චූදිතයාම තමන්ගේ නඩුව අසාගෙන තීන්දුවත් දෙයි.. පරීක්‍ෂණ, විමර්ෂණ කිසිත් නෑ..
September 27, 2016 at 10:00 am | lanka C news
කොලඹ දිස්ත‍්‍රික්කයේ ජනාධිපති විශේෂ ව්‍යාපෘති අධ්‍යක්‍ෂකවරයෙකු ලෙස පත් කර ඒ සදහා ජනාධිපති කාර්යලයෙන් වාහනයක් ලබා දීම කිසිසේත්ම පොදු දේපල අවභාවිතයක් නොවන බව බස්නාහිර පළාත් සභා මන්ත‍්‍රී නිශාන්ත ශ්රී වර්ණසිංහ මහතා පවසයි.
වාහනයක් ලබා දෙන ලෙස ජනාධිපති ලේකම් කාර්යාලය විසින් අදාල ලිපිය මහානගර හා බස්නාහිර සංවර්ධන අමාත්‍යංශයට යොමු කර ඇත්තේ ජනාධිපති කාර්යාලයේ වාහන හිගයක් ඇති නිසා බවද පවසන මන්ත‍්‍රී වර්ණසිංහ මෙය කිසිසේත්ම නීති විරෝධී තත්වයක් නොවන බවද සදහන් කරයි.
කෙසේ වෙතත් මේ පිලිබද අදහස් පල කරමින් ඒකාබද්ද විපක්‍ෂයේ ප‍්‍රකාශකයෙකු කියා සිටියේ ගිය රජය සමයේ මේ හා සමානම චෝදනා එල්ල වූ විපක්‍ෂ දේශපාලඥයින් රිමාන්ඞ් කර තවත් අයට පරීක්‍ෂණ කරමින් පැවතෙද්දී වත්මන් ආණ්ඩුවේ දේශපාලඥයෙකුට එම චෝදනාවම එල්ල වූ විට පරීක්‍ෂණ ප‍්‍රශ්ණ කිරීම් කිසිත් නැතිව චූදිතයා විසින්ම නඩුව අසා තීන්දුවද දීම පුදුම සහගත බවයි.
