තත්ත්ව නොමැති බව දන්වා සිටිමි.
    4) තවද පින්දිම , දානය හා සෞඛ්‍ය සම්බන්ධ ජිවිතය පිලිබද බුද්ධ්මත්ව සලකා බැලිය යුතු කාලයක් වන අතර පින් දිම මගින් අසරන වු අනාථවු මිනිසුන්ගේ පෞර්ෂය පිළිබදව අප නැවත සිතිය යුතුය

  5. kk says:

    ඇතුලට යන්න නොදීම හරි. මෙවැනි තැනකට දානය දිය යුත්තේ ලබන්නා කෙරේ ඇති අනුකම්පාවෙන් විය යුතුයි. නමුත් අවාසනාවකට බොහෝ අය දන් දෙන්නේ තමා ගැන හිතලා.
    අනික මෙහෙම නීතියක් ගේන්නේ නැතුව කොරෝනා හැදුනොත්, ඒත් මේ සෙට් එක බනින්නේ බලධාරීන්ටමයි.

Main News